ਬਰਨ (ਏਜੰਸੀ)- ਸਵਿਟਜ਼ਰਲੈਂਡ ਵਿਚ 'ਸੁਸਾਈਡ ਕੈਪਸੂਲ' ਦੇ ਵਕੀਲ ਸਮੂਹਾਂ ਨੇ ਐਤਵਾਰ ਨੂੰ ਕਿਹਾ ਕਿ ਉਨ੍ਹਾਂ ਨੇ ਦੇਸ਼ ਵਿਚ ਇਸ ਦੀ ਪਹਿਲੀ ਵਰਤੋਂ ਦੀ ਅਪਰਾਧਿਕ ਜਾਂਚ ਪੂਰੀ ਹੋਣ ਤੱਕ ਇਸ ਦੀ ਵਰਤੋਂ ਲਈ ਅਰਜ਼ੀਆਂ ਸਵੀਕਾਰ ਕਰਨ ਦੀ ਪ੍ਰਕਿਰਿਆ ਨੂੰ ਮੁਅੱਤਲ ਕਰ ਦਿੱਤਾ ਹੈ। ਇਸ 'ਸੁਸਾਈਡ ਕੈਪਸੂਲ' ਦੀ ਵਰਤੋਂ ਲਈ ਪਿਛਲੇ ਮਹੀਨੇ 370 ਤੋਂ ਵੱਧ ਅਰਜ਼ੀਆਂ ਪ੍ਰਾਪਤ ਹੋਈਆਂ ਸਨ।
ਇਹ ਵੀ ਪੜ੍ਹੋ: ਇਸ਼ਕ 'ਚ ਅੰਨ੍ਹੀ ਹੋਈ ਧੀ, ਮਾਂ-ਪਿਓ ਸਣੇ ਪਰਿਵਾਰ ਦੇ 13 ਲੋਕਾਂ ਦਾ ਕੀਤਾ ਕਤਲ
ਸਵਿਸ ਸੰਗਠਨ 'ਦਿ ਲਾਸਟ ਰਿਜੋਰਟ' ਦੇ ਪ੍ਰਧਾਨ ਫਲੋਰੀਅਨ ਵਿਲੇਟ ਨੂੰ ਇਸ ਮਾਮਲੇ 'ਚ ਸੁਣਵਾਈ ਤੋਂ ਪਹਿਲਾਂ ਹੀ ਹਿਰਾਸਤ 'ਚ ਲਿਆ ਗਿਆ ਹੈ। ਵਿਲੇਟ ਨੇ ਦੱਸਿਆ ਕਿ ਇਹ ਗਰੁੱਪ ਅਤੇ ਇਸ ਨਾਲ ਸਬੰਧਤ 'ਐਗਜ਼ਿਟ ਇੰਟਰਨੈਸ਼ਨਲ' ਦੀ ਸਥਾਪਨਾ ਕਰੀਬ 25 ਸਾਲ ਪਹਿਲਾਂ ਆਸਟ੍ਰੇਲੀਆ 'ਚ ਹੋਈ ਸੀ। 'ਐਗਜ਼ਿਟ ਇੰਟਰਨੈਸ਼ਨਲ' ਨੇ ਇਸ 'ਸੁਸਾਈਡ ਕੈਪਸੂਲ' - 'ਸਾਰਕੋ' ਤਿਆਰ ਕੀਤਾ ਹੈ। ਸਵਿਸ ਪੁਲਸ ਨੇ ਮੱਧ ਪੱਛਮੀ ਅਮਰੀਕਾ ਦੀ ਇੱਕ ਅਣਪਛਾਤੀ 64 ਸਾਲਾ ਔਰਤ ਦੀ ਮੌਤ ਤੋਂ ਬਾਅਦ ਵਿਲੇਟ ਅਤੇ ਕਈ ਹੋਰਾਂ ਨੂੰ ਹਿਰਾਸਤ ਵਿੱਚ ਲਿਆ ਹੈ।
ਇਹ ਵੀ ਪੜ੍ਹੋ: 'ਝੁਕਾਂਗਾ ਨਹੀਂ...' ਡੋਨਾਲਡ ਟਰੰਪ ਨੇ ਜਿਥੇ ਹੋਇਆ ਸੀ ਹਮਲਾ, ਉਥੋਂ ਫਿਰ ਦਿੱਤਾ ਭਾਸ਼ਣ
ਇਹ ਅਮਰੀਕੀ ਔਰਤ 'ਸਰਕੋ' ਦੇ ਨਾਂ ਨਾਲ ਜਾਣੇ ਜਾਂਦੇ ਇਸ ਯੰਤਰ ਦੀ ਵਰਤੋਂ ਕਰਨ ਵਾਲੀ ਪਹਿਲੀ ਔਰਤ ਬਣੀ। ਉਸ ਨੇ ਜਰਮਨ ਸਰਹੱਦ ਦੇ ਨੇੜੇ ਉੱਤਰੀ ਸ਼ੈਫਹਾਉਸੇਨ ਖੇਤਰ ਦੇ ਇੱਕ ਜੰਗਲ ਵਿੱਚ 'ਸਰਕੋ' ਦੀ ਵਰਤੋਂ ਕੀਤੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਸ਼ੁਰੂ ਵਿੱਚ ਹਿਰਾਸਤ ਵਿੱਚ ਲਏ ਗਏ ਹੋਰ ਲੋਕਾਂ ਨੂੰ ਰਿਹਾਅ ਕਰ ਦਿੱਤਾ ਗਿਆ ਹੈ। ਸਵਿਟਜ਼ਰਲੈਂਡ ਦੁਨੀਆ ਦੇ ਉਨ੍ਹਾਂ ਕੁਝ ਦੇਸ਼ਾਂ ਵਿੱਚੋਂ ਇੱਕ ਹੈ ਜਿੱਥੇ ਇਜਾਜ਼ਤ ਨਾਲ ਖੁਦਕੁਸ਼ੀ ਕੀਤੀ ਜਾ ਸਕਦੀ ਹੈ।
ਇਹ ਵੀ ਪੜ੍ਹੋ: ਆਰਥਿਕ ਸੰਕਟ ’ਚ ਮਾਲਦੀਵ, ਮਦਦ ਮੰਗਣ ਲਈ ਭਾਰਤ ਪਹੁੰਚੇ ਰਾਸ਼ਟਰਪਤੀ ਮੁਈਜ਼ੂ
ਹਾਲਾਂਕਿ, SARCO ਦੀ ਪਹਿਲੀ ਵਰਤੋਂ ਨੇ ਦੁਨੀਆ ਭਰ ਵਿੱਚ ਬਹਿਸ ਛੇੜ ਦਿੱਤੀ ਹੈ। ਇਸ ਯੂਰਪੀ ਦੇਸ਼ ਵਿੱਚ ਇਜਾਜ਼ਤ ਲੈ ਕੇ ਖੁਦਕੁਸ਼ੀ ਕਰਨ ਲਈ ਪਹਿਲਾਂ ਹੀ ਕਾਨੂੰਨ ਹੈ ਪਰ ਕੋਈ ਵੀ ਵਿਅਕਤੀ ਆਪਣੀ ਮਰਜ਼ੀ ਨਾਲ ਖੁਦਕੁਸ਼ੀ ਨਹੀਂ ਕਰ ਸਕਦਾ। 'ਸੁਸਾਈਡ ਕੈਪਸੂਲ' ਦੀ ਵਕਾਲਤ ਕਰਨ ਵਾਲੇ ਸਮੂਹਾਂ ਨੇ ਐਤਵਾਰ ਨੂੰ ਇੱਕ ਬਿਆਨ ਵਿੱਚ ਕਿਹਾ ਕਿ 23 ਸਤੰਬਰ ਤੱਕ ਸਵਿਟਜ਼ਰਲੈਂਡ ਵਿੱਚ ਸਰਕੋ ਦੀ ਵਰਤੋਂ ਲਈ 371 ਲੋਕਾਂ ਨੇ ਅਰਜ਼ੀ ਦਿੱਤੀ ਸੀ ਅਤੇ ਇਸਦੀ ਪਹਿਲੀ ਵਰਤੋਂ ਤੋਂ ਬਾਅਦ ਅਰਜ਼ੀ ਦੀ ਪ੍ਰਕਿਰਿਆ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ: ਵੱਡੀ ਖ਼ਬਰ: ਗੈਂਗਵਾਰ 'ਚ ਔਰਤਾਂ ਤੇ ਬੱਚਿਆਂ ਸਣੇ 70 ਲੋਕਾਂ ਦੀ ਮੌਤ
'ਸਰਕੋ ਕੈਪਸੂਲ' ਵਿੱਚ ਵਿਅਕਤੀ ਇਸ ਦੇ ਅੰਦਰ ਲੇਟ ਜਾਂਦਾ ਹੈ ਅਤੇ ਇੱਕ ਬਟਨ ਦਬਾਉਂਦਾ ਹੈ. ਜਿਸ ਨਾਲ ਸੀਲਬੰਦ ਚੈਂਬਰ ਵਿਚ ਨਾਈਟ੍ਰੋਜਨ ਗੈਸ ਭਰ ਜਾਂਦੀ ਹੈ ਅਤੇ ਵਿਅਕਤੀ ਬੇਹੋਸ਼ ਹੋ ਜਾਂਦਾ ਹੈ ਅਤੇ ਕੁਝ ਹੀ ਮਿੰਟਾਂ ਵਿੱਚ ਸਾਹ ਘੁੱਟਣ ਕਾਰਨ ਮਰ ਜਾਂਦਾ ਹੈ। ਜਿਸ ਦਿਨ ਅਮਰੀਕੀ ਔਰਤ ਦੀ ਮੌਤ ਹੋਈ ਸੀ, ਉਸੇ ਦਿਨ ਸਵਿਟਜ਼ਰਲੈਂਡ ਦੀ ਸਿਹਤ ਮੰਤਰੀ ਐਲਿਜ਼ਾਬੈਥ ਬਾਮ-ਸ਼ਨਾਈਡਰ ਨੇ ਸੰਸਦ ਨੂੰ ਕਿਹਾ ਸੀ ਕਿ ਸਰਕੋ ਦੀ ਵਰਤੋਂ ਗੈਰ-ਕਾਨੂੰਨੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਤੂਫਾਨ 'ਮਿਲਟਨ' ਟੈਂਪਾ ਖਾੜੀ ਖੇਤਰ ਵੱਲ ਵਧਿਆ, ਚਿਤਾਵਨੀ ਜਾਰੀ
NEXT STORY 
