ਇਸਲਾਮਾਬਾਦ (ਏ.ਐੱਨ.ਆਈ.) ਪਾਕਿਸਤਾਨ ਵਿੱਚ ਮੁਤਾਹਿਦਾ ਕੌਮੀ ਮੂਵਮੈਂਟ (MQM) ਪਾਰਟੀ ਦੇ ਤਿੰਨ ਵਰਕਰਾਂ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਗਿਆ। ਕਾਰਕੁਨਾਂ ਦੀਆਂ ਕੱਟੀਆਂ ਹੋਈਆਂ ਲਾਸ਼ਾਂ ਮਿਲਣ ਨਾਲ ਸਿੰਧ ਸੂਬੇ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਲੋਕਾਂ ਦੇ ਮਨਾਂ ਵਿੱਚ ਦਹਿਸ਼ਤ ਪੈਦਾ ਹੋ ਗਈ। ਇਨ੍ਹਾਂ ਵਿੱਚ ਐਮਕਿਊਐਮ ਦੇ ਕਾਰਕੁਨ ਇਰਫਾਨ ਬਸਰਤ, ਆਬਿਦ ਅੱਬਾਸੀ ਅਤੇ ਵਸੀਮ ਅਖ਼ਤਰ ਉਰਫ਼ ਰਾਜੋ ਸ਼ਾਮਲ ਸਨ ਅਤੇ ਸਾਰੇ ਕਾਰਕੁਨ ਅਰਧ ਸੈਨਿਕ ਰੇਂਜਰਾਂ ਦੀ ਹਿਰਾਸਤ ਵਿੱਚ ਸਨ। ਉਨ੍ਹਾਂ ਦੀਆਂ ਕੱਟੀਆਂ ਹੋਈਆਂ ਲਾਸ਼ਾਂ ਸਿੰਧ ਦੇ ਵੱਖ-ਵੱਖ ਇਲਾਕਿਆਂ ਵਿੱਚ ਸੁੱਟ ਦਿੱਤੀਆਂ ਗਈਆਂ। ਦੱਸਿਆ ਜਾ ਰਿਹਾ ਹੈ ਕਿ ਐਮਕਿਊਐਮ ਆਗੂ ਅਰਧ ਸੈਨਿਕ ਰੇਂਜਰਾਂ ਵੱਲੋਂ ਗ੍ਰਿਫ਼ਤਾਰ ਕੀਤੇ ਜਾਣ ਤੋਂ ਬਾਅਦ ਕਈ ਸਾਲਾਂ ਤੋਂ ਲਾਪਤਾ ਸੀ।
ਐੱਮ.ਕਿਊ.ਐੱਮ. ਨੇ ਕੀਤੀ ਘਟਨਾ ਦੀ ਨਿੰਦਾ
ਤੁਹਾਨੂੰ ਦੱਸ ਦੇਈਏ ਕਿ ਪੈਰਾਮਿਲਟਰੀ ਰੇਂਜਰਸ ਪਾਕਿਸਤਾਨੀ ਫੌਜ ਦਾ ਇੱਕ ਸੰਗਠਨ ਹੈ, ਜਿਸਦਾ ਸੈਕਟਰ ਅਤੇ ਏਰੀਆ ਕਮਾਂਡਰ ਆਰਮੀ ਕੈਪਟਨ ਜਾਂ ਮੇਜਰ ਰੈਂਕ ਦਾ ਅਧਿਕਾਰੀ ਹੁੰਦਾ ਹੈ। ਪਿਛਲੇ 12 ਘੰਟਿਆਂ ਵਿੱਚ ਐਮਕਿਊਐਮ ਦੇ ਤਿੰਨ ਵਰਕਰਾਂ ਦੀ ਗੈਰ-ਨਿਆਇਕ ਹੱਤਿਆ ਤੋਂ ਲੋਕ ਬਹੁਤ ਦੁਖੀ ਹਨ। ਐੱਮ.ਕਿਊ.ਐੱਮ. ਦੀ ਕੇਂਦਰੀ ਤਾਲਮੇਲ ਕਮੇਟੀ ਨੇ ਲਾਪਤਾ ਕਾਰਕੁਨਾਂ ਦੀਆਂ ਹੱਤਿਆਵਾਂ ਦੀ ਸਖ਼ਤ ਨਿੰਦਾ ਕੀਤੀ ਅਤੇ ਇਨ੍ਹਾਂ ਹੱਤਿਆਵਾਂ ਨੂੰ ਪਾਕਿਸਤਾਨ ਵਿੱਚ ਨਸਲਕੁਸ਼ੀ ਅਤੇ ਗੰਭੀਰ ਮਨੁੱਖੀ ਅਧਿਕਾਰਾਂ ਦੀ ਉਲੰਘਣਾ ਦਾ ਨਿਰੰਤਰਤਾ ਕਰਾਰ ਦਿੱਤਾ।
ਪੜ੍ਹੋ ਇਹ ਅਹਿਮ ਖ਼ਬਰ- ਬਾਈਡੇਨ ਪ੍ਰਸ਼ਾਸਨ 'ਚ ਭਾਰਤੀਆਂ ਦਾ ਦਬਦਬਾ, ਹੁਣ ਤੱਕ 130 ਨਿਯੁਕਤੀਆਂ, PM ਮੋਦੀ ਨੇ ਦਿੱਤੀ ਵਧਾਈ
ਪਾਕਿ ਰੇਂਜਰਾਂ 'ਤੇ ਕਤਲ ਦਾ ਦੋਸ਼
ਜਾਣਕਾਰੀ ਅਨੁਸਾਰ ਬਸਰਤ ਹਸਨ ਸਿੱਦੀਕੀ ਪੁੱਤਰ ਇਰਫਾਨ ਬਸਰਤ ਸਿੱਦੀਕੀ ਕਰਾਚੀ ਦੀ ਪੀਆਈਬੀ ਕਲੋਨੀ ਦਾ ਰਹਿਣ ਵਾਲਾ ਸੀ। ਉਸ ਨੂੰ 2017 ਵਿੱਚ ਉਸ ਦੇ ਘਰੋਂ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਜਦੋਂ ਉਸਦੀ ਭੈਣ ਨੇ ਬਸਰਤ ਦੀ ਗ੍ਰਿਫ਼ਤਾਰੀ ਅਤੇ ਜ਼ਬਰਦਸਤੀ ਲਾਪਤਾ ਹੋਣ ਲਈ ਸਿੰਧ ਹਾਈ ਕੋਰਟ ਵਿੱਚ ਪਟੀਸ਼ਨ ਪਾਈ, ਤਾਂ ਰੇਂਜਰਾਂ ਨੇ ਗੰਭੀਰ ਨਤੀਜੇ ਭੁਗਤਣ ਦੀ ਚੇਤਾਵਨੀ ਦਿੱਤੀ। ਹਾਲਾਂਕਿ, ਉਸਨੇ ਉਨ੍ਹਾਂ ਦੀ ਗੱਲ ਮੰਨਣ ਤੋਂ ਇਨਕਾਰ ਕਰ ਦਿੱਤਾ, ਜਿਸ ਤੋਂ ਬਾਅਦ ਉਸਦੇ ਭਰਾ ਇਮਰਾਨ ਬਸਰਤ ਨੂੰ ਵੀ ਰੇਂਜਰਾਂ ਨੇ ਗ੍ਰਿਫ਼ਤਾਰ ਕਰ ਲਿਆ। ਬਸਰਤ ਦਾ ਪਰਿਵਾਰ ਕਈ ਸਾਲਾਂ ਤੱਕ ਅਦਾਲਤ ਦੇ ਚੱਕਰ ਲਾਉਂਦਾ ਰਿਹਾ ਪਰ ਇਨਸਾਫ਼ ਨਹੀਂ ਮਿਲਿਆ। ਇਸੇ ਤਰ੍ਹਾਂ ਦੋ ਹੋਰ ਕਾਰਕੁਨਾਂ ਨੂੰ ਵੀ ਰੇਂਜਰਾਂ ਜਾਂ ਕਿਸੇ ਏਜੰਸੀ ਵੱਲੋਂ ਜ਼ਬਰਦਸਤੀ ਗ੍ਰਿਫ਼ਤਾਰ ਕੀਤਾ ਗਿਆ ਅਤੇ ਤਿੰਨਾਂ ਦੀਆਂ ਲਾਸ਼ਾਂ ਸ਼ੱਕੀ ਹਾਲਾਤ ਵਿੱਚ ਮਿਲੀਆਂ
ਕਤਲ ਦਾ ਵਿਰੋਧ
ਇਸ ਦੌਰਾਨ ਐੱਮ.ਕਿਊ.ਐੱਮ. ਯੂਐਸਏ ਨੇ ਵਾਸ਼ਿੰਗਟਨ ਡੀਸੀ ਵਿੱਚ ਪਾਕਿਸਤਾਨ ਹਾਈ ਕਮਿਸ਼ਨ ਦੇ ਸਾਹਮਣੇ ਧਰਨਾ ਦਿੱਤਾ। ਪ੍ਰਦਰਸ਼ਨ ਵਿੱਚ ਸ਼ਾਮਲ ਲੋਕਾਂ ਨੇ ਐੱਮ.ਕਿਊ.ਐੱਮ. ਦੇ ਤਿੰਨ ਵਰਕਰਾਂ ਦੀ ਗੈਰ-ਨਿਆਇਕ ਕਤਲ ਦਾ ਵਿਰੋਧ ਕੀਤਾ। ਕਰਾਚੀ ਵਿੱਚ ਐੱਮ.ਕਿਊ.ਐੱਮ. ਦੇ ਮੁੱਖ ਦਫਤਰ ਨਾਇਨ ਜ਼ੀਰੋ ਨੂੰ ਅੱਗ ਲਗਾ ਦਿੱਤੀ ਗਈ ਸੀ ਅਤੇ ਐੱਮ.ਕਿਊ.ਐੱਮ. ਦੇ ਸਾਬਕਾ ਸੰਸਦ ਮੈਂਬਰ ਨਿਸਾਰ ਪਹਣਵਰ ਨੂੰ ਜ਼ਬਰਦਸਤੀ ਗਾਇਬ ਕਰ ਦਿੱਤਾ ਗਿਆ ਸੀ।
ਪਾਕਿਸਤਾਨ ’ਚ ਹੜ੍ਹ ਤੋਂ ਬਾਅਦ ਹੁਣ ਡੇਂਗੂ ਦਾ ਕਹਿਰ
NEXT STORY 
