ਕਰਾਚੀ : ਹਰ ਕੋਈ ਜਾਣਦਾ ਹੈ ਕਿ ਪਾਕਿਸਤਾਨ ਨਿਵੇਸ਼ ਲਈ ਬਿਲਕੁਲ ਵੀ ਸੁਰੱਖਿਅਤ ਦੇਸ਼ ਨਹੀਂ ਹੈ ਅਤੇ ਇਸ ਕਾਰਨ ਵਿਦੇਸ਼ੀ ਨਿਵੇਸ਼ਕ ਇੱਥੇ ਆਉਣ ਤੋਂ ਝਿਜਕਦੇ ਹਨ। ਜੇਕਰ ਕੋਈ ਨਿਵੇਸ਼ਕ ਹਿੰਮਤ ਜੁਟਾ ਕੇ ਕੁਝ ਕਰਨ ਬਾਰੇ ਸੋਚਦਾ ਹੈ ਤਾਂ ਵੀ ਉਸ ਨਾਲ ਅਜਿਹੀ ਘਟਨਾ ਵਾਪਰ ਜਾਂਦੀ ਹੈ ਜਿਸ ਨਾਲ ਬਾਕੀਆਂ ਨੂੰ ਚਿੰਤਾ ਹੁੰਦੀ ਹੈ। ਅਜਿਹਾ ਹੀ ਇੱਕ ਤਾਜ਼ਾ ਮਾਮਲਾ ਕਰਾਚੀ ਤੋਂ ਸਾਹਮਣੇ ਆਇਆ ਹੈ ਜਿੱਥੇ ਇੱਕ ਮਾਲ ਨੂੰ ਉਦਘਾਟਨ ਵਾਲੇ ਦਿਨ ਹੀ ਲੁੱਟ ਲਿਆ ਗਿਆ।
ਮਾਮਲਾ ਕਰਾਚੀ ਦੇ ਗੁਲਿਸਤਾਨ-ਏ-ਜੋਹਰ ਦਾ ਹੈ ਜਿੱਥੇ ਸ਼ੁੱਕਰਵਾਰ ਨੂੰ 'ਡ੍ਰੀਮ ਬਾਜ਼ਾਰ' ਮਾਲ ਦੇ ਸ਼ਾਨਦਾਰ ਉਦਘਾਟਨ ਦੌਰਾਨ ਹਫੜਾ-ਦਫੜੀ ਮਚ ਗਈ। ਏਆਰਵਾਈ ਨਿਊਜ਼ ਦੀ ਰਿਪੋਰਟ ਮੁਤਾਬਕ ਮਾਲ ਦੇ ਉਦਘਾਟਨ ਵਾਲੇ ਦਿਨ ਲੋਕਾਂ ਨੂੰ ਆਕਰਸ਼ਿਤ ਕਰਨ ਲਈ ਵੱਡੇ ਆਫਰ ਦਿੱਤੇ ਗਏ ਸਨ। ਮਾਲ ਨੇ ਇਸ ਦੇ ਪ੍ਰਚਾਰ ਲਈ ਸੋਸ਼ਲ ਮੀਡੀਆ 'ਤੇ ਕੁਝ ਪ੍ਰਮੋਸ਼ਨਲ ਵੀਡੀਓਜ਼ ਅਤੇ ਵਿਗਿਆਪਨ ਜਾਰੀ ਕੀਤੇ ਸਨ।
ਸ਼ੁੱਕਰਵਾਰ ਨੂੰ ਜਦੋਂ ਉਦਘਾਟਨ ਹੋਇਆ ਤਾਂ ਇੱਥੇ ਲੋਕਾਂ ਦੀ ਭੀੜ ਸੀ। ਭੀੜ ਇੰਨੀ ਬੇਕਾਬੂ ਹੋ ਗਈ ਕਿ ਲੋਕ ਡੰਡੇ ਲੈ ਕੇ ਅੰਦਰ ਵੜ੍ਹ ਗਈ। ਸਥਿਤੀ ਇਸ ਹੱਦ ਤੱਕ ਵਿਗੜ ਗਈ ਹੈ ਕਿ ਕਰਾਚੀ ਦੇ ਜੌਹਰ ਅਤੇ ਰਾਬੀਆ ਸਿਟੀ ਖੇਤਰਾਂ ਵਿੱਚ ਭਾਰੀ ਟ੍ਰੈਫਿਕ ਜਾਮ ਹੋ ਗਿਆ। ਤਸਵੀਰਾਂ 'ਚ ਸੈਂਕੜੇ ਲੋਕ ਮਾਲ ਦੇ ਬਾਹਰ ਫਸੇ ਦਿਖਾਈ ਦੇ ਰਹੇ ਹਨ।
ਮਾਲ 'ਚ ਲੁੱਟ ਦੀਆਂ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ, ਜਿਸ 'ਚ ਲੋਕ ਸਾਮਾਨ ਲੁੱਟਦੇ ਨਜ਼ਰ ਆ ਰਹੇ ਹਨ। ਚਸ਼ਮਦੀਦਾਂ ਨੇ ਦੱਸਿਆ ਕਿ ਮਾਲ ਦੀ ਜਾਇਦਾਦ ਨੂੰ ਭਾਰੀ ਨੁਕਸਾਨ ਪਹੁੰਚਿਆ ਹੈ। ਕੁਝ ਲੋਕਾਂ ਨੇ ਦੋਸ਼ ਲਾਇਆ ਕਿ ਉਥੇ ਕੋਈ ਪੁਲਸ ਮੌਜੂਦ ਨਹੀਂ ਸੀ।
ਵੀਡੀਓ ਵਾਇਰਲ
ਭੰਨਤੋੜ ਦੌਰਾਨ ਲੋਕਾਂ ਨੇ ਕੱਪੜੇ ਚੋਰੀ ਕਰਨ ਦੀ ਵੀਡੀਓ ਬਣਾ ਲਈ। ਇੱਕ ਹੋਰ ਚਸ਼ਮਦੀਦ ਨੇ ਦੱਸਿਆ ਕਿ ਇਹ ਸਭ ਕੁਝ ਅੱਧੇ ਘੰਟੇ ਵਿੱਚ ਵਾਪਰਿਆ। ਉਸ ਨੇ ਦੁਪਹਿਰ 3 ਵਜੇ ਦੁਕਾਨ ਖੋਲ੍ਹੀ ਅਤੇ 3:30 ਵਜੇ ਤੱਕ ਦੁਕਾਨ ਸਾਫ ਹੋ ਗਈ ਸੀ। ਵਿਦੇਸ਼ ਵਿੱਚ ਰਹਿੰਦੇ ਪਾਕਿਸਤਾਨੀ ਮੂਲ ਦੇ ਵਿਅਕਤੀ ਵੱਲੋਂ ਖੋਲ੍ਹੇ ਗਏ ਇਸ ਸੁਪਨਿਆਂ ਦੇ ਬਾਜ਼ਾਰ ਵਿੱਚ ਹੋਈ ਭੰਨਤੋੜ ਤੋਂ ਮੁਲਾਜ਼ਮ ਵੀ ਹੈਰਾਨ ਹਨ।
ਇਕ ਪਰੇਸਾਨ ਕਰਮਚਾਰੀ ਨੇ ਘਟਨਾ 'ਤੇ ਦੁੱਖ ਜਤਾਉਂਦੇ ਹੋਏ ਕਿਹਾ ਕਿ ਅਸੀਂ ਇਸਨੂੰ ਕਰਾਚੀ ਦੇ ਲੋਕਾਂ ਦੇ ਫਾਇਦੇ ਲਈ ਲਿਆਏ। ਪਰ ਇੱਕ ਸੁਚਾਰੂ ਸ਼ੁਰੂਆਤ ਦੀ ਬਜਾਏ, ਸਾਨੂੰ ਹਫੜਾ-ਦਫੜੀ ਦਾ ਸਾਹਮਣਾ ਕਰਨਾ ਪਿਆ। ਕਰਾਚੀ ਵਿੱਚ ਬਹੁਤ ਘੱਟ ਨਿਵੇਸ਼ ਹੁੰਦਾ ਹੈ ਅਤੇ ਜਦੋਂ ਹੁੰਦਾ ਹੈ ਤਾਂ ਇਹ ਨਤੀਜਾ ਹੁੰਦਾ ਹੈ।
ਹਸਪਤਾਲ 'ਤੇ ਹਮਲੇ ਦੇ ਵਿਰੋਧ 'ਚ ਬੰਗਲਾਦੇਸ਼ ਦੇ ਡਾਕਟਰਾਂ ਨੇ ਕੀਤੀ ਹੜਤਾਲ
NEXT STORY 
