ਸਿਡਨੀ (ਸਨੀ ਚਾਂਦਪੁਰੀ):- ਨਿਊ ਸਾਊਥ ਵੇਲਜ਼ ਸਰਕਾਰ ਨੇ ਤਾਲਾਬੰਦੀ ਤੋਂ ਬਾਅਦ ਕਾਰੋਬਾਰਾਂ ਨੂੰ ਭਰੋਸੇ ਨਾਲ ਦੁਬਾਰਾ ਖੋਲ੍ਹਣ ਵਿੱਚ ਸਹਾਇਤਾ ਲਈ ਵਧੇਰੇ ਵਿੱਤੀ ਸਹਾਇਤਾ ਉਪਾਵਾਂ ਦਾ ਐਲਾਨ ਕੀਤਾ ਹੈ। ਪ੍ਰੀਮੀਅਰ ਡੋਮਿਨਿਕ ਪੇਰੋਟੇਟ ਨੇ ਮੰਗਲਵਾਰ ਨੂੰ ਗਰਮੀਆਂ ਦੀਆਂ ਛੁੱਟੀਆਂ ਦੀ ਗਾਰੰਟੀ ਦੀ ਘੋਸ਼ਣਾ ਕੀਤੀ, ਜੋ 75,000 ਤੋਂ 50 ਮਿਲੀਅਨ ਡਾਲਰ ਦੇ ਸਾਲਾਨਾ ਕਾਰੋਬਾਰ ਵਾਲੇ ਯੋਗ ਕਾਰੋਬਾਰੀਆਂ ਨੂੰ 20,000 ਡਾਲਰ ਤੱਕ ਦੀ ਗ੍ਰਾਂਟ ਲਈ ਅਰਜ਼ੀ ਦੇਣ ਦੀ ਇਜਾਜ਼ਤ ਦੇਵੇਗੀ।
ਜੇਕਰ ਸਥਾਨਕ ਤਾਲਾਬੰਦੀ ਹੁੰਦੀ ਹੈ ਤਾਂ ਨਾਸ਼ਵਾਨ ਸਟਾਕ ਦੇ ਨੁਕਸਾਨ ਦੀ ਭਰਪਾਈ ਕੀਤੀ ਜਾ ਸਕਦੀ ਹੈ। ਜੇ ਗੈਰ-ਜ਼ਰੂਰੀ ਕਾਰੋਬਾਰਾਂ ਨੂੰ ਜਨਤਕ ਸਿਹਤ ਦੇ ਆਦੇਸ਼ਾਂ ਕਾਰਨ 1 ਦਸੰਬਰ, 2021 ਅਤੇ 31 ਜਨਵਰੀ, 2022 ਦੇ ਵਿਚਕਾਰ ਆਪਣੇ ਦਰਵਾਜ਼ੇ ਬੰਦ ਕਰਨ ਲਈ ਮਜਬੂਰ ਕੀਤਾ ਗਿਆ ਤਾਂ ਸਟਾਕ ਦੀ ਗਰੰਟੀ ਉਪਲਬਧ ਹੋਵੇਗੀ। ਪੈਰੋਟੇਟ ਨੇ ਕਿਹਾ ਕਿ ਇਹ ਉਪਾਅ ਕਾਰੋਬਾਰਾਂ ਨੂੰ ਵੱਡੀ ਖਰੀਦਾਰੀ ਕਰਨ ਅਤੇ ਗਰਮੀਆਂ ਦੇ ਵੱਡੇ ਵਪਾਰ ਲਈ ਤਿਆਰ ਰਹਿਣ" ਦਾ ਵਿਸ਼ਵਾਸ ਪ੍ਰਦਾਨ ਕਰੇਗਾ। ਛੋਟੇ ਕਾਰੋਬਾਰ ਦੀਆਂ ਫੀਸਾਂ ਅਤੇ ਖਰਚਿਆਂ ਦੀ ਛੋਟ ਨੂੰ ਵੀ 1500 ਡਾਲਰ ਤੋਂ ਵਧਾ ਕੇ 2000 ਡਾਲਰ ਕੀਤਾ ਜਾ ਰਿਹਾ ਹੈ ਅਤੇ ਟੋਲ ਦੀ ਲਾਗਤ ਨੂੰ ਸ਼ਾਮਲ ਕਰਨ ਲਈ ਇਸਦਾ ਵਿਸਤਾਰ ਕੀਤਾ ਗਿਆ ਹੈ।
ਪੜ੍ਹੋ ਇਹ ਅਹਿਮ ਖਬਰ - ਯੂਕੇ ਸਰਕਾਰ ਨੇ ਤਾਲਾਬੰਦੀ ਲਗਾਉਣ 'ਚ ਲਿਆ ਲੰਬਾ ਸਮਾਂ : ਸੰਸਦ ਦੀ ਰਿਪੋਰਟ
ਪੇਰੋਟੇਟ ਨੇ ਕਿਹਾ ਅਸੀਂ ਜਾਣਦੇ ਹਾਂ ਕਿ ਇਹ ਸੱਚਮੁੱਚ ਸਿਡਨੀ ਵਿੱਚ ਵੱਡੇ ਵਪਾਰੀਆਂ ਦਾ ਸਮਰਥਨ ਕਰਨ ਜਾ ਰਿਹਾ ਹੈ ਜੋ ਇਸ ਛੋਟ ਤੱਕ ਵੀ ਪਹੁੰਚ ਕਰ ਸਕਣਗੇ। ਵਿਸਤ੍ਰਿਤ ਛੋਟ 30 ਜੂਨ 2022 ਤੱਕ ਵਰਤੋਂ ਦੇ ਯੋਗ ਹੋਵੇਗੀ। ਪੈਰੋਟੇਟ ਨੇ ਕਿਹਾ ਕਿ ਰਾਜ ਦੇ ਤਿੰਨ ਮਹੀਨਿਆਂ ਦੀ ਤਾਲਾਬੰਦੀ ਤੋਂ ਬਾਅਦ ਅਰਥਚਾਰੇ ਦੇ ਮੁੜ ਲੀਹ 'ਤੇ ਆਉਣ ਲਈ ਕਾਰੋਬਾਰਾਂ ਅਤੇ ਖਪਤਕਾਰਾਂ ਲਈ ਵਿਸ਼ਵਾਸ ਮਹੱਤਵਪੂਰਣ ਸੀ। ਉਸਨੇ ਪੱਤਰਕਾਰਾਂ ਨੂੰ ਕਿਹਾ,“ਮੈਨੂੰ ਬਹੁਤ ਵਿਸ਼ਵਾਸ ਹੈ ਕਿ ਅਸੀਂ ਵਾਪਸੀ ਕਰਾਂਗੇ।'' ਪਿਛਲੇ ਸਾਲ, ਜਦੋਂ ਅਸੀਂ ਮਹਾਮਾਰੀ ਵਿੱਚੋਂ ਲੰਘੇ ਸੀ, ਆਰਥਿਕ ਵਿਕਾਸ ਨੂੰ ਚਲਾਉਣ ਲਈ, ਵਪਾਰ ਨੂੰ ਭਰੋਸਾ ਦੇਣਾ ਮਹੱਤਵਪੂਰਣ ਸੀ। ਇਹ ਸੁਨਿਸ਼ਚਿਤ ਕਰਨ ਲਈ ਕਿ ਕਾਰੋਬਾਰਾਂ ਨੂੰ ਰੁਜ਼ਗਾਰ ਦੇਣਾ ਅਤੇ ਲੋਕਾਂ ਨੂੰ ਅੱਗੇ ਲਿਆਉਣਾ ਜਾਰੀ ਰੱਖਿਆ ਗਿਆ ਹੈ ਅਤੇ ਇਸੇ ਕਾਰਨ ਅਸੀਂ ਖੋਹੀ ਗਈ ਹਰ ਨੌਕਰੀ ਨੂੰ ਮੁੜ ਪ੍ਰਾਪਤ ਕਰ ਲਿਆ ਹੈ।
ਨੋਟ- ਨਿਊ ਸਾਊਥ ਵੇਲਜ਼ ਸਰਕਾਰ ਵੱਲੋਂ ਵਪਾਰੀਆਂ, ਛੋਟੇ ਕਾਰੋਬਾਰੀਆਂ ਲਈ ਵਿੱਤੀ ਸਹਾਇਤਾ ਦੀ ਘੋਸ਼ਣਾ, ਖ਼ਬਰ 'ਤੇ ਕੁਮੈਂਟ ਕਰ ਦਿਓ ਰਾਏ।
ਯੂਕੇ ਸਰਕਾਰ ਨੇ ਤਾਲਾਬੰਦੀ ਲਗਾਉਣ 'ਚ ਲਿਆ ਲੰਬਾ ਸਮਾਂ : ਸੰਸਦ ਦੀ ਰਿਪੋਰਟ
NEXT STORY 
