ਅੰਕਾਰਾ- ਤੁਰਕੀ ਦੇ ਨਾਗਰਿਕਾਂ ਨੂੰ ਮੁਫਤ ਵਿਚ ਕੋਰੋਨਾ ਵਾਇਰਸ ਦਾ ਟੀਕਾ ਦਿੱਤਾ ਜਾਵੇਗਾ। ਦੇਸ਼ ਦੇ ਸਿਹਤ ਮੰਤਰੀ ਫਹਿਰੇਤਿਨ ਕੋਕਾ ਨੇ ਇਸ ਦੀ ਜਾਣਕਾਰੀ ਦਿੱਤੀ।
ਕੋਕਾ ਨੇ ਕਿਹਾ ਕਿ ਅਗਲੇ ਹਫਤੇ ਸਾਨੂੰ ਟੀਕਾ ਮਿਲ ਜਾਵੇਗਾ। ਇਸ ਨੂੰ ਟੈਸਟ ਕੀਤਾ ਜਾਵੇਗਾ ਅਤੇ ਜੇਕਰ ਇਹ ਸਾਰੇ ਟੈਸਟਾਂ ਵਿਚ ਪਾਸ ਹੋ ਜਾਂਦਾ ਹੈ ਤਾਂ ਅਸੀਂ ਇਸ ਦੀ ਵਰਤੋਂ ਦੀ ਇਜਾਜ਼ਤ ਦੇਵਾਂਗੇ।
14 ਦਿਨਾਂ ਦੇ ਅੰਦਰ 2 ਵਾਰ ਨਾਗਰਿਕਾਂ ਨੂੰ ਮੁਫਤ ਵਿਚ ਟੀਕਾ ਲਗਾਇਆ ਜਾਵੇਗਾ। ਮੰਤਰੀ ਨੇ ਉਮੀਦ ਪ੍ਰਗਟਾਈ ਕਿ ਵੱਖ-ਵੱਖ ਖੇਤਰਾਂ ਵਿਚ ਕੋਰੋਨਾ ਤੀਜੇ ਪੜਾਅ ਵਿਚ ਪਹੁੰਚ ਚੁੱਕਾ ਹੈ। ਹਾਲ ਦੇ ਦਿਨਾਂ ਵਿਚ ਇੱਥੇ ਕੋਰੋਨਾ ਦੇ ਮਾਮਲੇ ਲਗਾਤਾਰ ਵੱਧ ਰਹੇ ਹਨ। ਤੁਰਕੀ ਦੇ ਸਿਹਤ ਮੰਤਰਾਲੇ ਨੇ ਦੱਸਿਆ ਕਿ ਇੱਥੇ ਕੋਰੋਨਾ ਦੇ 31,712 ਨਵੇਂ ਮਾਮਲੇ ਸਾਹਮਣੇ ਆਏ ਹਨ, ਜਿਸ ਨਾਲ ਦੇਸ਼ ਵਿਚ ਇਸ ਤੋਂ ਸੰਕ੍ਰਮਿਤ ਮਰੀਜ਼ਾਂ ਦੀ ਗਿਣਤੀ 5,58,517 ਤੱਕ ਪੁੱਜ ਗਈ ਹੈ ਜਦਕਿ 217 ਮੌਤਾਂ ਨਾਲ ਅੰਕੜਾ 15,531 ਹੋ ਗਿਆ ਹੈ।
'ਇਟਲੀ 'ਚ ਭਾਰਤੀ ਲੋਕ ਮਿਹਨਤੀ, ਈਮਾਨਦਾਰ ਤੇ ਚੰਗੇ ਨਾਗਰਿਕਾਂ ਵਜੋ ਜਾਣੇ ਜਾਂਦੇ ਨੇ'
NEXT STORY 
