ਕੋਲੰਬੋ-ਸ਼੍ਰੀਲੰਕਾ ਦੀ ਪੁਲਸ ਨੇ ਸ਼ਨੀਵਾਰ ਨੂੰ ਪੂਰਬੀ ਸੂਬੇ 'ਚ ਸਥਾਨਕ ਇਸਲਾਮੀ ਕੱਟੜਪੰਥ ਦਾ ਗੜ੍ਹ ਮੰਨੇ ਜਾਣ ਵਾਲੇ ਕਾਥਨਕੁਡੀ ਸ਼ਹਿਰ ਦੇ ਨਿਵਾਸੀ ਤਮਿਲ ਮੁਸਲਿਮ ਅਹਿਮਦ ਆਦਿਲ ਮੁਹਮੰਦ ਸ਼ਮਸੁਧੀਨ ਨੂੰ ਉਸ ਵਿਅਕਤੀ ਵਜੋਂ ਨਾਮਜ਼ਦ ਕੀਤਾ ਹੈ, ਜਿਸ ਨੇ ਨਿਊਜ਼ੀਲੈਂਡ ਦੇ ਇਕ ਸ਼ਾਪਿੰਗ ਮਾਲ 'ਚ ਚਾਕੂ ਮਾਰ ਕੇ ਸੱਤ ਲੋਕਾਂ ਨੂੰ ਜ਼ਖਮੀ ਕਰ ਦਿੱਤਾ ਸੀ। ਜ਼ਿਕਰਯੋਗ ਹੈ ਕਿ ਸ਼ੁੱਕਰਵਾਰ ਨੂੰ ਵੈਸਟ ਆਕਲੈਂਡ ਦੇ ਲਿਨਮਾਲ 'ਚ ਕਾਊਂਟਡਾਊਨ ਸੁਪਰਮਾਰਕਿਟ 'ਚ 32 ਸਾਲਾ ਸ਼ਮਸੁਧੀਨ ਨੇ ਖਰੀਦਦਾਰਾਂ 'ਤੇ ਹਮਲਾ ਕੀਤਾ ਸੀ ਜਿਸ 'ਚ ਸੱਤ ਲੋਕ ਜ਼ਖਮੀ ਹੋ ਗਏ।
ਇਹ ਵੀ ਪੜ੍ਹੋ : ਯੂਰਪ 'ਚ ਡੇਢ ਸਾਲ ਬਾਅਦ ਸਕੂਲਾਂ 'ਚ ਪਰਤ ਰਹੇ ਹਨ ਬੱਚੇ
ਇਨ੍ਹਾਂ 'ਚੋਂ ਤਿੰਨ ਗੰਭੀਰ ਤੌਰ 'ਤੇ ਜ਼ਖਮੀ ਹੋਏ ਹਨ। ਆਈ.ਐੱਸ.ਆਈ.ਐੱਸ. ਨਾਲ ਪ੍ਰੇਰਤਿ ਕੱਟੜਪੰਥੀ ਨਿਊਜ਼ੀਲੈਂਡ ਪੁਲਸ ਦੀ ਨਿਗਰਾਨੀ 'ਚ ਸੀ ਅਤੇ ਹਮਲਾ ਸ਼ੁਰੂ ਹੋਣ ਦੇ ਲਗਭਗ ਦੋ ਮਿੰਟ ਬਾਅਦ ਅਧਿਕਾਰੀਆਂ ਨੇ ਉਸ ਨੂੰ ਗੋਲੀ ਮਾਰ ਕੇ ਮਾਰ ਦਿੱਤਾ। ਪੁਲਸ ਨੇ ਕਿਹਾ ਕਿ ਪੂਰਬੀ ਜ਼ਿਲ੍ਹੇ ਬਟਿਕਲੋਆ ਦੇ ਕਾਥਨਕੁਡੀ ਦੇ ਨਿਵਾਸੀ ਸ਼ਮਸੁਧੀਨ ਦੀ ਪਛਾਣ ਆਕਲੈਂਡ 'ਚ ਮਾਲ 'ਚ ਹਮਲਾ ਕਰਨ ਵਾਲੇ ਵਿਅਕਤੀ ਵਜੋਂ ਹੋਈ ਹੈ। ਕਾਥਨਕੁਡੀ ਨੂੰ ਸਥਾਨਕ ਇਸਲਾਮੀ ਕੱਟੜਪੰਥੀ ਦਾ ਗੜ੍ਹ ਮੰਨਿਆ ਜਾਂਦਾ ਹੈ।
ਇਹ ਵੀ ਪੜ੍ਹੋ : ਫਿਲੀਪੀਨ ਨੇ ਭਾਰਤ ਤੇ 9 ਹੋਰ ਦੇਸ਼ਾਂ ਤੋਂ ਯਾਤਰਾ ਪਾਬੰਦੀ ਹਟਾਈ
ਸ਼੍ਰੀਲੰਕਾ 'ਚ 2019 'ਚ ਈਸਟਰ ਸੰਡੇ ਦੇ ਦਿਨ ਹੋਏ ਹਮਲੇ 'ਚ 11 ਭਾਰਤੀਆਂ ਸਮੇਤ 270 ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ ਹੋ ਗਈ ਸੀ। ਇਸ ਹਮਲੇ ਦੇ ਤਾਰ ਕਾਥਨਕੁਡੀ ਨਾਲ ਜੁੜੇ ਮਿਲੇ ਸਨ। ਸ਼੍ਰੀਲੰਕਾਈ ਸਰਕਾਰ ਨੇ ਉਸ ਵੇਲੇ ਅਨੁਮਾਨ ਲਾਇਆ ਸੀ ਕਿ ਈਸਟਰ ਦਾ ਹਮਲਾ ਉਸ ਤੋਂ ਦੋ ਮਹੀਨੇ ਪਹਿਲਾਂ ਨਿਊਜ਼ੀਲੈਂਡ ਦੇ ਕ੍ਰਾਈਸਟਚਰਚ 'ਚ ਮਸਜਿਦ 'ਤੇ ਕੀਤੇ ਗਏ ਹਮਲੇ ਦਾ ਜਵਾਬ 'ਚ ਕੀਤਾ ਗਿਆ ਹੋਵੇਗਾ।
ਇਹ ਵੀ ਪੜ੍ਹੋ : ਤੁਰਕੀ 'ਚ 116 ਸਾਲਾ ਮਹਿਲਾ ਨੇ ਕੋਰੋਨਾ ਨੂੰ ਦਿੱਤੀ ਮਾਤ
ਸ਼ਮਸੁਧੀਨ 2011 'ਚ ਵਿਦਿਆਰਥੀ ਵੀਜ਼ਾ 'ਤੇ ਸ਼੍ਰੀਲੰਕਾ ਤੋਂ ਨਿਊਜ਼ੀਲੈਂਡ ਪਹੁੰਚਿਆ ਸੀ। ਨਿਊਜ਼ੀਲੈਂਡ ਦੀ ਸਮਾਚਾਰ ਵੈੱਬਸਾਈਟ 'ਸਟਾਫ ਡਾਟ ਨੂੰ ਡਾਟ ਨਿਊਜ਼ੀਲੈਂਡ' ਦੀ ਖਬਰ ਮੁਤਾਬਕ ਤਮਿਲ ਮੁਸਲਿਮ ਸ਼ਮਸੁਧੀਨ ਸ਼ਰਨਾਰਥੀ ਦਾ ਦਰਜਾ ਮੰਗਣ ਲਈ ਨਿਊਜ਼ੀਲੈਂਡ ਆਇਆ ਸੀ। ਉਸ ਨੇ ਦਾਅਵਾ ਕੀਤਾ ਸੀ ਕਿ ਉਸ ਨੂੰ ਅਤੇ ਉਸ ਦੇ ਪਿਤਾ ਨੂੰ ਉਨ੍ਹਾਂ ਦੀ ਸਿਆਸੀ ਪਿੱਠਭੂਮੀ ਕਾਰਨ ਸ਼੍ਰੀਲੰਕਾਈ ਅਧਿਕਾਰੀਆਂ ਵੱਲ ਗੰਭੀਰ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪਿਆ ਸੀ। ਉਸ ਨੇ ਦਾਅਵਾ ਕੀਤਾ ਸੀ ਕਿ ਉਨ੍ਹਾਂ 'ਤੇ ਹਮਲਾ ਕੀਤਾ ਗਿਆ।
ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।
ਤੁਰਕੀ 'ਚ 116 ਸਾਲਾ ਮਹਿਲਾ ਨੇ ਕੋਰੋਨਾ ਨੂੰ ਦਿੱਤੀ ਮਾਤ
NEXT STORY 
