ਇੰਟਰਨੈਸ਼ਨਲ ਡੈੱਸਕ - ਦੁਨੀਆ ਭਰ ਵਿੱਚ ਭਾਰਤੀਆਂ ਦਾ ਦਬਦਬਾ ਲਗਾਤਾਰ ਵਧ ਰਿਹਾ ਹੈ। ਇਸ ਦੇ ਨਾਲ ਹੀ ਭਾਰਤੀ ਦੁਨੀਆ ਭਰ ਦੇ ਹਰ ਖੇਤਰ ਵਿੱਚ ਪ੍ਰਮੁੱਖ ਅਹੁਦਿਆਂ 'ਤੇ ਪਹੁੰਚ ਕੇ ਦੇਸ਼ ਦਾ ਨਾ ਰੌਸ਼ਨ ਕਰ ਰਹੇ ਹਨ। ਅਮਰੀਕਾ ਵਿਚ ਵੀ ਭਾਰਤੀ ਲੋਕ ਭਾਰੀ ਗਿਣਤੀ ਵਿਚ ਆਪਣੀ ਹਾਜ਼ਰੀ ਦਰਜ ਕਰਵਾ ਰਹੇ ਹਨ। ਪਹਿਲੀ ਵਾਰ ਅਮਰੀਕਾ ਦੇ ਚੋਟੀ ਦੇ 50 ਕਾਲਜਾਂ ਵਿੱਚੋਂ 35 ਵਿੱਚ ਭਾਰਤੀ ਮੂਲ ਦੇ ਲੋਕ ਪ੍ਰਿੰਸੀਪਲ ਅਹੁਦਿਆਂ 'ਤੇ ਹਨ। ਇਹਨਾਂ ਕਾਲਜਾਂ ਵਿੱਚ ਸਟੈਨਫੋਰਡ, ਪੇਨ, ਪੈਨਸਿਲਵੇਨੀਆ ਅਤੇ ਟਫਟਸ ਸ਼ਾਮਲ ਹਨ। ਇਸ ਦੇ ਨਾਲ ਹੀ ਉੱਚ ਸਿੱਖਿਆ ਵਿੱਚ ਵੀ 25 ਹਜ਼ਾਰ ਭਾਰਤੀ ਫੈਕਲਟੀ ਮੈਂਬਰ ਆਪਣੀਆਂ ਸੇਵਾਵਾਂ ਦੇ ਰਹੇ ਹਨ।
ਇਹ ਕਿਸੇ ਵੀ ਹੋਰ ਦੇਸ਼ ਦੇ ਪ੍ਰਵਾਸੀ ਸਮੂਹ ਵਿੱਚੋਂ ਸਭ ਤੋਂ ਵੱਧ ਹੈ। ਅਮਰੀਕਾ ਵਿੱਚ 80 ਫੀਸਦੀ ਭਾਰਤੀਆਂ ਕੋਲ ਗ੍ਰੈਜੂਏਟ ਡਿਗਰੀਆਂ ਹਨ ਜਦਕਿ ਰਾਸ਼ਟਰੀ ਔਸਤ 36 ਫੀਸਦੀ ਹੈ। ਬੋਸਟਨ ਕੰਸਲਟਿੰਗ ਗਰੁੱਪ ਵੱਲੋਂ ਭਾਰਤੀਆਂ 'ਤੇ ਕੀਤੀ ਗਈ ਖੋਜ ਰਿਪੋਰਟ 'ਚ ਇਹ ਤੱਥ ਸਾਹਮਣੇ ਆਏ ਹਨ।
ਅਮਰੀਕਾ ਵਿਚ 1 ਲੱਖ ਤੋਂ ਜ਼ਿਆਦਾ ਭਾਰਤੀ ਡਾਕਟਰ
ਅਮਰੀਕਾ ਵਿਚ 1 ਲੱਖ 20 ਹਜ਼ਾਰ ਡਾਕਟਰ ਭਾਰਤੀ ਹਨ। ਅਮਰੀਕਾ ਦੇ 30% ਮਰੀਜ਼ਾਂ ਦਾ ਇਲਾਜ ਇਨ੍ਹਾਂ ਡਾਕਟਰਾਂ ਦੁਆਰਾ ਕੀਤਾ ਜਾਂਦਾ ਹੈ। 25% ਭਾਰਤੀ ਡਾਕਟਰ ਅਮਰੀਕਾ ਦੇ ਪੇਂਡੂ ਖੇਤਰਾਂ ਵਿੱਚ ਕੰਮ ਕਰਦੇ ਹਨ। ਮੈਡੀਕਲ ਖੇਤਰ ਵਿੱਚ ਭਾਰਤੀ ਪੇਟੈਂਟ 10 ਫੀਸਦੀ ਤੱਕ ਪਹੁੰਚ ਗਏ ਹਨ ਜਦੋਂਕਿ 2010 ਵਿੱਚ ਇਹ ਅੰਕੜਾ ਸਿਰਫ਼ 4 ਫੀਸਦੀ ਤੱਕ ਸੀਮਤ ਸੀ।
ਭਾਰਤੀ ਦਿੰਦੇ ਰਹਿੰਦੇ ਹਨ ਮੋਟਾ ਦਾਨ
ਭਾਰਤੀ ਲਗਭਗ ਸਾਢੇ 16 ਹਜ਼ਾਰ ਕਰੋੜ ਰੁਪਏ ਸਾਲਾਨਾ ਦਾਨ ਕਰਦੇ ਹਨ। ਭਾਰਤੀ ਪਰਿਵਾਰ 16.5% ਸਲਾਨਾ ਚੈਰਿਟੀ ਨੂੰ ਦਿੰਦੇ ਹਨ।
ਵੱਖ-ਵੱਖ ਚੈਰੀਟੇਬਲ ਕੰਮਾਂ ਲਈ ਕਰੋੜਾਂ ਰੁਪਏ ਦਾਨ ਕਰਦੇ ਹਨ। ਪਿਛਲੇ 8 ਸਾਲਾਂ ਵਿੱਚ, ਭਾਰਤੀਆਂ ਨੇ ਅਮਰੀਕਾ ਦੀਆਂ 12 ਛੋਟੀਆਂ ਅਤੇ ਵੱਡੀਆਂ ਯੂਨੀਵਰਸਿਟੀਆਂ ਨੂੰ ਨਿੱਜੀ ਸਮਰੱਥਾ ਵਿੱਚ 25,000 ਕਰੋੜ ਰੁਪਏ ਦਾਨ ਕੀਤੇ ਹਨ।
ਅਰਥਵਿਵਸਥਾ ਵਿਚ ਨਿਭਾਉਂਦੇ ਹਨ ਵੱਡੀ ਹਿੱਸੇਦਾਰੀ
ਭਾਰਤੀ ਅਮਰੀਕਾ ਵਿੱਚ ਕੁੱਲ ਟੈਕਸਾਂ ਦਾ 6% ਅਦਾ ਕਰਦੇ ਹਨ। ਆਬਾਦੀ ਦੇ ਅਨੁਪਾਤ ਵਿੱਚ ਸਭ ਤੋਂ ਵੱਧ ਹੈ।
ਫਾਰਚੂਨ 500 ਕੰਪਨੀਆਂ ਵਿੱਚੋਂ 16 ਵੱਡੀਆਂ ਕੰਪਨੀਆਂ ਦੇ ਸੀਈਓ ਭਾਰਤੀ ਹਨ। ਇਨ੍ਹਾਂ ਵਿੱਚ ਗੂਗਲ ਦੇ ਸੀਈਓ ਸੁੰਦਰ ਪਿਚਾਈ ਅਤੇ ਵਰਟੈਕਸ ਦੀ ਰੇਸ਼ਮਾ ਕੇਵਲਰਮਾਨੀ ਸ਼ਾਮਲ ਹਨ। ਅਮਰੀਕਾ ਵਿੱਚ 648 ਯੂਨੀਕੋਰਨਾਂ ਵਿੱਚੋਂ, 72 ਦੀ ਸਥਾਪਨਾ ਭਾਰਤੀਆਂ ਦੁਆਰਾ ਕੀਤੀ ਗਈ ਹੈ। ਇਨ੍ਹਾਂ 72 ਯੂਨੀਕੋਰਨਾਂ ਦੀ ਕੁੱਲ ਜਾਇਦਾਦ 16.5 ਲੱਖ ਕਰੋੜ ਰੁਪਏ ਹੈ।
ਗਰਮੀ ਨਾਲ ਤੱਪ ਰਹੇ ਦੁਨੀਆ ਭਰ ਦੇ ਕਈ ਦੇਸ਼, ਹੀਟ ਵੇਵ ਨਾਲ ‘ਉਬਾਲਿਆ’ ਕੈਨੇਡਾ(ਦੇਖੋ ਤਸਵੀਰਾਂ)
NEXT STORY 
