ਲੰਡਨ (ਬਿਊਰੋ): ਲੰਡਨ ਦੀ ਮਹਾਰਾਣੀ ਐਲੀਜ਼ਾਬੇਥ ਦੂਜੀ ਦੇ ਦੂਜੇ ਬੇਟੇ ਪ੍ਰਿੰਸ ਐਂਡਰਿਊ (59) ਨੂੰ ਆਪਣੀ ਸ਼ਾਹੀ ਰੁਤਬਾ ਛੱਡਣਾ ਪਿਆ ਹੈ। ਪ੍ਰਿੰਸ ਐਂਡਰਿਊ ਨੂੰ 'ਡਿਊਕ ਆਫ ਯਾਰਕ' ਦੀ ਉਪਾਧੀ ਮਿਲੀ ਹੋਈ ਹੈ। ਐਂਡਰਿਊ ਨੇ ਜੇਫਰੀ ਐਪਸਟਿਨ ਸਬੰਧੀ ਇਕ ਇੰਟਰਵਿਊ ਦਿੱਤਾ ਸੀ, ਜਿਸ ਦੇ ਬਾਅਦ ਤੋਂ ਹੀ ਉਹ ਮੁਸ਼ਕਲਾਂ ਨਾਲ ਘਿਰੇ ਸਨ। ਐਪਸਟਿਨ ਇਕ ਅਮਰੀਕੀ ਬਿਜ਼ਨੈੱਸਮੈਨ ਅਤੇ ਸੈਕਸ ਕ੍ਰਾਈਮ ਦੇ ਦੋਸ਼ੀ ਸਨ। ਪ੍ਰਿੰਸ ਐਂਡਰਿਊ ਦੇ ਐਪਸਟਿਨ ਨਾਲ ਸੰਬੰਧ ਸਾਹਮਣੇ ਆਉਣ ਦੇ ਬਾਅਦ ਤੋਂ ਹੀ ਸ਼ਾਹੀ ਪਰਿਵਾਰ ਦੀ ਇਮੇਜ ਨੂੰ ਕਾਫੀ ਨੁਕਸਾਨ ਹੋਇਆ। ਐਪਸਟਿਨ ਨੇ ਇਸ ਸਾਲ ਮੈਨਹੱਟਨ ਦੀ ਜੇਲ ਵਿਚ ਖੁਦਕੁਸ਼ੀ ਕਰ ਲਈ ਸੀ।
ਪ੍ਰਿੰਸ ਐਂਡਰਿਊ ਦਾ ਅਸਧਾਰਨ ਬਿਆਨ ਪਿਛਲੇ ਚਾਰ ਦਿਨਾਂ ਤੋਂ ਮੀਡੀਆ ਵਿਚ ਛਾਇਆ ਸੀ। ਇਸ ਬਿਆਨ ਵਿਚ ਉਨ੍ਹਾਂ ਨੇ ਐਪਸਟਿਨ ਦੇ ਬਾਰੇ ਵਿਚ ਗੱਲ ਕਹੀ ਸੀ ਅਤੇ ਇਸ ਨੂੰ ਟੀ.ਵੀ. 'ਤੇ ਪ੍ਰਸਾਰਿਤ ਕੀਤਾ ਗਿਆ। ਨਿਊਯਾਰਕ ਟਾਈਮਜ਼ ਵੱਲੋਂ ਕਿਹਾ ਗਿਆ ਹੈ ਕਿ ਇਸ ਨੂੰ ਕਾਫੀ ਨਕਰਾਤਕਮ ਕਵਰੇਜ ਮਿਲੀ ਅਤੇ ਪਿੰ੍ਰਸ ਦੀ ਚੈਰਿਟੀ ਨਾਲ ਸਬੰਧਤ ਕੰਪਨੀਆਂ ਨੇ ਖੁਦ ਨੂੰ ਵੱਖ ਕਰਨਾ ਸ਼ੁਰੂ ਕਰ ਦਿੱਤਾ। ਇਸ ਦੇ ਬਾਅਦ ਐੱਫ.ਬੀ.ਆਈ. ਵੱਲੋਂ ਉਨ੍ਹਾਂ ਕੋਲੋਂ ਪੁੱਛਗਿੱਛ ਦੀ ਮੰਗ ਤੱਕ ਕੀਤੀ ਜਾਣ ਲੱਗੀ।
ਐਪਸਟਿਨ ਸੈਕਸ ਤਸਕਰੀ ਦੇ ਦੋਸ਼ੀ ਸਨ। ਬਰਮਿੰਘਮ ਪੈਲੇਸ ਵੱਲੋਂ ਪ੍ਰਿੰਸ ਦਾ ਅਧਿਕਾਰਤ ਬਿਆਨ ਜਾਰੀ ਕੀਤਾ ਗਿਆ ਹੈ। ਇਸ ਵਿਚ ਕਿਹਾ ਗਿਆ ਹੈ,''ਪਿਛਲੇ ਕੁਝ ਦਿਨਾਂ ਤੋਂ ਜੇਫਰੀ ਐਪਸਟਿਨ ਦੇ ਨਾਲ ਮੇਰੇ ਸੰਬੰਧਾਂ ਦੇ ਕਾਰਨ ਮੇਰੇ ਪਰਿਵਾਰ ਅਤੇ ਬਹੁਤ ਸਾਰੇ ਸੰਗਠਨਾਂ ਵਿਚ ਹੋ ਰਹੇ ਬਹੁਮੁੱਲੇ ਕੰਮਾਂ ਅਤੇ ਉਨ੍ਹਾਂ ਦੇ ਧਾਰਮਿਕ ਕੰਮਾਂ ਜਿਨ੍ਹਾਂ 'ਤੇ ਮੈਨੂੰ ਮਾਣ ਹੈ 'ਤੇ ਕਾਫੀ ਅਸਰ ਪਿਆ ਹੈ। ਇਸ ਲਈ ਮੈਂ ਮਹਾਰਾਣੀ ਨੂੰ ਕਿਹਾ ਹੈ ਕਿ ਮੈਨੂੰ ਭਵਿੱਖ ਦੇ ਜਨਤਕ ਕੰਮਾਂ ਤੋਂ ਛੁਟਕਾਰਾ ਦਿੱਤਾ ਜਾਵੇ ਅਤੇ ਉਨ੍ਹਾਂ ਨੇ ਇਸ ਦੀ ਮਨਜ਼ੂਰੀ ਦੇ ਦਿੱਤੀ ਹੈ।''
ਜ਼ਿਕਰਯੋਗ ਹੈ ਕਿ ਪ੍ਰਿੰਸ ਐਂਡਰਿਊ ਐਲੀਜ਼ਾਬੇਥ ਦੂਜੀ ਅਤੇ ਕਿੰਗ ਫਿਲਿਪ ਦੀ ਦੂਜੀ ਔਲਾਦ ਹਨ। 59 ਸਾਲਾ ਦੇ ਪ੍ਰਿੰਸ ਐਂਡਰਿਊ ਨੇ ਆਸ ਜ਼ਾਹਰ ਕੀਤੀ ਹੈ ਕਿ ਹੁਣ ਉਨ੍ਹਾਂ ਦੇ ਸ਼ਾਹੀ ਕੰਮ ਛੱਡਣ ਨਾਲ ਹਰੇਕ ਸਵਾਲ 'ਤੇ ਤਾਲਾ ਲੱਗ ਜਾਵੇਗਾ ਜੋ ਉਨ੍ਹਾਂ ਦੇ ਪਰਿਵਾਰ 'ਤੇ ਉਠ ਰਹੇ ਸਨ। ਪ੍ਰਿੰਸ ਐਂਡਰਿਊ ਦਾ ਕਰੀਬ ਇਕ ਘੰਟੇ ਦਾ ਇੰਟਰਵਿਊ ਪ੍ਰਸਾਰਿਤ ਕੀਤਾ ਗਿਆ ਸੀ। ਐਂਡਰਿਊ 'ਤੇ ਇਹ ਦੋਸ਼ ਵੀ ਲੱਗੇ ਹਨ ਕਿ ਉਨ੍ਹਾਂ ਨੇ ਉਸ ਨਾਬਾਲਗ ਕੁੜੀ ਨਾਲ ਵੀ ਸੈਕਸ ਕੀਤਾ ਸੀ ਜਿਸ ਨੂੰ ਐਪਸਟਿਨ ਵੱਲੋਂ ਭੇਜਿਆ ਗਿਆ ਸੀ।
ਮਹਿੰਦਾ ਰਾਜਪਕਸ਼ੈ ਨੇ ਚੁੱਕੀ ਸ਼੍ਰੀਲੰਕਾ ਦੇ ਪ੍ਰਧਾਨ ਮੰਤਰੀ ਦੇ ਰੂਪ ਵਿਚ ਸਹੁੰ
NEXT STORY 
