ਵਾਸ਼ਿੰਗਟਨ (ਬਿਊਰੋ): ਅਮਰੀਕਾ ਵਿਚ ਇਕ ਸ਼ਖਸ ਨੂੰ ਕਾਨੂੰਨ ਤੋੜਨ ਦੇ ਬਾਅਦ ਇੰਨਾ ਬੁਰਾ ਲੱਗਿਆ ਕਿ ਉਸ ਨੇ ਖੁਦ ਹੀ ਗ੍ਰਿਫਤਾਰੀ ਦਿੱਤੀ। ਸ਼ਖਸ ਨੇ ਅਪਰਾਧ ਕਰਨ ਦੇ ਬਾਅਦ ਖੁਦ ਪੁਲਸ ਨੂੰ 3 ਵਾਰ ਫੋਨ ਕੀਤਾ ਅਤੇ ਗ੍ਰਿਫਤਾਰ ਕੀਤੇ ਜਾਣ ਦੀ ਮੰਗ ਕੀਤੀ। ਜਾਰਜੀਆ ਵਿਚ ਪੁਲਸ ਨੇ ਖੁਦ ਇਸ ਘਟਨਾ ਦੀ ਪੁਸ਼ਟੀ ਸਥਾਨਕ ਮੀਡੀਆ ਨੂੰ ਦਿੱਤੀ। ਘਟਨਾ ਸ਼ੁੱਕਰਵਾਰ ਦੀ ਹੈ ਜਦੋਂ ਥਾਮਸ ਕਾਊਂਟੀ ਸ਼ੇਰਿਫ ਪੁਲਸ ਅਧਿਕਾਰੀਆਂ ਕੋਲ ਇਕ ਸ਼ਖਸ ਦਾ ਫੋਨ ਆਇਆ। ਸ਼ਖਸ ਨੇ ਫੋਨ 'ਤੇ ਕਿਹਾ ਕਿ ਉਸਨੇ ਕਾਰ ਚੋਰੀ ਕੀਤੀ ਹੈ, ਉਸ ਨੂੰ ਆ ਕੇ ਗ੍ਰਿਫਤਾਰ ਕਰ ਲਿਆ ਜਾਵੇ।
ਪੁਲਸ ਟੀਮ ਨੇ ਦੱਸਿਆ,''ਸ਼ੁੱਕਰਵਾਰ ਨੂੰ ਸਾਡੇ ਕੋਲ ਇਕ ਫੋਨ ਆਇਆ ਅਤੇ ਦੂਜੇ ਪਾਸੇ ਮੌਜੂਦ ਸ਼ਖਸ ਨੇ ਦੱਸਿਆ ਕਿ ਉਸ ਨੇ ਇਕ ਕਾਰ ਚੋਰੀ ਕੀਤੀ ਹੈ। ਉਹ ਬੋਸਟਨ ਤੋਂ ਕਰੀਬ 20 ਕਿਲੋਮੀਟਰ ਦੀ ਦੂਰੀ 'ਤੇ ਹੈ। ਉਸ ਨੂੰ ਆ ਕੇ ਗ੍ਰਿਫਤਾਰ ਕਰ ਲਿਆ ਜਾਵੇ।'' ਇਸ ਸੂਚਨਾ ਦੇ ਬਾਅਦ ਬੋਸਟਨ ਪੁਲਸ ਨੇ 29 ਸਾਲਾ ਦੇ ਕਾਰ ਚੋਰ ਦੇ ਦੋਸ਼ੀ ਰਸ਼ੀਦ ਲੈਂਕਫੋਰਡ ਦੀ ਤਲਾਸ਼ ਕੀਤੀ ਪਰ ਉਹ ਉੱਥੇ ਨਹੀਂ ਮਿਲਿਆ। ਲੈਂਕਫੋਰਡ ਨੇ ਇਸ ਦੇ ਕੁਝ ਦੇਰ ਬਾਅਦ ਪੁਲਸ ਨੂੰ ਦੁਬਾਰਾ ਫੋਨ ਕੀਤਾ ਅਤੇ ਗ੍ਰਿਫਤਾਰ ਕਰਨ ਲਈ ਸੱਦਿਆ। ਭਾਵੇਂਕਿ ਤੀਜੀ ਵਾਰ ਉਸ ਨੇ ਬੀਅਰ ਦੀ ਇਕ ਦੁਕਾਨ ਤੋਂ ਪੁਲਸ ਨੂੰ ਫੋਨ ਕੀਤਾ ਅਤੇ ਕਿਹਾ ਕਿ ਉਸ ਨੂੰ ਗ੍ਰਿਫਤਾਰ ਕੀਤਾ ਜਾਵੇ।
ਇਸ ਮਗਰੋਂ ਪੁਲਸ ਨੇ ਆਖਿਰਕਾਰ ਬੀਅਰ ਦੀ ਦੁਕਾਨ ਤੋਂ ਉਸ ਨੂੰ ਗ੍ਰਿਫਤਾਰ ਕਰ ਲਿਆ। ਲੈਂਕਫੋਰਡ ਨੇ ਪੁਲਸ ਨੂੰ ਇਹ ਵੀ ਦੱਸਿਆ ਕਿ ਉਸ ਨੇ ਬੀਅਰ ਦੀ ਦੁਕਾਨ ਤੋੜ ਦਿੱਤੀ ਤੇ ਉਸ ਵਿਚ ਦਾਖਲ ਹੋਇਆ ਅਤੇ ਬੀਅਰ ਵੀ ਚੋਰੀ ਕੀਤੀ।
3 ਭੈਣਾਂ ਦੇ ਇਕਲੌਤੇ ਭਰਾ ਦੀ ਅਮਰੀਕਾ 'ਚ ਸੜਕ ਹਾਦਸੇ ਦੌਰਾਨ ਹੋਈ ਮੌਤ
NEXT STORY