ਨਿਊਯਾਰਕ (ਰਾਜ ਗੋਗਨਾ) ਸਿੱਖਾਂ ਦੇ ਹੱਕਾਂ ਅਤੇ ਮਨੁੱਖੀ ਅਧਿਕਾਰਾਂ ਲਈ ਅਮਰੀਕਾ ਵਿੱਚ ਆਵਾਜ਼ ਉਠਾਉਣ ਵਾਲੇ ਪ੍ਰਦੇਸ਼ ਵਿੱਚ ਭਾਈਚਾਰੇ ਦੇ ਮਦਦਗਾਰ ਵਿਸ਼ਵ ਪ੍ਰਸਿੱਧ ਜ਼ਿਮੀਂਦਾਰ ਦੀਦਾਰ ਸਿੰਘ ਬੈਂਸ (84) ਦਾ ਦਿਹਾਂਤ ਹੋ ਗਿਆ। ਅਮਰੀਕਾ ਵਿਖੇ ਯੂਬਾ ਸਿਟੀ ਕੈਲੀਫੋਰਨੀਆ ਵਿੱਚ ਰਹਿੰਦੇ ਦੀਦਾਰ ਸਿੰਘ ਬੈਂਸ ਨੇ ਹਜ਼ਾਰਾਂ ਏਕੜ ਜ਼ਮੀਨ ਵਿਚ ਖੇਤੀ ਕਰਕੇ ਨਾਮ ਕਮਾਇਆ ਅਤੇ ਉਹ ਵਿਸ਼ਵ ਪੱਧਰ 'ਤੇ ਪੰਜਾਬੀ ਦੇ ਨਾਲ ਇੱਕ ਪ੍ਰਸਿੱਧ ਸਿੱਖ ਅਮਰੀਕੀ ਵੀ ਸੀ। ਉਹਨਾਂ ਸਿੱਖਾਂ ਦਾ ਅਮਰੀਕਾ ਵਿੱਚ ਰਾਜਨੀਤਿਕ ਪ੍ਰਭਾਵ ਬਣਾਇਆ। ਉਹ ਕਾਫੀ ਸਮੇਂ ਤੋ ਬਿਮਾਰ ਚਲ ਰਹੇ ਸਨ ਅਤੇ ਸਥਾਨਕ ਹਸਪਤਾਲ ਵਿੱਚ ਜੇਰੇ ਇਲਾਜ ਸਨ।
ਸਵਰਗੀ ਬੈਂਸ ਦਾ ਪੰਜਾਬ ਤੋਂ ਪਿਛੋਕੜ ਮਾਹਿਲਪੁਰ ਇਲਾਕਾ ਜ਼ਿਲ੍ਹਾ ਹੁਸ਼ਿਆਰਪੁਰ ਨਾਲ ਸੀ। ਉਹ ਆਪਣੇ ਨਿਮਰਤਾ ਵਾਲੇ ਸੁਭਾਅ ਦੇ ਵਜੋਂ ਜਾਣੇ ਜਾਂਦੇ ਬਿਲਕੁਲ ਸਾਦੇ ਇਨਸਾਨ ਸਨ। ਬੈਂਸ ਕੈਲੀਫੋਰਨੀਆ ਵਿੱਚ ਸਭ ਤੋਂ ਵੱਡੇ ਆੜੂ ਦੇ ਕਿਸਾਨ ਅਤੇ ਦੁਨੀਆ ਦੇ ਸਭ ਤੋਂ ਵੱਡੇ ਕਿਸਾਨਾਂ ਵਿੱਚੋਂ ਇੱਕ ਨਾਮੀ ਕਿਸਾਨ ਵਜੋਂ ਉਭਰਿਆ। ਖੇਤੀ ਵਿੱਚ ਆਪਣੀ ਸਫਲਤਾ ਦੇ ਕਾਰਨ ਉਸਨੂੰ ਇੱਥੇ "ਪੀਚ ਕਿੰਗ" ਵਜੋਂ ਜਾਣਿਆ ਜਾਂਦਾ ਸੀ। ਦੀਦਾਰ ਸਿੰਘ ਬੈਂਸ ਨੇ ਯੂਬਾ ਸਿਟੀ ਅਤੇ ਵਿਸ਼ਵ ਪੱਧਰ ’ਤੇ ਸਿੱਖ ਸੰਸਥਾਵਾਂ ਅਤੇ ਤਿਉਹਾਰਾਂ ਦੀ ਸਥਾਪਨਾ ਵਿੱਚ ਅਹਿਮ ਭੂਮਿਕਾ ਨਿਭਾਈ ਸੀ। ਉਸਨੇ ਗੁਰੂ ਗ੍ਰੰਥ ਸਾਹਿਬ ਗੁਰਗੱਦੀ ਦਿਵਸ ਮੌਕੇ ਯੂਬਾ ਸਿਟੀ ਕੈਲੀਫੋਰਨੀਆ ਵਿੱਚ ਸਾਲਾਨਾ ਸਿੱਖ ਪਰੇਡ ਨੂੰ ਪ੍ਰਸਿੱਧ ਬਣਾਉਣ ਵਿੱਚ ਬਹੁਤ ਮਦਦ ਕੀਤੀ। ਉਸ ਨੇ ਅਕਾਲ ਤਖ਼ਤ ਦੇ ਜਥੇਦਾਰ ਤੋਂ ਅੰਮ੍ਰਿਤ ਛਕਿਆ ਸੀ, ਜੋ 1980 ਵਿੱਚ ਉਹਨਾਂ ਨੂੰ ਇੱਥੇ ਮਿਲਣ ਆਏ ਸਨ।
ਉਸਨੇ ਸਿੱਖ ਮੁੱਦਿਆਂ ਬਾਰੇ ਅਮਰੀਕਾ ਵਿੱਚ ਜਾਗਰੂਕਤਾ ਪੈਦਾ ਕਰਨ ਦੇ ਯਤਨਾਂ ਦਾ ਬਹੁਤ ਸਮਰਥਨ ਕੀਤਾ। ਉਸ ਨੇ 1980 ਦੇ ਦਹਾਕੇ ਦੌਰਾਨ ਕੈਪੀਟਲ ਹਿੱਲ ਦੇ ਕੋਲ ਵਾਸ਼ਿੰਗਟਨ, ਡੀ.ਸੀ. ਵਿੱਚ ਸਿੱਖਾਂ ਲਈ ਇੱਕ ਦਫ਼ਤਰ ਖੋਲ੍ਹਣ ਲਈ ਵੀ ਪਹਿਲ ਕੀਤੀ ਸੀ ਤਾਂ ਜੋ ਭਾਰਤ ਵਿੱਚ ਸਿੱਖ ਮਨੁੱਖੀ ਅਧਿਕਾਰਾਂ ਦੇ ਮੁੱਦਿਆਂ ਅਤੇ ਘਟਨਾਵਾਂ ਬਾਰੇ ਗੱਲ ਕੀਤੀ ਜਾ ਸਕੇ। ਉਸ ਨੇ ਇਸ ਮਕਸਦ ਲਈ ਵਾਸ਼ਿੰਗਟਨ ਦੇ ਸਿਆਸੀ ਕੇਂਦਰ ਵਿੱਚ ਇੱਕ ਬਹੁਤ ਹੀ ਮਹਿੰਗਾ ਟਾਊਨ ਹੋਮ ਖਰੀਦਿਆ। ਇਸ ਘਰ ਵਿੱਚ ਖੋਜ ਲਈ ਸਿੱਖ ਪੁਸਤਕਾਂ ਦੀ ਇੱਕ ਲਾਇਬ੍ਰੇਰੀ ਵੀ ਹੈ। ਉਸਨੇ ਕੈਲੀਫੋਰਨੀਆ ਅਤੇ ਵਾਸ਼ਿੰਗਟਨ, ਡੀ.ਸੀ. ਵਿੱਚ ਰਾਜਨੀਤਿਕ ਪ੍ਰਭਾਵ ਕਾਇਮ ਕੀਤਾ ਅਤੇ ਉਹ ਦੱਖਣੀ ਏਸ਼ੀਆਈ ਡਾਇਸਪੋਰਾ ਵਿੱਚ ਇੱਕ ਪ੍ਰਭਾਵਸ਼ਾਲੀ ਪਰਉਪਕਾਰੀ ਇਨਸਾਨ ਸਨ।
ਪੜ੍ਹੋ ਇਹ ਅਹਿਮ ਖ਼ਬਰ-F-16 ਲੜਾਕੂ ਜਹਾਜ਼ ਪ੍ਰੋਗਰਾਮ ਅਮਰੀਕਾ-ਪਾਕਿਸਤਾਨ ਦੇ ਦੁਵੱਲੇ ਸਬੰਧਾਂ ਦਾ ਅਹਿਮ ਹਿੱਸਾ : ਯੂ.ਐੱਸ
ਦੱਸਣਯੋਗ ਹੈ ਕਿ ਇਹ ਉੱਤਰੀ ਅਮਰੀਕਾ ਦੀ ਸਿੱਖ ਕੌਂਸਲ ਵਿੱਚ ਗੁਰਦੁਆਰਿਆਂ ਨੂੰ ਇਕੱਠਾ ਕਰਨ ਦੇ ਯਤਨਾਂ ਦਾ ਇਕ ਹਿੱਸਾ ਸੀ, ਜੋ ਕਿ ਜ਼ਿਆਦਾ ਦੇਰ ਤੱਕ ਨਹੀਂ ਚੱਲ ਸਕਿਆ। ਦੀਦਾਰ ਸਿੰਘ ਬੈਂਸ ਵਿਸ਼ਵ ਸਿੱਖ ਦੇ ਪ੍ਰਧਾਨ ਰਹੇ।ਉਹ ਅਮਰੀਕਾ ਵਿੱਚ ਸਿੱਖਾਂ ਵਿਰੁੱਧ ਨਫ਼ਰਤੀ ਹਿੰਸਾ ਨੂੰ ਰੋਕਣ ਲਈ 9/11 ਦੇ ਹਮਲਿਆਂ ਤੋਂ ਬਾਅਦ ਰਾਸ਼ਟਰਪਤੀ ਬੁਸ਼ ਨੂੰ ਮਿਲੇ ਸੀ। ਉਹ ਮਹਿਮਾਨਾਂ ਦੀ ਆਪਣੀ ਪਰਾਹੁਣਚਾਰੀ ਲਈ ਸਭ ਤੋਂ ਵੱਧ ਜਾਣੇ ਜਾਂਦੇ ਸੀ ਅਤੇ ਉਸਦੀ ਪਤਨੀ ਸ਼ਾਂਤੀ ਇੱਕ ਵਧੀਆ ਮੇਜ਼ਬਾਨ ਸੀ। ਉਹ ਉਸਦੇ ਕਾਰੋਬਾਰ ਅਤੇ ਸਮਾਜਕ ਕੰਮਾਂ ਵਿੱਚ ਉਸਦਾ ਸਮਰਥਨ ਕਰਦੀ ਸੀ। ਸ਼ਾਇਦ ਹੀ ਕੋਈ ਸਿੱਖ ਆਗੂ ਜਾਂ ਪ੍ਰਚਾਰਕ ਜਾਂ ਜਥੇਦਾਰ ਉਨ੍ਹਾਂ ਦੀ ਥਾਂ 'ਤੇ ਨਾ ਆਇਆ ਹੋਵੇ। ਹਰੇਕ ਉੱਘੇ ਸਿੱਖ ਆਗੂ, ਧਾਰਮਿਕ, ਸਿਆਸੀ ਸਮਾਜ ਸੇਵੀ ਕੈਲੀਫੋਰਨੀਆ ਆਉਣ ਤਾਂ ਉਹਨਾਂ ਨੂੰ ਮਿਲੇ ਬਗੈਰ ਨਹੀਂ ਸੀ ਜਾਂਦੇ। ਹੁਣ ਉਹਨਾਂ ਦਾ ਪੁੱਤਰ ਕਰਮ ਸਿੰਘ ਬੈਂਸ ਵੀ ਹੁਣ ਯੂਬਾ ਸ਼ਹਿਰ ਕੈਲੀਫੋਰਨੀਆ ਵਿੱਚ ਸਿੱਖ ਮਾਮਲਿਆਂ ਵਿੱਚ ਸਰਗਰਮ ਹੈ। ਦੀਦਾਰ ਸਿੰਘ ਬੈਂਸ ਦੀ ਮੌਤ 'ਤੇ ਅਮਰੀਕਾ ਦੀਆਂ ਧਾਰਮਿਕ, ਸਿਆਸੀ ਸੰਸਥਾਵਾਂ ਦੇ ਆਗੂਆਂ ਅਤੇ ਅਮਰੀਕਾ ਵਿੱਚ ਵੱਸਦੇ ਸਿੱਖਾਂ ਨੇ ਪਰਿਵਾਰ ਨਾਲ ਦੁੱਖ ਜਤਾਇਆ ਹੈ। ਸਵਰਗੀ ਬੈੱਸ ਦੇ ਕੀਤੇ ਗਏ ਸ਼ਲਾਘਾਯੋਗ ਕੰਮਾਂ ਨੂੰ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ।
ਚਾਰਲਸ ਲਈ ਚੁਣੌਤੀ, ਆਸਟ੍ਰੇਲੀਆ ਸਮੇਤ 3 ਦੇਸ਼ ਬ੍ਰਿਟਿਸ਼ ਰਾਜਸ਼ਾਹੀ ਤੋਂ ਮੁਕਤੀ ਪਾਉਣ ਦੀ ਤਿਆਰੀ 'ਚ
NEXT STORY 
