ਨਿਊ ਸਾਊਥ ਵੇਲਜ਼— ਆਸਟ੍ਰੇਲੀਆ ਦੇ ਸੂਬੇ ਨਿਊ ਸਾਊਥ ਵੇਲਜ਼ 'ਚ 4 ਬੱਚਿਆਂ ਨੇ ਇਕ ਕਾਰ ਚੋਰੀ ਕੀਤੀ ਅਤੇ 1000 ਕਿਲੋ ਮੀਟਰ ਦਾ ਸਫਰ ਤੈਅ ਕੀਤਾ। ਇਨ੍ਹਾਂ ਬੱਚਿਆਂ ਦੀ ਉਮਰ 10 ਤੋਂ 14 ਸਾਲ ਵਿਚਕਾਰ ਦੱਸੀ ਜਾ ਰਹੀ ਹੈ। ਪੁਲਸ ਨੇ ਇਨ੍ਹਾਂ ਨੂੰ ਫੜ ਲਿਆ ਹੈ। ਜਾਣਕਾਰੀ ਮੁਤਾਬਕ ਬੱਚਿਆਂ ਨੇ ਐਤਵਾਰ ਤੜਕੇ ਨਿਸਾਨ ਪੈਟਰੋਲ ਗੱਡੀ ਚੋਰੀ ਕੀਤੀ ਅਤੇ ਘੁੰਮਣ ਲਈ ਨਿਕਲ ਗਏ। ਇਹ ਬੱਚੇ ਆਪਣੇ ਘਰੋਂ ਪੈਸੇ ਅਤੇ ਫਿਸ਼ਿੰਗ ਰੋਡਸ ਲੈ ਕੇ ਗਏ ਸਨ। ਇਨ੍ਹਾਂ 'ਚੋਂ ਇਕ ਬੱਚੇ ਨੇ ਆਪਣੇ ਪਰਿਵਾਰ ਲਈ ਨੋਟ ਲਿਖ ਕੇ ਛੱਡਿਆ ਸੀ।
ਬੱਚਿਆਂ ਨੂੰ ਨਿਊ ਸਾਊਥ ਵੇਲਜ਼ ਦੀ ਸਰਹੱਦ ਕੋਲ ਦੇਖਿਆ ਗਿਆ ਸੀ, ਜਿੱਥੋਂ ਉਹ ਗੱਡੀ 'ਚ ਤੇਲ ਪਵਾਉਣ ਲਈ ਰੁਕੇ ਸਨ। ਪੁਲਸ ਮੁਤਾਬਕ ਇਕ ਮੁੰਡੇ ਦੀ ਉਮਰ 14 ਸਾਲ, ਦੋ ਮੁੰਡਿਆਂ ਦੀ 13 ਸਾਲ ਅਤੇ ਇਕ ਕੁੜੀ ਦੀ ਉਮਰ 10 ਸਾਲ ਹੈ। ਐਤਵਾਰ ਰਾਤ ਨੂੰ ਚੋਰੀ ਕੀਤੀ ਗੱਡੀ ਗਰੈਫਟਨ 'ਚ ਮਿਲੀ ਸੀ ਅਤੇ ਬੱਚਿਆਂ ਨੇ ਗੱਡੀ 'ਚ 11 ਘੰਟਿਆਂ ਤਕ ਸਫਰ ਕੀਤਾ।
ਪੁਲਸ ਨੇ ਦੱਸਿਆ ਕਿ ਜਦ ਉਨ੍ਹਾਂ ਨੇ ਬੱਚਿਆਂ ਦੀ ਗੱਡੀ ਨੂੰ ਘੇਰਿਆ ਤਾਂ ਬੱਚਿਆਂ ਨੇ ਆਪਣੇ-ਆਪ ਨੂੰ ਗੱਡੀ 'ਚ ਬੰਦ ਕਰ ਲਿਆ ਅਤੇ ਬਾਹਰ ਆਉਣ ਤੋਂ ਇਨਕਾਰ ਕਰ ਦਿੱਤਾ। ਪੁਲਸ ਨੇ ਸਖਤਾਈ ਕਰਕੇ ਉਨ੍ਹਾਂ ਨੂੰ ਬਾਹਰ ਕੱਢਿਆ। ਉਨ੍ਹਾਂ ਕਿਹਾ ਕਿ ਉਹ ਹੈਰਾਨ ਹਨ ਕਿ ਬੱਚਿਆਂ ਨੇ ਇੰਨਾ ਲੰਬਾ ਸਫਰ ਕਿਵੇਂ ਤੈਅ ਕਰ ਲਿਆ। ਪੁਲਸ ਨੇ ਕਿਹਾ ਕਿ ਹਾਲਾਂਕਿ ਬੱਚਿਆਂ ਵਲੋਂ ਕਿਸੇ ਦੁਰਘਟਨਾ ਨੂੰ ਅੰਜਾਮ ਦੇਣ ਸਬੰਧੀ ਕੋਈ ਜਾਣਕਾਰੀ ਨਹੀਂ ਮਿਲੀ ਪਰ ਉਨ੍ਹਾਂ ਕੋਲੋਂ ਕੋਈ ਹਾਦਸਾ ਵਾਪਰ ਵੀ ਸਕਦਾ ਸੀ। ਬੱਚਿਆਂ ਦੀ ਭਾਲ 'ਚ ਪੁਲਸ ਦੇ ਪਸੀਨੇ ਛੁੱਟ ਗਏ। ਪੁਲਸ ਨੇ ਕਿਹਾ ਕਿ ਇਹ ਨਹੀਂ ਪਤਾ ਲੱਗਾ ਕਿ ਬੱਚਿਆਂ ਨੇ ਘੁੰਮਣ ਦਾ ਪ੍ਰੋਗਰਾਮ ਕਿਉਂ ਬਣਾਇਆ।
ਅਮਰੀਕਾ ਵੱਲੋਂ ਪਾਬੰਦੀਆਂ ਹਟਾਏ ਜਾਣ 'ਤੇ ਈਰਾਨ ਗੱਲਬਾਤ ਲਈ ਤਿਆਰ : ਰੂਹਾਨੀ
NEXT STORY 
