ਲਾਗੋ ਪੇ ਉਲਾਸ- ਦੁਨੀਆ ਭਰ ਵਿਚ ਕੋਰੋਨਾਵਾਇਰਸ ਕਾਰਣ ਲੋਕਾਂ ਨੂੰ ਭਾਰੀ ਆਫਤ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਸ ਵਿਚਾਲੇ ਚਿਲੀ ਵਿਚ ਇਤਿਹਾਸਿਕ ਰੂਪ ਨਾਲ ਨਦੀਆਂ ਦੇ ਘੱਟ ਵਹਾਅ ਤੇ ਤਲਾਬਾਂ ਦੇ ਸੁੱਕਣ ਕਾਰਣ ਮੱਧ ਚਿਲੀ ਵਿਚ ਲੋਕਾਂ ਦੀਆਂ ਮੁਸ਼ਕਿਲਾਂ ਹੋਰ ਵਧ ਗਈਆਂ ਹਨ। ਚਿਲੀ ਫਿਲਹਾਲ ਕੋਰੋਨਾ ਸੰਕਟ ਨਾਲ ਲੜ ਰਿਹਾ ਹੈ। ਸਾਲਾਂ ਤੋਂ ਕੁਦਰਤੀ ਸੰਸਾਧਨਾਂ ਦੇ ਸ਼ੋਸ਼ਣ ਕਾਰਣ ਦੇਸ਼ ਦੇ ਇਸ ਹਿੱਸੇ ਦੇ ਵਧੇਰੇ ਤਲਾਬ ਸੁੱਕਣ ਕੰਢੇ ਹਨ।
ਚਿਲੀ ਵਿਚ ਹੁਣ ਤੱਕ ਕੋਰੋਨਾਵਾਇਰਸ ਦੇ 3700 ਤੋਂ ਵਧੇਰੇ ਮਾਮਲੇ ਸਾਹਮਣੇ ਆ ਚੁੱਕੇ ਹਨ, ਉਥੇ ਹੀ ਇਸ ਨਾਲ 22 ਲੋਕਾਂ ਦੀ ਮੌਤ ਵੀ ਹੋਈ ਹੈ। ਪਾਣੀ, ਧਰਤੀ ਤੇ ਵਾਤਾਵਰਣ ਦੀ ਸੁਰੱਖਿਆ ਦੇ ਲਈ ਅੰਦੋਲਨ ਦੇ ਬੁਲਾਰੇ ਨੇ ਏ.ਐਫ.ਪੀ. ਨੂੰ ਦੱਸਿਆ ਕਿ ਚਿਲੀ ਵਿਚ ਤਕਰੀਬਨ 4 ਲੱਖ ਪਰਿਵਾਰ ਤੇ ਤਕਰੀਬਨ 15 ਲੱਖ ਲੋਕ ਹਨ, ਜਿਹਨਾਂ ਨੂੰ ਇਕ ਦਿਨ ਵਿਚ 50 ਲੀਟਰ ਪਾਣੀ ਦੀ ਸਪਲਾਈ ਕੀਤੀ ਜਾਂਦੀ ਹੈ, ਜੋ ਕਿ ਟੈਂਕਰਾਂ 'ਤੇ ਨਿਰਭਰ ਹੈ।
ਕੋਰੋਨਾਵਾਇਰਸ ਖਿਲਾਫ ਲੜਾਈ ਵਿਚ ਸਭ ਤੋਂ ਜ਼ਰੂਰੀ ਸਲਾਹ ਵਿਚ ਲਗਾਤਾਰ ਹੱਥ ਧੋਣਾ ਸ਼ਾਮਲ ਹੈ। ਅਜਿਹੇ ਵਿਚ ਚਿਲੀ ਵਿਚ ਪਾਣੀ ਦਾ ਸੰਕਟ ਵਧਿਆ ਹੈ। ਵਾਲਪਰਾਈਸੋ ਦੇ ਸਮੁੰਦਰੀ ਕਿਨਾਰੇ ਦੀ ਤਕਰੀਬਨ 22 ਹਜ਼ਾਰ ਦੀ ਆਬਾਦੀ ਵਾਲੇ ਸ਼ਹਿਰ ਅਲ ਮੇਲਨ ਦੇ ਨੇੜੇ ਪਹਾੜੀਆਂ ਵਿਚੋਂ ਇਕ 'ਤੇ ਆਪਣੇ ਬੱਚਿਆਂ ਨਾਲ ਰਹਿਣ ਵਾਲੀ ਡਿਲਮਾ ਕੈਸਟਿਲਾ ਨੇ ਕਿਹਾ ਕਿ ਪਾਣੀ ਤੋਂ ਬਿਨਾਂ ਜ਼ਿੰਦਗੀ ਭਿਆਨਕ ਹੈ।
ਸੈਂਟਿਆਗੋ ਖੇਤਰ ਤੇ ਵਾਲਪਾਰਾਸਿਯੋ ਵਿਚ ਪਿਛਲੇ ਸਾਲ ਲਗਭਗ 80 ਫੀਸਦੀ ਘੱਟ ਵਰਖਾ ਰਿਕਾਰਡ ਕੀਤੀ ਗਈ ਸੀ। ਕੋਕਵਿੰਬੋ ਦੇ ਉੱਤਰੀ ਖੇਤਰ ਵਿਚ ਇਹ 90 ਫੀਸਦੀ ਤੋਂ ਹੇਠਾਂ ਹੈ। ਪਾਣੀ ਦੇ ਟੈਂਕਰ ਕਈ ਘਰਾਂ ਵਿਚ ਸਪਲਾਈ ਦਿੰਦੇ ਹਨ, ਜਿਹਨਾਂ ਦੇ ਨਿਵਾਸੀ ਡਰੱਮ ਭਰਨ ਲਈ ਬਾਹਰ ਆਉਂਦੇ ਹਨ।
ਸਿਡਨੀ 'ਚ ਕੋਰੋਨਾ ਵਾਇਰਸ ਦੇ ਟੈਸਟ ਲਈ ਖੁੱਲ੍ਹਣਗੇ ਡਰਾਇਵ ਥਰੂ ਚੈੱਕਅਪ ਸੈਂਟਰ
NEXT STORY