ਤੇਲ ਅਵੀਵ— ਇਜ਼ਰਾਇਲ 'ਚ ਮੰਗਲਵਾਰ ਨੂੰ ਸੰਪੰਨ ਹੋਈਆਂ ਆਮ ਚੋਣਾਂ ਮਗਰੋਂ ਬੁੱਧਵਾਰ ਨੂੰ ਜਾਰੀ ਵੋਟਾਂ ਦੀ ਗਿਣਤੀ ਲਗਭਗ 92 ਫੀਸਦੀ ਹੋ ਚੁੱਕੀ ਹੈ ਅਤੇ ਐਗਜ਼ਿਟ ਪੋਲ ਮੁਤਾਬਕ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਦੀ ਪਾਰਟੀ ਅਤੇ ਮੁੱਖ ਵਿਰੋਧੀ ਪਾਰਟੀ ਵਿਚਕਾਰ ਸਖਤ ਟੱਕਰ ਹੈ। ਇਜ਼ਰਾਇਲ 'ਚ ਮੰਗਲਵਾਰ ਨੂੰ ਦੇਸ਼ ਦੀਆਂ 120 ਸੀਟਾਂ 'ਤੇ ਚੋਣਾਂ ਹੋਈਆਂ। ਐਗਜ਼ਿਟ ਪੋਲ ਦੇ ਨਤੀਜਿਆਂ 'ਚ ਕਿਸੇ ਵੀ ਪਾਰਟੀ ਨੂੰ ਬਹੁਮਤ ਮਿਲਦਾ ਦਿਖਾਈ ਨਹੀਂ ਦੇ ਰਿਹਾ। ਨੇਤਨਯਾਹੂ ਦੀ ਪਾਰਟੀ ਲਿਕੁਡ ਨੂੰ ਐਗਜ਼ਿਟ ਪੋਲ 'ਚ 31 ਤੋਂ 33 ਸੀਟਾਂ ਮਿਲਦੀਆਂ ਦਿਖਾਈ ਦੇ ਰਹੀਆਂ ਹਨ ਅਤੇ ਬੈਨੀ ਗਾਂਟਜ਼ ਦੀ ਅਗਵਾਈ 'ਚ ਬਲੂ ਅਤੇ ਵ੍ਹਾਈਟ ਗਠਜੋੜ ਨੂੰ 32 ਤੋਂ 34 ਸੀਟਾਂ ਮਿਲਣ ਦਾ ਅੰਦਾਜ਼ਾ ਹੈ ਜਦਕਿ ਸਾਬਕਾ ਰੱਖਿਆ ਮੰਤਰੀ ਅਵਿਗਡੋਰ ਲਈ ਬੇਰਮਨ ਨੂੰ 8 ਤੋਂ 10 ਸੀਟਾਂ ਮਿਲ ਸਕਦੀਆਂ ਹਨ।
ਚੋਣਾਂ ਦੇ ਨਤੀਜੇ ਜੇਕਰ ਐਗਜ਼ਿਟ ਪੋਲ ਮੁਤਾਬਕ ਆਉਂਦੇ ਹਨ, ਜਿਵੇਂ ਕਿ ਅੰਦਾਜ਼ੇ ਲਗਾਏ ਜਾ ਰਹੇ ਹਨ ਤਾਂ ਬਲੂ ਅਤੇ ਵ੍ਹਾਈਟ ਗਠਜੋੜ ਬੇਰਮਨ ਨਾਲ ਮਿਲ ਕੇ ਸਰਕਾਰ ਬਣਾ ਸਕਦੇ ਹਨ। ਦੇਸ਼ 'ਚ ਸਰਕਾਰ ਬਣਾਉਣ ਲਈ ਕਿਸੇ ਵੀ ਦਲ ਨੂੰ ਘੱਟ ਤੋਂ ਘੱਟ 61 ਸੀਟਾਂ ਚਾਹੀਦੀਆਂ ਹਨ ਅਤੇ ਐਗਜ਼ਿਟ ਪੋਲ 'ਚ ਕਿਸੇ ਵੀ ਦਲ ਦੇ ਆਪਣੇ ਦਮ 'ਤੇ ਸਰਕਾਰ ਬਣਾਉਣ ਦੇ ਆਸਾਰ ਬੇਹੱਦ ਘੱਟ ਹਨ। ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਇਨ੍ਹਾਂ ਚੋਣਾਂ ਨੂੰ ਲੈ ਕੇ ਕਿਹਾ ਕਿ ਦੇਸ਼ ਇਤਿਹਾਸਕ ਦੌਰ 'ਚੋਂ ਲੰਘ ਰਿਹਾ ਹੈ। ਨੇਤਨਯਾਹੂ ਨੇ ਮੰਗਲਵਾਰ ਨੂੰ ਆਪਣੇ ਸਮਰਥਕਾਂ ਨੂੰ ਸੰਬੋਧਤ ਕਰਨ ਦੌਰਾਨ ਕਿਹਾ,'ਅਸੀਂ ਅਜੇ ਵੀ ਚੋਣਾਂ ਦੇ ਨਤੀਜਿਆਂ ਦੀ ਉਡੀਕ ਕਰ ਰਹੇ ਹਾਂ ਪਰ ਕਿਤੇ ਨਾ ਕਿਤੇ ਅਸੀਂ ਤੁਹਾਡੀ ਜਿੱਤ ਨੂੰ ਲੈ ਕੇ ਵਿਸ਼ਵਾਸ 'ਚ ਹਾਂ। ਇਜ਼ਰਾਇਲ ਇਤਿਹਾਸਕ ਦੌਰ ਤੋਂ ਲੰਘ ਰਿਹਾ ਹੈ।'' ਉਨ੍ਹਾਂ ਨੇ ਕਿਹਾ,''ਦੇਸ਼ ਨੂੰ ਅਰਬ ਦੀਆਂ ਯਹੂਦੀ ਪਾਰਟੀਆਂ ਦੀ ਜ਼ਰੂਰਤ ਨਹੀਂ ਹੈ ਜੋ ਇਜ਼ਰਾਇਲ 'ਚ ਯਹੂਦੀਆਂ ਦੇ ਹੋਣ ਤੋਂ ਇਨਕਾਰ ਕਰਦੀ ਹੈ ਅਤੇ ਨਾ ਹੀ ਲੋਕਤੰਤਰ 'ਚ ਵਿਸ਼ਵਾਸ ਰੱਖਦੀ ਹੈ। ਦੇਸ਼ ਨੂੰ ਇਕ ਮਜ਼ਬੂਤ ਸਰਕਾਰ ਦੀ ਜ਼ਰੂਰਤ ਹੈ।''
ਜ਼ਿਕਰਯੋਗ ਹੈ ਕਿ ਇਸ ਸਾਲ ਅਪ੍ਰੈਲ 'ਚ ਹੋਈਆਂ ਚੋਣਾਂ 'ਚ ਨੇਤਨਯਾਹੂ ਦੀ ਅਗਵਾਈ ਵਲੇ ਗਠਜੋੜ ਸਰਕਾਰ ਦੇ ਡਿੱਗ ਜਾਣ ਕਾਰਨ ਦੇਸ਼ 'ਚ ਫਿਰ ਤੋਂ ਚੋਣਾਂ ਕਰਾਉਣ ਦੀ ਸਥਿਤੀ ਬਣੀ ਹੈ।
POK 'ਤੇ ਭਾਰਤੀ ਬਿਆਨ ਨਾਲ ਪਾਕਿ ਨੂੰ ਲੱਗੀਆਂ ਮਿਰਚਾਂ, ਅੰਤਰਰਾਸ਼ਟਰੀ ਭਾਈਚਾਰੇ ਨੂੰ ਕੀਤੀ ਅਪੀਲ
NEXT STORY 
