ਚੰਡੀਗੜ੍ਹ/ਪਟਿਆਲਾ (ਅਸ਼ਵਨੀ, ਗੁਰਪ੍ਰੀਤ)— ਸਾਂਸਦ ਮੈਂਬਰ ਪਰਨੀਤ ਕੌਰ ਨੇ ਸੋਮਵਾਰ ਨੂੰ ਬਨੂੜ ਨਹਿਰ ਯੋਜਨਾ ਨਾਲ ਪ੍ਰਦੂਸ਼ਿਤ ਪਾਣੀ ਦੀ ਸਪਲਾਈ ਨੂੰ ਹੀ ਚਾਲੂ ਕਰ ਦਿੱਤਾ। ਸਾਂਸਦ ਪਰਨੀਤ ਕੌਰ ਛੱਤਬੀੜ ਦੇ ਨਜ਼ਦੀਕ ਘੱਗਰ ਦਰਿਆ 'ਤੇ ਬਣੇ ਬੰਨ੍ਹ ਤੋਂ ਨਿਕਲਣ ਵਾਲੀ ਬਨੂੜ ਨਹਿਰ ਪ੍ਰਣਾਲੀ ਯੋਜਨਾ ਦਾ ਉਦਘਾਟਨ ਕਰਨ ਪਹੁੰਚੇ ਸਨ ਪਰ ਜਿਵੇਂ ਹੀ ਉਨ੍ਹਾਂ ਨੇ ਡੈਮ ਦੇ ਦਰਵਾਜੇ ਖੋਲ੍ਹਣ ਦਾ ਬਟਨ ਦਬਾਇਆ, ਪੂਰੀ ਨਹਿਰ ਬਦਬੂਦਾਰ ਪਾਣੀ ਨਾਲ ਨੱਕੋ-ਨੱਕ ਹੋ ਗਈ।
ਇਸ ਦੌਰਾਨ ਸਾਂਸਦ ਉਦਘਾਟਨ ਸਮਾਰੋਹ ਨੂੰ ਸੰਬੋਧਿਤ ਕਰਦੇ ਹੋਏ ਕਿਹਾ ਕਿ ਇਸ ਪਾਣੀ ਨਾਲ ਰਾਜਪੁਰਾ, ਡੇਰਾਬੱਸੀ ਅਤੇ ਮੋਹਾਲੀ ਸਭ ਡਿਵਿਜ਼ਨਾਂ ਦੇ 40 ਪਿੰਡ ਦੇ ਕਰੀਬ 50000 ਏਕੜ ਜ਼ਮੀਨ ਨੂੰ ਸਿੰਚਾਈ ਦੀ ਸਹੂਲਤ ਮਿਲੇਗੀ। ਪਰਨੀਤ ਕੌਰ ਨੇ ਕਿਹਾ ਕਿ ਇਸ ਨਹਿਰੀ ਪ੍ਰੋਜੈਕਟ ਦੇ ਸ਼ੁਰੂ ਹੋਣ ਨਾਲ ਰਾਜਪੁਰਾ ਖੇਤਰ ਦੀ ਲੰਬੇ ਸਮੇਂ ਤੋਂ ਚੱਲੀ ਆ ਰਹੀ ਮੰਗ ਪੂਰੀ ਹੋਈ ਹੈ। ਉਨ੍ਹਾਂ ਨੇ ਘੱਗਰ ਦਰਿਆ 'ਤੇ ਸਥਿਤ ਅਗਲੇ ਪਿੰਡ ਦੇ ਕਿਸਾਨਾਂ ਦੀਆਂ ਸ਼ਿਕਵੇ ਦੂਰ ਕਰਦੇ ਹੋਏ ਦੱਸਿਆ ਕਿ ਕਿਸਾਨਾਂ ਅਤੇ ਸਰਕਾਰ 'ਚ ਹੋਏ ਸਮਝੌਤੇ ਅਨੁਸਾਰ ਸਾਰੇ ਪਿੰਡਾਂ ਦੇ ਕਿਸਾਨਾਂ ਨੂੰ ਬਣਦਾ ਪਾਣੀ ਉਪਲੱਬਧ ਕਰਵਾਇਆ ਜਾਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਇਸ ਨਹਿਰ 'ਚ ਹਾਲੇ 50 ਕਿਊਸਕ ਪਾਣੀ ਛੱਡਿਆ ਗਿਆ ਹੈ ਜਿਸ ਨਾਲ ਕਿਸਾਨਾਂ ਨੂੰ ਝੋਨੇ ਦੇ ਸੀਜਨ 'ਚ ਲਾਭ ਮਿਲੇਗਾ। ਉਥੇ ਹੀ, ਹਲਕਾ ਘਨੌਰ ਤੋਂ ਵਿਧਾਇਕ ਮਦਨ ਲਾਲ ਜਲਾਲਪੁਰ ਨੇ ਕਿਹਾ ਕਿ ਪਟਿਆਲੇ ਹਲਕੇ ਦੇ ਸਾਰੇ ਕਿਸਾਨਾਂ ਨੂੰ ਉਨ੍ਹਾਂ ਦੇ ਅਧਿਕਾਰ ਦਾ ਬਣਦਾ ਪਾਣੀ ਮਿਲੇਗਾ। ਹਲਕਾ ਰਾਜਪੁਰਾ ਤੋਂ ਵਿਧਾਇਕ ਹਰਦਿਆਲ ਕੰਬੋਜ ਨੇ ਕਿਹਾ ਕਿ ਇਹ ਪ੍ਰੋਜੈਕਟ ਸ਼ੁਰੂ ਹੋਣ ਨਾਲ ਇੱਥੇ ਕਿਸਾਨਾਂ ਨੂੰ ਜਰੂਰਤ ਅਨੁਸਾਰ ਪਾਣੀ ਮਿਲੇਗਾ ਤੇ ਬਿਜਲੀ ਦੀ ਮੰਗ 'ਚ ਵੀ ਕਮੀ ਆਵੇਗੀ।
145 ਕਰੋੜ ਰੁਪਏ ਦੀ ਯੋਜਨਾ:
ਬਨੂੜ ਨਹਿਰ ਪ੍ਰਣਾਲੀ 'ਤੇ ਕਰੀਬ 145 ਕਰੋੜ ਰੁਪਏ ਖਰਚ ਕੀਤੇ ਗਏ ਹਨ। ਸਿੰਚਾਈ ਵਿਭਾਗ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਹ ਯੋਜਨਾ ਬਾਰਾਮਾਸੀ ਸਿੰਚਾਈ ਵਿਵਸਥਾ ਦਾ ਆਧਾਰ ਹੈ, ਜਿਸ ਨਾਲ ਇਲਾਕੇ ਦੇ ਕਿਸਾਨਾਂ ਦੀ ਉਪਜ 'ਚ ਵਾਧਾ ਹੋਵੇਗਾ।
ਘੱਗਰ ਨਦੀ ਦੀ ਵਾਟਰ ਕੁਆਲਿਟੀ 'ਤੇ ਉਠ ਚੁੱਕਿਆ ਸਵਾਲ:
ਬਨੂੜ ਨਹਿਰ ਪ੍ਰਣਾਲੀ 'ਚ ਜਿਸ ਪਾਣੀ ਦੀ ਸਪਲਾਈ ਕੀਤੀ ਜਾ ਰਹੀ ਹੈ, ਉਸਦੀ ਗੁਣਵੱਤਾ 'ਤੇ ਗੰਭੀਰ ਸਵਾਲ ਉਠ ਚੁੱਕੇ ਹਨ। ਬਕਾਇਦਾ ਨੈਸ਼ਨਲ ਗਰੀਨ ਟ੍ਰਿਬਿਊਨਲ ਦੀ ਅਗਵਾਈ 'ਚ ਗਠਿਤ ਮਾਨੀਟਰਿੰਗ ਕਮੇਟੀ ਨੇ ਆਪਣੀ ਜਾਂਚ 'ਚ ਘੱਗਰ ਨਦੀ ਦੇ ਪਾਣੀ ਦੀ ਗੁਣਵੱਤਾ ਨੂੰ ਨਿਰਧਾਰਤ ਪੈਮਾਨਿਆਂ 'ਤੇ ਖਰਾ ਨਹੀਂ ਪਾਇਆ ਹੈ। ਛੱਤਬੀੜ ਕੋਲ ਬਣੇ ਬੰਨ੍ਹ ਦੇ ਆਸ-ਪਾਸ ਪਾਣੀ ਦੀ ਗੁਣਵੱਤਾ ਨੂੰ ਲੈਕੇ ਕੀਤੀ ਗਈ ਜਾਂਚ 'ਚ ਸਾਹਮਣੇ ਆਇਆ ਹੈ ਕਿ ਇਸ ਪਾਣੀ 'ਚ ਹੈਵੀ ਮੈਟਲ ਦੀ ਬਹੁਮਾਤਰਾ ਹੈ। ਨਾਲ ਹੀ ਇਹ ਪਾਣੀ ਬਾਇਓਲਾਜੀਕਲ ਪੈਰਾਮੀਟਰ 'ਤੇ ਵੀ ਖਰਾ ਨਹੀਂ ਉਤਰਦਾ ਹੈ। ਖਾਸਤੌਰ 'ਤੇ ਡੇਰਾਬੱਸੀ ਅਤੇ ਚੰਡੀਗੜ੍ਹ ਦੀਆਂ ਉਦਯੋਗਿਕ ਇਕਾਈਆਂ ਤੋਂ ਨਿਕਲਣ ਵਾਲਾ ਪ੍ਰਦੂਸ਼ਿਤ ਪਾਣੀ ਘੱਗਰ ਦੇ ਪਾਣੀ ਦੀ ਗੁਣਵੱਤਾ ਨੂੰ ਖ਼ਰਾਬ ਕਰ ਰਿਹਾ ਹੈ। ਇਸ ਕੜੀ 'ਚ ਮਿਊਸਪਲ ਸੀਵਰੇਜ ਵੇਸਟ ਨਾਲ ਵੀ ਪਾਣੀ ਦੀ ਗੁਣਵੱਤਾ ਖ਼ਰਾਬ ਹੋ ਰਹੀ ਹੈ। ਇਸ ਲਈ ਨੈਸ਼ਨਲ ਗਰੀਨ ਟ੍ਰਿਬਿਊਨਲ ਨੇ ਘੱਗਰ ਨਦੀ ਨੂੰ ਸਵੱਛ ਬਣਾਉਣ ਲਈ ਪੰਜਾਬ, ਹਰਿਆਣਾ, ਹਿਮਾਚਲ ਨੂੰ ਐਕਸ਼ਨ ਪਲਾਨ ਬਣਾਉਣ ਦੇ ਨਿਰਦੇਸ਼ ਜਾਰੀ ਕੀਤੇ ਸਨ।
ਪ੍ਰਦੂਸ਼ਿਤ ਪਾਣੀ ਨਾਲ ਫਸਲਾਂ ਦੀ ਸਿੰਚਾਈ 'ਤੇ ਸਵਾਲ:
ਬਨੂੜ ਨਹਿਰ ਤੋਂ ਸਪਲਾਈ ਹੋਣ ਵਾਲੀ ਪਾਣੀ ਦੇ ਜ਼ਰੀਏ ਹੋਣ ਵਾਲੀ ਸਿੰਚਾਈ ਵੀ ਸਵਾਲਾਂ ਦੇ ਘੇਰੇ 'ਚ ਹੈ। ਮਾਹਰਾਂ ਦੀ ਮੰਨੀਏ ਤਾਂ ਬਨੂੜ ਨਹਿਰ ਦੇ ਜ਼ਰੀਏ ਜੋ ਪਾਣੀ ਸਪਲਾਈ ਕੀਤਾ ਗਿਆ ਹੈ, ਉਹ ਫਸਲਾਂ ਦੀ
ਗੁਣਵੱਤਾ 'ਤੇ ਪ੍ਰਭਾਵ ਪਾ ਸਕਦਾ ਹੈ। ਫਸਲਾਂ 'ਚ ਹੈਵੀ ਮੈਟਲ ਦੀ ਬਹੁਮਾਤਰਾ ਹੋ ਸਕਦੀ ਹੈ, ਜਿਸਨੂੰ ਖਾਣ ਨਾਲ ਬੀਮਾਰੀਆਂ ਫੈਲ ਸਕਦੀਆਂ ਹਨ। ਹਾਲ ਹੀ 'ਚ ਪੰਜਾਬ ਸਿਹਤ ਵਿਭਾਗ ਨੇ ਸਤਲੁਜ ਨਦੀ ਦੇ ਆਸ-ਪਾਸ ਇਲਾਕੇ 'ਚ ਪ੍ਰਦੂਸ਼ਿਤ ਪਾਣੀ ਦੇ ਸਰੀਰ 'ਤੇ ਪੈਣ ਵਾਲੇ ਪ੍ਰਭਾਵ ਨੂੰ ਲੈਕੇ ਇਕ ਵਿਸਥਾਰਿਤ ਸਟਡੀ ਕੀਤੀ ਸੀ, ਜਿਸ 'ਚ ਪਾਇਆ ਗਿਆ ਸੀ ਕਿ ਪ੍ਰਦੂਸ਼ਿਤ ਪਾਣੀ ਨਾਲ ਚਮੜੀਰੋਗ, ਸਾਹ, ਫੇਫੜੇ ਤੇ ਹੋਰ ਲਈ ਗੰਭੀਰ ਸ਼ਿਕਾਇਤਾਂ ਵਧੀਆਂ ਹੈ।
ਪਾਣੀ ਦੇ ਸੰਕਟ ਨੂੰ ਦੇਖਦਿਆਂ 'ਆਪ' ਵਲੋਂ ਸੂਬਾ ਸਰਕਾਰ ਕੋਲੋਂ ਵਿਸ਼ੇਸ਼ ਮੰਗਾਂ
NEXT STORY