ਲੀਮਾ (ਏ.ਐੱਨ.ਆਈ.): ਦੱਖਣੀ ਪੇਰੂ ਵਿੱਚ ਇੱਕ ਛੋਟੀ ਸੋਨੇ ਦੀ ਖਾਨ ਵਿੱਚ ਅੱਗ ਲੱਗਣ ਕਾਰਨ 27 ਲੋਕਾਂ ਦੀ ਮੌਤ ਹੋ ਗਈ, ਜੋ ਕਿ ਦੋ ਦਹਾਕਿਆਂ ਤੋਂ ਵੱਧ ਸਮੇਂ ਵਿੱਚ ਦੇਸ਼ ਦੀ ਸਭ ਤੋਂ ਘਾਤਕ ਮਾਈਨਿੰਗ ਦੁਰਘਟਨਾ ਵਿੱਚੋਂ ਇਕ ਸੀ। ਸੀਐਨਐਨ ਨੇ ਐਤਵਾਰ ਨੂੰ ਸਥਾਨਕ ਸਰਕਾਰ ਦੇ ਹਵਾਲੇ ਨਾਲ ਇਹ ਜਾਣਕਾਰੀ ਦਿੱਤੀ।ਇੱਕ ਬਿਆਨ ਵਿੱਚ ਸਥਾਨਕ ਸਰਕਾਰ ਨੇ ਕਿਹਾ ਕਿ ਅਰੇਕਿਪਾ ਦੇ ਦੱਖਣੀ ਖੇਤਰ ਵਿੱਚ ਸ਼ਨੀਵਾਰ ਸਵੇਰੇ ਤੜਕੇ ਇੱਕ ਸ਼ਾਰਟ-ਸਰਕਟ ਕਾਰਨ ਅੱਗ ਲੱਗ ਗਈ। ਸਥਾਨਕ ਸਰਕਾਰੀ ਵਕੀਲ ਜਿਓਵਨੀ ਮਾਟੋਸ ਨੇ ਐਤਵਾਰ ਨੂੰ ਸਥਾਨਕ ਟੈਲੀਵਿਜ਼ਨ ਨੂੰ ਦੱਸਿਆ ਕਿ "ਯਾਨਾਕੀਹੁਆ ਪੁਲਸ ਸਟੇਸ਼ਨ ਦੁਆਰਾ ਇਸਦੀ ਪੁਸ਼ਟੀ ਕੀਤੀ ਗਈ ਹੈ, ਇੱਥੇ 27 ਮੌਤਾਂ ਹੋਈਆਂ ਹਨ।"
ਸੀਐਨਐਨ ਦੀ ਰਿਪੋਰਟ ਦੇ ਅਨੁਸਾਰ ਪੇਰੂ ਦੇ ਮੰਤਰੀ ਮੰਡਲ ਨੇ ਅਰੇਕਿਪਾ ਵਿੱਚ ਯਾਨਾਕੀਹੁਆ ਖਾਨ ਦੇ ਸ਼ਾਫਟ ਵਿੱਚ ਅੱਗ ਲੱਗਣ ਤੋਂ ਬਾਅਦ ਮਰਨ ਵਾਲੇ ਖਣਿਜਾਂ ਦੇ ਪਰਿਵਾਰਾਂ ਪ੍ਰਤਾ ਹਮਦਰਦੀ ਪ੍ਰਗਟਾਈ। ਪੇਰੂ ਦੇ ਮੰਤਰੀ ਪ੍ਰੀਸ਼ਦ ਨੇ ਸਪੈਨਿਸ਼ ਵਿੱਚ ਟਵੀਟ ਕੀਤਾ ਕਿ "ਅਸੀਂ ਅਰੇਕਿਪਾ ਖੇਤਰ ਵਿੱਚ ਯਾਨਾਕੀਹੁਆ ਖਾਨ ਦੇ ਸ਼ਾਫਟ ਵਿੱਚ ਅੱਗ ਲੱਗਣ ਤੋਂ ਬਾਅਦ ਮਰਨ ਵਾਲੇ ਮਾਈਨਰਾਂ ਦੇ ਪਰਿਵਾਰਾਂ ਪ੍ਰਤੀ ਆਪਣੀ ਹਮਦਰਦੀ ਪ੍ਰਗਟ ਕਰਦੇ ਹਾਂ।" ਸਥਾਨਕ ਮੀਡੀਆ ਅਤੇ ਸੋਸ਼ਲ ਮੀਡੀਆ 'ਤੇ ਤਸਵੀਰਾਂ ਨੇ ਸਾਈਟ ਤੋਂ ਧੂੰਏਂ ਦੇ ਕਾਲੇ ਗੁਬਾਰ ਨੂੰ ਦਿਖਾਇਆ।
ਪੜ੍ਹੋ ਇਹ ਅਹਿਮ ਖ਼ਬਰ-ਪਾਕਿਸਤਾਨ 'ਚ ਈਸ਼ਨਿੰਦਾ ਦੇ ਦੋਸ਼ੀ ਨੂੰ ਲੋਕਾਂ ਨੇ ਕੁੱਟ-ਕੁੱਟ ਕੇ ਮੌਤ ਦੇ ਘਾਟ ਉਤਾਰਿਆ
ਸੀਐਨਐਨ ਦੀ ਰਿਪੋਰਟ ਅਨੁਸਾਰ ਪੇਰੂ ਦੀ ਪ੍ਰੈਜ਼ੀਡੈਂਸੀ ਨੇ ਟਵਿੱਟਰ 'ਤੇ ਇਕ ਬਿਆਨ ਵਿਚ ਕਿਹਾ ਕਿ ਮੰਤਰਾਲਾ ਲਾਸ਼ਾਂ ਨੂੰ ਕੱਢਣ ਅਤੇ ਟ੍ਰਾਂਸਫਰ ਕਰਨ ਲਈ ਕੰਮ ਕਰ ਰਿਹਾ ਹੈ। ਇਸ ਤੋਂ ਇਲਾਵਾ ਪੇਰੂ ਦੀ ਸਰਕਾਰ ਖੇਤਰੀ ਸਰਕਾਰ ਅਤੇ ਕੰਡੇਸੁਯੋਸ ਦੀ ਨਗਰਪਾਲਿਕਾ ਨੂੰ ਹਰ ਲੋੜੀਂਦੀ ਸਹਾਇਤਾ ਪ੍ਰਦਾਨ ਕਰੇਗੀ। ਪੇਰੂ ਦੁਨੀਆ ਦਾ ਚੋਟੀ ਦਾ ਸੋਨਾ ਉਤਪਾਦਕ ਅਤੇ ਦੂਜਾ ਸਭ ਤੋਂ ਵੱਡਾ ਤਾਂਬਾ ਉਤਪਾਦਕ ਹੈ। ਪੇਰੂ ਦੇ ਊਰਜਾ ਅਤੇ ਖਾਣਾਂ ਦੇ ਮੰਤਰਾਲੇ ਦੇ ਅੰਕੜਿਆਂ ਅਨੁਸਾਰ ਇਹ ਘਟਨਾ 2000 ਤੋਂ ਬਾਅਦ ਸਭ ਤੋਂ ਘਾਤਕ ਮਾਈਨਿੰਗ ਦੁਰਘਟਨਾ ਹੈ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਸੀਨੀਅਰ ਪੱਤਰਕਾਰ ਦੀ ਹੱਤਿਆ ’ਚ ISI ਦਾ ਸੀਨੀਅਰ ਅਧਿਕਾਰੀ ਸ਼ਾਮਲ : ਇਮਰਾਨ ਖ਼ਾਨ
NEXT STORY 
