ਇਸਲਾਮਾਬਾਦ (ਵਾਰਤਾ) ਨੀਦਰਲੈਂਡ ਵਿਚ ਰਹਿਣ ਵਾਲੇ ਪਾਕਿਸਤਾਨੀ ਕਾਰਕੁਨ ਅਹਿਮਦ ਵਕਾਸ ਗੋਰਾਇਆ ਦੇ ਕਤਲ ਦੀ ਸਾਜ਼ਿਸ਼ ਰਚਣ ਵਾਲੇ ਵਿਅਕਤੀ ਨੂੰ ਪਾਕਿਸਤਾਨ ਦੇ ਇਕ ਬੈਂਕ ਰਾਹੀਂ ਭੁਗਤਾਨ ਕੀਤਾ ਗਿਆ ਸੀ। ਮੀਡੀਆ ਨੇ ਮੰਗਲਵਾਰ ਨੂੰ ਜਾਣਕਾਰੀ ਦਿੱਤੀ।ਇੱਕ ਪਾਕਿਸਤਾਨੀ ਕਾਰਕੁਨ ਅਤੇ ਬਲੌਗਰ ਗੁਰਾਇਆ ਨੇ ਪਾਕਿਸਤਾਨੀ ਫ਼ੌਜ ਦਾ ਮਜ਼ਾਕ ਉਡਾਉਂਦੇ ਹੋਏ ਫੇਸਬੁੱਕ 'ਤੇ ਇੱਕ ਬਲਾਗ ਸਥਾਪਤ ਕੀਤਾ ਸੀ ਅਤੇ ਮਨੁੱਖੀ ਅਧਿਕਾਰਾਂ ਦੀ ਉਲੰਘਣਾ ਦੇ ਵੇਰਵੇ ਵੀ ਦਿੱਤੇ ਸਨ।
ਪੜ੍ਹੋ ਇਹ ਅਹਿਮ ਖ਼ਬਰ- ਪਾਕਿਸਤਾਨੀ ਮੀਡੀਆ ਨੇ ਫਵਾਦ ਚੌਧਰੀ ਦੀ ਕੀਤੀ ਸਖ਼ਤ ਆਲੋਚਨਾ
ਕਰਾਊਨ ਪ੍ਰੌਸੀਕਿਊਸ਼ਨ ਸਰਵਿਸ (ਸੀਪੀਐਸ) ਨੇ ਕਿੰਗਸਟਨ ਕਰਾਊਨ ਕੋਰਟ ਨੂੰ ਦੱਸਿਆ ਕਿ ਜਿਵੇਂ ਕਿ ਉਹ ਪਾਕਿਸਤਾਨੀ ਸਰਕਾਰ ਦੀਆਂ ਗਤੀਵਿਧੀਆਂ ਦੇ ਖ਼ਿਲਾਫ਼ ਬੋਲਣ ਲਈ ਜਾਣਿਆ ਜਾਂਦਾ ਸੀ, ਅਜਿਹਾ ਲੱਗਦਾ ਹੈ ਕਿ ਉਸ ਨੂੰ ਇਸੇ ਕਾਰਨ ਨਿਸ਼ਾਨਾ ਬਣਾਇਆ ਗਿਆ ਸੀ। ਬੀਬੀਸੀ ਮੁਤਾਬਕ, ਬ੍ਰਿਟਿਸ਼-ਪਾਕਿਸਤਾਨੀ ਹਿੱਟਮੈਨ ਮੁਹੰਮਦ ਗੋਹੀਰ ਖਾਨ ਨੂੰ ਗੋਰਾਇਆ ਦੇ ਕਤਲ ਲਈ 100,000 ਪੌਂਡ ਦੀ ਪੇਸ਼ਕਸ਼ ਕੀਤੀ ਗਈ ਸੀ।ਉਸ ਨੂੰ ਮੁਜ਼ਮਿਲ ਉਪਨਾਮ ਮੁਡਜ਼ ਦੇ ਮਾਧਿਅਮ ਜ਼ਰੀਏ 5000 ਪੌਂਡ ਦਿੱਤੇ ਗਏ ਸਨ।
ਪੜ੍ਹੋ ਇਹ ਅਹਿਮ ਖ਼ਬਰ- 'UAE ਹਮਲੇ 'ਚ ਮਾਰੇ ਗਏ ਦੋ ਭਾਰਤੀਆਂ ਦੇ ਪਰਿਵਾਰਾਂ ਨੂੰ ਹਰ ਸੰਭਵ ਮਦਦ ਦੇਵੇਗਾ ਭਾਰਤ'
ਨਿਊਜ਼ ਇੰਟਰਨੈਸ਼ਨਲ ਨੇ ਸੀਪੀਐਸ ਦੇ ਹਵਾਲੇ ਨਾਲ ਅਦਾਲਤ ਨੂੰ ਸੂਚਿਤ ਕੀਤਾ ਕਿ ਮੁਡਜ਼ ਦੁਆਰਾ ਪਾਕਿਸਤਾਨ ਦੇ ਇੱਕ ਸਥਾਨਕ ਨਿੱਜੀ ਬੈਂਕ ਵਿੱਚ ਮੁਹੰਮਦ ਅਮੀਨ ਆਸਿਫ਼ ਨਾਮ ਦੇ ਇੱਕ ਵਿਅਕਤੀ ਦੇ ਖਾਤੇ ਵਿੱਚ 5000 ਪੌਂਡ ਜਮ੍ਹਾ ਕੀਤੇ ਗਏ ਸਨ।ਹਾਲਾਂਕਿ, ਇਹ ਪਤਾ ਲਗਾਉਣਾ ਬਾਕੀ ਹੈ ਕਿ ਕੀ ਬੈਂਕ ਜਾਂ ਆਸਿਫ ਨੂੰ ਭੁਗਤਾਨ ਦੇ ਅਸਲ ਉਦੇਸ਼ ਬਾਰੇ ਪਹਿਲਾਂ ਤੋਂ ਜਾਣਕਾਰੀ ਸੀ।ਬੀਬੀਸੀ ਦੇ ਅਨੁਸਾਰ, ਖਾਨ ਨੂੰ ਪਿਛਲੇ ਸਾਲ ਜੂਨ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਪਰ ਉਸ ਨੇ ਦੋਸ਼ੀ ਨਹੀਂ ਮੰਨਿਆ ਸੀ। ਉਹ ਫਿਲਹਾਲ ਟ੍ਰਾਇਲ 'ਤੇ ਹੈ ਅਤੇ ਲਗਭਗ ਦੋ ਹਫ਼ਤਿਆਂ ਤੱਕ ਚੱਲੇਗਾ।
ਪਾਕਿਸਤਾਨੀ ਮੀਡੀਆ ਨੇ ਫਵਾਦ ਚੌਧਰੀ ਦੀ ਕੀਤੀ ਸਖ਼ਤ ਆਲੋਚਨਾ
NEXT STORY 
