ਰਿਆਦ (ਬਿਊਰੋ)— ਕਿਸੇ ਨੇ ਸੱਚ ਹੀ ਕਿਹਾ ਹੈ ਕਿ ਪਿਆਰ ਧਰਮ, ਜਾਤ ਜਾਂ ਰੰਗ ਨਹੀਂ ਦੇਖਦਾ। ਪਿਆਰ ਦਾ ਇਕ ਅਜਿਹਾ ਹੀ ਮਾਮਲਾ ਸਾਊਦੀ ਅਰਬ ਵਿਚ ਰਹਿੰਦੀ ਲੜਕੀ ਦਾ ਸਾਹਮਣੇ ਆਇਆ ਹੈ, ਜਿਸ ਨੂੰ ਇਕ ਭਾਰਤੀ ਮੁੰਡੇ ਨਾਲ ਪਿਆਰ ਹੋ ਗਿਆ ਸੀ। ਸਾਊਦੀ ਅਰਬ ਦੀ 26 ਸਾਲਾ ਲੜਕੀ ਨੂੰ 30 ਸਾਲਾ ਭਾਰਤੀ ਡਰਾਈਵਰ ਨਾਲ ਪਿਆਰ ਹੋ ਗਿਆ। ਫਿਰ ਉਹ ਸਾਊਦੀ ਅਰਬ ਤੋਂ ਭੱਜ ਕੇ ਨੇਪਾਲ ਦੇ ਰਸਤੇ ਗੈਰ-ਕਾਨੂੰਨੀ ਤਰੀਕੇ ਨਾਲ ਭਾਰਤ ਪਹੁੰਚ ਗਈ। ਭਾਰਤ ਆ ਕੇ ਉਸ ਨੇ ਆਪਣੇ ਪ੍ਰੇਮੀ ਨਾਲ ਵਿਆਹ ਕਰਵਾ ਲਿਆ। ਹੁਣ ਲੜਕੀ ਨੇ ਭਾਰਤ ਸਰਕਾਰ ਤੋਂ ਦੇਸ਼ ਵਿਚ ਰਹਿਣ ਦੀ ਇਜਾਜ਼ਤ ਮੰਗੀ ਹੈ ਕਿਉਂਕਿ ਉਹ ਗੈਰ ਕਾਨੂੰਨੀ ਤਰੀਕੇ ਨਾਲ ਭਾਰਤ ਵਿਚ ਦਾਖਲ ਹੋਈ ਸੀ।
ਜਾਣਕਾਰੀ ਮੁਤਾਬਕ ਲੜਕੀ ਦਾ 30 ਸਾਲਾ ਪ੍ਰੇਮੀ ਤੇਲਗਾਂਨਾ ਦੇ ਨਿਜ਼ਾਮਾਬਾਦ ਦਾ ਰਹਿਣਾ ਵਾਲਾ ਹੈ। ਉਹ ਸਾਊਦੀ ਅਰਬ ਵਿਚ ਲੜਕੀ ਦੇ ਪਿਤਾ ਦੀ ਗੱਡੀ ਚਲਾਉਂਦਾ ਸੀ। ਲੜਕਾ ਫਰਵਰੀ ਵਿਚ ਸਾਊਦੀ ਅਰਬ ਤੋਂ ਭਾਰਤ ਵਾਪਸ ਆ ਗਿਆ ਸੀ। ਪੂਰੀ ਘਟਨਾ ਬਾਰੇ ਜਾਣਕਾਰੀ ਮਿਲਣ 'ਤੇ ਸਾਊਦੀ ਅਰਬ ਨਿਵਾਸੀ ਲੜਕੀ ਦੇ ਪਿਤਾ ਹੈਦਰਾਬਾਦ ਆਏ ਅਤੇ ਉਨ੍ਹਾਂ ਨੇ ਲੜਕੇ ਵਿਰੁੱਧ ਸ਼ਿਕਾਇਤ ਦਰਜ ਕਰਵਾਈ। ਇਸ ਮਗਰੋਂ ਲੜਕੀ ਨੇ ਹੈਦਰਾਬਾਦ ਸੈਂਟਰਲ ਕ੍ਰਾਈਮ ਸਟੇਸ਼ਨ ਵਿਚ ਜਾ ਕੇ ਬਿਆਨ ਦਿੱਤਾ ਕਿ ਉਹ ਭਾਰਤ ਵਿਚ ਆਪਣੇ ਪਤੀ ਨਾਲ ਰਹਿਣਾ ਚਾਹੁੰਦੀ ਹੈ। ਦੱਸਣਯੋਗ ਹੈ ਕਿ ਲੜਕੇ ਦੇ ਭਾਰਤ ਪਰਤਣ ਮਗਰੋਂ ਲੜਕੀ ਨੇ ਫੋਨ ਕਰ ਕੇ ਉਸ ਨੂੰ ਕਿਹਾ ਸੀ ਕਿ ਉਹ ਜ਼ਿਆਦਾ ਦਿਨਾਂ ਤੱਕ ਉਸ ਤੋਂ ਵੱਖ ਨਹੀਂ ਰਹਿ ਸਕਦੀ। ਉਹ ਉਸ ਨੂੰ ਮਿਲਣ ਲਈ ਜਲਦੀ ਭਾਰਤ ਆਵੇਗੀ। ਮਈ ਵਿਚ ਲੜਕੀ ਸਾਊਦੀ ਅਰਬ ਤੋਂ ਭੱਜ ਕੇ ਨੇਪਾਲ ਦੀ ਸੀਮਾ ਜ਼ਰੀਏ ਗੈਰ ਕਾਨੂੰਨੀ ਤਰੀਕੇ ਨਾਲ ਭਾਰਤ ਦਾਖਲ ਹੋਈ ਅਤੇ ਬਾਅਦ ਵਿਚ ਨਵੀਂ ਦਿੱਲੀ ਪਹੁੰਚ ਗਈ। ਇੱਥੋਂ ਲੜਕਾ ਉਸ ਨੂੰ ਲੈ ਕੇ ਹੈਦਰਾਬਾਦ ਆ ਗਿਆ। ਨਿਜ਼ਾਮਾਬਾਦ ਪਹੁੰਚਣ 'ਤੇ ਲੜਕੇ ਨਾਲ ਉਸ ਨਾਲ ਵਿਆਹ ਕਰ ਲਿਆ। ਕੁਝ ਦਿਨਾਂ ਬਾਅਦ ਲੜਕੀ ਦੇ ਪਿਤਾ ਸਾਊਦੀ ਅਰਬ ਦੂਤਘਰ ਦੇ ਅਧਿਕਾਰੀਆਂ ਨਾਲ ਹੈਦਰਾਬਾਦ ਪਹੁੰਚੇ। ਇੱਥੇ ਪਹੁੰਚ ਕੇ ਉਨ੍ਹਾਂ ਨੂੰ ਪਤਾ ਚੱਲਿਆ ਕਿ ਉਨ੍ਹਾਂ ਦੀ ਬੇਟੀ ਨੇ ਇੱਥੇ ਵਿਆਹ ਕਰਵਾ ਲਿਆ ਹੈ। ਉਨ੍ਹਾਂ ਨੇ ਆਪਣੇ ਸਾਬਕਾ ਡਰਾਈਵਰ ਵਿਰੁੱਧ ਬੇਟੀ ਨੂੰ ਅਗਵਾ ਕਰਨ ਦੀ ਸ਼ਿਕਾਇਤ ਹੈਦਰਾਬਾਦ ਪੁਲਸ ਥਾਣੇ ਦਰਜ ਕਰਾਈ। ਉੱਧਰ ਜਦੋਂ ਪੁਲਸ ਨੇ ਲੜਕੀ ਨਾਲ ਸੰਪਰਕ ਕੀਤਾ ਤਾਂ ਉਸ ਨੇ ਸਾਊਦੀ ਅਰਬ ਪਰਤਣ ਤੋਂ ਇਨਕਾਰ ਕਰ ਦਿੱਤਾ। ਉਸ ਨੇ ਬਿਆਨ ਦਿੱਤਾ ਕਿ ਉਹ ਆਪਣੀ ਮਰਜ਼ੀ ਨਾਲ ਆਪਣੇ ਪ੍ਰੇਮੀ ਨੂੰ ਮਿਲਣ ਲਈ ਭਾਰਤ ਆਈ ਸੀ। ਕਿਸੇ ਨੇ ਉਸ ਨੂੰ ਅਗਵਾ ਨਹੀ ਕੀਤਾ।
ਸਰਕਾਰ ਨੇ ਧਿਆਨ ਨਾ ਦਿੱਤਾ ਤਾਂ ਪੰਜਾਬ 'ਚੋਂ ਉਜੜ ਜਾਵੇਗਾ ਟ੍ਰੈਵਲ ਏਜੰਟਾਂ ਦਾ ਕਾਰੋਬਾਰ!
NEXT STORY 
