ਢਾਕਾ: ਭਾਰਤ ਨੇ ਸਮੁੰਦਰੀ ਰਸਤੇ ਰਾਹੀਂ ਬੰਗਲਾਦੇਸ਼ ਨੂੰ 16,400 ਟਨ ਚੌਲ ਭੇਜੇ ਹਨ। ਬੀਤੇ ਦਿਨ ਚੌਲ ਲੈ ਕੇ ਦੋ ਜਹਾਜ਼ ਸਵੇਰੇ ਬੰਗਲਾਦੇਸ਼ ਦੀ ਬੰਦਰਗਾਹ 'ਤੇ ਪਹੁੰਚੇ। ਬੰਗਲਾਦੇਸ਼ ਨੇ ਭਾਰਤ ਤੋਂ ਚੌਲ ਖਰੀਦਣ ਲਈ ਇੱਕ ਸਮਝੌਤੇ 'ਤੇ ਹਸਤਾਖਰ ਕੀਤੇ ਹਨ। ਇਸ ਸਮਝੌਤੇ ਤਹਿਤ ਭਾਰਤ ਤੋਂ ਬੰਗਲਾਦੇਸ਼ ਨੂੰ 300,000 ਟਨ ਚੌਲ ਦਿੱਤੇ ਜਾਣਗੇ। ਇਸ ਵਿੱਚੋਂ 40 ਪ੍ਰਤੀਸ਼ਤ ਮੋਂਗਲਾ ਬੰਦਰਗਾਹ ਅਤੇ ਬਾਕੀ ਚਟਗਾਂਵ ਬੰਦਰਗਾਹ ਨੂੰ ਭੇਜਿਆ ਜਾਵੇਗਾ। ਸ਼ਨੀਵਾਰ ਨੂੰ ਚੌਲਾਂ ਦੀ ਖੇਪ ਮੋਂਗਲਾ ਬੰਦਰਗਾਹ ਭੇਜੀ ਗਈ, ਜਿੱਥੇ ਇਸਨੂੰ ਬੰਗਲਾਦੇਸ਼ੀ ਅਧਿਕਾਰੀਆਂ ਨੇ ਪ੍ਰਾਪਤ ਕੀਤਾ। ਬੰਗਲਾਦੇਸ਼ ਨੂੰ ਚੌਲਾਂ ਦੀ ਇਹ ਖੇਪ ਅਜਿਹੇ ਸਮੇਂ ਮਿਲੀ ਹੈ ਜਦੋਂ ਦੋਵਾਂ ਦੇਸ਼ਾਂ ਦੇ ਸਬੰਧ ਕਈ ਮੁੱਦਿਆਂ 'ਤੇ ਤਣਾਅਪੂਰਨ ਹਨ।
ਢਾਕਾ ਟ੍ਰਿਬਿਊਨ ਅਖਬਾਰ ਅਨੁਸਾਰ ਮੋਂਗਲਾ ਫੂਡ ਕੰਟਰੋਲਰ ਦੇ ਦਫਤਰ ਨੇ ਕਿਹਾ ਕਿ ਪਨਾਮਾ-ਝੰਡੇ ਵਾਲਾ ਜਹਾਜ਼ BMC ਅਲਫ਼ਾ ਓਡੀਸ਼ਾ ਦੇ ਧਮਰਾ ਬੰਦਰਗਾਹ ਤੋਂ 7,700 ਟਨ ਚੌਲ ਲੈ ਕੇ ਪਹੁੰਚਿਆ, ਜਦੋਂ ਕਿ ਥਾਈਲੈਂਡ-ਝੰਡੇ ਵਾਲਾ MV ਸੀ ਫੋਰੈਸਟ ਕੋਲਕਾਤਾ ਬੰਦਰਗਾਹ ਤੋਂ 8,700 ਟਨ ਚੌਲ ਲੈ ਕੇ ਬੰਗਲਾਦੇਸ਼ ਪਹੁੰਚਿਆ। ਭਾਰਤ ਤੋਂ ਚੌਲਾਂ ਦੀ ਪਹਿਲੀ ਖੇਪ 20 ਜਨਵਰੀ ਨੂੰ ਬੰਗਲਾਦੇਸ਼ ਪਹੁੰਚੀ।
ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ ਨੇ ਚੀਨੀ ਸਾਮਾਨ 'ਤੇ ਲਗਾਈ 10 ਪ੍ਰਤੀਸ਼ਤ ਡਿਊਟੀ
ਪਿਛਲੇ ਸਾਲ ਅਗਸਤ ਵਿੱਚ ਸ਼ੇਖ ਹਸੀਨਾ ਨੂੰ ਸੱਤਾ ਤੋਂ ਹਟਾਏ ਜਾਣ ਤੋਂ ਬਾਅਦ ਭਾਰਤ ਅਤੇ ਬੰਗਲਾਦੇਸ਼ ਦੇ ਸਬੰਧ ਤਣਾਅਪੂਰਨ ਹੋ ਗਏ ਹਨ। ਇਸ ਦੇ ਬਾਵਜੂਦ ਦੋਵਾਂ ਦੇਸ਼ਾਂ ਵਿਚਕਾਰ ਵਪਾਰਕ ਸਬੰਧ ਜਾਰੀ ਹਨ। ਹਾਲਾਂਕਿ ਕੁਝ ਦਿਨ ਪਹਿਲਾਂ ਮੁਹੰਮਦ ਯੂਨਸ ਦੀ ਅਗਵਾਈ ਵਾਲੀ ਬੰਗਲਾਦੇਸ਼ ਦੀ ਅੰਤਰਿਮ ਸਰਕਾਰ ਨੇ ਕਿਹਾ ਸੀ ਕਿ ਉਹ ਫਰਵਰੀ ਵਿੱਚ ਦੋਵਾਂ ਦੇਸ਼ਾਂ ਦੇ ਬਾਰਡਰ ਗਾਰਡਜ਼ ਦੇ ਡਾਇਰੈਕਟਰ ਜਨਰਲਾਂ ਦੀ ਮੀਟਿੰਗ ਦੌਰਾਨ ਭਾਰਤ ਨਾਲ ਕੁਝ ਸਰਹੱਦੀ ਸਮਝੌਤਿਆਂ ਨੂੰ ਰੱਦ ਕਰਨ ਦੀ ਕੋਸ਼ਿਸ਼ ਕਰੇਗੀ। ਹੁਣ ਤੱਕ ਇਸਦਾ ਵਪਾਰ ਸਮਝੌਤਿਆਂ 'ਤੇ ਕੋਈ ਪ੍ਰਭਾਵ ਨਹੀਂ ਪਿਆ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਚਬਾਈ ਹੋਈ ਚਿਊਇੰਗਮ ਵੇਚ ਕੇ ਕੁੜੀ ਨੇ ਕਮਾਏ ਪੈਸੇ, ਹੁਣ ਸ਼ੁਰੂ ਕਰ ਲਿਆ ਕਾਰੋਬਾਰ
NEXT STORY 
