ਫਰਿਜ਼ਨੋ, (ਗੁਰਿੰਦਰਜੀਤ ਨੀਟਾ ਮਾਛੀਕੇ)- ਮਿਸ਼ੀਗਨ ਸਥਿਤ ਕਿਨਰੋਸ ਜੇਲ੍ਹ ਨੂੰ ਉੱਥੇ ਦੇ ਕੈਦੀਆਂ ਅਤੇ ਅਧਿਕਾਰੀਆਂ ਦੁਆਰਾ ਇਸ ਦੇ ਦੂਰ-ਦੁਰਾਡੇ ਖੇਤਰ ਵਿਚ ਹੋਣ ਕਰਕੇ ਕੋਵਿਡ-19 ਦੀ ਲਾਗ ਦੇ ਫੈਲਣ ਤੋਂ ਸੁਰੱਖਿਅਤ ਮੰਨਿਆ ਜਾਂਦਾ ਸੀ। ਕਿਨਰੋਸ, ਅੱਪਰ ਪ੍ਰਾਇਦੀਪ ਵਿਚ ਏਅਰ ਫੋਰਸ ਦੇ ਬੇਸ 'ਤੇ ਬਣੀ ਜੇਲ੍ਹ ਹੈ ਜੋ ਕਿ ਮਿਸ਼ੀਗਨ ਦੀਆਂ ਜ਼ਿਆਦਾਤਰ ਜੇਲ੍ਹਾਂ ਦੇ ਉਲਟ ਵਾਇਰਸ ਤੋਂ ਘੱਟ ਪ੍ਰਭਾਵਿਤ ਸੀ ਕਿਉਂਕਿ ਮਾਰਚ ਅਤੇ ਅਕਤੂਬਰ ਵਿਚਕਾਰ ਇੱਥੇ ਵਾਇਰਸ ਦਾ ਸਿਰਫ ਇਕ ਮਾਮਲਾ ਹੋਇਆ ਸੀ ਪਰ 28 ਅਕਤੂਬਰ ਨੂੰ ਸੁਧਾਰ ਘਰ ਅਧਿਕਾਰੀਆਂ ਨੇ ਮਾਰਕਿਉਟੀ ਸ਼ਾਖਾ ਜੇਲ੍ਹ ਤੋਂ ਨੌਂ ਕੈਦੀਆਂ ਨੂੰ ਕਿਨਰੋਸ ਵਿਚ ਤਬਦੀਲ ਕਰ ਦਿੱਤਾ ਗਿਆ ਜਿੱਥੇ ਕਿ ਅਕਤੂਬਰ ਦੇ ਅਖੀਰ ਤੱਕ 837 ਪੁਸ਼ਟੀ ਕੀਤੇ ਮਾਮਲੇ ਸਨ, ਜਿਨ੍ਹਾਂ ਵਿਚੋਂ 350 ਵਾਇਰਸ ਦੇ ਮਾਮਲੇ ਕੈਦੀਆਂ ਦੇ ਤਬਾਦਲੇ ਮੌਕੇ ਵੀ ਕਿਰਿਆਸ਼ੀਲ ਸਨ।
ਇਸ ਤਬਾਦਲੇ ਦੇ ਤਕਰੀਬਨ ਤਿੰਨ ਹਫ਼ਤਿਆਂ ਬਾਅਦ ਸੁਧਾਰ ਵਿਭਾਗ ਦੇ ਅੰਕੜਿਆਂ ਅਨੁਸਾਰ ਕਿਨਰੋਸ ਵਿਚ ਵੀ ਕੋਰੋਨਾ ਵਾਇਰਸ ਨੇ ਦਸਤਕ ਦੇ ਦਿੱਤੀ ਹਾਲਾਂਕਿ ਏਜੰਸੀ ਦੇ ਅਧਿਕਾਰੀ ਕਹਿੰਦੇ ਹਨ ਕਿ ਇਹ ਪ੍ਰਕੋਪ ਤਬਾਦਲੀ ਕਾਰਨ ਨਹੀਂ ਹੋਈ ਹੈ। ਜਦਕਿ 1,100 ਤੋਂ ਵੱਧ ਕੈਦੀ ਕੋਰੋਨਾ ਨਾਲ ਸੰਕਰਮਿਤ ਹੋਏ ਹਨ ਅਤੇ ਘੱਟੋ-ਘੱਟ 7 ਦੀ ਮੌਤ ਹੋ ਜਾਣ ਦੇ ਇਲਾਵਾ 100 ਤੋਂ ਵੱਧ ਗਾਰਡ ਵੀ ਬੀਮਾਰ ਹੋ ਗਏ ਹਨ।
ਅਧਿਕਾਰੀਆਂ ਨੇ ਦੱਸਿਆ ਕਿ ਕਿਨਰੋਸ ਆਏ ਕੈਦੀਆਂ ਦਾ ਦੋ ਵਾਰ ਤਬਾਦਲਾ ਕੀਤਾ ਗਿਆ ਸੀ ਅਤੇ ਕੈਦੀਆਂ ਨੇ ਮਾਰਕਿਉਟੀ ਤੋਂ ਕਿਨਰੋਸ ਰਵਾਨਾ ਹੋਣ ਤੋਂ ਪਹਿਲਾਂ ਉਥੇ ਕੋਵੀਡ-19 ਲਈ ਪਾਜ਼ੀਟਵ ਟੈਸਟ ਕੀਤਾ ਸੀ। ਸੰਯੁਕਤ ਰਾਜ ਦੀਆਂ ਜੇਲ੍ਹਾਂ ਵਿਚ 2,75,000 ਤੋਂ ਵੱਧ ਵਾਇਰਸ ਦੇ ਮਾਮਲੇ ਹੋ ਚੁੱਕੇ ਹਨ ਕਿਉਂਕਿ ਜੇਲ੍ਹਾਂ ਵਿਚ ਸਮਾਜਕ ਦੂਰੀਆਂ ਦੀ ਅਸਲ ਵਿਚ ਪਾਲਣਾ ਨਹੀਂ ਹੁੰਦੀ। ਮਿਸ਼ੀਗਨ ਵਿਚ ਕਿਸੇ ਵੀ ਸੂਬੇ ਦੀ ਜੇਲ੍ਹ ਪ੍ਰਣਾਲੀ ਨਾਲੋਂ ਸਭ ਤੋਂ ਜ਼ਿਆਦਾ ਵਾਇਰਸ ਦਾ ਪ੍ਰਕੋਪ ਹੋਇਆ ਹੈ। ਮਾਰਚ ਤੋਂ ਬਾਅਦ ਤਕਰੀਬਨ 20,000 ਕੈਦੀ ਵਾਇਰਸ ਨਾਲ ਸੂਬੇ ਦੀਆਂ ਜੇਲ੍ਹਾਂ ਵਿਚ ਸੰਕਰਮਿਤ ਹੋਏ ਹਨ ਅਤੇ ਘੱਟੋ-ਘੱਟ 102 ਦੀ ਮੌਤ ਹੋ ਵੀ ਚੁੱਕੀ ਹੈ। ਇਸ ਦੇ ਨਾਲ ਹੀ ਕੇਂਦਰੀ ਮਿਸ਼ੀਗਨ ਸੁਧਾਰ ਸੁਵਿਧਾ ਵਿਚ ਇਸ ਵੇਲੇ 2000 ਤੋਂ ਵੱਧ ਕੈਦੀ ਸਕਾਰਾਤਮਕ ਟੈਸਟ ਕਰ ਰਹੇ ਹਨ।
ਸਾਲ 2020 'ਚ ਪੁਲਸ ਗੋਲੀਬਾਰੀ ਦੇ ਪੀੜਤਾਂ ਨੂੰ ਅਜੇ ਤੱਕ ਨਹੀਂ ਮਿਲਿਆ ਨਿਆਂ
NEXT STORY 
