ਜਲੰਧਰ (ਬਿਊਰੋ) - ਮੇਕਅਪ ਕਰਨਾ ਸਭ ਨੂੰ ਚੰਗਾ ਲਗਦਾ ਹੈ, ਜਿਸ ਲਈ ਮਹਿੰਗੇ ਤੋਂ ਮਹਿੰਗੇ ਅਤੇ ਕਈ ਤਰ੍ਹਾਂ ਦੇ ਪ੍ਰੋਡਕਟਸ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਚੰਗੇ ਆਈਮੇਕਅਪ ਤੋਂ ਬਿਨਾਂ ਤੁਹਾਡਾ ਲੁੱਕ ਪੂਰਾ ਨਹੀਂ ਹੁੰਦਾ ਅਤੇ ਨਾ ਹੀ ਹੋ ਸਕਦਾ ਹੈ। ਆਈਮੇਕਅਪ ਦੀ ਜੇਕਰ ਅਸੀਂ ਗੱਲ ਕਰੀਏ ਤਾਂ ਇਸ ’ਚ ਸਭ ਤੋਂ ਪਹਿਲਾਂ ਕਾਜਲ ਲਗਾਉਣ ਦੀ ਗੱਲ ਆਉਂਦੀ ਹੈ। ਕਾਜਲ ਲਗਾਉਣਾ ਵੀ ਇਕ ਕਲਾ ਹੈ, ਜੋ ਹਰ ਕਿਸੇ ਦੇ ਬਸ ਦੀ ਗੱਲ ਨਹੀਂ। ਬਹੁਤ ਸਾਰੀਆਂ ਜਨਾਨੀਆਂ ਅਜਿਹੀਆਂ ਹਨ, ਜੋ ਕਾਜਲ ਨੂੰ ਸੌਖੇ ਤਰੀਕੇ ਨਾਲ ਲਗਾ ਦਿੰਦੀਆਂ ਹਨ ਅਤੇ ਕਈ ਕਾਜਲ ਲਗਾਉਂਦੇ ਸਮੇਂ ਕਈ ਗਲਤੀਆਂ ਕਰ ਦਿੰਦੀਆਂ ਹਨ। ਇਸ ਲਈ ਅੱਜ ਅਸੀਂ ਤੁਹਾਨੂੰ ਕਾਜਲ ਲਗਾਉਣ ਦੇ ਤਰੀਕੇ ਬਾਰੇ ਦੱਸਾਂਗੇ, ਜਿਨ੍ਹਾਂ ਦੀ ਵਰਤੋਂ ਕਰਨ ਨਾਲ ਤੁਹਾਡੀਆਂ ਅੱਖਾਂ ਦੀ ਸੁੰਦਰਤਾ ਹੋਰ ਵਧੇਗੀ।
ਚੰਗੀ ਕੰਪਨੀ ਦੇ ਕਾਜਲ ਦੀ ਕਰੋ ਵਰਤੋਂ
ਜੇ ਅੱਖਾਂ ਦੀ ਖੂਬਸੂਰਤੀ ਬਣਾਈ ਰੱਖਣੀ ਹੈ ਤਾਂ ਇਸ 'ਤੇ ਲੰਬੇ ਸਮੇਂ ਤੱਕ ਟਿਕਣ ਵਾਲਾ ਕਾਜਲ ਲਗਾਓ। ਇਸ ਦੇ ਨਾਲ, ਤੁਸੀਂ ਜੋ ਵੀ ਆਈਮੈਕਪ ਕਰੋਗੇ, ਤੁਹਾਡੀ ਲੁੱਕ ਇਸ ਵਿਚ ਨਿਖਰ ਕੇ ਆਵੇਗੀ। ਕਾਜਲ ਹਮੇਸ਼ਾ ਚੰਗੀ ਕੰਪਨੀ ਦਾ ਹੀ ਲਗਾਓ।
ਬਰਫ ਦੀ ਕਰੋ ਵਰਤੋਂ
ਕਾਜਲ ਲਗਾਉਣ ਤੋਂ ਪਹਿਲਾਂ ਇਹ ਬਹੁਤ ਜ਼ਰੂਰੀ ਹੈ ਕਿ ਤੁਸੀਂ ਆਪਣੇ ਚਿਹਰੇ ਨੂੰ ਟੋਨਰ ਨਾਲ ਸਾਫ ਕਰੋ। ਇਹ ਚਮੜੀ 'ਤੇ ਤੇਲ ਨੂੰ ਸਾਫ ਕਰ ਦਿੰਦਾ ਹੈ ਅਤੇ ਕਾਜਲ ਨਹੀਂ ਫੈਲਦਾ। ਪਸੀਨੇ ਤੋਂ ਬਚਣ ਲਈ ਬਰਫ਼ ਨੂੰ ਚਿਹਰੇ ਅਤੇ ਅੱਖਾਂ ਦੁਆਲੇ ਵੀ ਰਗੜਿਆ ਜਾ ਸਕਦਾ ਹੈ।
ਆਈਸ਼ੈਡੋ ਪਾਊਡਰ ਅਤੇ ਪਾਰਦਰਸ਼ੀ ਪਾਊਡਰ ਦੀ ਵਰਤੋਂ
ਕਾਜਲ ਨੂੰ ਫੈਲਣ ਤੋਂ ਰੋਕਣ ਲਈ ਇਸ ਨੂੰ ਸੈਟ ਕਰੋ। ਇਸ ਦੇ ਕਾਲੇ ਆਈਸ਼ੈਡੋ ਪਾਊਡਰ ਦੀ ਵਰਤੋਂ ਕਰੋ। ਜੇ ਤੁਸੀਂ ਰੋਜ਼ ਕਾਜਲ ਦੀ ਵਰਤੋਂ ਕਰਦੇ ਹੋ ਤਾਂ ਅੱਖਾਂ ਦੇ ਹੇਠਾਂ ਪਾਰਦਰਸ਼ੀ ਪਾਊਡਰ ਲਗਾਓ। ਇਸ ਨਾਲ ਲੰਬੇ ਸਮੇਂ ਤੱਕ ਕਾਜਲ ਬਣਿਆ ਰਹੇਗਾ।
ਇੰਝ ਲਗਾਓ ਕਾਜਲ
ਆਪਣੀ ਅੱਖਾਂ ਦੇ ਬਾਹਰੀ ਕੋਨਿਆਂ 'ਤੇ ਪਾਊਡਰ ਨੂੰ ਚੰਗੀ ਤਰ੍ਹਾਂ ਲਗਾਓ ਤਾਂ ਜੋ ਲੰਬੇ ਸਮੇਂ ਤੱਕ ਕਾਜਲ ਬਣਿਆ ਰਹਿ ਸਕੇ। ਇਸ ਨਾਲ ਅੱਖਾਂ ਦੇ ਬਾਹਰੀ ਕੋਨੇ ਡ੍ਰਾਈ ਹੋ ਜਾਣਗੇ। ਹੁਣ ਕਾਜਲ ਲਗਾਓ। ਕਾਜਲ ਲਗਾਉਣ ਤੋਂ ਬਾਅਦ, ਬੁਰਸ਼ ਨਾਲ ਪਲਕ 'ਤੇ ਥੋੜਾ ਜਿਹਾ ਨਿਰਪੱਖ ਰੰਗ ਦੇ ਆਈਸ਼ੈਡੋ ਫੈਲਾਓ। ਇਸ ਤੋਂ ਕਾਜਲ ਜਲਦੀ ਸੁੱਕ ਜਾਵੇਗਾ ਅਤੇ ਬਣਿਆ ਰਹੇਗਾ।
ਵਾਟਰ ਲਾਈਨ ਦੇ ਬਾਹਰ ਲਗਾਓ ਆਈਸ਼ੈਡੋ
ਕਾਜਲ ਲਗਾਉਣ ਤੋਂ ਬਾਅਦ ਵਾਟਰ ਲਾਈਨ ਦੇ ਬਾਹਰ ਹਲਕਾ ਜਾ ਆਈਸ਼ੈਡੋ ਲਗਾਓ। ਆਈਸ਼ੈਡੋ ਬਰੱਸ਼ ਨਾਲ ਇਸ ਨੂੰ ਹਲਕਾ ਜਿਹਾ ਮਿਲਾਓ। ਇਸ ਤੋਂ ਕਾਜਲ ਫੈਲੇਗਾ ਨਹੀਂ ਅਤੇ ਅੱਖਾਂ ਬਹੁਤ ਸੁੰਦਰ ਦਿਖਾਈ ਦੇਣਗੀਆਂ।
ਦੀਵਾਲੀ ਦੇ ਤਿਉਹਾਰ ’ਤੇ ਇਨ੍ਹਾਂ ਨਵੇਂ ਤਰੀਕਿਆਂ ਨਾਲ ਕਰੋ ਆਪਣੇ ਘਰ ਦੀ ਸਜਾਵਟ, ਵਧੇਗੀ ਖ਼ੂਬਸੂਰਤੀ
NEXT STORY 
