ਇਸਲਾਮਾਬਾਦ - ਪਾਕਿਸਤਾਨ ਨੂੰ ਬੁੱਧਵਾਰ ਨੂੰ ਦੂਜੀ ਮਹਿਲਾ ਵਿਦੇਸ਼ ਸਕੱਤਰ ਮਿਲ ਗਈ ਹੈ, ਜਿਸ ਨਾਲ ਆਮਨਾ ਬਲੋਚ ਨੇ ਚੋਟੀ ਦਾ ਕੂਟਨੀਤਕ ਅਹੁਦਾ ਸੰਭਾਲ ਲਿਆ ਹੈ। ਵਿਦੇਸ਼ ਦਫਤਰ ਨੇ ਇਕ ਬਿਆਨ ’ਚ ਕਿਹਾ ਕਿ 33ਵੀਂ ਵਿਦੇਸ਼ ਸਕੱਤਰ ਬਣ ਕੇ ਉਹ ਸਾਇਰਸ ਸੱਜਾਦ ਕਾਜ਼ੀ ਦੀ ਥਾਂ ਲੈਣਗੇ, ਜਿਨ੍ਹਾਂ ਨੇ ਸੇਵਾਮੁਕਤੀ ਤੋਂ ਬਾਅਦ ਅਸਤੀਫਾ ਦੇ ਦਿੱਤਾ ਸੀ। ਬਲੌਚ, ਪਾਕਿਸਤਾਨ ਦੀ ਵਿਦੇਸ਼ ਸੇਵਾ ਦੀ ਗ੍ਰੇਡ-22 ਅਧਿਕਾਰੀ ਨੂੰ ਪਿਛਲੇ ਹਫਤੇ ਵਿਦੇਸ਼ ਸਕੱਤਰ ਨਿਯੁਕਤ ਕੀਤਾ ਗਿਆ ਸੀ, ਜੋ ਕਿ ਤਹਿਮੀਨਾ ਜੰਜੂਆ ਤੋਂ ਬਾਅਦ ਇਸ ਅਹੁਦੇ 'ਤੇ ਨਿਯੁਕਤ ਹੋਣ ਵਾਲੀ ਦੂਜੀ ਔਰਤ ਹੈ, ਜੋ 2017 ਤੋਂ 2019 ਤੱਕ ਇਸ ਅਹੁਦੇ 'ਤੇ ਰਹੀ ਸੀ।
ਪੜ੍ਹੋ ਇਹ ਖ਼ਬਰ-ਇਮੀਗ੍ਰੇਸ਼ਨ, ਨੌਕਰੀਆਂ ਤੇ ਗਰਭਪਾਤ ਸਮੇਤ 10 ਵੱਡੇ ਮੁੱਦਿਆਂ 'ਤੇ ਟਰੰਪ ਅਤੇ ਕਮਲਾ ਹੈਰਿਸ ਵਿਚਾਲੇ ਤਿੱਖੀ ਬਹਿਸ
ਇਤਿਹਾਸ ’ਚ ਪੋਸਟ ਗ੍ਰੈਜੂਏਟ 58 ਸਾਲਾ ਬਲੌਚ 1991 ’ਚ ਵਿਦੇਸ਼ ਸੇਵਾ ’ਚ ਸ਼ਾਮਲ ਹੋਈ ਅਤੇ ਉਸਨੇ ਇਸਲਾਮਾਬਾਦ ਅਤੇ ਵਿਦੇਸ਼ਾਂ ’ਚ ਕਈ ਮਹੱਤਵਪੂਰਨ ਅਸਾਈਨਮੈਂਟਾਂ ਨਿਭਾਈਆਂ ਹਨ, ਜਿਸ ’ਚ 2014 ਤੋਂ 2017 ਤੱਕ ਚੀਨ ਦੇ ਚੇਂਗਡੂ ’ਚ ਦੇਸ਼ ਦੇ ਕੌਂਸਲ ਜਨਰਲ ਦੇ ਨਾਲ-ਨਾਲ ਡੈਨਮਾਰਕ ਅਤੇ ਸ਼੍ਰੀਲੰਕਾ ’ਚ ਵੀ ਕੰਮ ਕਰਨਾ ਸ਼ਾਮਲ ਹੈ। ਉਸਨੇ 2019 ਤੋਂ 2023 ਤੱਕ ਮਲੇਸ਼ੀਆ ’ਚ ਹਾਈ ਕਮਿਸ਼ਨਰ ਵਜੋਂ ਵੀ ਕੰਮ ਕੀਤਾ ਅਤੇ ਵਿਦੇਸ਼ ਸਕੱਤਰ ਦਾ ਅਹੁਦਾ ਸੰਭਾਲਣ ਤੋਂ ਪਹਿਲਾਂ, 2023 ਤੱਕ ਯੂਰਪੀਨ ਯੂਨੀਅਨ, ਬੈਲਜੀਅਮ ਅਤੇ ਲਕਸਮਬਰਗ ’ਚ ਰਾਜਦੂਤ ਸੀ।
ਪੜ੍ਹੋ ਇਹ ਖ਼ਬਰ-ਕੈਨੇਡਾ ਨੇ ਇਜ਼ਰਾਈਲ ਲਈ 30 ਹਥਿਆਰ ਵਿਕਰੀ ਪਰਮਿਟ ਨੂੰ ਕੀਤਾ ਮੁਅੱਤਲ
ਦੱਸ ਦਈਏ ਕਿ ਬਲੌਚ ਪ੍ਰਧਾਨ ਮੰਤਰੀ ਦਫ਼ਤਰ ’ਚ ਸੰਯੁਕਤ ਸਕੱਤਰ ਅਤੇ ਵਿਦੇਸ਼ ਮੰਤਰੀ ਦੇ ਦਫ਼ਤਰ ’ਚ ਵਧੀਕ ਸਕੱਤਰ ਵਜੋਂ ਕੰਮ ਕਰ ਚੁੱਕੇ ਹਨ। ਉਸ ਦਾ ਵਿਆਹ ਜ਼ੁਲਫਿਕਾਰ ਅਲੀ ਖਾਨ ਨਾਲ ਹੋਇਆ ਹੈ ਅਤੇ ਜੋੜੇ ਦੀਆਂ ਦੋ ਬੇਟੀਆਂ ਹਨ। 34 ਸਾਲ ਦੇ ਕੂਟਨੀਤਕ ਕਰੀਅਰ ਤੋਂ ਬਾਅਦ ਮੰਗਲਵਾਰ ਨੂੰ ਅਸਤੀਫਾ ਦੇਣ ਵਾਲੇ ਸਾਇਰਸ ਸੱਜਾਦ ਕਾਜ਼ੀ ਨੇ ਨਵੀਂ ਦਿੱਲੀ ’ਚ ਪਾਕਿਸਤਾਨ ਹਾਈ ਕਮਿਸ਼ਨ ’ਚ ਹੋਰ ਅਹਿਮ ਅਹੁਦਿਆਂ ਦੇ ਨਾਲ-ਨਾਲ ਸੇਵਾ ਕੀਤੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਪਾਕਿਸਤਾਨ ਦੇ ਕਈ ਹਿੱਸਿਆਂ 'ਚ 5.7 ਤੀਬਰਤਾ ਦੇ ਭੂਚਾਲ ਦੇ ਝਟਕੇ
NEXT STORY 
