ਇਸਲਾਮਾਬਾਦ (ਵਾਰਤਾ); ਅੰਤਰਰਾਸ਼ਟਰੀ ਮੁਦਰਾ ਫੰਡ (ਆਈ. ਐੱਮ. ਐੱਫ.) ਵੱਲੋਂ ਪਾਕਿਸਤਾਨ ਨਾਲ ਗੱਲਬਾਤ 'ਤੇ ਇਕ ਬਿਆਨ ਜਾਰੀ ਕਰਨ ਤੋਂ ਕੁਝ ਘੰਟੇ ਬਾਅਦ ਪਾਕਿਸਤਾਨ ਦੇ ਵਿੱਤ ਮੰਤਰੀ ਇਸਹਾਕ ਡਾਰ ਨੇ ਕਿਹਾ ਕਿ ਵਿਸ਼ਵ ਰਿਣਦਾਤਾ ਨਾਲ ਪਾਕਿਸਤਾਨ ਦੀ ਗੱਲਬਾਤ ਸਕਾਰਾਤਮਕ ਤੌਰ 'ਤੇ ਖ਼ਤਮ ਹੋਈ। ਮੀਡੀਆ ਨੂੰ ਸੰਬੋਧਨ ਕਰਦਿਆਂ ਵਿੱਤ ਮੰਤਰੀ ਨੇ ਕਿਹਾ ਕਿ ਸਰਕਾਰ ਨੂੰ ਗਲੋਬਲ ਰਿਣਦਾਤਾ ਤੋਂ ਆਰਥਿਕ ਅਤੇ ਵਿੱਤੀ ਨੀਤੀਆਂ (ਐਮਈਐਫਪੀ) ਦਾ ਖਰੜਾ ਪ੍ਰਾਪਤ ਹੋਇਆ ਹੈ। ਵਿੱਤ ਮੰਤਰੀ ਨੇ ਕਿਹਾ ਕਿ ਸਰਕਾਰ ਉਸ ਪ੍ਰੋਗਰਾਮ ਨੂੰ ਲਾਗੂ ਕਰ ਰਹੀ ਹੈ ਜਿਸ 'ਤੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ 2019-2020 'ਚ IMF ਨਾਲ ਹਸਤਾਖਰ ਕੀਤੇ ਸਨ।
ਪੜ੍ਹੋ ਇਹ ਅਹਿਮ ਖ਼ਬਰ- ਤੁਰਕੀ-ਸੀਰੀਆ 'ਚ ਭੂਚਾਲ ਕਾਰਨ ਭਿਆਨਕ ਤਬਾਹੀ, ਅਮਰੀਕਾ ਨੇ 85 ਮਿਲੀਅਨ ਡਾਲਰ ਦੀ ਸਹਾਇਤਾ ਦਾ ਕੀਤਾ ਐਲਾਨ
ਜੀਓ ਨਿਊਜ਼ ਮੁਤਾਬਕ ਉਨ੍ਹਾਂ ਕਿਹਾ ਕਿ ਸ਼ਾਹਬਾਜ਼ ਸ਼ਰੀਫ ਦੀ ਅਗਵਾਈ ਵਾਲੀ ਸਰਕਾਰ ਵਚਨਬੱਧਤਾ ਨਾਲ ਸੌਦੇ 'ਤੇ ਗੱਲਬਾਤ ਕਰ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਪੁਰਾਣਾ ਸਮਝੌਤਾ ਹੈ ਜੋ ਪਹਿਲਾਂ ਮੁਅੱਤਲ ਅਤੇ ਦੇਰੀ ਨਾਲ ਹੋਇਆ ਸੀ। ਵਿਸ਼ਵ ਰਿਣਦਾਤਾ ਨਾਲ ਪਾਕਿਸਤਾਨ ਦੀ ਗੱਲਬਾਤ 'ਤੇ ਵਿੱਤ ਮੰਤਰੀ ਨੇ ਕਿਹਾ ਕਿ ਆਈਐਮਐਫ ਨਾਲ 10 ਦਿਨਾਂ ਦੀ ਵਿਆਪਕ ਗੱਲਬਾਤ ਵਿੱਚ ਬਿਜਲੀ, ਗੈਸ ਅਤੇ ਵਿੱਤੀ ਅਤੇ ਮੁਦਰਾ ਪੱਖ ਨੂੰ ਸ਼ਾਮਲ ਕੀਤਾ ਗਿਆ। ਡਾਰ ਨੇ ਦੱਸਿਆ ਕਿ ਇਸ ਗੱਲਬਾਤ ਵਿਚ ਸਟੇਟ ਬੈਂਕ ਦੇ ਗਵਰਨਰ ਅਤੇ ਵੱਖ-ਵੱਖ ਖੇਤਰਾਂ ਦੇ ਲੋਕ ਸ਼ਾਮਲ ਹੋਏ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਇਮਰਾਨ ਖ਼ਾਨ ਦਾ ਦਾਅਵਾ, TTP ਮੇਰੀ ਹੱਤਿਆ ਦੀ ਬਣਾ ਰਿਹਾ ਯੋਜਨਾ
NEXT STORY 
