ਸੰਯੁਕਤ ਰਾਸ਼ਟਰ/ਜਿਨੇਵਾ (ਭਾਸ਼ਾ)- ਵਿਸ਼ਵ ਸਿਹਤ ਸੰਗਠਨ (ਡਬਲਯੂ.ਐੱਚ.ਓ.) ਨੇ 2020 ਵਿੱਚ ਵੁਹਾਨ ਦੇ ਇੱਕ ਬਾਜ਼ਾਰ ਵਿੱਚ ਲਏ ਗਏ ਨਮੂਨਿਆਂ ਨਾਲ ਸਬੰਧਤ ਡਾਟਾ ਨੂੰ ਰੋਕਣ ਲਈ ਚੀਨ ਦੀ ਆਲੋਚਨਾ ਕੀਤੀ ਹੈ, ਜੋ ਕਿ ਕੋਵਿਡ-19 ਮਹਾਂਮਾਰੀ ਦੀ ਉਤਪਤੀ ਦੇ ਬਾਰੇ ਵਿਚ ਮਹੱਤਵਪੂਰਨ ਜਾਣਕਾਰੀ ਪ੍ਰਦਾਨ ਕਰ ਸਕਦਾ ਸੀ। ਸੰਗਠਨ ਨੇ ਚੀਨ ਨੂੰ ਪਾਰਦਰਸ਼ਤਾ ਵਰਤਣ ਅਤੇ ਜਾਂਚ ਦੇ ਨਤੀਜੇ ਸਾਂਝੇ ਕਰਨ ਲਈ ਕਿਹਾ ਹੈ। ਮੱਧ ਚੀਨ ਦੇ ਵੁਹਾਨ ਸ਼ਹਿਰ ਦਾ ਹੁਆਨਾਨ ਬਾਜ਼ਾਰ ਮਹਾਂਮਾਰੀ ਦਾ ਕੇਂਦਰ ਸੀ। SARS-CoV-2, ਉੱਥੇ ਉਤਪਤੀ ਦੇ ਬਾਅਦ 2019 ਦੇ ਅਖੀਰ ਵਿੱਚ ਤੇਜ਼ੀ ਨਾਲ ਵੁਹਾਨ ਤੋਂ ਹੋਰ ਸਥਾਨਾਂ ਤੱਕ ਅਤੇ ਫਿਰ ਦੁਨੀਆ ਦੇ ਬਾਕੀ ਹਿੱਸਿਆ ਵਿੱਚ ਤੇਜ਼ੀ ਨਾਲ ਫੈਲ ਗਿਆ।
ਇਹ ਵੀ ਪੜ੍ਹੋ: ਅਜਬ-ਗਜ਼ਬ: ਗੁਆਂਢਣ ਦਾ ਦਿਲ ਕੱਢ ਕੇ ਆਲੂਆਂ ਨਾਲ ਪਕਾਇਆ, ਫਿਰ ਪਰਿਵਾਰਕ ਮੈਂਬਰਾਂ ਨੂੰ ਖੁਆ ਕੇ ਮਾਰਿਆ
ਵਰਲਡ ਹੈਲਥ ਆਰਗੇਨਾਈਜ਼ੇਸ਼ਨ (WHO) ਦੇ ਡਾਇਰੈਕਟਰ-ਜਨਰਲ ਡਾ. ਟੇਡਰੋਸ ਅਦਾਨੋਮ ਘੇਬਰੇਅਸਸ ਨੇ ਸ਼ੁੱਕਰਵਾਰ ਨੂੰ ਜਿਨੇਵਾ ਵਿੱਚ ਕਿਹਾ ਕਿ ਕੋਵਿਡ-19 ਦੀ ਉਤਪਤੀ ਦੇ ਅਧਿਐਨ ਨਾਲ ਜੁੜੇ ਹਰ ਡਾਟਾ ਨੂੰ ਤੁਰੰਤ ਅੰਤਰਰਾਸ਼ਟਰੀ ਭਾਈਚਾਰੇ ਨਾਲ ਸਾਂਝਾ ਕਰਨ ਦੀ ਲੋੜ ਹੈ। ਇਹ ਡਾਟਾ 3 ਸਾਲ ਪਹਿਲਾਂ ਸਾਂਝਾ ਕੀਤਾ ਜਾਣਾ ਚਾਹੀਦਾ ਸੀ। ਉਨ੍ਹਾਂ ਕਿਹਾ ਕਿ ਅਸੀਂ ਚੀਨ ਨੂੰ ਡਾਟਾ ਸਾਂਝਾ ਕਰਨ, ਲੋੜੀਂਦੀ ਜਾਂਚ ਕਰਨ ਅਤੇ ਨਤੀਜਿਆਂ ਨੂੰ ਸਾਂਝਾ ਕਰਨ 'ਚ ਪਾਰਦਰਸ਼ਤਾ ਵਰਤਣ ਦਾ ਸੱਦਾ ਦਿੰਦੇ ਹਾਂ। ਇਹ ਪਤਾ ਲਗਾਉਣਾ ਇੱਕ ਨੈਤਿਕ ਅਤੇ ਵਿਗਿਆਨਕ ਲਾਜ਼ਮੀ ਹੈ ਕਿ ਮਹਾਂਮਾਰੀ ਦੀ ਉਤਪਤੀ ਕਿਵੇਂ ਹੋਈ।
ਇਹ ਵੀ ਪੜ੍ਹੋ: ਡੋਨਾਲਡ ਟਰੰਪ ਨੇ 2 ਸਾਲ ਬਾਅਦ ਫੇਸਬੁੱਕ ਅਤੇ ਯੂਟਿਊਬ 'ਤੇ ਕੀਤੀ ਵਾਪਸੀ, ਲਿਖਿਆ- 'I’M BACK!'
ਗੇਬਰੇਅਸ ਨੇ ਕਿਹਾ ਕਿ ਪਿਛਲੇ ਐਤਵਾਰ ਨੂੰ WHO ਨੂੰ ਜਨਵਰੀ ਦੇ ਅਖੀਰ ਵਿੱਚ GISAID ਡਾਟਾਬੇਸ 'ਤੇ ਡਾਟਾ ਪ੍ਰਕਾਸ਼ਤ ਕਰਨ ਬਾਰੇ ਜਾਣੂ ਕਰਵਾਇਆ ਗਿਆ ਸੀ ਅਤੇ ਹਾਲ ਹੀ ਵਿੱਚ ਇਸਨੂੰ ਵਾਪਸ ਲੈ ਲਿਆ ਗਿਆ। ਉਨ੍ਹਾਂ ਕਿਹਾ ਕਿ ਚੀਨ ਦੇ ਸੈਂਟਰ ਫਾਰ ਡਿਜ਼ੀਜ਼ ਕੰਟਰੋਲ ਐਂਡ ਪ੍ਰੀਵੈਂਸ਼ਨ ਦਾ ਇਹ ਡਾਟਾ 2020 'ਚ ਵੁਹਾਨ ਦੇ ਹੁਆਨਾਨ ਬਾਜ਼ਾਰ 'ਚ ਲਏ ਗਏ ਨਮੂਨਿਆਂ ਨਾਲ ਸਬੰਧਤ ਹੈ। ਗੇਬਰੇਅਸ ਨੇ ਕਿਹਾ ਕਿ ਜਦੋਂ ਡਾਟਾ ਆਨਲਾਈਨ ਸੀ ਤਾਂ ਕਈ ਦੇਸ਼ਾਂ ਦੇ ਵਿਗਿਆਨੀਆਂ ਨੇ ਇਸ ਨੂੰ ਡਾਊਨਲੋਡ ਕੀਤਾ ਅਤੇ ਇਸ ਦਾ ਵਿਸ਼ਲੇਸ਼ਣ ਕੀਤਾ।
ਇਹ ਵੀ ਪੜ੍ਹੋ: ਹੈਲੀਕਾਪਟਰ ਹਾਦਸੇ 'ਚ ਲਾੜਾ-ਲਾੜੀ ਦੀ ਮੌਤ! ਸੋਸ਼ਲ ਮੀਡੀਆ 'ਤੇ ਵੀਡਿਓ ਵਾਇਰਲ,ਜਾਣੋ ਕੀ ਹੈ ਸੱਚਾਈ
ਉਨ੍ਹਾਂ ਕਿਹਾ ਕਿ ਜਿਵੇਂ ਹੀ ਸਾਨੂੰ ਇਸ ਡਾਟਾ ਬਾਰੇ ਪਤਾ ਲੱਗਾ, ਅਸੀਂ ਚੀਨ ਦੇ ਰੋਗ ਨਿਯੰਤਰਣ ਅਤੇ ਰੋਕਥਾਮ ਕੇਂਦਰ ਨਾਲ ਸੰਪਰਕ ਕੀਤਾ ਅਤੇ ਉਨ੍ਹਾਂ ਨੂੰ ਇਸ ਨੂੰ ਡਬਲਯੂ.ਐੱਚ.ਓ. ਅਤੇ ਅੰਤਰਰਾਸ਼ਟਰੀ ਵਿਗਿਆਨਕ ਭਾਈਚਾਰੇ ਨਾਲ ਸਾਂਝਾ ਕਰਨ ਦੀ ਅਪੀਲ ਕੀਤੀ ਤਾਂ ਜੋ ਇਸ ਦਾ ਵਿਸ਼ਲੇਸ਼ਣ ਕੀਤਾ ਜਾ ਸਕੇ। ਗੇਬਰੇਅਸ ਨੇ ਕਿਹਾ ਕਿ ਡਬਲਯੂ.ਐੱਚ.ਓ. ਨੇ ਵਾਇਰਸ ਦੀ ਉਤਪਤੀ ਨਾਲ ਸਬੰਧਤ ਵਿਗਿਆਨਕ ਸਲਾਹਕਾਰ ਸਮੂਹ (SAGO) ਦੀ ਬੈਠਕ ਬੁਲਾਈ ਅਤੇ ਇਸਦੀ ਬੈਠਕ ਮੰਗਲਵਾਰ ਨੂੰ ਹੋਈ। ਡਬਲਯੂ.ਐੱਚ.ਓ. ਦੇ ਮੁਖੀ ਨੇ ਕਿਹਾ ਕਿ ਅਸੀਂ ਚੀਨ ਦੇ ਰੋਗ ਨਿਯੰਤਰਣ ਅਤੇ ਰੋਕਥਾਮ ਕੇਂਦਰ ਦੇ ਵਿਗਿਆਨੀਆਂ ਅਤੇ ਅੰਤਰਰਾਸ਼ਟਰੀ ਸਮੂਹ ਦੇ ਵਿਗਿਆਨੀਆਂ ਨੂੰ ਡਾਟਾ ਦਾ ਆਪਣਾ ਵਿਸ਼ਲੇਸ਼ਣ SAGO ਨੂੰ ਸੌਂਪਣ ਲਈ ਕਿਹਾ ਹੈ। ਇਹ ਡਾਟਾ ਇਸ ਸਵਾਲ ਦਾ ਨਿਸ਼ਚਤ ਤੌਰ 'ਤੇ ਜਵਾਬ ਨਹੀਂ ਦਿੰਦਾ ਕਿ ਮਹਾਂਮਾਰੀ ਕਿਵੇਂ ਸ਼ੁਰੂ ਹੋਈ, ਪਰ ਡਾਟਾ ਦਾ ਹਰ ਅੰਸ਼ ਸਾਨੂੰ ਉਸ ਜਵਾਬ ਦੇ ਨੇੜੇ ਲਿਜਾਣ ਲਈ ਮਹੱਤਵਪੂਰਨ ਹੈ।
ਨੋਟ: ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।
ਅਮਰੀਕਾ ਰਹਿਣ ਵਾਲੀ ਭਾਰਤੀ ਮੂਲ ਦੇ ਲੇਖਿਕਾ ਨੇ 'ਹੋਲੀ' 'ਤੇ ਨਵੀਂ ਪੁਸਤਕ ਕੀਤੀ ਰਿਲੀਜ਼
NEXT STORY 
