ਇੰਟਰਨੈਸ਼ਨਲ ਡੈਸਕ- ਆਸਟ੍ਰੇਲੀਆਈ ਜਲ ਸੈਨਾ ਸਿਡਨੀ ਤੋਂ 150 ਸਮੁੰਦਰੀ ਮੀਲ ਪੂਰਬ ਵੱਲ ਯਾਤਰਾ ਕਰ ਰਹੇ ਚੀਨੀ ਜੰਗੀ ਜਹਾਜ਼ਾਂ ਦਾ ਪਿੱਛਾ ਕਰ ਰਹੀ ਹੈ। ਇਹ ਚੀਨੀ ਜਲ ਸੈਨਾ ਦੁਆਰਾ ਆਸਟ੍ਰੇਲੀਆ ਦੇ ਪੂਰਬੀ ਤੱਟ ਤੱਕ ਕੀਤੀ ਗਈ ਹੁਣ ਤੱਕ ਦੀ ਸਭ ਤੋਂ ਲੰਬੀ ਯਾਤਰਾ ਹੈ। ਇੱਕ ਹਫ਼ਤਾ ਪਹਿਲਾਂ, ਇੱਕ ਚੀਨੀ ਜਲ ਸੈਨਾ ਸਮੂਹ - ਜਿਸ ਵਿੱਚ 2 ਜੰਗੀ ਜਹਾਜ਼ ਅਤੇ ਇੱਕ ਸਪਲਾਈ ਜਹਾਜ਼ ਸ਼ਾਮਲ ਸੀ - ਆਸਟ੍ਰੇਲੀਆ ਦੇ ਉੱਤਰ-ਪੂਰਬੀ ਤੱਟ 'ਤੇ ਦਿਖਾਈ ਦਿੱਤਾ ਸੀ। ਇਸ ਘਟਨਾ ਨੂੰ ਲੈ ਕੇ ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਹ "ਬੇਮਿਸਾਲ" ਹੈ, ਕਿਉਂਕਿ ਚੀਨੀ ਜਲ ਸੈਨਾ ਪਹਿਲਾਂ ਕਦੇ ਵੀ ਇੰਨੇ ਦੂਰ ਦੱਖਣ ਵੱਲ ਨਹੀਂ ਗਈ ਸੀ। ਉਹ ਇਹ ਵੀ ਕਹਿੰਦੇ ਹਨ ਕਿ ਬੀਜਿੰਗ ਹੁਣ ਆਪਣੇ ਸ਼ਕਤੀ ਪ੍ਰਦਰਸ਼ਨ ਨੂੰ ਪਹਿਲੀ ਅਤੇ ਦੂਜੀ ਟਾਪੂ ਲੜੀ ਤੋਂ ਬਾਹਰ ਹੋਰ ਵੀ ਦੱਖਣੀ ਖੇਤਰਾਂ ਤੱਕ ਵਧਾ ਰਿਹਾ ਹੈ, ਜੋ ਕਿ ਜਾਪਾਨ ਤੋਂ ਇੰਡੋਨੇਸ਼ੀਆ ਤੱਕ ਫੈਲੀ ਹੋਈ ਹੈ।
ਆਸਟ੍ਰੇਲੀਆਈ ਰੱਖਿਆ ਮੰਤਰਾਲਾ ਅਨੁਸਾਰ, ਇਹ ਜੰਗੀ ਜਹਾਜ਼ ਅੰਤਰਰਾਸ਼ਟਰੀ ਜਲ ਖੇਤਰ ਵਿੱਚ ਯਾਤਰਾ ਕਰ ਰਹੇ ਹਨ। ਇਸ ਵਚ ਸ਼ਾਮਲ ਜੰਗੀ ਜਹਾਜ਼ਾਂ ਵਿੱਚ ਇੱਕ ਫ੍ਰੀਗੇਟ 'ਹੇਂਗਯਾਂਗ' ਅਤੇ ਇੱਕ ਕਰੂਜ਼ਰ 'ਜੂਨਯੀ' ਸ਼ਾਮਲ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਚੀਨ ਏਸ਼ੀਆ ਤੋਂ ਬਾਹਰ ਆਪਣੀ ਫੌਜੀ ਸ਼ਕਤੀ ਦਾ ਵਿਸਥਾਰ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਰਿਚਰਡ ਮੈਕਗ੍ਰੇਗਰ ਨੇ ਕਿਹਾ ਕਿ ਇਹ ਚੀਨ ਦੀ ਸਥਿਰ ਨੀਤੀ ਨੂੰ ਦਰਸਾਉਂਦਾ ਹੈ, ਕਿਉਂਕਿ ਚੀਨੀ ਜਲ ਸੈਨਾ ਆਸਟ੍ਰੇਲੀਆ ਅਤੇ ਦੱਖਣੀ ਪ੍ਰਸ਼ਾਂਤ ਟਾਪੂਆਂ ਤੋਂ ਆਪਣੀ ਗਸ਼ਤ ਵਧਾ ਰਹੀ ਹੈ। ਇਹ ਚੀਨ ਦੀਆਂ ਇੱਛਾਵਾਂ ਦਾ ਸੰਕੇਤ ਹੈ, ਜੋ ਆਸਟ੍ਰੇਲੀਆ ਅਤੇ ਅਮਰੀਕਾ ਦੇ ਪ੍ਰਭਾਵ ਨਾਲ ਸਿੱਧਾ ਮੁਕਾਬਲਾ ਕਰ ਰਹੀ ਹੈ।
ਭਾਰਤ ਨੂੰ ਫੰਡਿੰਗ ਰੋਕੇ ਜਾਣ 'ਤੇ ਬੋਲੇ ਟਰੰਪ, India ਕੋਲ ਪੈਸਿਆਂ ਦੀ ਕਮੀ ਨਹੀਂ, ਅਮਰੀਕਾ ਕਿਉਂ ਦੇਵੇ ਕਰੋੜਾਂ ਡਾਲਰ
NEXT STORY 
