ਇੰਟਰਨੈਸ਼ਨਲ ਡੈਸਕ (ਬਿਊਰੋ): ਜਰਮਨੀ ਤੋਂ ਭਾਰਤੀਆਂ ਲਈ ਚੰਗੀ ਖ਼਼ਬਰ ਹੈ। ਮੁੰਬਈ ਵਿੱਚ ਜਰਮਨ ਕੌਂਸਲੇਟ ਨੇ ਭਾਰਤੀ ਨਾਗਰਿਕਾਂ ਲਈ ਵੀਜ਼ਾ ਫੀਸ ਵਿੱਚ ਕਟੌਤੀ ਦਾ ਐਲਾਨ ਕੀਤਾ ਹੈ। ਦੂਤਘਰ ਨੇ ਕਿਹਾ ਕਿ ਨਵੀਆਂ ਨਿਯੁਕਤੀਆਂ ਜਲਦੀ ਹੀ ਉਪਲਬਧ ਹੋਣਗੀਆਂ। ਇਸ ਬਦਲਾਅ ਨਾਲ ਭਾਰਤੀਆਂ ਲਈ ਸ਼ੈਂਗੇਨ ਵੀਜ਼ਾ ਰਾਸ਼ਟਰੀ ਵੀਜ਼ਾ ਫੀਸ ਘਟਾ ਦਿੱਤੀ ਗਈ ਹੈ। ਜਰਮਨੀ ਦੇ ਵੀਜ਼ੇ ਮਿਆਦ ਅਤੇ ਠਹਿਰਨ ਦੇ ਉਦੇਸ਼ ਦੇ ਆਧਾਰ 'ਤੇ ਜਾਰੀ ਕੀਤੇ ਜਾਂਦੇ ਹਨ। ਥੋੜ੍ਹੇ ਸਮੇਂ ਦਾ ਸ਼ੈਂਗੇਨ ਵੀਜ਼ਾ 90 ਦਿਨਾਂ ਤੱਕ ਦੇ ਠਹਿਰਨ ਲਈ ਲਾਗੂ ਹੁੰਦਾ ਹੈ ਅਤੇ ਲੰਬੇ ਸਮੇਂ ਤੱਕ ਠਹਿਰਣ ਲਈ ਜਰਮਨ ਰਾਸ਼ਟਰੀ ਵੀਜ਼ਾ ਜਾਰੀ ਕਰਦਾ ਹੈ। ਰਾਸ਼ਟਰੀ ਵੀਜ਼ਾ ਜਰਮਨ ਵਿਚ ਪੜ੍ਹਾਈ ਕਰਨ ਵਾਲੇ ਵਿਦਿਆਰਥੀਆਂ ਲਈ ਮਦਦਗਾਰ ਹੁੰਦੇ ਹਨ।
ਜਰਮਨੀ ਵਿੱਚ ਸ਼ੈਂਗੇਨ ਅਤੇ ਰਾਸ਼ਟਰੀ ਵੀਜ਼ਾ ਲਈ ਨਵੀਆਂ ਦਰਾਂ
ਬਾਲਗਾਂ ਲਈ ਸ਼ੈਂਗੇਨ ਵੀਜ਼ਾ ਫੀਸ ਹੁਣ 6,400 ਭਾਰਤੀ ਰੁਪਏ (80 ਯੂਰੋ) ਹੈ। ਜਦੋਂ ਕਿ ਨਾਬਾਲਗਾਂ ਲਈ ਇਹ ਫੀਸ 3,200 ਰੁਪਏ (40 ਯੂਰੋ) ਹੈ। ਇਸ ਦੇ ਨਾਲ ਹੀ ਰਾਸ਼ਟਰੀ ਵੀਜ਼ਾ ਫੀਸ ਦੇ ਰੂਪ ਵਿੱਚ ਇਹ ਬਾਲਗਾਂ ਲਈ 6,000 ਰੁਪਏ (75 ਯੂਰੋ) ਹੈ, ਜਦੋਂ ਕਿ ਇਹ ਨਾਬਾਲਗਾਂ ਲਈ 3,000 ਰੁਪਏ (37,50 ਯੂਰੋ) ਹੈ।
ਸ਼ੈਂਗੇਨ ਵੀਜ਼ਾ ਲਈ ਪ੍ਰੋਸੈਸਿੰਗ ਸਮਾਂ 15 ਦਿਨ
ਸ਼ੈਂਗੇਨ ਵੀਜ਼ਾ ਲਈ ਪ੍ਰੋਸੈਸਿੰਗ ਸਮਾਂ ਲਗਭਗ 15 ਦਿਨ ਹੈ। ਜਰਮਨ ਮਿਸ਼ਨ ਨੇ ਕਿਹਾ ਹੈ ਕਿ ਪੀਕ ਸੀਜ਼ਨ ਕਾਰਨ ਕੁਝ ਜਰਮਨ ਮਿਸ਼ਨਾਂ ਵਿੱਚ ਇਸ ਸਮੇਂ ਲੋਕਾਂ ਦੀਆਂ ਸ਼ੈਂਗੇਨ ਵੀਜ਼ਾ ਅਰਜ਼ੀਆਂ ਦੀ ਪ੍ਰਕਿਰਿਆ ਕਰਨ ਵਿੱਚ ਔਸਤਨ 15 ਦਿਨ ਲੱਗਦੇ ਹਨ। ਇਸ ਲਈ ਅਪਲਾਈ ਕਰਨ ਤੋਂ ਪਹਿਲਾਂ ਇਸ ਗੱਲ ਦਾ ਧਿਆਨ ਰੱਖੋ। ਇਸ ਲਈ ਮੁੰਬਈ ਵਿੱਚ ਜਰਮਨ ਕੌਂਸਲੇਟ ਨੇ ਕਿਹਾ ਕਿ ਜੇਕਰ ਕਿਸੇ ਵਿਅਕਤੀ ਦੀ ਯਾਤਰਾ ਤਾਰੀਖ਼ ਨੇੜੇ ਹੈ ਜਾਂ ਅਰਜ਼ੀ ਦੀ ਮਿਤੀ ਦੋ ਹਫ਼ਤਿਆਂ ਦੇ ਅੰਦਰ ਹੈ ਤਾਂ ਉਹ ਆਪਣੀ ਯਾਤਰਾ ਨੂੰ ਮੁਲਤਵੀ ਕਰਨ ਬਾਰੇ ਵਿਚਾਰ ਕਰ ਸਕਦੇ ਹਨ।
ਪੜ੍ਹੋ ਇਹ ਅਹਿਮ ਖ਼ਬਰ-ਐਮਾਜ਼ਾਨ 'ਚ ਮਿਲਿਆ 25 ਮੰਜ਼ਿਲਾ ਇਮਾਰਤ ਜਿੰਨਾ ਉੱਚਾ 'ਰੁੱਖ', ਵਿਗਿਆਨੀ ਵੀ ਹੋਏ ਹੈਰਾਨ
ਜਾਣੋ ਸ਼ੈਂਗੇਨ ਅਤੇ ਨੈਸ਼ਨਲ ਵੀਜ਼ਾ ਬਾਰੇ
ਇਹ ਵਿਵਸਥਾ ਯੂਰਪੀ ਦੇਸ਼ਾਂ ਦਾ ਸਾਂਝਾ ਵੀਜ਼ਾ ਹੈ। ਸੈਰ-ਸਪਾਟਾ ਜਾਂ ਵਪਾਰਕ ਵੀਜ਼ਾ ਸ਼ੈਂਗੇਨ ਵੀਜ਼ਾ ਵਿੱਚ 90 ਦਿਨਾਂ ਲਈ ਜਾਰੀ ਕੀਤਾ ਜਾਂਦਾ ਹੈ। ਇਸਦੇ ਲਈ ਤੁਹਾਨੂੰ ਨਿਰਧਾਰਿਤ ਫੀਸ ਅਦਾ ਕਰਨੀ ਪਵੇਗੀ। ਇਹ ਵੀਜ਼ਾ ਪੜ੍ਹਨ ਜਾਂ ਹੋਰ ਉਦੇਸ਼ਾਂ ਲਈ ਜਾਰੀ ਨਹੀਂ ਕੀਤਾ ਗਿਆ ਹੈ। ਜੇ ਤੁਸੀਂ 90 ਦਿਨਾਂ ਤੋਂ ਵੱਧ ਸਮੇਂ ਲਈ ਜਰਮਨੀ ਵਿੱਚ ਪੜ੍ਹਨਾ ਜਾਂ ਰਹਿਣਾ ਹੈ ਤਾਂ ਰਾਸ਼ਟਰੀ ਵੀਜ਼ਾ ਜਾਰੀ ਕੀਤਾ ਜਾਂਦਾ ਹੈ। ਸ਼ੈਂਗੇਨ ਵੀਜ਼ਾ ਵਿੱਚ ਯੂਰਪੀਅਨ ਯੂਨੀਅਨ ਦੇ ਸਾਰੇ ਦੇਸ਼ਾਂ ਨੂੰ ਬਿਨਾਂ ਕਿਸੇ ਪਾਬੰਦੀ ਦੇ ਦਾਖਲ ਹੋਣ ਦੀ ਆਗਿਆ ਦਿੰਦਾ ਹੈ। ਇਹ ਵੀਜ਼ਾ ਕਿਸੇ ਵੀ EU ਦੇਸ਼ ਦੇ ਦੂਤਘਰ 'ਤੇ ਅਪਲਾਈ ਕੀਤਾ ਜਾ ਸਕਦਾ ਹੈ ਅਤੇ ਜਾਰੀ ਕੀਤੇ ਜਾਣ 'ਤੇ ਸਾਰੇ EU ਦੇਸ਼ਾਂ 'ਤੇ ਲਾਗੂ ਹੋਵੇਗਾ। ਜਰਮਨ ਦੀ ਯਾਤਰਾ ਕਰਨ ਦੇ ਚਾਹਵਾਨਾਂ ਨੂੰ ਨਵੇਂ ਵੇਰਵੇ ਦੀ ਜਾਂਚ ਕਰਨੀ ਚਾਹੀਦੀ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਅਮਰੀਕਾ ਦੀ ਭਾਰਤ ਦੀ ਯਾਤਰਾ ਨੂੰ ਲੈ ਕੇ ਜਾਰੀ ਐਡਵਾਇਜ਼ਰੀ ਬੇਬੁਨਿਆਦ : ਇੰਡੋ ਅਮਰੀਕਨ ਚੈਂਬਰ ਆਫ ਕਾਮਰਸ
NEXT STORY 
