ਨਵੀਂ ਦਿੱਲੀ- ਮਹਿੰਦੀ ਹਰ ਔਰਤ ਦੀ ਪਹਿਲੀ ਪਸੰਦ ਹੁੰਦੀ ਹੈ। ਮਹਿੰਦੀ ਨੂੰ 16 ਸ਼ਿੰਗਾਰ 'ਚੋਂ ਇਕ ਮੰਨਿਆ ਜਾਂਦਾ ਹੈ। ਨਾਲ ਹੀ ਮਹਿੰਦੀ ਦੀ ਪੁਰਾਣੇ ਸਮੇਂ ਤੋਂ ਹਰ ਭਾਰਤੀ ਤਿਉਹਾਰ 'ਚ ਸ਼ੁੱਭ ਸ਼ਗਨ ਦੇ ਤੌਰ 'ਤੇ ਵਰਤੋਂ ਕੀਤੀ ਜਾਂਦੀ ਹੈ। ਵਿਆਹ, ਰੱਖੜੀ, ਈਦ, ਤੀਆਂ, ਗਣੇਸ਼ ਉਤਸਵ ਅਤੇ ਕਰਵਾਚੌਥ ਜਿਹੇ ਪਵਿੱਤਰ ਤਿਉਹਾਰ ਮਹਿੰਦੀ ਤੋਂ ਬਿਨ੍ਹਾਂ ਅਧੂਰੇ ਮੰਨੇ ਜਾਂਦੇ ਹਨ। ਹਾਲਂਕਿ ਮਹਿੰਦੀ ਦੀ ਵਰਤੋਂ ਰਿਵਾਇਤੀ ਤੌਰ 'ਤੇ ਸਦੀਆਂ ਤੋਂ ਕੀਤੀ ਜਾ ਰਹੀ ਹੈ ਪਰ ਅੱਜ ਕੱਲ੍ਹ ਔਰਤਾਂ 'ਚ ਵੱਖੋ-ਵੱਖ ਡਿਜ਼ਾਈਨ 'ਚ ਮਹਿੰਦੀ ਦਾ ਕ੍ਰੇਜ਼ ਕੁਝ ਜ਼ਿਆਦਾ ਹੀ ਵਧ ਗਿਆ ਹੈ। ਮਹਿੰਦੀ ਨੂੰ ਦੈਵਿਕ ਗੁਣਾਂ ਨਾਲ ਭਰਪੂਰ ਮੰਨਿਆ ਜਾਂਦਾ ਹੈ। ਹੱਥਾਂ 'ਤੇ ਲਾਲ-ਸੁਰਖ਼ ਰੰਗ ਦੀ ਮਹਿੰਦੀ ਜਿੱਥੇ ਤੁਹਾਡੇ ਸ਼ਿੰਗਾਰ ਨੂੰ ਪੂਰਾ ਕਰਦੀ ਹੈ ਉੱਥੇ ਹੀ ਤੁਹਾਡੀ ਜ਼ਿੰਦਗੀ 'ਚ ਧਨ-ਸੰਪਤੀ, ਪਿਆਰ ਆਦਿ ਸੁੱਖਾਂ ਦੀ ਲਾਲੀ ਖਿੰਡਾਅ ਦਿੰਦੀ ਹੈ।
ਮਹਿੰਦੀ ਦੇ ਪ੍ਰਤੀ ਮਹਿਲਾਵਾਂ ਦਾ ਆਕਰਸ਼ਣ ਜਗ ਜ਼ਾਹਰ ਹੈ। ਤੀਆਂ, ਦੀਵਾਲੀ, ਕਰਵਾਚੌਥ ਜਿਹੇ ਅਨੇਕਾਂ ਭਾਰਤੀ ਤਿਉਹਾਰਾਂ 'ਚ ਮਹਿੰਦੀ ਦਾ ਰੰਗ ਸਿਰ ਚੜ੍ਹ ਕੇ ਬੋਲਦਾ ਹੈ। ਇਨ੍ਹਾਂ ਤਿਉਹਾਰਾਂ ਤੋਂ ਪਹਿਲਾਂ ਮਹਿਲਾਵਾਂ ਖ਼ਾਸ ਕਰਕੇ ਕੁਆਰੀਆਂ ਕੁੜੀਆਂ ਆਕਰਸ਼ਣ ਡਿਜ਼ਾਈਨ ਦੀ ਮਹਿੰਦੀ ਲਗਾਉਣ ਲਈ ਬਾਜ਼ਾਰ 'ਚ ਘੰਟਿਆਂ ਤੱਕ ਆਪਣੀ ਵਾਰੀ ਦਾ ਇੰਤਜ਼ਾਰ ਕਰਦੀਆਂ ਹਨ। ਵਿਆਹ ਤੋਂ ਇਕ ਦਿਨ ਪਹਿਲਾਂ ਮਹਿੰਦੀ ਦੀ ਰਾਤ ਮੰਨੀ ਜਾਂਦੀ ਹੈ। ਜਿੱਥੇ ਲਾੜੀ ਅਤੇ ਉਸ ਦੇ ਪਰਿਵਾਰ ਦੀਆਂ ਮਹਿਲਾਵਾਂ ਹੱਥਾਂ-ਪੈਰਾਂ 'ਤੇ ਬੜੇ ਚਾਅ ਨਾਲ ਮਹਿੰਦੀ ਲਗਵਾਉਂਦੀਆਂ ਹਨ। ਸੁੰਦਰਤਾ ਤੋਂ ਇਲਾਵਾ ਮਹਿੰਦੀ ਆਪਣੇ ਔਸ਼ਧੀ ਗੁਣਾਂ ਨਾਲ ਭਰਪੂਰ ਮੰਨੀ ਜਾਂਦੀ ਹੈ। ਆਧੁਨਿਕ ਖੋਜ 'ਚ ਪਾਇਆ ਗਿਆ ਹੈ ਕਿ ਮਹਿੰਦੀ ਲਗਾਉਣ ਨਾਲ ਤਣਾਅ ਘੱਟ ਹੁੰਦਾ ਹੈ। ਚਲੋ ਅੱਜ ਅਸੀਂ ਤੁਹਾਨੂੰ ਇਸ ਆਰਟੀਕਲ 'ਚ ਬਿਊਟੀ ਆਕਸਪਰਟ ਅਤੇ ਹਰਬਲ ਕਵੀਨ ਸ਼ਹਿਨਾਜ਼ ਹੁਸੈਨ ਦੇ ਮਹਿੰਦੀ ਨੂੰ ਲਾਉਣ ਤੇ ਗਾੜ੍ਹਾ ਕਰਨ ਨਾਲ ਕੁਝ ਖ਼ਾਸ ਟਿਪਸ ਦੱਸਦੇ ਹਾਂ....
ਮਹਿੰਦੀ ’ਚ ਮਿਲਾਓ ਇਹ ਚੀਜ਼ਾਂ
ਮਹਿੰਦੀ ਦੇ ਗੂੜ੍ਹੇ ਰੰਗ ਕੁਝ ਸਧਾਰਨ ਉਪਾਅ ਦੇ ਅਪਣਾਉਣ ਨਾਲ ਆਸਾਨੀ ਨਾਲ ਪਾਏ ਜਾ ਸਕਦੇ ਹਨ। ਇਸ ਲਈ ਮਹਿੰਦੀ ਦੇ ਪੇਸਟ ਬਣਾਉਣ ਮਹਿੰਦੀ ਦੇ ਸੁੱਕੇ ਪੱਤਿਆਂ ਦੇ ਪਾਊਡਰ ਨੂੰ ਕਿਸੇ ਕੱਪੜੇ ਜਾਂ ਛਾਣਨੀ ਨਾਲ ਛਾਣ ਲਓ। ਇਸ ਨਾਲ ਇਸ ਦਾ ਮਿਸ਼ਰਨ ਮੁਲਾਇਮਦਾਰ ਬਣੇਗਾ। ਇਸ ਮਿਸ਼ਨਰ ’ਚ ਰੰਗ ਨਿਖਾਰਨ ਲਈ ਨਿੰਬੂ ਦੀਆਂ ਕੁਝ ਬੂੰਦਾਂ ਮਿਲਾਓ। ਉਸ ਮਿਸ਼ਰਨ ਨੂੰ ਚਮਚੇ ਦੀ ਮਦਦ ਨਾਲ ਕੱਚ ਦੇ ਗਿਲਾਸ ਜਾਂ ਪਲਾਸਟਿਕ ਦੀ ਕੌਲੀ 'ਚ ਰੱਖ ਸਕਦੇ ਹੋ। ਇਸ ਮਿਸ਼ਰਨ ’ਚ ਖੰਡ ਮਿਲਾ ਲਵੋ। ਮਿਸ਼ਰਨ ਵਿਚ ਖੰਡ ਮਿਲਾਉਣ ਨਾਲ ਮਹਿੰਦੀ ਲੰਮੇ ਸਮੇਂ ਤੱਕ ਚਮੜੀ 'ਤੇ ਰਹਿੰਦੀ ਹੈ ਅਤੇ ਜਲਦੀ ਸੁੱਕਦੀ ਨਹੀਂ ਅਤੇ ਹੇਠਾਂ ਨਹੀਂ ਡਿੱਗਦੀ।
ਮਹਿੰਦੀ ਦਾ ਸੰਘਣਾ ਰੰਗ ਪਾਉਣ ਲਈ ਇਕ ਕੌਲੀ ’ਚ ਨਿੰਬੂ ਦਾ ਰਸ ਅਤੇ ਖੰਡ ਦੇ ਨਾਲ ਹੀ ਮਿਸ਼ਰਨ ’ਚ ਕੌਫੀ ਜਾਂ ਚਾਹ ਦਾ ਪਾਣੀ ਮਿਲਾਇਆ ਜਾਂਦਾ ਹੈ। ਇਸ ਮਿਸ਼ਰਨ ਨੂੰ ਗਰਮ ਪਾਣੀ 'ਚ ਪਾ ਕੇ ਪੇਸਟ ਬਣਾ ਲਓ। ਮਿਸ਼ਰਣ ’ਚ ਮੋਗਰਾ ਤੇਲ ਦੀਆਂ ਕੁਝ ਬੂੰਦਾਂ ਮਿਲਾਓ। ਮਿਸ਼ਰਨ ਨੂੰ ਏਅਰ ਟਾਈਟ ਜਾਰ ’ਚ ਰੱਖੋ ਅਤੇ ਇਸ ਨੂੰ ਰਾਤ ਭਰ ਫਰਿੱਜ ’ਚ ਰੱਖੋ। ਅਗਲੇ ਦਿਨ ਇਸ ਮਿਸ਼ਰਨ ਦੇ ਕੁਝ ਹਿੱਸੇ ਨੂੰ ਗੂੜ੍ਹਾ ਭੂਰਾ ਰੰਗ ਪਾਉਣ ਲਈ ਮਹਿੰਦੀ ’ਚ ਅਖਰੋਟ ਦੇ ਛਿਲਕਿਆਂ ਨੂੰ ਮਿਲਾਇਆ ਜਾਂਦਾ ਹੈ। ਇਸ ਨਾਲ ਇਸ ਦਾ ਰੰਗ ਲੰਬੇ ਸਮੇਂ ਤੱਕ ਬਣਿਆ ਰਹਿੰਦਾ ਹੈ। ਤੁਹਾਡੀ ਮਹਿੰਦੀ ਬਣ ਕੇ ਤਿਆਰ ਹੈ। ਤੁਸੀਂ ਇਸ ਨੂੰ ਲਗਾ ਸਕਦੇ ਹੋ।
ਜਾਣੋ ਕਿੰਨਾ ਸਮਾਂ ਲਗਾ ਕੇ ਰੱਖਣੀ ਚਾਹੀਦੀ ਹੈ ਮਹਿੰਦੀ
ਮਹਿੰਦੀ ਨੂੰ ਘੱਟੋ-ਘੱਟ ਤਿੰਨ ਘੰਟੇ ਤੱਕ ਲੱਗਾ ਰਹਿਣ ਦਿਓ। ਇਸ ਦਰਮਿਆਨ ਇਸ ਉੱਤੇ ਨਿੰਬੂ ਦੇ ਰਸ ਦੀਆਂ ਕੁਝ ਬੂੰਦਾਂ ਅਤੇ ਖੰਡ ਲਗਾਓ। ਜੇਕਰ ਮਹਿੰਦੀ ਦੇ ਟੁਕੜੇ ਟੁੱਟ ਕੇ ਡਿੱਗ ਰਹੇ ਹੋਣ ਤਾਂ ਉਸ ਥਾਂ 'ਤੇ ਹੋਰ ਨਵੀਂ ਮਹਿੰਦੀ ਲਗਾ ਲਓ। ਮਹਿੰਦੀ ਦਾ ਮਿਸ਼ਰਣ ਜਿੰਨਾ ਜ਼ਿਆਦਾ ਦੇਰ ਤੱਕ ਚਮੜੀ ਨਾਲ ਲੱਗਾ ਰਹੇਗਾ ਮਹਿੰਦੀ ਦਾ ਰੰਗ ਉਸ ਹਿਸਾਬ ਨਾਲ ਹੀ ਜ਼ਿਆਦਾ ਗੂੜ੍ਹਾ ਚੜ੍ਹੇਗਾ। ਮਹਿੰਦੀ ਦਾ ਪੇਸਟ ਸੁੱਕ ਜਾਣ ਤੋਂ ਬਾਅਦ ਉਸ ਨੂੰ ਸਕਰੱਬ ਕਰਕੇ ਉਤਾਰ ਲਓ। ਇਸ ਤੋਂ ਬਾਅਦ ਹੱਥਾਂ ਨੂੰ ਪਾਣੀ ਨਾਲ ਨਹੀਂ ਧੋਣਾ ਚਾਹੀਦਾ। ਮਹਿੰਦੀ ਦੇ ਗੂੜ੍ਹੇ ਰੰਗ ਜਾਂ ਰੰਗਤ ਲਈ ਹੱਥਾਂ ਨੂੰ ਘੱਟੋ-ਘੱਟ 12 ਘੰਟੇ ਪਾਣੀ ਤੋਂ ਦੂਰ ਰੱਖੋ।
ਮਹਿੰਦੀ ਦੇ ਸੁੱਕ ਜਾਣ ਤੋਂ ਬਾਅਦ ਨਾ ਕਰੋ ਇਹ ਕੰਮ
ਹੱਥਾਂ 'ਤੇ ਲੱਗੀ ਮਹਿੰਦੀ ਨੂੰ ਉਤਾਰਨ ਲਈ ਸਾਬਣ ਜਾਂ ਪਾਣੀ ਦਾ ਇਸਤੇਮਾਲ ਨਾ ਕਰੋ। ਮਹਿੰਦੀ ਨੂੰ ਹੱਥਾਂ 'ਤੇ 8-10 ਘੰਟੇ ਲੱਗਾ ਰਹਿਣ ਦਿਓ। ਫਿਰ ਹੌਲੀ-ਹੌਲੀ ਰਗੜਦੇ ਹੋਏ ਮਹਿੰਦੀ ਨੂੰ ਉਤਾਰ ਲਓ। ਇਸ ਤੋਂ ਬਾਅਦ ਹੱਥਾਂ 'ਤੇ ਸਰ੍ਹੋਂ ਦਾ ਤੇਲ ਲੈ ਕੇ ਉਸ ਨਾਲ ਮਾਲਸ਼ ਕਰੋ। ਇਸ ਤਰ੍ਹਾਂ ਕਰਨ ਨਾਲ ਮਹਿੰਦੀ ਦਾ ਰੰਗ ਜ਼ਿਆਦਾ ਦੇਰ ਟਿਕਿਆ ਰਹੇਗਾ।
ਮਹਿੰਦੀ ਦਾ ਰੰਗ ਗੂੜ੍ਹਾ ਕਰਨ ਲਈ
ਜੇਕਰ ਤੁਸੀਂ ਮਹਿੰਦੀ ਦੇ ਰੰਗ ਨੂੰ ਲਾਲ ਸੂਹਾ ਕਰਨਾ ਚਾਹੁੰਦੇ ਹੋ ਤਾਂ ਤੁਸੀਂ ਲੌਂਗ ਦੀ ਭਾਫ ਵੀ ਲੈ ਸਕਦੇ ਹੋ। ਜਦੋਂ ਮਹਿੰਦੀ ਸੁੱਕ ਜਾਵੇ ਤਾਂ ਇਸ ਨੂੰ ਹੱਥਾਂ ਨਾਲ ਹਲਕੇ-ਹਲਕੇ ਰਗੜਦੇ ਹੋਏ ਉਤਾਰ ਲਓ ਫਿਰ ਇਸ ਤੋਂ ਬਾਅਦ ਲੌਂਗ ਨੂੰ ਤਵੇ 'ਤੇ ਰੱਖ ਕੇ ਇਸ ਦੇ ਸੇਕ ਨਾਲ ਭਾਫ਼ ਲਓ। ਇਸ ਨਾਲ ਮਹਿੰਦੀ ਦਾ ਰੰਗ ਗੂੜ੍ਹਾ ਹੋ ਜਾਵੇਗਾ।
ਨਹੂੰਆਂ 'ਤੇ ਮਹਿੰਦੀ ਲਗਾਉਣ ਲਈ
ਜੇਕਰ ਤੁਸੀਂ ਨਹੂੰਆਂ 'ਤੇ ਮਹਿੰਦੀ ਲਗਾਉਣੀ ਚਾਹੁੰਦੇ ਹੋ ਤਾਂ ਤੁਸੀਂ ਨਹੂੰਆਂ ਨੂੰ ਟਰਿਮ ਕਰਕੇ ਉਨ੍ਹਾਂ ਨੂੰ ਸਾਫ ਕਰ ਲਓ। ਨਹੂੰਆਂ ਨੂੰ ਗਰਮ ਪਾਣੀ 'ਚ 10 ਤੋਂ 15 ਮਿੰਟ ਤੱਕ ਡੁਬੋ ਲਓ ਜਿਸ ਨਾਲ ਨਹੂੰ ਅਤੇ ਉਸ ਦੀ ਚਮੜੀ ਮੁਲਾਇਮ ਹੋ ਜਾਵੇਗੀ। ਨਾਲ ਹੀ ਉਨ੍ਹਾਂ 'ਤੇ ਮਹਿੰਦੀ ਲਗਾਉਣ ਨਾਲ ਇਹ ਆਸਾਨੀ ਨਾਲ ਸੋਖ ਲਵੇਗੀ। ਮਹਿੰਦੀ ਲਗਾਉਣ ਲਈ ਤੁਸੀਂ ਟੂਥਪਿਕ, ਮਾਚਿਸ ਦੀ ਤਿੱਲੀ, ਕੋਨ ਆਦਿ ਦੀ ਵਰਤੋਂ ਕਰ ਸਕਦੇ ਹਨ।
ਮਹਿੰਦੀ ਲਗਾਉਣ ਦੀ ਫਾਇਦੇ
ਮਹਿੰਦੀ ਦੇ ਅਨੇਕ ਔਸ਼ਦੀ ਫਾਇਦੇ ਹਨ। ਆਯੁਰਵੈਦਿਕ ਮੁਤਾਬਕ ਮਹਿੰਦੀ ਨੂੰ ਬਿਹਤਰੀਨ ਐਂਟੀ-ਸੈਪਟਿਕ ਮੰਨਿਆ ਜਾਂਦਾ ਹੈ। ਇਸ ਨਾਲ ਚਮੜੀ ਦੀ ਐਲਰਜੀ ਅਤੇ ਗਰਮੀਆਂ 'ਚ ਚਮੜੀ 'ਤੇ ਘੁਮੌਰੀਆਂ ਆਦਿ ਦੇ ਉਪਚਾਰ ਲਈ ਵੀ ਕੀਤੀ ਜਾਂਦੀ ਹੈ। ਆਯੁਰਵੈਦਿਕ 'ਚ ਮਹਿੰਦੀ ਨੂੰ ਜਲਨ, ਖਰੋਚ, ਜ਼ਖਮ ਅਤੇ ਚਮੜੀ ਦੀ ਸੋਜ ਦੇ ਉਪਚਾਰ 'ਚ ਵੀ ਵਰਤੋਂ ਕੀਤਾ ਜਾਂਦਾ ਹੈ।
ਵਾਲਾਂ 'ਚ ਮਹਿੰਦੀ ਲਗਾਉਣ ਨਾਲ ਵਾਲਾਂ ਦੀ ਸਿੱਕਰੀ, ਸਿਰ 'ਚ ਫੋੜੇ ਫਿਨਸੀਆਂ, ਖਾਰਸ਼ ਆਦਿ ਬਿਮਾਰੀਆਂ ਦਾ ਇਲਾਜ ਹੁੰਦਾ ਹੈ। ਅਸਲ 'ਚ ਮਹਿੰਦੀ ਨੂੰ ਕੁਦਰਤੀ ਕਲੀਂਜਰ ਮੰਨਿਆ ਜਾਂਦਾ ਹੈ ਜੋ ਕਿ ਅਨੇਕ ਬਿਮਾਰੀਆਂ ਦਾ ਇਲਾਜ ਕਰਦੀ ਹੈ।
ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ
ਇਹ ਧਿਆਨ ਰੱਖੋ ਕਿ ਨੈਚੁਰਲ ਪੱਤਿਆਂ ਵਾਲੀ ਮਹਿੰਦੀ ਦੀ ਹੀ ਵਰਤੋਂ ਕਰੋ। ਤਿਉਹਾਰਾਂ ਦੇ ਦੌਰਾਨ ਮਹਿੰਦੀ ਦੀ ਵਧਦੀ ਮੰਗ ਨੂੰ ਪੂਰਾ ਕਰਨ ਲਈ ਬਾਜ਼ਾਰ 'ਚ ਕੈਮੀਕਲ ਯੁਕਤ ਮਹਿੰਦੀ ਦੀ ਵਰਤੋਂ ਕੀਤੀ ਜਾਣ ਲੱਗਦੀ ਹੈ। ਇਸ ਨਾਲ ਚਮੜੀ 'ਚ ਜਲਨ, ਸੋਜ, ਖਾਰਸ਼ ਆਦਿ ਦੀ ਸਮੱਸਿਆ ਹੁੰਦੀ ਹੈ। ਇਸ ਤੋਂ ਇਲਾਵਾ ਕਦੇ ਵੀ ਸਸਤੀ ਮਹਿੰਦੀ ਦੇ ਚੱਕਰ 'ਚ ਨਾ ਫਸੋ ਕਿਉਂਕਿ ਸਿੰਥੈਟਿਕ ਮਹਿੰਦੀ ਦੀ ਲੰਬੇ ਸਮੇਂ ਤੱਕ ਵਰਤੋਂ ਕਰਨ ਨਾਲ ਕੈਂਸਰ ਵਰਗੇ ਭਿਆਨਕ ਰੋਗ ਦਾ ਖਤਰਾ ਹੋ ਸਕਦਾ ਹੈ। ਜ਼ਿਆਦਾਤਰ ਚੰਗੀ ਕਵਾਲਿਟੀ ਦੀ ਬ੍ਰਾਂਡੇਡ ਮਹਿੰਦੀ ਦੀ ਹੀ ਵਰਤੋਂ ਕਰੋ।
ਗਣੇਸ਼ ਚਤੁਰਥੀ 'ਤੇ ਲਗਾਓ ਬੱਪਾ ਨੂੰ ਮੋਦਕ ਦਾ ਭੋਗ, ਜਾਣੋ ਬਣਾਉਣ ਦੀ ਵਿਧੀ
NEXT STORY