ਨਵੀਂ ਦਿੱਲੀ- ਗਰਮੀਆਂ 'ਚ ਕੱਦੂ ਨਾਲ ਬਣੀ ਹੋਈ ਸਬਜ਼ੀ ਬਹੁਤ ਖਾਧੀ ਜਾਂਦੀ ਹੈ ਕਿਉਂਕਿ ਉਹ ਸਾਡੇ ਸਰੀਰ ਨੂੰ ਠੰਡਕ ਪਹੁੰਚਾਉਂਦੀ ਹੈ ਪਰ ਹਰ ਰੋਜ਼ ਕੱਦੂ ਦੀ ਸਬਜ਼ੀ ਖਾਣੀ ਬੋਰਿੰਗ ਲੱਗਣ ਲੱਗਦੀ ਹੈ ਤਾਂ ਅਜਿਹੇ 'ਚ ਤੁਸੀਂ ਇਸ ਦਾ ਹਲਵਾ ਜਾਂ ਫਿਰ ਬਰਫ਼ੀ ਆਦਿ ਬਣਾ ਸਕਦੇ ਹੋ। ਕੱਦੂ ਦੀ ਬਰਫ਼ੀ ਬਹੁਤ ਸੁਆਦ ਹੁੰਦੀ ਹੈ ਜਿਸ ਨੂੰ ਬਣਾਉਣਾ ਕਾਫ਼ੀ ਆਸਾਨ ਹੈ। ਕੱਦੂ ਦੀ ਬਰਫ਼ੀ ਬਣਾਉਣੀ ਹੋਵੇ ਤਾਂ ਉਸ ਲਈ ਪੱਕਿਆ ਹੋਇਆ ਕੱਦੂ ਲੈਣਾ ਚਾਹੀਦਾ ਹੈ ਤਾਂ ਜੋ ਉਹ ਮਿੱਠਾ ਹੋਵੇ।
ਇਹ ਵੀ ਪੜ੍ਹੋ-Cookin Tips: ਘਰ ਦੀ ਰਸੋਈ 'ਚ ਇੰਝ ਬਣਾਓ ਰੈਸਟੋਰੈਂਟ ਵਰਗਾ ਚਨਾ ਮਸਾਲਾ
ਆਓ ਜਾਣੋ ਇਸ ਨੂੰ ਬਣਾਉਣ ਦੀ ਵਿਧੀ
ਬਣਾਉਣ ਲਈ ਸਮੱਗਰੀ
ਕੱਦੂ-1 ਕੱਪ
ਘਿਓ-4 ਚਮਚੇ
ਚੀਨੀ-200 ਗ੍ਰਾਮ
ਮੇਵੇ-200 ਗ੍ਰਾਮ
ਬਾਦਾਮ, ਕਾਜੂ, ਪਿਸਤਾ-1-1 ਚਮਚੇ
ਇਲਾਇਚੀ-4-5
ਇਹ ਵੀ ਪੜ੍ਹੋ-Cookin Tips: ਘਰ ਦੀ ਰਸੋਈ 'ਚ ਇੰਝ ਬਣਾਓ ਰੈਸਟੋਰੈਂਟ ਵਰਗਾ ਚਨਾ ਮਸਾਲਾ
ਬਣਾਉਣ ਦੀ ਵਿਧੀ
ਸਭ ਤੋਂ ਪਹਿਲਾਂ ਕੱਦੂ ਛਿੱਲ ਕੇ ਸਾਫ਼ ਕਰ ਲਓ। ਫਿਰ ਇਸ ਨੂੰ ਪੀਸ ਲਓ ਜਾਂ ਫਿਰ ਉਸ ਦੇ ਛੋਟੇ-ਛੋਟੇ ਟੁੱਕੜੇ ਕਰ ਲਓ। ਫਿਰ ਕੜ੍ਹਾਹੀ 'ਚ ਘਿਓ ਪਾ ਕ ਗਰਮ ਕਰੋ, ਫਿਰ ਕੱਦੂ ਪਾ ਕੇ ਅੱਗ ਹੌਲੀ ਕਰ ਦਿਓ ਅਤੇ ਉਸ ਨੂੰ ਪੱਕਣ ਦਿਓ। ਜਦੋਂ ਕੱਦੂ ਪੱਕ ਜਾਵੇ ਤਾਂ ਇਸ 'ਚ ਚੀਨੀ ਮਿਲਾਓ। ਇਸ ਨੂੰ ਲਗਾਤਾਰ ਹਿਲਾਉਂਦੇ ਰਹੋ ਨਹੀਂ ਤਾਂ ਕੱਦੂ ਹੇਠਾਂ ਚਿਪਕਣਾ ਸ਼ੁਰੂ ਹੋ ਜਾਵੇਗਾ। ਇਸ 'ਚ ਦੋ ਚਮਚ ਘਿਓ ਪਾਓ ਅਤੇ ਇਸ ਨੂੰ ਭੁੰਨ੍ਹ ਲਓ। ਫਿਰ ਇਸ 'ਚ ਮੇਵੇ ਮਿਲਾ ਕੇ ਕੁਝ ਦੇਰ ਪਕਾਓ। ਜਦੋਂ ਇਹ ਗਾੜ੍ਹਾ ਹੋ ਜਾਵੇ ਅਤੇ ਉਸ 'ਚੋਂ ਪਾਣੀ ਸੁੱਕ ਜਾਵੇ ਤਾਂ ਅੱਗ ਹੌਲੀ ਕਰ ਦਿਓ। ਫਿਰ ਇਸ 'ਚ ਮੇਵੇ ਅਤੇ ਇਲਾਇਚੀ ਪਾਊਡਰ ਪਾਓ। ਇਕ ਥਾਲੀ ਲਓ, ਉਸ 'ਚ ਘਿਓ ਲਗਾਓ, ਕੱਦੂ ਦਾ ਪੇਸਟ ਫੈਲਾਓ ਅਤੇ 1 ਘੰਟੇ ਤੱਕ ਜਮਣ ਲਈ ਛੱਡ ਦਿਓ। ਫਿਰ 1 ਘੰਟੇ ਬਾਅਦ ਚਾਕੂ ਨਾਲ ਇਸ ਨੂੰ ਛੋਟੇ ਟੁੱਕੜਿਆਂ 'ਚ ਕੱਟ ਲਓ ਅਤੇ ਖਾਓ।
ਨੋਟ: ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਬਾਕਸ ’ਚ ਦਿਓ।
ਦਹੀਂ ਦੇ ਨਾਲ ਭੁੱਲ ਕੇ ਵੀ ਨਾ ਖਾਓ ਅੰਬ ਸਣੇ ਇਹ ਵਸਤੂਆਂ, ਸਰੀਰ ਨੂੰ ਹੋ ਸਕਦੀ ਹੈ ਸਮੱਸਿਆ
NEXT STORY 
