ਇਸਲਾਮਾਬਾਦ (ਬਿਊਰੋ): ਪਾਕਿਸਤਾਨ ਵਿਚ ਕੋਰੋਨਾਵਾਇਰਸ ਦੇ ਵੱਧਦੇ ਇਨਫੈਕਸ਼ਨ ਕਾਰਨ ਮੌਲਾਨਾ ਤਾਰਿਕ ਜਮੀਲ ਇੰਨੇ ਦੁਖੀ ਹੋਏ ਕਿ ਇਕ ਟੀਵੀ ਪ੍ਰੋਗਰਾਮ ਦੌਰਾਨ ਉੱਚੀ-ਉੱਚੀ ਰੋਣ ਲੱਗ ਪਏ। ਅਸਲ ਵਿਚ ਮੌਲਵੀ ਮੌਲਾਨਾ ਤਾਰਿਕ ਜਮੀਲ ਇਕ ਟੀਵੀ ਪ੍ਰੋਗਰਾਮ ਵਿਚ ਅਚਾਨਕ ਰੋਣ ਲੱਗ ਪਏ। ਉਹ ਕੋਰੋਨਾਵਾਇਰਸ ਦੇ ਖਾਤਮੇ ਲਈ ਅੱਲਾਹ ਅੱਗੇ ਪ੍ਰਾਰਥਨਾ ਕਰ ਰਹੇ ਸਨ। ਮੌਲਵੀ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ।
ਮੌਲਵੀ ਜਮੀਲ ਟੀਵੀ ਪ੍ਰੋਗਰਾਮ ਵਿਚ ਉੱਚੀ-ਉੱਚੀ ਰੋਣ ਲੱਗ ਪਏ। ਇੰਝ ਲੱਗਾ ਕਿ ਜਿਵੇਂ ਉਹਨਾਂ ਨੂੰ ਖੁਦ ਦੀ ਕੋਈ ਹੋਸ਼ ਨਹੀ ਰਹੀ। ਪਾਕਿਸਤਾਨ ਦੇ ਚੋਟੀ ਦੇ ਮੌਲਵੀ ਮੌਲਾਨਾ ਤਾਰਿਕ ਜਮੀਲ, ਕੋਰੋਨਾਵਇਰਸ ਦੇ ਕਬਜ਼ੇ ਵਿਚ ਫਸੇ ਪਾਕਿਸਤਾਨ ਦੀ ਮਾੜੀ ਹਾਲਤ 'ਤੇ ਇਕ ਟੀਵੀ ਪ੍ਰੋਗਰਾਮ ਵਿਚ ਹੀ ਰੋਣ ਲੱਗ ਪਏ। ਉਹਨਾਂ ਨੇ ਅੱਲਾਹ ਅੱਗੇ ਪ੍ਰਾਰਥਨਾ ਕੀਤੀ ਕਿ ਉਹ ਸਭ ਕੁਝ ਠੀਕ ਕਰ ਦੇਣ। ਮੌਲਾਨਾ ਕਹਿੰਦੇ ਹਨ ਕਿ ਅਮਰੀਕਾ ਦੇ ਡਾਕਟਰਾਂ ਕੋਲ ਤੱਕ ਇਲਾਜ ਨਹੀਂ ਤਾਂ ਸਾਡੇ ਇੱਥੇ ਪੁਰਾਣੇ ਹਸਪਤਾਲਾਂ ਵਿਚ ਕੀ ਇਲਾਜ ਹੋ ਸਕੇਗਾ। ਉਹ ਬਾਰ-ਬਾਰ ਹੱਥ ਚੁੱਕ ਕੇ ਅੱਲਾਹ ਅੱਗੇ ਦਇਆ ਦੀ ਭੀਖ ਮੰਗਦੇ ਹਨ।
ਤਾਰਿਕ ਜਮੀਲ ਉਸ ਸਮੇਂ ਆਲੋਚਨਾ ਦੇ ਸ਼ਿਕਾਰ ਬਣੇ ਜਦੋਂ ਉਹਨਾਂ ਨੇ ਕਿਹਾ ਸੀ ਕਿ ਔਰਤਾਂ ਵੱਲੋਂ ਘੱਟੇ ਕੱਪੜੇ ਪਾਉਣ ਨਾਲ ਨਾਰਾਜ਼ ਅੱਲਾਹ ਨੇ ਕੋਰੋਨਾ ਭੇਜਿਆ ਹੈ। ਹੁਣ ਉਹਨਾਂ ਦਾ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਵਿਚ ਉਹ ਕਹਿ ਰਹੇ ਹਨ ਕਿ ਸਾਡਾ ਦੁੱਖ ਇਹ ਨਹੀ ਹੈ ਕਿ ਕੋਰੋਨਾ ਹੈ ਸਾਡਾ ਦੁੱਖ ਇਹ ਹੈ ਕਿ ਅੱਲਾਹ ਦੀ ਸਭ ਤੋਂ ਵੱਡੀ ਇਬਾਦਤਗਾਹ (ਮੱਕਾ) ਬੰਦ ਹੈ। ਮੌਲਾਨਾ ਤਾਰਿਕ ਨੇ ਕਿਹਾ,''ਕਰੋੜਾਂ ਲੋਕ, ਕਰੋੜਾਂ ਬਜ਼ੁਰਗ, ਬੱਚੇ ਤੇਰੇ ਦਰਬਾਰ ਵਿਚ ਫਕੀਰ ਬਣ ਕੇ ਬੈਠੇ ਹਨ। ਸਾਰੇ ਬਾਦਸ਼ਾਹ ਫਕੀਰ ਬਣੇ ਹੋਏ ਹਨ। ਤੇਰੇ ਦਰਬਾਰ ਵਿਚ ਜਿੰਨੇ ਫਕੀਰ ਆਉਂਦੇ ਹਨ ਤੂੰ ਉਨਾਂ ਖੁਸ਼ ਹੁੰਦਾ ਹੈ। ਲੋਕ ਜਿੰਨੀ ਜਿੱਦ ਕਰਦੇ ਹਨ ਤੂੰ ਉਨਾਂ ਖੁਸ਼ ਹੁੰਦਾ ਹੈ।''
ਮੌਲਾਨਾ ਅੱਗੇ ਕਹਿੰਦੇ ਹਨ,''ਸਾਡਾ ਸਭ ਤੋਂ ਵੱਡਾ ਦੁੱਖ ਇਹ ਨਹੀਂ ਕਿ ਕੋਰੋਨਾ ਹੈ ਸਾਡਾ ਸਭ ਤੋਂ ਵੱਡਾ ਦੁੱਖ ਇਹ ਹੈ ਕਿ ਤੇਰੀ ਇਬਾਦਤਗਾਹ ਬੰਦ ਹੈ। ਕੋਰੋਨਾ ਨਾਲ ਮਰ ਕੇ ਤਾਂ ਸ਼ਹਾਦਤ ਹੀ ਮਿਲੇਗੀ ਪਰ ਤੇਰੇ ਮਹਿਬੂਬ ਦੇ ਦਰਬਾਰ ਵਿਚ ਕੋਈ ਸਲਾਮ ਕਰਨ ਵਾਲਾ ਨਹੀਂ ਰਹੇਗਾ। ਮੇਰੇ ਮਾਲਕ ਕੀ ਹੋ ਗਿਆ। ਇਹ ਕੀ ਹੋ ਗਿਆ।'' ਇੰਨਾ ਕਹਿੰਦੇ ਹੋਏ ਉਹ ਜ਼ੋਰ-ਜ਼ੋਰ ਨਾਲ ਰੋਣ ਲੱਗਦੇ ਹਨ ਅਤੇ ਦੁਆਵਾਂ ਵਿਚ ਬਾਰ-ਬਾਰ ਹੱਥ ਉੱਪਰ ਚੁੱਕਣ ਲੱਗਦੇ ਹਨ।
ਪੜ੍ਹੋ ਇਹ ਅਹਿਮ ਖਬਰ- ਪਾਕਿ : 15 ਮਈ ਤੱਕ ਅੰਤਰਰਾਸ਼ਟਰੀ ਉਡਾਣਾਂ ਰੱਦ, ਹੁਣ ਤੱਕ 265 ਲੋਕਾਂ ਦੀ ਮੌਤ
ਪਾਕਿਸਤਾਨ ਦੇ ਮਾੜੇ ਹਾਲਾਤਾਂ ਬਾਰੇ ਉਹ ਕਹਿੰਦੇ ਹਨ,''ਯਾ ਅੱਲਾਹ ਸਾਡੇ ਕੋਲ ਤਾਂ ਇਲਾਜ ਵੀ ਨਹੀਂ। ਸਾਡੇ ਕੋਲ ਤਾਂ ਹਸਪਤਾਲ ਵੀ ਬਰਬਾਦ ਹਨ। ਜੇਕਰ ਅਮਰੀਕਾ ਦੇ ਡਾਕਟਰ ਵੀ ਅਸਿੱਖਿਅਤ ਹਨ ਤਾਂ ਸਾਡੇ ਡਾਕਟਰ ਕੀ ਕਰਨਗੇ। ਪਾਕਿਸਤਾਨ ਦੇ ਪੁਰਾਣੇ-ਪੁਰਾਣੇ ਹਸਪਤਾਲ ਕੀ ਕਰਨਗੇ। ਆ ਜਾ ਅੱਲਾਹ, ਆ ਜਾ ਅੱਲਾਹ। ਤੂੰ ਕਹਿੰਦਾ ਹੈ ਕਿ ਅਰਬ ਆ ਜਾ। ਮੈਂ ਫਤਵਾ ਵੀ ਝੱਲ ਲਿਆ ਪਰ ਮੈਂ ਕਹਾਂਗਾ ਕਿ ਤੂੰ ਆ ਜਾ।ਸਾਰੇ ਧਰਮ ਦੇ ਲੋਕਾਂ ਦੀ ਮਦਦ ਕਰ, ਹਰ ਧਰਮ ਦੇ ਲੋਕ ਭਰਾ ਹੀ ਹਨ। ਸਾਰੇ ਆਦਮ ਦੀ ਔਲਾਦ ਹਨ। ਇਸ ਮੁਸੀਬਤ ਨੂੰ ਖਤਮ ਕਰ ਦੇ ਅੱਲਾਹ। ਸਾਡੇ ਇੱਥੇ ਤਾਂ ਦਵਾਈ, ਹਸਪਤਾਲ ਵੀ ਨਹੀਂ ਹੈ। 70 ਫੀਸਦੀ ਆਬਾਦੀ ਪਿੰਡਾ ਵਿਚ ਰਹਿੰਦੀ ਹੈ।''
ਕੈਨੇਡਾ 'ਚ 45 ਹਜ਼ਾਰ ਤੋਂ ਵੱਧ ਲੋਕ ਹੋਏ ਕੋਰੋਨਾ ਵਾਇਰਸ ਦੇ ਸ਼ਿਕਾਰ
NEXT STORY 
