ਬੀਜਿੰਗ (ਬਿਊਰੋ): ਚੀਨ ਦੇ ਹੇਨਾਨ ਸੂਬੇ ਵਿਚ ਸਥਿਤ 'ਟੈਕਨੀਕਲ ਸੈਕੰਡਰੀ ਸਕੂਲ' ਦੇ ਪ੍ਰਸ਼ਾਸਨ ਨੇ ਇਕ ਅਜੀਬੋ ਗਰੀਬ ਨਿਯਮ ਬਣਾਇਆ ਹੈ। ਸਕੂਲ ਪ੍ਰਸ਼ਾਸਨ ਨੇ ਕਲਾਸ ਵਿਚ ਦੇਰੀ ਨਾਲ ਪਹੁੰਚਣ ਵਾਲੇ ਵਿਦਿਆਰਥੀਆਂ 'ਤੇ ਇਕ ਪੌਂਡ ਕਰੀਬ 90 ਰੁਪਏ ਪ੍ਰਤੀ ਮਿੰਟ ਦੇ ਮੁਤਾਬਕ ਜ਼ੁਰਮਾਨਾ ਲਗਾਉਣ ਦਾ ਫੈਸਲਾ ਲਿਆ ਹੈ। ਖਾਸ ਗੱਲ ਇਹ ਹੈ ਕਿ ਜੇਕਰ ਵਿਦਿਆਰਥੀ ਨਕਦ ਜ਼ੁਰਮਾਨਾ ਨਹੀਂ ਦੇ ਸਕਦਾ ਤਾਂ ਉਹ 500 ਪੁਸ਼ਅੱਪਸ ਲਗਾ ਕੇ ਆਪਣੀ ਸਜ਼ਾ ਮਾਫ ਕਰਵਾ ਸਕਦਾ ਹੈ।
ਸਥਾਨਕ ਮੀਡੀਆ ਮੁਤਾਬਕ ਟੈਕਨੀਕਲ ਸੈਕੰਡਰੀ ਸਕੂਲ ਦਾ ਇਕ ਆਡੀਓ ਟੇਪ ਲੀਕ ਹੋਇਆ ਹੈ। ਜਿਸ ਵਿਚ ਵਿਦਿਆਰਥੀਆਂ ਦਾ ਕਹਿਣਾ ਹੈ ਕਿ ਲੇਟ ਹੋਣ 'ਤੇ ਅਧਿਆਪਕ ਪ੍ਰਤੀ ਮਿੰਟ ਇਕ ਪੌਂਡ ਜ਼ੁਰਮਾਨਾ ਲੈਂਦੇ ਹਨ। ਇਸ ਆਡੀਓ ਵਿਚ ਇਕ ਅਧਿਆਪਕਾ ਇਹ ਕਹਿੰਦੇ ਹੋਏ ਸੁਣੀ ਜਾ ਸਕਦੀ ਹੈ,''ਸਾਡੇ ਨਿਯਮ ਸਖਤ ਹਨ। ਜੇਕਰ ਤੁਹਾਨੂੰ ਲੱਗਦਾ ਹੈ ਕਿ ਕਲਾਸ ਵਿਚ ਦੇਰੀ ਨਾਲ ਆਉਣ ਦੀ ਭਾਰੀ ਕੀਮਤ ਚੁਕਾਉਣਾ ਪੈ ਰਹੀ ਹੈ ਤਾਂ ਤੁਸੀਂ ਸਮੇਂ 'ਤੇ ਕਲਾਸ ਵਿਚ ਪਹੁੰਚੋ।''
ਇਸ ਨਿਯਮ ਸਬੰਧੀ ਸਕੂਲ ਦੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਹਨ। ਇਨ੍ਹਾਂ ਵਿਚ ਵਿਦਿਆਰਥੀ ਪੁਸ਼ਅੱਪਸ ਲਗਾਉਂਦੇ ਦਿਖਾਈ ਦੇ ਰਹੇ ਹਨ। ਇਸ ਮਾਮਲੇ 'ਤੇ ਕੁਝ ਮਾਪਿਆਂ ਦਾ ਕਹਿਣਾ ਹੈ ਕਿ ਇਹ ਵਿਦਿਆਰਥੀਆਂ ਲਈ ਇਕ ਸਬਕ ਹੈ ਪਰ ਕੁਝ ਲੋਕਾਂ ਨੇ ਇਸ ਸਜ਼ਾ ਨੂੰ ਸਕੂਲ ਪ੍ਰਸ਼ਾਸਨ ਦੀ ਮਨਮਾਨੀ ਦੱਸਿਆ ਹੈ।
ਕਸ਼ਮੀਰ 'ਚ ਹਾਲਾਤ ਸਧਾਰਨ ਕਰਨ ਦਾ ਖਾਕਾ ਪੇਸ਼ ਕਰੇ ਭਾਰਤ : ਅਮਰੀਕਾ
NEXT STORY