ਇੰਟਰਨੈਸ਼ਨਲ ਡੈਸਕ - ਲੇਬਨਾਨ 'ਚ ਪੇਜਰ ਧਮਾਕਿਆਂ ਤੋਂ ਇਕ ਦਿਨ ਬਾਅਦ ਬੁੱਧਵਾਰ ਨੂੰ ਦੇਸ਼ ਦੇ ਕਈ ਹਿੱਸਿਆਂ 'ਚ ਇਲੈਕਟ੍ਰਾਨਿਕ ਯੰਤਰਾਂ 'ਚ ਧਮਾਕਿਆਂ ਦੀਆਂ ਘਟਨਾਵਾਂ ਵਾਪਰੀਆਂ, ਜਿਸ 'ਚ 14 ਲੋਕਾਂ ਦੀ ਮੌਤ ਹੋ ਗਈ ਅਤੇ ਲਗਭਗ 450 ਲੋਕ ਜ਼ਖਮੀ ਹੋ ਗਏ। ਹਿਜ਼ਬੁੱਲਾ ਦੇ ਸੰਚਾਰ ਨੈਟਵਰਕ ਨੂੰ ਨਿਸ਼ਾਨਾ ਬਣਾਉਣ ਦੇ ਇਰਾਦੇ ਨਾਲ ਇਜ਼ਰਾਈਲ ਵੱਲੋਂ ਸੰਭਾਵਤ ਤੌਰ 'ਤੇ ਕੀਤੇ ਗਏ ਹਮਲੇ ’ਚ ਲੇਬਨਾਨ ਅਤੇ ਸੀਰੀਆ ’ਚ ਧਮਾਕਾ ਕਰਨ ਵਾਲੇ ਪੇਜ਼ਰ ਇਕ ਹੰਗਰੀ ਦੀ ਕੰਪਨੀ ਵੱਲੋਂ ਬਣਾਏ ਗਏ ਸਨ। ਕੰਪਨੀ ਦਾ ਮੁੱਖ ਦਫਤਰ ਹੰਗਰੀ ਦੀ ਰਾਜਧਾਨੀ ਬੁਡਾਪੇਸਟ ’ਚ ਹੈ। ਤਾਈਵਾਨੀ ਕੰਪਨੀ ਗੋਲਡ ਅਪੋਲੋ ਵੱਲੋਂ ਬੁੱਧਵਾਰ ਨੂੰ ਜਾਰੀ ਕੀਤੇ ਗਏ ਇਕ ਬਿਆਨ ਦੇ ਅਨੁਸਾਰ, AR-924 ਪੇਜਰ ਦਾ ਨਿਰਮਾਣ BAC ਕੰਸਲਟਿੰਗ Kft ਵੱਲੋਂ ਕੀਤਾ ਗਿਆ ਸੀ, ਜੋ ਕਿ ਹੰਗਰੀ ਦੀ ਰਾਜਧਾਨੀ ’ਚ ਸਥਿਤ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਤਾਈਵਾਨ ਨੂੰ ਹਥਿਆਰ ਵੇਚ ਰਹੀ ਅਮਰੀਕੀ ਕੰਪਨੀ ’ਤੇ ਚੀਨ ਨੇ ਲਾਈ ਪਾਬੰਦੀ
ਬਿਆਨ ’ਚ ਕਿਹਾ ਗਿਆ ਹੈ, "ਸਹਿਯੋਗ ਸਮਝੌਤੇ ਦੇ ਅਨੁਸਾਰ, ਅਸੀਂ BAC ਨੂੰ ਨਿਰਧਾਰਿਤ ਖੇਤਰਾਂ (ਲੇਬਨਾਨ ਅਤੇ ਸੀਰੀਆ) ’ਚ ਉਤਪਾਦ ਦੀ ਵਿਕਰੀ ਲਈ ਸਾਡੇ ਬ੍ਰਾਂਡ ਟ੍ਰੇਡਮਾਰਕ ਦੀ ਵਰਤੋਂ ਕਰਨ ਦਾ ਅਧਿਕਾਰ ਦਿੱਤਾ ਹੈ ਪਰ BAC ਉਤਪਾਦ ਦੇ ਨਿਰਮਾਣ ਲਈ ਪੂਰੀ ਤਰ੍ਹਾਂ ਜ਼ਿੰਮੇਵਾਰ ਹੈ।’’ ਹਿਜ਼ਬੁੱਲਾ ਅਧਿਕਾਰੀਆਂ ਨੇ ਕਿਹਾ ਕਿ ਵਾਕੀ-ਟਾਕੀਜ਼ ਅਤੇ ਸੋਲਰ ਡਿਵਾਈਸਾਂ ਨੂੰ ਵੀ ਕਥਿਤ ਤੌਰ 'ਤੇ ਨਿਸ਼ਾਨਾ ਬਣਾਇਆ ਗਿਆ ਸੀ। ਸਿਹਤ ਮੰਤਰਾਲੇ ਨੇ ਦੱਸਿਆ ਕਿ ਧਮਾਕਿਆਂ 'ਚ ਘੱਟੋ-ਘੱਟ 14 ਲੋਕ ਮਾਰੇ ਗਏ ਅਤੇ ਕਰੀਬ 450 ਹੋਰ ਜ਼ਖਮੀ ਹੋ ਗਏ। ਘਟਨਾ ਸਥਾਨ 'ਤੇ ਐਸੋਸੀਏਟਿਡ ਪ੍ਰੈਸ ਦੇ ਪੱਤਰਕਾਰਾਂ ਨੇ ਕਿਹਾ ਕਿ ਬੇਰੂਤ ’ਚ ਇਕ ਦਿਨ ਪਹਿਲਾਂ ਇਕ ਪੇਜ਼ਰ ਧਮਾਕੇ ’ਚ ਮਾਰੇ ਗਏ ਤਿੰਨ ਹਿਜ਼ਬੁੱਲਾ ਮੈਂਬਰਾਂ ਅਤੇ ਇਕ ਬੱਚੇ ਦੇ ਅੰਤਿਮ ਸੰਸਕਾਰ ਮੌਕੇ ਕਈ ਧਮਾਕੇ ਵੀ ਸੁਣੇ ਗਏ ਸਨ। ਦੱਖਣੀ ਤੱਟੀ ਸ਼ਹਿਰ ਸਿਡਨ ’ਚ ਇਕ ਏਪੀ ਫੋਟੋਗ੍ਰਾਫਰ ਨੇ ਇਕ ਕਾਰ ਅਤੇ ਇਕ ਮੋਬਾਈਲ ਫੋਨ ਦੀ ਦੁਕਾਨ ਨੂੰ ਧਮਾਕਿਆਂ ਨਾਲ ਨੁਕਸਾਨਿਆ ਹੋਇਆ ਦੇਖਿਆ।
ਪੜ੍ਹੋ ਇਹ ਅਹਿਮ ਖ਼ਬਰ-ਸੰਯੁਕਤ ਰਾਸ਼ਟਰ : ਫਿਲਸਤੀਨ ਦੇ ਮਤੇ ’ਤੇ ਵੋਟ ਤੋਂ ਭਾਰਤ ਰਿਹਾ ਗੈਰ-ਹਾਜ਼ਰ
ਹਿਜ਼ਬੁੱਲਾ ਦੇ ਇਕ ਅਧਿਕਾਰੀ, ਜਿਸ ਨੇ ਪਛਾਣ ਹੋਣ ਤੋਂ ਇਨਕਾਰ ਕਰ ਦਿੱਤਾ, ਨੇ ਏਪੀ ਨੂੰ ਦੱਸਿਆ ਕਿ ਧਮਾਕਾ ਸਮੂਹ ਵੱਲੋਂ ਵਰਤੀ ਗਈ ਵਾਕੀ-ਟਾਕੀ 'ਤੇ ਕੀਤਾ ਗਿਆ ਸੀ। ਲੇਬਨਾਨ ਦੀ ਸਰਕਾਰੀ ਨਿਊਜ਼ ਏਜੰਸੀ ਨੇ ਦੱਸਿਆ ਕਿ ਬੇਰੂਤ ਅਤੇ ਦੱਖਣੀ ਲੇਬਨਾਨ ਦੇ ਕਈ ਖੇਤਰਾਂ ’ਚ ਘਰਾਂ ’ਚ ਇਕ ਸੂਰਜੀ ਊਰਜਾ ਪ੍ਰਣਾਲੀ ’ਚ ਧਮਾਕਾ ਹੋਇਆ, ਜਿਸ ’ਚ ਘੱਟੋ-ਘੱਟ ਇਕ ਲੜਕੀ ਜ਼ਖ਼ਮੀ ਹੋ ਗਈ। ਇਹ ਧਮਾਕੇ ਅਜਿਹੇ ਸਮੇਂ ’ਚ ਹੋਏ ਹਨ ਜਦੋਂ ਮੰਗਲਵਾਰ ਨੂੰ ਦੇਸ਼ ਭਰ ’ਚ ਲੜੀਵਾਰ ਪੇਜਰ ਧਮਾਕਿਆਂ ਤੋਂ ਬਾਅਦ ਲੇਬਨਾਨ ’ਚ ਭੰਬਲਭੂਸਾ ਅਤੇ ਗੁੱਸਾ ਹੈ। ਲੇਬਨਾਨ ਅਤੇ ਸੀਰੀਆ ਦੇ ਕੁਝ ਹਿੱਸਿਆਂ ’ਚ ਹਿਜ਼ਬੁੱਲਾ ਦੇ ਮੈਂਬਰਾਂ ਵੱਲੋਂ ਵਰਤੇ ਗਏ ਸੈਂਕੜੇ ਪੇਜਰਾਂ ਦੇ ਧਮਾਕੇ ’ਚ ਦੋ ਬੱਚਿਆਂ ਸਮੇਤ ਘੱਟੋ ਘੱਟ 12 ਲੋਕ ਮਾਰੇ ਗਏ ਅਤੇ ਲਗਭਗ 2,800 ਹੋਰ ਜ਼ਖਮੀ ਹੋ ਗਏ।
ਪੜ੍ਹੋ ਇਹ ਅਹਿਮ ਖ਼ਬਰ-ਜਗਮੀਤ ਸਿੰਘ ਨੇ ਗਲਤ ਸ਼ਬਦਾਵਲੀ ਵਰਤਣ ਵਾਲੇ ਸ਼ਰਾਰਤੀ ਨੂੰ ਵੰਗਾਰਿਆ
ਇਨ੍ਹਾਂ ਧਮਾਕਿਆਂ ਨੇ ਇਜ਼ਰਾਈਲ ਅਤੇ ਹਿਜ਼ਬੁੱਲਾ ਦਰਮਿਆਨ ਤਣਾਅ ਨੂੰ ਵਧਾ ਦਿੱਤਾ ਹੈ, ਜਿਸ ਨਾਲ ਪੂਰੇ ਪੱਧਰ ਦੇ ਯੁੱਧ ’ਚ ਵਧਣ ਦੀ ਧਮਕੀ ਦਿੱਤੀ ਗਈ ਹੈ। ਅਮਰੀਕੀ ਵਿਦੇਸ਼ ਮੰਤਰੀ ਐਂਟਨੀ ਬਲਿੰਕੇਨ ਨੇ ਬੁੱਧਵਾਰ ਨੂੰ ਕਿਹਾ ਕਿ ਅਮਰੀਕਾ ਅਜੇ ਵੀ ਇਸ ਗੱਲ ਦਾ ਮੁਲਾਂਕਣ ਕਰ ਰਿਹਾ ਹੈ ਕਿ ਇਹ ਹਮਲਾ ਗਾਜ਼ਾ ’ਚ ਇਜ਼ਰਾਈਲ-ਹਮਾਸ ਯੁੱਧ ’ਚ ਜੰਗਬੰਦੀ ਦੀ ਗੱਲਬਾਤ ਦੀਆਂ ਕੋਸ਼ਿਸ਼ਾਂ ਨੂੰ ਕਿਵੇਂ ਪ੍ਰਭਾਵਿਤ ਕਰ ਸਕਦਾ ਹੈ। ਪੂਰੀ ਘਟਨਾ ਦੀ ਜਾਣਕਾਰੀ ਰੱਖਣ ਵਾਲੇ ਇਕ ਅਧਿਕਾਰੀ ਨੇ ਕਿਹਾ ਕਿ ਸਾਵਧਾਨੀ ਦੇ ਤੌਰ 'ਤੇ ਇਜ਼ਰਾਈਲ ਨੇ ਬੁੱਧਵਾਰ ਨੂੰ ਲੈਬਨਾਨ ਨਾਲ ਲੱਗਦੀ ਆਪਣੀ ਸਰਹੱਦ 'ਤੇ ਫੌਜਾਂ ਦੀ ਤਾਇਨਾਤੀ ਵਧਾਉਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ।
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਬ੍ਰਿਟੇਨ ’ਚ ਮਹਿੰਗਾਈ 2.2 ਫੀਸਦੀ ’ਤੇ ਸਥਿਰ
NEXT STORY 
