ਵੈੱਬ ਡੈਸਕ : ਦੇਸ਼ ਦੀ ਘਟਦੀ ਜਨਮ ਦਰ ਦੇ ਵਿਚਕਾਰ ਇਕ ਦੇਸ਼ ਨੇ ਆਪਣੀ ਜਨਸੰਖਿਆ ਨੂੰ ਮੁੜ ਵਧਾਉਣ ਲਈ ਇਕ ਤਰੀਕਾ ਲੱਭਿਆ ਹੈ। ਇਸ ਦੇਸ਼ ਵੱਲੋਂ ਬੱਚੇ ਪੈਦਾ ਕਰਨ ਵਾਲੀਆਂ ਸਕੂਲੀ ਮਾਵਾਂ ਨੂੰ ਇਕ ਲੱਖ ਰੂਬਲ ਦੇਣ ਦਾ ਐਲਾਨ ਕੀਤਾ ਗਿਆ ਹੈ। ਇਹ ਕੋਈ ਹੋਰ ਨਹੀਂ ਬਲਕਿ ਰੂਸ ਹੈ। ਰੂਸ ਨੇ ਆਪਣੇ ਕਈ ਖੇਤਰਾਂ ਨੇ ਗਰਭਵਤੀ ਸਕੂਲੀ ਵਿਦਿਆਰਥਣਾਂ ਨੂੰ ਆਪਣੇ ਬੱਚਿਆਂ ਨੂੰ ਜਨਮ ਦੇਣ ਅਤੇ ਪਾਲਣ-ਪੋਸ਼ਣ ਲਈ 100,000 ਰੂਬਲ (ਲਗਭਗ £900) ਤੋਂ ਵੱਧ ਦਾ ਭੁਗਤਾਨ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਇਹ ਪਹਿਲ ਹਾਲ ਹੀ ਵਿੱਚ ਦਸ ਖੇਤਰਾਂ 'ਚ ਫੈਲਾਈ ਗਈ ਹੈ, ਇੱਕ ਵਿਆਪਕ ਜਨਸੰਖਿਆ ਰਣਨੀਤੀ ਦਾ ਹਿੱਸਾ ਹੈ ਜਿਸਦਾ ਉਦੇਸ਼ ਦੇਸ਼ ਦੀ ਘਟਦੀ ਜਨਮ ਦਰ ਨੂੰ ਕਾਬੂ ਕਰਨਾ ਹੈ।
ਸੋਵੀਅਤ ਯੂਨੀਅਨ ਦੇ ਯੁੱਗ ਤੋਂ ਹੀ, ਰੂਸ ਦੀ ਤਾਕਤ ਅਤੇ ਇਸਦੇ ਸਮਾਜ ਵਿੱਚ ਔਰਤਾਂ ਦੀ ਗਿਣਤੀ ਬਾਰੇ ਦੁਨੀਆ ਭਰ ਵਿੱਚ ਚਰਚਾ ਹੁੰਦੀ ਰਹੀ ਹੈ। ਰੂਸੀ ਲੋਕ ਗੀਤਾਂ ਵਿੱਚ ਵੀ ਜ਼ਿਕਰ ਹੈ ਕਿ ਉੱਥੇ ਔਰਤਾਂ ਦੀ ਗਿਣਤੀ ਮਰਦਾਂ ਨਾਲੋਂ ਵੱਧ ਹੈ। ਸਭ ਤੋਂ ਸੁੰਦਰ ਰੂਸੀ ਕੁੜੀਆਂ ਨੂੰ ਵੀ ਆਪਣੇ ਲਈ ਲਾੜਾ ਲੱਭਣ ਵਿਚ ਮਿਹਨਤ ਕਰਨੀ ਪੈਂਦਾ ਸੀ। ਕਈ ਵਾਰ ਉਹ ਦੂਜੇ ਦੇਸ਼ਾਂ ਵਿੱਚ ਜਾਂਦੀਆਂ ਸਨ ਅਤੇ ਵਿਆਹ ਤੋਂ ਬਾਅਦ ਉੱਥੇ ਹੀ ਵੱਸ ਜਾਂਦੀਆਂ ਸਨ।
ਰੂਸ ਆਪਣੀ ਤਾਕਤ ਅਤੇ ਜਨਸੰਖਿਆ ਅਸੰਤੁਲਨ ਲਈ ਦੁਨੀਆ ਭਰ ਵਿੱਚ ਜਾਣਿਆ ਜਾਂਦਾ ਹੈ। ਹਾਲਾਂਕਿ, ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਕਹਿੰਦੇ ਹਨ ਕਿ ਸਮਾਜ ਵਿੱਚ ਸਥਿਤੀ ਹੁਣ ਪਹਿਲਾਂ ਵਰਗੀ ਨਹੀਂ ਰਹੀ, 100 ਸਾਲਾਂ ਵਿੱਚ ਬਹੁਤ ਕੁਝ ਬਦਲ ਗਿਆ ਹੈ। ਹੁਣ ਦੇਸ਼ ਵਿੱਚ ਪ੍ਰਤੀ 10 ਔਰਤਾਂ ਵਿੱਚ 9 ਮਰਦਾਂ ਦਾ ਅਸੰਤੁਲਨ ਬਦਲ ਗਿਆ ਹੈ। ਸੱਚਾਈ ਇਹ ਹੈ ਕਿ ਹੁਣ ਰੂਸ ਖੁਦ ਬੱਚਿਆਂ ਨੂੰ ਜਨਮ ਦੇਣ ਵਾਲੀਆਂ ਰੂਸੀ ਕੁੜੀਆਂ ਦੀ ਗਿਣਤੀ ਵਿੱਚ ਕਮੀ ਨਾਲ ਜੂਝ ਰਿਹਾ ਹੈ।
ਲਗਾਤਾਰ ਘਟ ਰਹੀ ਹੈ ਰੂਸ ਦੀ ਆਬਾਦੀ
ਰੂਸ ਦੀ ਕੇਂਦਰੀ ਅੰਕੜਾ ਸੇਵਾ ਰੋਸਟੈਟ ਨੇ ਆਪਣੀ ਵੈੱਬਸਾਈਟ 'ਤੇ 1 ਜਨਵਰੀ, 2025 ਤੱਕ ਆਬਾਦੀ ਦਾ ਇੱਕ ਸ਼ੁਰੂਆਤੀ ਅਨੁਮਾਨ ਜਾਰੀ ਕੀਤਾ ਹੈ। ਇਸ ਅੰਕੜਿਆਂ ਅਨੁਸਾਰ, 1 ਜਨਵਰੀ, 2025 ਤੱਕ ਰੂਸ ਦੀ ਅਨੁਮਾਨਤ ਕੁੱਲ ਆਬਾਦੀ 14 ਕਰੋੜ 60,28,325 ਸੀ, ਜਦੋਂ ਕਿ ਸਾਲ 2024 ਵਿੱਚ, ਆਬਾਦੀ ਵਿੱਚ 0.08 ਫੀਸਦੀ ਦੀ ਗਿਰਾਵਟ ਆਈ। ਰੂਸੀ ਜਨਸੰਖਿਆ ਵਿਗਿਆਨੀ ਅਲੈਕਸੀ ਰਕਸ਼ਾ ਦੇ ਅਨੁਸਾਰ, ਸਾਲ 2025 ਦੇ ਪਹਿਲੇ ਤਿੰਨ ਮਹੀਨਿਆਂ ਵਿੱਚ, ਰੂਸੀ ਔਰਤਾਂ ਨੇ ਸਿਰਫ 294,000 ਬੱਚਿਆਂ ਨੂੰ ਜਨਮ ਦਿੱਤਾ, ਜੋ ਕਿ 225 ਸਾਲਾਂ ਵਿੱਚ ਰੂਸ ਵਿੱਚ ਸਭ ਤੋਂ ਘੱਟ ਜਨਮ ਦਰ ਹੈ। ਅਜਿਹੇ ਅੰਕੜੇ ਦਰਸਾਉਂਦੇ ਹਨ ਕਿ ਰੂਸ ਦੀ ਜਣਨ ਦਰ ਘੱਟ ਰਹੀ ਹੈ, ਜਿਸ ਨਾਲ ਉਨ੍ਹਾਂ ਦੀ ਮੌਤ ਦਰ ਵਧੇਗੀ। ਇਹ ਉਹੀ ਸਮੱਸਿਆ ਹੈ ਜਿਸਦਾ ਚੀਨ ਸਾਹਮਣਾ ਕਰ ਰਿਹਾ ਹੈ।
ਕੁਝ ਹਿੱਸਿਆਂ 'ਚ ਉਮੀਦ ਬਰਕਰਾਰ
ਹਾਲਾਂਕਿ ਰਿਪੋਰਟ ਦਰਸਾਉਂਦੀ ਹੈ ਕਿ ਕੁਝ ਖੇਤਰਾਂ 'ਚ ਆਬਾਦੀ ਵਾਧਾ ਵੀ ਦੇਖਿਆ ਗਿਆ ਹੈ। ਖਾਸ ਕਰ ਕੇ ਮਾਸਕੋ, ਲੈਨਿਨਗ੍ਰਾਡ ਅਤੇ ਇੰਗੁਸ਼ੇਤੀਆ ਖੇਤਰਾਂ 'ਚ, ਆਬਾਦੀ ਹੌਲੀ-ਹੌਲੀ ਵਧੀ ਹੈ। ਇਹ ਰਿਪੋਰਟ ਦਰਸਾਉਂਦੀ ਹੈ ਕਿ ਰੂਸ ਦੀ ਆਬਾਦੀ ਸਮੁੱਚੇ ਤੌਰ 'ਤੇ ਘਟ ਰਹੀ ਹੈ, ਪਰ ਕੁਝ ਖੇਤਰ ਅਜੇ ਵੀ ਸਕਾਰਾਤਮਕ ਰੁਝਾਨ ਦਿਖਾ ਰਹੇ ਹਨ। ਰੂਸੀ ਸਰਕਾਰ ਇਸ ਲਈ ਬਹੁਤ ਸਾਰੇ ਯਤਨ ਵੀ ਕਰ ਰਹੀ ਹੈ। ਵੱਖ-ਵੱਖ ਯੋਜਨਾਵਾਂ ਰਾਹੀਂ, ਉਹ ਔਰਤਾਂ ਨੂੰ ਵੱਧ ਤੋਂ ਵੱਧ ਬੱਚਿਆਂ ਨੂੰ ਜਨਮ ਦੇਣ ਲਈ ਉਤਸ਼ਾਹਿਤ ਕਰ ਰਹੀ ਹੈ।
ਸਕੂਲੀ ਕੁੜੀਆਂ ਨੂੰ ਬੱਚੇ ਪੈਦਾ ਕਰਨ ਉੱਤੇ ਇਨਾਮ
ਰੂਸ ਵਿੱਚ, ਜੇਕਰ ਕੋਈ ਵਿਦਿਆਰਥਣ ਘੱਟੋ-ਘੱਟ 22 ਹਫ਼ਤਿਆਂ ਦੀ ਗਰਭਵਤੀ ਹੈ ਅਤੇ ਸਰਕਾਰੀ ਮੈਟਰਨਿਟੀ ਕਲੀਨਿਕ ਵਿੱਚ ਰਜਿਸਟਰਡ ਹੈ, ਤਾਂ ਉਹ ਸਰਕਾਰ ਦੀ ਦਿਲਚਸਪ ਯੋਜਨਾ ਦਾ ਲਾਭ ਲੈ ਸਕਦੀ ਹੈ। ਉਸਨੂੰ ਇਨਾਮ ਵਜੋਂ 1 ਲੱਖ ਰੂਬਲ ਯਾਨੀ 1 ਲੱਖ ਰੁਪਏ ਦਾ ਇੱਕ ਵਾਰ ਦਾ ਨਕਦ ਬੋਨਸ ਮਿਲੇਗਾ। ਇਸ ਤਰ੍ਹਾਂ, ਸਰਕਾਰ ਉਸਦੇ ਬੱਚੇ ਨੂੰ ਜਨਮ ਦੇਣ ਦਾ ਖਰਚਾ ਚੁੱਕੇਗੀ। ਇੰਨਾ ਹੀ ਨਹੀਂ, ਕਈ ਖੇਤਰਾਂ ਵਿੱਚ ਬੱਚਿਆਂ ਦੀ ਗਿਣਤੀ ਵਧਾਉਣ 'ਤੇ 1.5 ਤੋਂ 10 ਲੱਖ ਦੇ ਇਨਾਮ ਦਿੱਤੇ ਜਾ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
Donald Trump ਕਰਨਗੇ ਪਾਕਿਸਤਾਨ ਦਾ ਦੌਰਾ! ਪਾਕਿ ਮੀਡੀਆ ਦਾ ਦਾਅਵਾ
NEXT STORY 
