ਬਰਲਿਨ- ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀਆਂ ਧਮਕੀਆਂ ਅਤੇ ਵਿਸ਼ਵ ਵਿਵਸਥਾ ਵਿਚ ਅਨਿਸ਼ਚਿਤਤਾਵਾਂ ਵਿਚਕਾਰ ਜਰਮਨੀ ਰੱਖਿਆ ਬਜਟ ਵਧਾਉਣ ਦੀ ਯੋਜਨਾ ਬਣਾ ਰਿਹਾ ਹੈ। ਦੂਜੇ ਵਿਸ਼ਵ ਯੁੱਧ ਦੇ 80 ਸਾਲਾਂ ਬਾਅਦ ਜਰਮਨੀ ਪਹਿਲੀ ਵਾਰ ਅਜਿਹਾ ਕਰਨ ਜਾ ਰਿਹਾ ਹੈ। ਨਵੇਂ ਚੁਣੇ ਗਏ ਚਾਂਸਲਰ ਫ੍ਰੈਡਰਿਕ ਮੈਟਜ਼ ਨੇ ਘੋਸ਼ਣਾ ਕੀਤੀ ਹੈ ਕਿ ਜਰਮਨੀ ਮੌਜੂਦਾ ਬਜਟ ਤੋਂ ਦੁੱਗਣਾ, ਰੱਖਿਆ 'ਤੇ ਜੀ.ਡੀ.ਪੀ ਦਾ 3.5% ਖਰਚ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ। ਵਰਤਮਾਨ ਵਿੱਚ ਜਰਮਨੀ ਦਾ ਰੱਖਿਆ ਬਜਟ ਲਗਭਗ 2% ਹੈ।
ਨਵੀਂ ਯੋਜਨਾ ਬਾਰੇ ਗੱਲ ਕਰਦਿਆਂ ਮੈਟਜ਼ ਨੇ ਕਿਹਾ ਕਿ ਜਰਮਨੀ ਹੁਣ ਆਪਣੀ ਫੌਜੀ ਸ਼ਕਤੀ ਨੂੰ ਨਵੀਆਂ ਉਚਾਈਆਂ 'ਤੇ ਲਿਜਾਣ ਲਈ ਤਿਆਰ ਹੈ। ਉਨ੍ਹਾਂ ਇਸ ਨੂੰ ‘ਇਤਿਹਾਸਕ ਮੋੜ’ ਕਰਾਰ ਦਿੱਤਾ ਹੈ। ਜ਼ਿਕਰਯੋਗ ਹੈ ਕਿ 2005 'ਚ ਜਰਮਨੀ ਦਾ ਫੌਜੀ ਬਜਟ ਸਿਰਫ 1.1 ਫੀਸਦੀ ਸੀ। 2024 'ਚ ਜਰਮਨੀ ਦਾ ਰੱਖਿਆ ਬਜਟ 8.5 ਲੱਖ ਕਰੋੜ ਰੁਪਏ ਸੀ। ਨਵੀਂ ਯੋਜਨਾ ਵਿੱਚ ਜਰਮਨੀ 10 ਸਾਲਾਂ 'ਚ ਰੱਖਿਆ ਖੇਤਰ 'ਤੇ 56 ਲੱਖ ਕਰੋੜ ਰੁਪਏ ਖਰਚ ਕਰੇਗਾ। ਨਵਾਂ ਬਜਟ ਮੁੱਖ ਤੌਰ 'ਤੇ ਆਧੁਨਿਕ ਫੌਜੀ ਸਾਜ਼ੋ-ਸਾਮਾਨ ਅਤੇ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕਰਨ 'ਤੇ ਕੇਂਦਰਿਤ ਹੋਵੇਗਾ।
ਲਾਜ਼ਮੀ ਫੌਜੀ ਸੇਵਾ ਮੁੜ ਸ਼ੁਰੂ ਕਰਨ ਦੀ ਮੰਗ ਵਧ ਰਹੀ
-ਜਰਮਨੀ ਨੇ 2011 ਵਿੱਚ ਲਾਜ਼ਮੀ ਫੌਜੀ ਸੇਵਾ ਨੂੰ ਖਤਮ ਕਰ ਦਿੱਤਾ ਸੀ। ਇਸਨੂੰ ਦੁਬਾਰਾ ਸ਼ੁਰੂ ਕਰਨ ਦੀ ਮੰਗ ਵਧ ਰਹੀ ਹੈ।
-ਮਾਹਿਰਾਂ ਦਾ ਮੰਨਣਾ ਹੈ ਕਿ ਜਰਮਨੀ ਸਿਰਫ਼ ਬਜਟ ਵਧਾ ਕੇ ਟੀਚੇ ਨੂੰ ਪੂਰਾ ਨਹੀਂ ਕਰ ਸਕਦਾ। ਇਸ ਦੇ ਲਈ ਸੈਨਿਕਾਂ ਦੀ ਗਿਣਤੀ ਵਧਾਉਣੀ ਜ਼ਰੂਰੀ ਹੈ।
-ਭਰਤੀ ਗਿਣਤੀ ਘਟਣ ਕਾਰਨ ਫ਼ੌਜ ਦੀ ਸਥਿਤੀ ਚੁਣੌਤੀਪੂਰਨ ਬਣੀ ਹੋਈ ਹੈ।
-ਸੰਸਦੀ ਕਮਿਸ਼ਨਰ ਈਵਾ ਹੋਗਲ ਦੀ ਰਿਪੋਰਟ ਵਿੱਚ ਖੁਲਾਸਾ ਹੋਇਆ ਹੈ ਕਿ ਜਰਮਨੀ ਦੀ ਫੌਜ ਵਿੱਚ 181,174 ਸੈਨਿਕ ਸ਼ਾਮਲ ਹਨ। ਇਹ ਟੀਚੇ ਤੋਂ ਕਾਫੀ ਪਿੱਛੇ ਹੈ। ਫੌਜ ਦੀ ਔਸਤ ਉਮਰ ਵੀ 32 ਸਾਲ ਤੋਂ ਵਧ ਕੇ 34 ਸਾਲ ਹੋ ਗਈ ਹੈ।
ਪੜ੍ਹੋ ਇਹ ਅਹਿਮ ਖ਼ਬਰ-ਰਤਨ ਦੀਪ ਕੌਰ ਵਿਰਕ ਗ੍ਰੀਨ ਵੇਅ ਤੋਂ ਬਣੀ ਉਮੀਦਵਾਰ, ਭਾਰਤੀ ਭਾਈਚਾਰੇ 'ਚ ਖੁਸ਼ੀ ਦੀ ਲਹਿਰ
ਫਰਾਂਸ, ਪੋਲੈਂਡ ਅਤੇ ਹੋਰ ਯੂਰਪੀ ਦੇਸ਼ ਵੀ ਵਧਾ ਰਹੇ ਰੱਖਿਆ ਬਜਟ
ਜਰਮਨੀ ਤੋਂ ਇਲਾਵਾ ਫਰਾਂਸ, ਪੋਲੈਂਡ, ਬ੍ਰਿਟੇਨ ਅਤੇ ਹੋਰ ਯੂਰਪੀ ਦੇਸ਼ ਵੀ ਆਪਣਾ ਰੱਖਿਆ ਬਜਟ ਵਧਾ ਰਹੇ ਹਨ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਹੁਣ ਯੂਰਪ ਵਿਚ ਇਕ ਨਵੀਂ ਫੌਜੀ ਦੌੜ ਸ਼ੁਰੂ ਹੋ ਗਈ ਹੈ। ਜਰਮਨੀ ਵਿੱਚ ਕੀਤੇ ਗਏ ਇੱਕ ਸਰਵੇਖਣ ਅਨੁਸਾਰ 66% ਲੋਕ ਫੌਜ ਲਈ ਖਰਚੇ ਵਧਾਉਣ ਦੇ ਹੱਕ ਵਿੱਚ ਹਨ। ਯੂ.ਕੇ ਵਿੱਚ ਵੀ ਅਜਿਹਾ ਹੀ ਵਿਚਾਰ ਹੈ। ਜਰਮਨੀ ਦੇ ਨਵੇਂ ਚੁਣੇ ਗਏ ਚਾਂਸਲਰ ਮੈਟਜ਼ ਨੇ ਜ਼ੋਰ ਦੇ ਕੇ ਕਿਹਾ ਕਿ ਜਰਮਨੀ ਯੂਰਪ ਵਿੱਚ ਆਜ਼ਾਦੀ ਅਤੇ ਸ਼ਾਂਤੀ ਦੀ ਰੱਖਿਆ ਲਈ ਇੱਕ ਨੇਤਾ ਬਣਨ ਲਈ ਤਿਆਰ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।
ਈਰਾਨ, ਤੁਰਕੀ ਨੇ ਮੁਸਲਿਮ ਦੇਸ਼ਾਂ ਨੂੰ ਇਜ਼ਰਾਈਲੀ ਹਮਲੇ ਰੋਕਣ ਦੀ ਕੀਤੀ ਅਪੀਲ
NEXT STORY 
