ਮਾਸਕੋ — ਜਾਰਜੀਆ ਦੇ ਮਾਸਕੋ ਸਮਰਥਿਤ ਅਤੇ ਵੱਖ ਹੋ ਚੁੱਕੇ ਅਬਖਾਜੀਆ ਖੇਤਰ ਵਿਚ ਸਥਿਤ ਗੋਦਾਮ ਵਿਚ ਰੱਖੇ ਗਏ ਗੋਲਾਬਾਰੂਦ ਵਿਚ ਵਿਸਫੋਟ ਹੋਣ ਨਾਲ 50 ਤੋਂ ਜ਼ਿਆਦਾ ਲੋਕ ਜ਼ਖਮੀ ਹੋ ਗਏ । ਖੇਤਰ ਦੇ ਸਿਹਤ ਮੰਤਰੀ ਤਮਾਜ ਸਖਨਾਕੀਆ ਨੇ ਰੂਸ ਦੀ ਸਮਾਚਾਰ ਏਜੰਸੀਆਂ ਨੂੰ ਦੱਸਿਆ ਕਿ ਇਹ ਵਿਸਫੋਟ ਬੁੱਧਵਾਰ ਨੂੰ ਕਾਲੇ ਸਾਗਰ ਨੇੜੇ ਪ੍ਰੀਮਾਰਸਕੀ ਖੇਤਰ ਵਿਚ ਸਥਿਤ ਹਥਿਆਰ ਗੋਦਾਮ ਵਿਚ ਹੋਇਆ । ਉਨ੍ਹਾਂ ਦੱਸਿਆ ਕਿ ਵਿਸਫੋਟ ਵਿਚ ਛੁੱਟੀ ਮਨਾ ਰਹੇ ਰੂਸ ਦੇ 19 ਨਾਗਰਿਕ ਜ਼ਖਮੀ ਹੋਏ ਹਨ । ਸਖਨਾਕੀਆ ਨੇ ਦੱਸਿਆ ਕਿ ਜ਼ਿਆਦਾਤਰ ਜ਼ਖਮੀਆਂ ਦੀ ਹਾਲਤ ਸਥਿਰ ਹੈ । ਵੱਖਵਾਦੀ ਸੂਬਾ ਅਬਖਾਜੀਆ ਦੇ ਗ੍ਰਹਿ ਮੰਤਰੀ ਅਸਲਾਨ ਕੋਬਾਖੀਆ ਨੇ ਦੱਸਿਆ ਕਿ ਕਾਲੇ ਸਾਗਰ ਦੇ ਕੰਡੇ ਸਥਿਤ ਲੜਾਈ ਦੇ ਹਥਿਆਰ ਰੱਖਣ ਵਾਲੇ ਗੁਦਾਮ ਵਿਚ ਹੋਏ ਵਿਸਫੋਟ ਵਿਚ ਕਿਸੇ ਦੀ ਮੌਤ ਨਹੀਂ ਹੋਈ ਹੈ । ਜ਼ਿਕਰਯੋਗ ਹੈ ਕਿ ਕੌਮਾਂਤਰੀ ਪੱਧਰ ਉੱਤੇ ਅਬਖਾਜੀਆ ਨੂੰ ਪੁਰਾਣੇ ਸੋਵੀਅਤ ਸੰਘ ਦੇ ਛੋਟੇ ਜਿਹੇ ਦੇਸ਼ ਜਾਰਜੀਆ ਦੇ ਹਿੱਸੇ ਦੇ ਤੌਰ ਉੱਤੇ ਮਾਨਤਾ ਪ੍ਰਾਪਤ ਹੈ ਪਰ ਸੋਵੀਅਤ ਸੰਘ ਦੇ ਵਿਘਟਨ ਤੋਂ ਬਾਅਦ ਸੰਘਰਸ਼ ਤੋਂ ਲੰਘਣ ਤੋਂ ਬਾਅਦ ਉਹ ਆਜ਼ਾਦ ਦੇਸ਼ ਹੋਣ ਦਾ ਦਾਅਵਾ ਕਰਦਾ ਹੈ ।
ਮੈਲਬੌਰਨ 'ਚ ਛੋਟਾ ਜਹਾਜ਼ ਹੋਇਆ ਹਾਦਸੇ ਦਾ ਸ਼ਿਕਾਰ, 2 ਲੋਕ ਜ਼ਖਮੀ
NEXT STORY 
