ਰੋਮ (ਦਲਵੀਰ ਸਿੰਘ ਕੈਂਥ) : ਦੁਨੀਆਂ ਵਿੱਚੋਂ ਅੱਤਵਾਦ ਦੇ ਖਾਤਮੇ ਤੇ ਵਿਸ਼ਵ ਸ਼ਾਂਤੀ ਦੇ ਮੱਦੇ ਨਜ਼ਰ ਭਾਰਤ ਸਰਕਾਰ ਵੱਲੋਂ ਇੱਕ ਵਿਸ਼ੇਸ਼ ਸਰਬ-ਪਾਰਟੀ ਸੰਸਦੀ ਵਫ਼ਦ ਰਵੀ ਸ਼ੰਕਰ ਪ੍ਰਸਾਦ ਐੱਮਪੀ ਦੀ ਅਗਵਾਈ ਹੇਠ ਇਟਲੀ ਸਮੇਤ ਕਈ ਹੋਰ ਯੂਰਪੀਅਨ ਦੇਸ਼ਾਂ ਨਾਲ ਆਪਸੀ ਸਾਂਝ ਨੂੰ ਗੂੜਾ ਕਰਨ ਲਈ ਇਟਲੀ ਦੀ ਰਾਜਧਾਨੀ ਰੋਮ ਵਿਖੇ ਪਹੁੰਚਿਆ ਜਿਸ ਦਾ ਭਾਰਤੀ ਅੰਬੈਂਸੀ ਰੋਮ ਦੇ ਰਾਜਦੂਤ ਮੈਡਮ ਵਾਣੀ ਰਾਓ ਨੇ ਨਿੱਘਾ ਸਵਾਗਤ ਕੀਤਾ।
ਇਸ ਵਫ਼ਦ ਵਿੱਚ ਡਾ: ਡੀ ਪੁਰਨਦੇਸ਼ਵਰੀ ਸੰਸਦ ਮੈਂਬਰ, ਲੋਕ ਸਭਾ (ਹੇਠਲਾ ਸਦਨ) ਪ੍ਰਿਯੰਕਾ ਚਤੁਰਵੇਦੀ ਸੰਸਦ ਮੈਂਬਰ, ਰਾਜ ਸਭਾ (ਉੱਚ ਸਦਨ) ਗੁਲਾਮ ਅਲੀ ਸੰਸਦ ਮੈਂਬਰ, ਰਾਜ ਸਭਾ (ਉੱਚ ਸਦਨ) ਡਾ:ਅਮਰ ਸਿੰਘ ਸੰਸਦ ਮੈਂਬਰ ਲੋਕ ਸਭਾ (ਹੇਠਲਾ ਸਦਨ), ਸੁਨੀਲ ਦੱਤਾਤਰੇਯ ਤਟਕਰੇ ਸੰਸਦ ਮੈਂਬਰ, ਲੋਕ ਸਭਾ ਮੈਂਬਰ (ਹੇਠਲਾ ਸਦਨ), ਡਾ: ਐਮ ਥੰਬੀਦੁਰਾਈ ਸੰਸਦ ਮੈਂਬਰ, ਰਾਜ ਸਭਾ (ਉੱਚ ਸਦਨ), ਐੱਮਜੇ ਅਕਬਰ ਸਾਬਕਾ ਉਪ ਮੰਤਰੀ ਵਿਦੇਸ਼ ਮਾਮਲੇ ਤੇ ਸਾਬਕਾ ਰਾਜਦੂਤ ਪੰਕਜ ਸਰਨ ਸਾਬਕਾ ਡਿਪਟੀ ਐੱਨਐੱਸਏ ਆਦਿ ਸਖ਼ਸੀਅਤ ਨੇ ਸ਼ਿਰਕਤ ਕਰਦਿਆਂ ਸੈਨੇਟ ਦੀ ਵਿਦੇਸ਼ ਮਾਮਲੇ ਅਤੇ ਰੱਖਿਆ ਕਮੇਟੀ ਦੀ ਮੁੱਖੀ ਸੈਨੇਟਰ ਸਤੇਫਾਨੀਆ ਕਰਾਕਸੀ ,ਚੈਂਬਰ ਆਫ਼ ਡਿਪਟੀਜ਼ ਵਿੱਚ ਵਿਦੇਸ਼ ਮਾਮਲਿਆਂ ਤੇ ਯੂਰਪੀਅਨ ਕਮਿਸ਼ਨ ਦੀ ਕਮੇਟੀ ਪ੍ਰਧਾਨ ਸਨੇਟਰ ਜਿਓਲੀਓ ਤਰੇਮੋਨਤੀ ਅਤੇ ਵਿਦੇਸ਼ ਮੰਤਰੀ ਮਰੀਆ ਤਰੀਪੋਦੀ ਨਾਲ ਵਿਸ਼ੇਸ਼ ਮੁਲਾਕਾਤ ਕੀਤੀ।
ਭਾਰਤੀ ਵਫ਼ਦ ਨੇ ਅੱਤਵਾਦ ਨਾਲ ਲੜਨ ਲਈ ਭਾਰਤ ਦੀ ਅਟੱਲ ਵਚਨਬੱਧਤਾ ਅਤੇ ਅੱਤਵਾਦ ਵਿਰੁੱਧ ਜ਼ੀਰੋ ਸਹਿਣਸ਼ੀਲਤਾ ਤੇ ਰਾਸ਼ਟਰੀ ਸਹਿਮਤੀ ਨੂੰ ਉਗਾਗਰ ਕੀਤਾ। ਇਟਲੀ ਦੀਆਂ ਵੱਖ-ਵੱਖ ਸਖ਼ਸੀਅਤਾਂ ਨੇ ਜਿੱਥੇ ਭਾਰਤ ਤੋਂ ਆਏ ਵਿਸ਼ੇਸ਼ ਵਫ਼ਦ ਦੀ ਜੀਅ ਹਜ਼ੂਰੀ ਕੀਤੀ ਉੱਥੇ ਹੀ ਅੱਤਵਾਦ ਵਿਰੁੱਧ ਲਾਮਬੰਦ ਹੋਕੇ ਲੜਨ ਦਾ ਵੀ ਭਰਪੂਰ ਸਮਰਥਨ ਕਰਦਿਆਂ ਡੱਟਵਾਂ ਸਾਥ ਦੇਣ ਦਾ ਐਲਾਨ ਕੀਤਾ। ਇਸ ਵਿਸ਼ੇਸ਼ ਵਫ਼ਦ ਨੇ ਇਟਲੀ ਦੇ ਭਾਰਤੀ ਭਾਈਚਾਰੇ ਨਾਲ ਵੀ ਵਿਸ਼ੇਸ਼ ਮਿਲਣੀ ਕਰਦਿਆਂ ਅੱਤਵਾਦ ਦਾ ਮੁਬਾਬਲਾ ਕਰਨ ਅਤੇ ਸਰਹੱਦ ਪਾਰ ਅੱਤਵਾਦ ਵਿਰੁੱਧ ਸਖ਼ਤ ਕਾਰਵਾਈਆਂ ਕਰਨ ਦੇ ਰਾਸ਼ਟਰੀ ਸੰਕਲਪ ਨੂੰ ਵੀ ਸਾਂਝਾ ਕੀਤਾ।
ਵਫ਼ਦ ਨੇ ਭਾਰਤੀ ਪ੍ਰਵਾਸੀਆਂ ਦੇ ਯੋਗਦਾਨ ਅਤੇ ਆਪਣੀ ਮਾਤਭੂਮੀ ਨਾਲ ਉਨ੍ਹਾਂ ਦੇ ਮਜ਼ਬੂਤ ਸੰਬਧਾਂ ਦੀ ਵੀ ਭਰਪੂਰ ਸ਼ਲਾਘਾ ਕੀਤੀ। ਵਫ਼ਦ ਨਾਲ ਮਿਲਣੀ ਲਈ ਆਏ ਭਾਰਤੀ ਭਾਈਚਾਰੇ ਨੇ ਭਾਰਤ ਸਰਕਾਰ ਦੇ ਅੱਤਵਾਦ ਦੇ ਖਾਤਮੇ ਲਈ ਮਿਸ਼ਨ ਸਿੰਦੂਰ ਦੀ ਕਾਮਯਾਬੀ ਲਈ ਵਧਾਈ ਵੀ ਦਿੱਤੀ ਤੇ ਭੱਵਿਖ ਵਿੱਚ ਭਾਰਤ ਵੱਲੋਂ ਅੱਤਵਾਦ ਦੇ ਖਾਤਮੇ ਲਈ ਚੁੱਕੇ ਠੋਸ ਕਦਮਾਂ ਦੀ ਸਲਾਘਾਂ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਭਾਰਤੀ ਫੌਜ ਤੇ ਭਾਰਤ ਸਰਕਾਰ ਉੱਪਰ ਮਾਣ ਤੇ ਪੂਰਾ ਭਰੋਸਾ ਹੈ ਕਿ ਜਿਹੜਾ ਵਫ਼ਦ ਯੂਰਪ ਦੀ ਫੇਰੀ ਤੇ ਵਿਸ਼ਵ ਸ਼ਾਂਤੀ ਤੇ ਅੱਤਵਾਦ ਦੇ ਖਾਤਮਾ ਆਇਆ ਹੈ। ਵੱਖ-ਵੱਖ ਯੁਰਪੀਅਨ ਦੇਸ਼ਾਂ ਦੀਆਂ ਸਰਕਾਰਾਂ ਨੇ ਰਲ-ਮਿਲ ਕੇ ਅੱਤਵਾਦ ਵਿਰੁੱਧ ਲੜਨ ਦਾ ਪੂਰਨ ਭਰੋਸਾ ਦਿੱਤਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਪਾਕਿਸਤਾਨ ’ਚ ਹਿੰਦੂ ਔਰਤ ਨੂੰ ਅਗਵਾ ਕਰਕੇ ਜਬਰਦਸਤੀ ਧਰਮ ਪਰਿਵਰਤਣ ਕਰਾਕੇ ਅਗਵਾਕਰਤਾ ਨਾਲ ਨਿਕਾਹ
NEXT STORY 
