ਇੰਟਰਨੈਸ਼ਨਲ ਡੈਸਕ- ਟੈਕਨਾਲੌਜੀ ਦੇ ਖੇਤਰ 'ਚ ਚੀਨ ਨੂੰ ਇਕ ਵਿਕਸਿਤ ਦੇਸ਼ ਮੰਨਿਆ ਗਿਆ ਹੈ। ਜਿਹੜੀਆਂ ਮਸ਼ੀਨਾਂ ਜਾਂ ਉਪਕਰਨ ਬਣਾਉਣਾ ਕਈ ਦੇਸ਼ਾਂ ਲਈ ਹਾਲੇ ਵੀ ਇਕ ਸੁਪਨਾ ਹੈ, ਉਨ੍ਹਾਂ ਨੂੰ ਚੀਨ ਇਸ ਸਮੇਂ ਬਣਾ ਕੇ ਵਰਤ ਵੀ ਰਿਹਾ ਹੈ। ਇਸੇ ਦੌਰਾਨ ਚੀਨ ਤੋਂ ਇਕ ਅਜਿਹੀ ਖਬਰ ਸਾਹਮਣੇ ਆ ਰਹੀ ਹੈ, ਜਿਸ ਨੂੰ ਸੁਣ ਕੇ ਹਰ ਕੋਈ ਦੰਗ ਰਹਿ ਗਿਆ ਹੈ।
ਸੋਸ਼ਲ ਮੀਡੀਆ 'ਤੇ ਚੀਨ ਦੇ ਸ਼ਿਨਜਿਆਂਗ ਸੂਬੇ ਦੇ ਅਰਾਲ ਸ਼ਹਿਰ ਦੀ ਇਕ ਵਿਸ਼ਾਲ ਟੈਕਸਟਾਈਲ ਫੈਕਟਰੀ ਦੀ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ 5,000 ਤੋਂ ਵੱਧ ਲੂਮਜ਼ (ਬੁਣਾਈ ਦੀਆਂ ਮਸ਼ੀਨਾਂ) AI ਅਤੇ ਆਟੋਮੇਸ਼ਨ ਰਾਹੀਂ ਬਿਨਾਂ ਕਿਸੇ ਮਨੁੱਖੀ ਕਰਮਚਾਰੀ ਦੇ 24 ਘੰਟੇ ਲਗਾਤਾਰ ਚੱਲਣ ਦਾ ਦਾਅਵਾ ਕੀਤਾ ਜਾ ਰਿਹਾ ਹੈ।
An unmanned textile factory with 5,000 looms in Aral, Xinjiang runs 24/7 on AI and automation.
Those cooking up stories like “forced labor” better take a look at this. pic.twitter.com/zUEij95zZJ
— Mao Ning 毛宁 (@SpoxCHN_MaoNing) December 23, 2025
ਵਾਇਰਲ ਹੋ ਰਹੀਆਂ ਇਨ੍ਹਾਂ ਵੀਡੀਓਜ਼ ਵਿੱਚ ਇਸ ਨੂੰ "ZERO Humans Factory" ਅਤੇ ਪੂਰੀ ਤਰ੍ਹਾਂ ਖ਼ੁਦਮੁਖਤਿਆਰ ਪਲਾਂਟ ਦੱਸਿਆ ਜਾ ਰਿਹਾ ਹੈ। ਹਾਲਾਂਕਿ, ਮਾਹਿਰਾਂ ਦਾ ਕਹਿਣਾ ਹੈ ਕਿ ਕਿਸੇ ਵੀ ਅਧਿਕਾਰਤ ਸਮਾਚਾਰ ਏਜੰਸੀ ਜਾਂ ਸਰਕਾਰੀ ਸਰੋਤ ਨੇ ਅਜੇ ਤੱਕ ਇਸ ਗੱਲ ਦੀ ਪੁਸ਼ਟੀ ਨਹੀਂ ਕੀਤੀ ਹੈ ਕਿ ਫੈਕਟਰੀ ਪੂਰੀ ਤਰ੍ਹਾਂ ਮਨੁੱਖ ਰਹਿਤ ਹੈ।
ਰਿਪੋਰਟਾਂ ਅਨੁਸਾਰ ਇਹ ਦਾਅਵਾ ਭਰਮਾਉਣ ਵਾਲਾ ਅਤੇ ਅਧੂਰਾ ਹੈ। ਹਾਲਾਂਕਿ ਚੀਨ ਨੇ AI-ਸੰਚਾਲਿਤ ਲੂਮਜ਼, ਰੋਬੋਟਿਕ ਹੈਂਡਲਿੰਗ ਅਤੇ ਸਮਾਰਟ ਸੈਂਸਰਾਂ ਨੂੰ ਵੱਡੇ ਪੱਧਰ 'ਤੇ ਅਪਣਾਇਆ ਹੈ, ਪਰ ਪੂਰੀ ਤਰ੍ਹਾਂ ਇਨਸਾਨਾਂ ਤੋਂ ਬਿਨਾਂ ਚੱਲਣ ਵਾਲੀ ਟੈਕਸਟਾਈਲ ਫੈਕਟਰੀ ਫਿਲਹਾਲ ਮੌਜੂਦ ਨਹੀਂ ਹੈ।
ਮਾਹਿਰਾਂ ਅਨੁਸਾਰ ਇਸ ਨੂੰ "No Humans Factory" ਦੀ ਬਜਾਏ "High Automation Factory" ਕਹਿਣਾ ਵਧੇਰੇ ਸਹੀ ਹੋਵੇਗਾ। ਭਾਵੇਂ ਮਸ਼ੀਨਾਂ ਹਾਈ ਸਪੀਡ 'ਤੇ ਚੱਲਦੀਆਂ ਹਨ, ਪਰ ਨਿਗਰਾਨੀ, ਰੱਖ-ਰਖਾਅ ਅਤੇ ਕੁਆਲਟੀ ਕੰਟਰੋਲ ਲਈ ਅਜੇ ਵੀ ਮਨੁੱਖੀ ਦਖਲ ਦੀ ਲੋੜ ਹੁੰਦੀ ਹੈ।
ਸਰੋਤਾਂ ਅਨੁਸਾਰ, ਅਜਿਹੇ ਦਾਅਵੇ ਅਕਸਰ ਸੋਸ਼ਲ ਮੀਡੀਆ 'ਤੇ ਚਰਚਾ ਵਧਾਉਣ ਅਤੇ ਚੀਨ ਦੀ ਤਕਨੀਕੀ ਤਾਕਤ ਨੂੰ ਬਹੁਤ ਜ਼ਿਆਦਾ ਨਾਟਕੀ ਢੰਗ ਨਾਲ ਪੇਸ਼ ਕਰਨ ਲਈ ਕੀਤੇ ਜਾਂਦੇ ਹਨ। ਇਸ ਤਰ੍ਹਾਂ ਭਾਵੇ ਕਿ ਚੀਨ ਦੀਆਂ ਫੈਕਟਰੀਆਂ ਵਿੱਚ ਆਟੋਮੇਸ਼ਨ ਬਹੁਤ ਐਡਵਾਂਸਡ ਹੈ, ਪਰ ਫਿਲਹਾਲ ਮਨੁੱਖੀ ਨਿਗਰਾਨੀ ਤੋਂ ਬਿਨਾਂ ਉਤਪਾਦਨ ਪੂਰੀ ਤਰ੍ਹਾਂ ਸੰਭਵ ਨਹੀਂ ਹੋਇਆ ਹੈ।
17 ਸਾਲਾਂ ਬਾਅਦ ਲੰਡਨ ਤੋਂ ਬੰਗਲਾਦੇਸ਼ ਪਰਤਣਗੇ ਤਾਰਿਕ ਰਹਿਮਾਨ, ਹਾਈ ਅਲਰਟ 'ਤੇ ਸੁਰੱਖਿਆ ਏਜੰਸੀਆਂ
NEXT STORY 
