ਬੀਜਿੰਗ: ਹਾਲ ਹੀ ਵਿਚ ਚੀਨ ਵਿੱਚ ਸੋਨੇ ਦਾ ਇੱਕ ਹੋਰ ਮਹੱਤਵਪੂਰਨ ਭੰਡਾਰ ਮਿਲਿਆ ਹੈ। ਕੁਦਰਤੀ ਸਰੋਤ ਮੰਤਰਾਲੇ ਨੇ ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਉਸਦੇ ਭੂ-ਵਿਗਿਆਨਕ ਸਰਵੇਖਣ ਨੇ ਹਾਲ ਹੀ ਵਿੱਚ ਉੱਤਰ-ਪੱਛਮੀ ਚੀਨ ਦੇ ਗਾਂਸੂ ਪ੍ਰਾਂਤ, ਉੱਤਰੀ ਚੀਨ ਦੇ ਅੰਦਰੂਨੀ ਮੰਗੋਲੀਆ ਆਟੋਨੋਮਸ ਖੇਤਰ ਅਤੇ ਉੱਤਰ-ਪੂਰਬੀ ਚੀਨ ਦੇ ਹੇਲੋਂਗਜਿਆਂਗ ਪ੍ਰਾਂਤ ਵਿੱਚ ਸੋਨੇ ਦੇ ਭੰਡਾਰ ਲੱਭੇ ਹਨ। ਚੀਨੀ ਵੈੱਬਸਾਈਟ ਗਲੋਬਲ ਟਾਈਮਜ਼ ਦੀ ਰਿਪੋਰਟ ਅਨੁਸਾਰ ਨਵੇਂ ਖੋਜੇ ਗਏ ਸੋਨੇ ਦੇ ਸਰੋਤਾਂ ਦੀ ਕੁੱਲ ਮਾਤਰਾ 168 ਟਨ ਹੈ। ਇਸ ਵਿਚ ਸਭ ਤੋਂ ਵੱਧ ਸੋਨੇ ਦਾ ਭੰਡਾਰ ਗਾਂਸੂ ਵਿੱਚ 102.4 ਟਨ ਹੈ, ਜਿਸਨੂੰ ਇੱਕ ਬਹੁਤ ਵੱਡਾ ਭੰਡਾਰ ਮੰਨਿਆ ਜਾਂਦਾ ਹੈ।
ਪਿਛਲੇ ਸਾਲ ਨਵੰਬਰ ਵਿੱਚ ਚੀਨ ਦੇ ਹੁਨਾਨ ਸੂਬੇ ਵਿੱਚ ਦੁਨੀਆ ਦਾ ਸਭ ਤੋਂ ਵੱਡਾ ਸੋਨੇ ਦਾ ਭੰਡਾਰ ਲੱਭਿਆ ਗਿਆ ਸੀ। ਹੁਨਾਨ ਦੇ ਪਿੰਗਜਿਆਂਗ ਕਾਉਂਟੀ ਨੇੜੇ ਹੋਈ ਖੋਜ ਵਿੱਚ 1,000 ਮੀਟ੍ਰਿਕ ਟਨ ਉੱਚ ਗੁਣਵੱਤਾ ਵਾਲਾ ਸੋਨਾ ਹੋਣ ਦਾ ਅਨੁਮਾਨ ਸੀ। ਇਸਦੀ ਕੀਮਤ 83 ਬਿਲੀਅਨ ਡਾਲਰ (ਲਗਭਗ 7 ਲੱਖ ਕਰੋੜ ਭਾਰਤੀ ਰੁਪਏ) ਤੋਂ ਵੱਧ ਦੱਸੀ ਗਈ ਹੈ। ਇਸਨੂੰ ਦੁਨੀਆ ਵਿੱਚ ਹੁਣ ਤੱਕ ਖੋਜਿਆ ਗਿਆ ਸਭ ਤੋਂ ਵੱਡਾ ਸੋਨੇ ਦਾ ਭੰਡਾਰ ਮੰਨਿਆ ਜਾਂਦਾ ਹੈ। ਇਹ ਦੱਖਣੀ ਅਫ਼ਰੀਕਾ ਦੀ ਸਾਊਥ ਡੀਪ ਖਾਨ ਵਿੱਚ ਮਿਲੇ 900 ਮੀਟ੍ਰਿਕ ਟਨ ਸੋਨੇ ਤੋਂ ਵੱਧ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ 'ਚ TikTok ਬੰਦ, ਪਲੇ ਸਟੋਰਾਂ ਤੋਂ ਵੀ ਹਟਾਇਆ ਗਿਆ
ਚੀਨ ਸਭ ਤੋਂ ਵੱਡਾ ਸੋਨਾ ਉਤਪਾਦਕ
ਚੀਨ ਦੁਨੀਆ ਦਾ ਸਭ ਤੋਂ ਵੱਡਾ ਸੋਨਾ ਉਤਪਾਦਕ ਹੈ। ਸਾਲ 2023 ਵਿੱਚ ਵਿਸ਼ਵ ਉਤਪਾਦਨ ਵਿੱਚ ਇਕੱਲੇ ਚੀਨ ਦਾ ਹਿੱਸਾ 10 ਪ੍ਰਤੀਸ਼ਤ ਸੀ। ਵਰਲਡ ਗੋਲਡ ਕੌਂਸਲ ਦੀ ਰਿਪੋਰਟ ਅਨੁਸਾਰ, ਚੀਨ ਕੋਲ 2,264 ਟਨ ਸੋਨੇ ਦਾ ਭੰਡਾਰ ਹੈ। ਇਹ ਦੁਨੀਆ ਦਾ ਛੇਵਾਂ ਸਭ ਤੋਂ ਵੱਡਾ ਸੋਨੇ ਦਾ ਭੰਡਾਰ ਹੈ। ਸੋਨੇ ਦੇ ਉੱਚ ਭੰਡਾਰ ਸਿੱਧੇ ਤੌਰ 'ਤੇ ਉਸ ਦੇਸ਼ ਦੀ ਆਰਥਿਕਤਾ ਨੂੰ ਮਜ਼ਬੂਤ ਕਰਨ ਵਿੱਚ ਮਦਦ ਕਰਦੇ ਹਨ। ਕਿਸੇ ਦੇਸ਼ ਦੇ ਮੁਦਰਾ ਮੁੱਲ ਨੂੰ ਸਮਰਥਨ ਦੇਣ ਲਈ ਸੋਨੇ ਦੇ ਭੰਡਾਰ ਇੱਕ ਚੰਗੀ ਸੰਪਤੀ ਹਨ। ਅਜਿਹੀ ਸਥਿਤੀ ਵਿੱਚ ਸੋਨੇ ਦੇ ਭੰਡਾਰ ਚੀਨ ਨੂੰ ਬਹੁਤ ਮਦਦ ਕਰਨਗੇ। ਹਾਲ ਹੀ ਵਿੱਚ ਭਾਰਤ ਦੇ ਇੱਕ ਹੋਰ ਗੁਆਂਢੀ ਪਾਕਿਸਤਾਨ ਵਿੱਚ ਸੋਨੇ ਦਾ ਇੱਕ ਵੱਡਾ ਭੰਡਾਰ ਮਿਲਿਆ। ਪਾਕਿਸਤਾਨ ਦੇ ਪੰਜਾਬ ਸੂਬੇ ਦੀ ਸਰਕਾਰ ਨੇ ਲਗਭਗ 800 ਅਰਬ ਪਾਕਿਸਤਾਨੀ ਰੁਪਏ ਦੇ ਸੋਨੇ ਦੇ ਇੱਕ ਵਿਸ਼ਾਲ ਭੰਡਾਰ ਦੀ ਖੋਜ ਕਰਨ ਦਾ ਦਾਅਵਾ ਕੀਤਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਅਮਰੀਕਾ 'ਚ TikTok ਬੰਦ, ਪਲੇ ਸਟੋਰਾਂ ਤੋਂ ਵੀ ਹਟਾਇਆ ਗਿਆ
NEXT STORY 
