ਇੰਟਰਨੈਸ਼ਨਲ ਡੈਸਕ : ਰੂਸ ਦੇ ਜੰਗਲ 'ਚ ਇਕ ਹੈਲੀਕਾਪਟਰ (ਏਅਰ ਐਂਬੂਲੈਂਸ) ਅਚਾਨਕ ਡਿੱਗ ਗਿਆ, ਜਿਸ ਕਾਰਨ ਹੈਲੀਕਾਪਟਰ 'ਚ ਸਵਾਰ ਪਾਇਲਟ ਅਤੇ ਤਿੰਨ ਡਾਕਟਰਾਂ ਸਮੇਤ ਚਾਰ ਲੋਕਾਂ ਦੀ ਮੌਤ ਹੋ ਗਈ। ਜਾਂਚ ਏਜੰਸੀਆਂ ਨੇ ਮੌਕੇ ਤੋਂ ਸੜਿਆ ਹੋਇਆ ਮਲਬਾ ਬਰਾਮਦ ਕਰ ਲਿਆ ਹੈ।
ਮਲਬਾ ਇੰਨਾ ਬੁਰੀ ਤਰ੍ਹਾਂ ਸੜ ਗਿਆ ਹੈ ਕਿ ਲਾਸ਼ਾਂ ਦੀ ਸ਼ਨਾਖਤ ਕਰਨੀ ਮੁਸ਼ਕਲ ਹੈ। ਤਿੰਨ ਲਾਸ਼ਾਂ ਹੈਲੀਕਾਪਟਰ ਦੇ ਨੇੜੇ ਅਤੇ ਇਕ ਹੋਰ ਲਾਸ਼ ਦੂਰੋਂ ਮਿਲੀ। ਇਹ ਹਾਦਸਾ ਮਾਸਕੋ ਤੋਂ ਕਰੀਬ 400 ਮੀਲ ਦੂਰ ਰੂਸ ਦੇ ਜੰਗਲਾਂ 'ਚ ਵਾਪਰਿਆ। ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਹੈ ਕਿ ਹਾਦਸਾ ਕਿਉਂ ਵਾਪਰਿਆ। ਪੁਲਸ ਅਧਿਕਾਰੀ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਕਿ ਹਾਦਸੇ ਤੋਂ ਪਹਿਲਾਂ ਪਾਇਲਟ ਅਤੇ ਏਅਰ ਟ੍ਰੈਫਿਕ ਕੰਟਰੋਲਰ ਵਿਚਾਲੇ ਕੀ ਗੱਲਬਾਤ ਹੋਈ ਸੀ।
ਇਸ ਹਾਦਸੇ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ। ਮੁੱਢਲੀ ਜਾਂਚ ਵਿੱਚ ਇਹ ਹਾਦਸਾ ਤਕਨੀਕੀ ਕਾਰਨਾਂ ਕਰਕੇ ਵਾਪਰਿਆ ਹੋ ਸਕਦਾ ਹੈ। ਹੈਲੀਕਾਪਟਰ ਦੀ ਯਾਤਰਾ ਦੀ ਦਿਸ਼ਾ ਬਾਰੇ ਕਿਸੇ ਨੂੰ ਪਤਾ ਨਹੀਂ ਹੈ। ਰੂਸ ਦੇ ਐਮਰਜੈਂਸੀ ਮੰਤਰਾਲੇ ਨੇ ਕਿਹਾ ਕਿ ਸ਼ੁਰੂ ਵਿੱਚ ਤਿੰਨ ਲਾਸ਼ਾਂ ਮਿਲੀਆਂ ਸਨ, ਪਰ ਬਾਅਦ ਵਿੱਚ ਇੱਕ ਚੌਥੀ ਲਾਸ਼ ਵੀ ਲੱਭੀ ਗਈ। ਗਵਰਨਰ ਅਲੈਗਜ਼ੈਂਡਰ ਸੋਕੋਲੋਵ ਨੇ ਕਿਹਾ ਕਿ ਹੈਲੀਕਾਪਟਰ 'ਤੇ ਸਵਾਰ ਕੋਈ ਮਰੀਜ਼ ਨਹੀਂ ਸੀ। Mi-2 ਇੱਕ ਛੋਟਾ, ਸੋਵੀਅਤ-ਡਿਜ਼ਾਇਨ ਕੀਤਾ ਹੈਲੀਕਾਪਟਰ ਹੈ ਜੋ ਵੱਖ-ਵੱਖ ਉਦੇਸ਼ਾਂ ਲਈ ਵਰਤਿਆ ਜਾਂਦਾ ਹੈ।
ਚੀਨ 'ਚ ਗਹਿਰਾਇਆ ਜਨਮ ਦਰ ਸੰਕਟ, ਹਜ਼ਾਰਾਂ ਕਿੰਡਰਗਾਰਟਨ ਹੋ ਗਏ ਬੰਦ
NEXT STORY 
