5GHz ਦੀ ਸਪੀਡ 'ਤੇ ਦੇਵੇਗਾ ਹਾਈ ਪ੍ਰਫਾਰਮੈਂਸ
ਜਲੰਧਰ— ਅਮਰੀਕੀ ਟੈਕਨਾਲੋਜੀ ਕੰਪਨੀ ਇੰਟੈੱਲ ਨੇ ਕੰਪਿਊਟਰ ਪ੍ਰੋਸੈਸਰਜ਼ ਵਿਚ ਕ੍ਰਾਂਤੀ ਲਿਆਉਂਦਿਆਂ ਆਪਣੇ ਸਭ ਤੋਂ ਬਿਹਤਰੀਨ ਪ੍ਰੋਸੈਸਰ ਦਾ ਐਲਾਨ ਕਰ ਦਿੱਤਾ ਹੈ। ਕੰਪਨੀ ਆਪਣੀ 50ਵੀਂ ਵਰ੍ਹੇਗੰਢ 18 ਜੁਲਾਈ ਨੂੰ ਮਨਾਉਣ ਵਾਲੀ ਹੈ ਅਤੇ ਇਸ ਤੋਂ ਪਹਿਲਾਂ ਕੰਪਨੀ ਨੇ ਆਪਣਾ ਲੇਟੈਸਟ ਪ੍ਰੋਸੈਸਰ ਪਹਿਲੀ ਵਾਰ ਲੋਕਾਂ ਸਾਹਮਣੇ ਪੇਸ਼ ਕੀਤਾ ਹੈ। ਇਸ ਸਪੈਸ਼ਲ ਐਡੀਸ਼ਨ i7 8086K CPU ਦੀ ਸਭ ਤੋਂ ਵੱਡੀ ਵਿਸ਼ੇਸ਼ਤਾ ਹੈ ਕਿ ਇਹ ਬੂਸਟ ਮੋਡ 'ਤੇ 5GHz ਦੀ ਕਲਾਕ ਸਪੀਡ 'ਤੇ ਕੰਮ ਕਰਦਾ ਹੈ, ਜੋ ਕੰਪਨੀ ਦੇ ਮੌਜੂਦਾ 5GHz 'ਤੇ ਕੰਮ ਕਰਨ ਵਾਲੇ ਪ੍ਰੋਸੈਸਰਜ਼ ਨਾਲੋਂ ਕਿਤੇ ਜ਼ਿਆਦਾ ਹੈ।
ਇੰਟੈੱਲ ਨੇ ਦੱਸਿਆ ਹੈ ਕਿ ਪ੍ਰੋਸੈਸਰਜ਼ ਨੂੰ ਬਿਹਤਰ ਬਣਾਉਂਦਿਆਂ ਇਸ ਸੀਰੀਜ਼ ਨੂੰ ਅੱਗੇ ਵਧਾਇਆ ਜਾ ਰਿਹਾ ਹੈ। Core i7 8086K ਪ੍ਰੋਸੈਸਰ 7 ਜੂਨ ਤੋਂ ਦੁਨੀਆ ਦੇ ਕੁਝ ਹਿੱਸਿਆਂ ਵਿਚ ਮੁਹੱਈਆ ਕਰਵਾਇਆ ਜਾਵੇਗਾ। ਫਿਲਹਾਲ ਕੰਪਨੀ ਨੇ ਇਸ ਦੀ ਕੀਮਤ ਨੂੰ ਲੈ ਕੇ ਕੋਈ ਜਾਣਕਾਰੀ ਜਨਤਕ ਨਹੀਂ ਕੀਤੀ।
ਪੰਜਾਬ ਦੇ ਪਾਣੀਆਂ ਨੂੰ ਪ੍ਰਦੂਸ਼ਣ ਮੁਕਤ ਕਰਨ ਲਈ ਸਰਕਾਰ ਕਰ ਰਹੀ ਹੈ ਵਿਸ਼ੇਸ਼ ਉਪਰਾਲੇ : ਵਿਧਾਇਕ ਭਲਾਈਪੁਰ
NEXT STORY 
