ਸਿਓਲ (ਪੋਸਟ ਬਿਊਰੋ)- ਉੱਤਰੀ ਕੋਰੀਆ ਦੇ ਨੇਤਾ ਕਿਮ ਜੋਂਗ ਉਨ ਨੇ ਆਪਣੇ ਲੰਬੇ ਦੌਰੇ ਦੌਰਾਨ ਰੂਸ ਦੇ ਦੂਰ ਪੂਰਬੀ ਸ਼ਹਿਰ ਵਿੱਚ ਸਥਿਤ ਅਤਿ ਆਧੁਨਿਕ ਲੜਾਕੂ ਜਹਾਜ਼ ਬਣਾਉਣ ਵਾਲੀ ਫੈਕਟਰੀ ਦਾ ਦੌਰਾ ਕੀਤਾ। ਕਿਮ ਦੇ ਰੂਸ ਦੌਰੇ ਤੋਂ ਚਿੰਤਤ ਅਮਰੀਕਾ ਅਤੇ ਹੋਰ ਦੇਸ਼ਾਂ ਨੇ ਰੂਸ ਅਤੇ ਉੱਤਰੀ ਕੋਰੀਆ ਨੂੰ ਹਥਿਆਰਾਂ ਦਾ ਤਬਾਦਲਾ ਸਮਝੌਤਾ ਨਾ ਕਰਨ ਦੀ ਚੇਤਾਵਨੀ ਦਿੱਤੀ ਹੈ।
ਕਿਮ ਨੇ ਹਥਿਆਰਾਂ ਅਤੇ ਤਕਨਾਲੋਜੀ ਨਾਲ ਸਬੰਧਤ ਕਈ ਸਾਈਟਾਂ ਦਾ ਦੌਰਾ ਕੀਤਾ। ਉਨ੍ਹਾਂ ਨੇ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨਾਲ ਮੁਲਾਕਾਤ ਕੀਤੀ ਹੈ। ਇਨ੍ਹਾਂ ਕਾਰਨ ਇਹ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ ਕਿ ਕਿਮ ਰੂਸ ਨੂੰ ਆਧੁਨਿਕ ਹਥਿਆਰਾਂ ਜਾਂ ਤਕਨਾਲੋਜੀ ਦੇ ਬਦਲੇ ਗੋਲਾ-ਬਾਰੂਦ ਸਪਲਾਈ ਕਰੇਗਾ, ਜਿਸ ਦੀ ਵਰਤੋਂ ਉਹ ਯੂਕ੍ਰੇਨ ਦੀ ਜੰਗ ਵਿੱਚ ਕਰ ਸਕਦਾ ਹੈ। ਪੱਛਮੀ ਦੇਸ਼ਾਂ ਨੇ ਰੂਸ ਅਤੇ ਉੱਤਰੀ ਕੋਰੀਆ 'ਤੇ ਕਈ ਪਾਬੰਦੀਆਂ ਲਗਾ ਦਿੱਤੀਆਂ ਹਨ ਅਤੇ ਉਨ੍ਹਾਂ ਨੂੰ ਅਲੱਗ-ਥਲੱਗ ਕਰ ਦਿੱਤਾ ਹੈ। ਅਜਿਹੇ 'ਚ ਇਹ ਦੋਵੇਂ ਦੇਸ਼ ਆਪਣੇ ਸਬੰਧਾਂ ਨੂੰ ਹੋਰ ਗੂੜ੍ਹਾ ਕਰ ਰਹੇ ਹਨ।
ਰੂਸ ਦੀ ਸਰਕਾਰੀ ਸਮਾਚਾਰ ਏਜੰਸੀ 'ਆਰਆਈਏ ਨੋਵੋਸਤੀ' ਨੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ 'ਚ ਕਿਮ ਦੀ ਬਖਤਰਬੰਦ ਟਰੇਨ ਕੋਮਸੋਮੋਲਸਕ-ਓਨ-ਅਮੂਰ ਸ਼ਹਿਰ ਦੇ ਇਕ ਸਟੇਸ਼ਨ 'ਤੇ ਰੁਕਦੀ ਦਿਖਾਈ ਦੇ ਰਹੀ ਹੈ ਅਤੇ ਕੁਝ ਹੀ ਦੇਰ ਬਾਅਦ ਕਿਮ ਦਾ ਕਾਫਲਾ ਸਟੇਸ਼ਨ ਤੋਂ ਬਾਹਰ ਆਇਆ। ਟਾਸ ਨਿਊਜ਼ ਏਜੰਸੀ ਨੇ ਦੱਸਿਆ ਕਿ ਕਿਮ ਅਤੇ ਸਥਾਨਕ ਰੂਸੀ ਅਧਿਕਾਰੀਆਂ ਨੇ ਐਸਯੂ-35 ਅਤੇ ਐਸਯੂ-57 ਲੜਾਕੂ ਜਹਾਜ਼ ਬਣਾਉਣ ਵਾਲੇ ਪਲਾਂਟਾਂ ਦਾ ਦੌਰਾ ਕੀਤਾ। ਪੁਤਿਨ ਨੇ ਕਿਮ ਨਾਲ ਸਿਖਰ ਵਾਰਤਾ ਤੋਂ ਬਾਅਦ ਰੂਸੀ ਮੀਡੀਆ ਨੂੰ ਦੱਸਿਆ ਕਿ ਉੱਤਰੀ ਕੋਰੀਆਈ ਨੇਤਾ ਰੂਸ ਦੇ ਪੈਸੀਫਿਕ ਫਲੀਟ, ਇਕ ਯੂਨੀਵਰਸਿਟੀ ਅਤੇ ਹੋਰ ਸਾਈਟਾਂ ਦਾ ਦੌਰਾ ਕਰਨ ਲਈ ਵਲਾਦੀਵੋਸਤੋਕ ਦੇ ਨੇੜੇ ਜਾਣਗੇ।
ਪੜ੍ਹੋ ਇਹ ਅਹਿਮ ਖ਼ਬਰ-ਆਸਟ੍ਰੇਲੀਆਈ ਸੂਬੇ ਤੋਂ ਚੀਨ ਦੇ ਪ੍ਰਮੁੱਖ ਸ਼ਹਿਰਾਂ ਲਈ ਹੋਰ ਸਿੱਧੀਆਂ ਉਡਾਣਾਂ ਦੀ ਸ਼ੁਰੂਆਤ
ਮਾਹਿਰਾਂ ਦਾ ਕਹਿਣਾ ਹੈ ਕਿ ਪੁਤਿਨ ਨੂੰ ਜੰਗ ਲਈ ਹਥਿਆਰ ਮੁਹੱਈਆ ਕਰਾਉਣ ਦੇ ਬਦਲੇ ਕਿਮ ਆਪਣੀ ਹਵਾਈ ਸੈਨਾ ਅਤੇ ਜਲ ਸੈਨਾ ਨੂੰ ਆਧੁਨਿਕ ਬਣਾਉਣ ਲਈ ਰੂਸ ਦੀ ਮਦਦ ਮੰਗਣਗੇ। ਇਹ ਪੁੱਛੇ ਜਾਣ 'ਤੇ ਕੀ ਰੂਸ ਉੱਤਰੀ ਕੋਰੀਆ ਨੂੰ ਉਪਗ੍ਰਹਿ ਹਾਸਲ ਕਰਨ 'ਚ ਮਦਦ ਕਰੇਗਾ, ਪੁਤਿਨ ਨੇ ਕਿਹਾ ਕਿ "ਅਸੀਂ ਇੱਥੇ ਇਸੇ ਲਈ ਹਾਂ।" ਕਿਮ ਨੇ ਰਾਕੇਟ ਤਕਨੀਕ ਵਿੱਚ ਡੂੰਘੀ ਦਿਲਚਸਪੀ ਦਿਖਾਈ ਹੈ। ਉਹ ਪੁਲਾੜ ਵਿਗਿਆਨ ਨੂੰ ਵਿਕਸਤ ਕਰਨ ਦੀ ਵੀ ਕੋਸ਼ਿਸ਼ ਕਰ ਰਿਹਾ ਹੈ।''
ਅਮਰੀਕਾ ਸਣੇ ਹੋਰ ਦੇਸ਼ਾਂ ਦੀ ਵਧੀ ਚਿੰਤਾ
ਦੱਖਣੀ ਕੋਰੀਆ ਦੇ ਰਾਸ਼ਟਰਪਤੀ ਦਫਤਰ ਨੇ ਕਿਹਾ ਕਿ ਅਮਰੀਕਾ, ਦੱਖਣੀ ਕੋਰੀਆ ਅਤੇ ਜਾਪਾਨ ਦੇ ਸੁਰੱਖਿਆ ਸਲਾਹਕਾਰਾਂ ਨੇ ਵੀਰਵਾਰ ਨੂੰ ਫੋਨ 'ਤੇ ਗੱਲਬਾਤ ਕੀਤੀ ਅਤੇ ਰੂਸ ਅਤੇ ਉੱਤਰੀ ਕੋਰੀਆ ਵਿਚਾਲੇ ਹਥਿਆਰਾਂ ਦੇ ਸੰਭਾਵੀ ਸੌਦਿਆਂ 'ਤੇ ਚਰਚਾ ਕੀਤੀ ਅਤੇ ਇਸ ਬਾਰੇ 'ਗੰਭੀਰ ਚਿੰਤਾ' ਜ਼ਾਹਰ ਕੀਤੀ। ਦੱਖਣੀ ਕੋਰੀਆ ਦੇ ਰਾਸ਼ਟਰਪਤੀ ਦਫਤਰ ਨੇ ਕਿਹਾ ਕਿ ਰੂਸ ਅਤੇ ਉੱਤਰੀ ਕੋਰੀਆ ਨੂੰ ਚੇਤਾਵਨੀ ਦਿੱਤੀ ਗਈ ਹੈ ਕਿ ਜੇਕਰ ਉਹ ਅਜਿਹਾ ਸਮਝੌਤਾ ਕਰਦੇ ਹਨ ਤਾਂ ਉਨ੍ਹਾਂ ਨੂੰ "ਕੀਮਤ" ਚੁਕਾਉਣੀ ਪਵੇਗੀ। ਸਿਓਲ ਵਿਚ ਇਹ ਚਿੰਤਾ ਫੈਲੀ ਹੋਈ ਹੈ ਕਿ ਗੋਲਾ-ਬਾਰੂਦ ਦੀ ਸਪਲਾਈ ਦੇ ਬਦਲੇ ਉੱਤਰੀ ਕੋਰੀਆ ਨੂੰ ਰੂਸ ਤੋਂ ਆਧੁਨਿਕ ਹਥਿਆਰਾਂ ਦੀਆਂ ਤਕਨੀਕਾਂ ਮਿਲ ਸਕਦੀਆਂ ਹਨ, ਜਿਸ ਵਿਚ ਕਿਮ ਜੋਂਗ ਉਨ ਦੇ ਫੌਜੀ ਪਰਮਾਣੂ ਪ੍ਰੋਗਰਾਮ ਤੋਂ ਪੈਦਾ ਹੋਏ ਫੌਜੀ ਜਾਸੂਸੀ ਉਪਗ੍ਰਹਿਆਂ ਨਾਲ ਜੁੜੀ ਤਕਨਾਲੋਜੀ ਵੀ ਖ਼ਤਰੇ ਨੂੰ ਹੋਰ ਵਧਾ ਦੇਵੇਗੀ। ਦੱਖਣੀ ਕੋਰੀਆ ਦੇ ਏਕੀਕਰਨ ਮੰਤਰੀ ਕਿਮ ਜੁੰਗ ਹੋ ਨੇ ਚੇਤਾਵਨੀ ਦਿੱਤੀ ਹੈ ਕਿ ਜੇਕਰ ਉੱਤਰੀ ਕੋਰੀਆ ਅਤੇ ਰੂਸ ਵਿਚਾਲੇ ਹਥਿਆਰਾਂ ਦਾ ਸੌਦਾ ਹੁੰਦਾ ਹੈ ਤਾਂ ਦੱਖਣੀ ਕੋਰੀਆ, ਅਮਰੀਕਾ ਅਤੇ ਜਾਪਾਨ ਸਖ਼ਤ ਪ੍ਰਤੀਕਿਰਿਆ ਕਰਨਗੇ। ਇਹ ਤਿੰਨੇ ਦੇਸ਼ ਖੇਤਰੀ ਖਤਰੇ ਨੂੰ ਦੇਖਦੇ ਹੋਏ ਆਪਣਾ ਤਿਕੋਣੀ ਸੁਰੱਖਿਆ ਸਹਿਯੋਗ ਵਧਾ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਆਸਟ੍ਰੇਲੀਆਈ ਸੂਬੇ ਤੋਂ ਚੀਨ ਦੇ ਪ੍ਰਮੁੱਖ ਸ਼ਹਿਰਾਂ ਲਈ ਹੋਰ ਸਿੱਧੀਆਂ ਉਡਾਣਾਂ ਦੀ ਸ਼ੁਰੂਆਤ
NEXT STORY 
