ਲੰਡਨ (ਇੰਟ.)- ਭਾਰਤੀ ਮੂਲ ਦੇ ਇਕ ਵਿਅਕਤੀ ਨੂੰ ਲੰਡਨ ਵਿਚ ਆਪਣੇ ਘਰ ਵਿਚ ਬੰਦੂਕ ਲੁਕਾਉਣ ਦੇ ਜੁਰਮ ਵਿਚ 6 ਸਾਲ ਜੇਲ ਦੀ ਸਜ਼ਾ ਸੁਣਾਈ ਗਈ ਹੈ। ਸੋਮਵਾਰ ਨੂੰ ਪਵਨਦੀਪ ਸੰਧੂ ਨੂੰ ਪੂਰਬੀ ਲੰਡਨ ਦੀ ਸਨੇਰੇਸਬਰੁੱਕ ਕ੍ਰਾਊਨ ਕੋਰਟ ਨੇ ਸਜ਼ਾ ਸੁਣਾਈ। ਉਸ ਦੇ ਘਰ ਦੀ ਅਲਮਾਰੀ ਤੋਂ ਪਾਬੰਦੀਸ਼ੁਦਾ ਬੰਦੂਕ ਬਰਾਮਦ ਹੋਈ ਸੀ। 21 ਸਾਲਾ ਸੰਧੂ ਨੂੰ ਚਾਕੂ ਰੱਖਣ ਲਈ ਪਹਿਲਾਂ ਹੀ ਮੁਅੱਤਲ ਸਜ਼ਾ ਲਈ ਤਿੰਨ ਮਹੀਨਿਆਂ ਦੀ ਸਜ਼ਾ ਦਾ ਸਾਹਮਣਾ ਕਰਨਾ ਪਵੇਗਾ।
ਮੈਟਰੋਪੋਲੀਟਨ ਪੁਲਸ ਦੇ ਸਪੈਸ਼ਲਿਸਟ ਕ੍ਰਾਈਮ ਕਮਾਂਡ ਦੇ ਡਿਟੈਕਟਿਵ ਇੰਸਪੈਕਟਰ ਗਲੇਨ ਬਟਲਰ ਨੇ ਕਿਹਾ ਕਿ ਮੈਟਰੋਪੋਲੀਟਨ ਪੁਲਸ ਹਮੇਸ਼ਾ ਬੰਦੂਕਾਂ ਅਤੇ ਚਾਕੂਆਂ ਸਮੇਤ ਘਾਤਕ ਹਥਿਆਰਾਂ ਨੂੰ ਲੰਡਨ ਦੀਆਂ ਸੜਕਾਂ ਤੋਂ ਹਟਾਉਣ ਲਈ ਕੰਮ ਕਰ ਰਹੀ ਹੈ ਜੋ ਸਾਡੇ ਭਾਈਚਾਰਿਆਂ ਲਈ ਖਤਰਾ ਹਨ। ਮੈਨੂੰ ਬਹੁਤ ਖੁਸ਼ੀ ਹੈ ਕਿ ਇੱਕ ਹੋਰ ਮਾਰੂ ਹਥਿਆਰ ਹਟਾ ਦਿੱਤਾ ਗਿਆ ਅਤੇ ਇਹ ਸਜ਼ਾ ਦਰਸਾਉਂਦੀ ਹੈ ਕਿ ਸੰਧੂ ਦਾ ਅਪਰਾਧ ਕਿੰਨਾ ਗੰਭੀਰ ਸੀ। ਜਿਹੜੇ ਲੋਕ ਹਥਿਆਰ ਰੱਖਦੇ ਹਨ ਅਤੇ ਲੁਕਾਉਣ ਦੀ ਕੋਸ਼ਿਸ਼ ਕਰਦੇ ਹਨ, ਉਨ੍ਹਾਂ ਨੂੰ ਸਮਝ ਲੈਣਾ ਚਾਹੀਦਾ ਹੈ ਕਿ ਅਸੀਂ ਲੋਕਾਂ ਦੀ ਰੱਖਿਆ ਅਤੇ ਇਸ ਸਥਿਤੀ ਦਾ ਮੁਕਾਬਲਾ ਕਰਨ ਲਈ ਹਰ ਉਪਕਰਨ ਵਰਤਾਂਗੇ ਅਤੇ ਆਪਣੇ ਭਾਈਚਾਰਿਆਂ ਨੂੰ ਅਤੇ ਗੰਭੀਰ ਹਿੰਸਾ ਕਰਨ ਦਾ ਇਰਾਦਾ ਰੱਖਣ ਵਾਲਿਆਂ ਨੂੰ ਸਲਾਖਾਂ ਪਿੱਛੇ ਸੁੱਟਾਂਗੇ।
ਪੜ੍ਹੋ ਇਹ ਅਹਿਮ ਖਬਰ -ਇਨਸਾਨੀਅਤ ਸ਼ਰਮਸਾਰ : ਨਵਜੰਮੀ ਬੱਚੀ 2 ਦਿਨ ਤੱਕ ਇਕੱਲੀ ਜੰਗਲ 'ਚ ਰਹੀ, ਸਰੀਰ 'ਤੇ ਰੇਂਗ ਰਹੇ ਸਨ ਕੀੜੇ
30 ਜੂਨ ਨੂੰ ਸੰਧੂ ਨੂੰ ਪੂਰਬੀ ਲੰਡਨ ਦੇ ਇਲਫੋਰਡ ਵਿੱਚ ਸੇਵਨ ਕਿੰਗਜ਼ ਪਾਰਕ ਵਿੱਚ ਪੁਲਸ ਅਧਿਕਾਰੀਆਂ ਨੇ ਹਿਰਾਸਤ ਵਿੱਚ ਲਿਆ ਸੀ ਜਿੱਥੋਂ ਉਸਦੇ ਦੋ ਸਾਥੀ ਭੱਜ ਗਏ ਸਨ। ਤਲਾਸ਼ੀ ਦੌਰਾਨ ਉਸ ਦੇ ਕਬਜ਼ੇ 'ਚੋਂ 492 ਪੌਂਡ ਨਕਦ, ਇਕ ਆਈਫੋਨ 8, ਇਕ ਕਾਰ ਦੀ ਚਾਬੀ ਅਤੇ ਹੋਰ ਨਿੱਜੀ ਸਮਾਨ ਬਰਾਮਦ ਹੋਇਆ ਸੀ।
ਆਸਟ੍ਰੇਲੀਆ 'ਚ ਤੇਜ਼ੀ ਨਾਲ ਵੱਧ ਰਹੇ ਕੋਰੋਨਾ ਮਾਮਲੇ, PM ਮੌਰੀਸਨ ਨੇ ਲਿਆ ਅਹਿਮ ਫ਼ੈਸਲਾ
NEXT STORY 
