ਵੈੱਬ ਡੈਸਕ- ਚੈਰਿਟੀ ਸ਼ੌਪਸ (Thrift Shops) 'ਚ ਮਿਲਣ ਵਾਲੀਆਂ ਚੀਜ਼ਾਂ ਕਈ ਵਾਰ ਲੋਕਾਂ ਨੂੰ ਅਮੀਰ ਬਣਾ ਦਿੰਦੀਆਂ ਹਨ। ਇੰਗਲੈਂਡ 'ਚ ਇਕ ਅਜਿਹਾ ਹੀ ਮਾਮਲਾ ਸਾਹਮਣੇ ਆਇਆ ਹੈ ਜਿੱਥੇ ਇਕ ਦੁਕਾਨਦਾਰ ਨੇ ਸਿਰਫ਼ 200 ਰੁਪਏ (ਦੋ ਪੌਂਡ ਤੋਂ ਕੁਝ ਵੱਧ) 'ਚ ਚੀਨੀ ਮਿੱਟੀ ਦੀ ਇਕ ਪੁਰਾਣੀ ਪਲੇਟ ਖਰੀਦੀ। ਬਾਅਦ 'ਚ ਜਦੋਂ ਇਸ ਦੀ ਜਾਂਚ ਕਰਾਈ ਗਈ ਤਾਂ ਪਤਾ ਲੱਗਾ ਕਿ ਇਸ ਦੀ ਅਸਲੀ ਕੀਮਤ ਲੱਖਾਂ 'ਚ ਹੈ। ਇਸ ਘਟਨਾ ਨੇ ਸਾਬਿਤ ਕਰ ਦਿੱਤਾ ਕਿ ਕਦੇ-ਕਦੇ ਕਿਸੇ ਦਾ ਕਚਰਾ ਦੂਜੇ ਲਈ ਖਜ਼ਾਨਾ ਬਣ ਜਾਂਦਾ ਹੈ।
ਇਹ ਵੀ ਪੜ੍ਹੋ : ਮੋਬਾਇਲ Useres ਦੀ ਲੱਗੀ ਮੌਜ ! ਆ ਗਿਆ 330 ਦਿਨ ਦੀ ਵੈਲਡਿਟੀ ਵਾਲਾ ਸਸਤਾ ਪਲਾਨ
ਕਿਵੇਂ ਹੋਇਆ ਇਹ ਖੁਲਾਸਾ:
ਚੈਰਿਟੀ ਸ਼ੌਪ (ਥ੍ਰਿਫਟ ਸ਼ੌਪ) ਦੇ ਮਾਲਕ ਨੇ ਇਹ ਪੁਰਾਣੀ ਪਲੇਟ ਅਤੇ ਇਕ ਫੁੱਲਦਾਨ ਮਾਮੂਲੀ ਕੀਮਤ 'ਤੇ ਖਰੀਦਿਆ ਸੀ। ਡੇਲੀ ਸਟਾਰ ਦੀ ਰਿਪੋਰਟ ਅਨੁਸਾਰ, ਸ਼ੌਪ ਦੇ ਮਾਲਕ ਨੇ ਨੀਲੇ ਅਤੇ ਪੀਲੇ ਡ੍ਰੈਗਨਾਂ ਨਾਲ ਸਜੀ ਇਹ ਪਲੇਟ ਇਕ ਬਾਰਗੇਨ ਸ਼ੌਪ ਤੋਂ ਖਰੀਦੀ ਸੀ। ਇਸ ਪਲੇਟ ਦੀ ਅੰਦਾਜ਼ਨ ਕੀਮਤ ਸਿਰਫ਼ ਦੋ ਪੌਂਡ (ਲਗਭਗ 200 ਰੁਪਏ) ਸੀ। ਇਸ ਤੋਂ ਇਲਾਵਾ, ਇਕ ਪੁਰਾਣਾ ਫੁੱਲਦਾਨ ਦਾਨ 'ਚ ਵੀ ਮਿਲਿਆ ਸੀ, ਜਿਸ ਦੀ ਕੀਮਤ ਦੁਕਾਨਦਾਰਾਂ ਨੂੰ ਲਗਭਗ 100 ਡਾਲਰ ਲੱਗ ਰਹੀ ਸੀ।
ਜਦੋਂ ਚੈਰਿਟੀ ਸ਼ੌਪ ਦੇ ਮੈਨੇਜਰ ਨੂੰ ਸ਼ੱਕ ਹੋਇਆ ਕਿ ਇਹ ਬਰਤਨ ਖਾਸ ਹੋ ਸਕਦੇ ਹਨ, ਤਾਂ ਉਨ੍ਹਾਂ ਨੇ ਬ੍ਰਿਟੇਨ ਦੇ ਨੀਲਾਮੀਕਰਤਾਵਾਂ ਵੂਲੀ ਐਂਡ ਵਾਲਿਸ ਨਾਲ ਪ੍ਰੋਫੈਸ਼ਨਲ ਜਾਂਚ ਬੁੱਕ ਕੀਤੀ। ਉਨ੍ਹਾਂ ਨੇ ਏਸ਼ੀਆਈ ਕਲਾ ਮਾਹਿਰ ਜੌਨ ਐਕਸਫੋਰਡ ਨਾਲ ਮੁਲਾਕਾਤ ਕੀਤੀ। ਮਾਹਿਰਾਂ ਨੇ ਤੁਰੰਤ ਪਛਾਣ ਲਿਆ ਕਿ ਇਹ ਵਸਤੂਆਂ 19ਵੀਂ ਸਦੀ ਦੀਆਂ ਮਹੱਤਵਪੂਰਨ ਚੀਨੀ ਕਲਾਕ੍ਰਿਤੀਆਂ ਹਨ, ਜੋ ਦਾਓਗੁਆਂਗ ਕਾਲ (1821-1850) ਨਾਲ ਸਬੰਧਤ ਹਨ। ਇਨ੍ਹਾਂ ਦੀ ਪਛਾਣ ਉਨ੍ਹਾਂ ਦੇ ਛੇ-ਅੱਖਰਾਂ ਦੇ ਚਿੰਨ੍ਹ ਤੋਂ ਹੁੰਦੀ ਸੀ, ਜੋ ਚੀਨੀ ਸ਼ਾਹੀ ਸੰਗ੍ਰਹਿ 'ਚ ਵੀ ਮਿਲਦਾ ਹੈ।
ਨੀਲਾਮੀ 'ਚ ਮਿਲੀ ਲੱਖਾਂ ਦੀ ਕੀਮਤ:
ਮੁੱਢਲੇ ਤੌਰ 'ਤੇ, ਇਸ ਪਲੇਟ ਦੀ ਕੀਮਤ 1,500 ਤੋਂ 2,000 ਰੁਪਏ ਦੇ 'ਚ ਆਂਕੀ ਗਈ ਸੀ। ਪਰ ਨਤੀਜੇ ਵਜੋਂ, ਅੰਤ 'ਚ ਨੀਲਾਮੀ 'ਚ ਇਸ ਪਲੇਟ ਦੀ ਕੀਮਤ ਇਸ ਤੋਂ ਵੀ ਜ਼ਿਆਦਾ ਹੋ ਗਈ ਅਤੇ ਇਹ 7,000 ਡਾਲਰ (8 ਲੱਖ ਰੁਪਏ) 'ਚ ਵਿਕੀ। ਉੱਥੇ ਹੀ, ਅੰਡਾਕਾਰ ਫੁੱਲਦਾਨ, ਜਿਸ 'ਚ ਬੱਦਲਾਂ, ਅੱਗ ਦੀਆਂ ਲਪਟਾਂ ਅਤੇ ਲਹਿਰਾਂ ਦੇ ਵਿਚਕਾਰ ਤਿੰਨ ਗਤੀਸ਼ੀਲ ਡ੍ਰੈਗਨ ਦਰਸਾਏ ਗਏ ਸਨ, ਦੀ ਕੀਮਤ 1,500 ਤੋਂ 2,500 ਡਾਲਰ ਦੇ ਵਿਚਕਾਰ ਅੰਦਾਜ਼ਨ ਕੀਤੀ ਗਈ ਸੀ, ਪਰ ਮੁਕਾਬਲੇ ਵਾਲੀ ਬੋਲੀ 'ਚ ਇਹ 5,080 ਡਾਲਰ (6.5 ਲੱਖ ਰੁਪਏ) 'ਚ ਵਿਕਿਆ।
ਇਹ ਵੀ ਪੜ੍ਹੋ : ਗ੍ਰਹਿ ਪ੍ਰਵੇਸ਼ ਦੌਰਾਨ ਲਾੜੀ ਪੈਰ ਨਾਲ ਕਿਉਂ ਸੁੱਟਦੀ ਹੈ ਚੌਲਾਂ ਦਾ ਕਲਸ਼? ਜਾਣੋ ਇਸ ਪਰੰਪਰਾ ਦਾ ਰਹੱਸ
ਅਮਰੀਕਾ-ਚੀਨ ਤਣਾਅ ਦਰਮਿਆਨ yttrium ਬਣਿਆ ਵੱਡਾ ਹਥਿਆਰ, ਸਪਲਾਈ ਮਹੀਨਿਆਂ ਤੋਂ ਬੰਦ
NEXT STORY 
