ਆਓ ਗੱਲ ਕਰੀਏ ਸਿਆਣੀ।
ਕੱਲ ਲਈ ਬਚਾਈਏ ਪਾਣੀ ।
ਟਿੱਬੇ-ਟੋਏ ਸੁੱਕਦੇ ਜਾਂਦੇ
ਸਰੋਤ ਪਾਣੀ ਦੇ ਮੁਕਦੇ ਜਾਂਦੇ
ਪੱਤਨ ਡੂੰਘੇ ਹੁੰਦੇ ਜਾਂਦੇ
ਨਦੀਆਂ ਦੀ ਹੋਈ ਖ਼ਤਮ ਰਵਾਨੀ।
ਆਓ ਗੱਲ.......
ਜੰਗਲ ਬੇਲੇ ਰੁੱਖ ਕਟਾਤੇ
ਪਰਬਤ ਵੀ ਮੈਦਾਨ ਬਣਾਤੇ
ਤਪਸ਼ ਦਿਨੋਂ-ਦਿਨ ਵਧਦੀ ਜਾਂਦੀ
ਰੁੱਸ ਗਈ ਜਾਪੇ ਕੁਦਰਤ ਰਾਣੀ।
ਆਓ ਗੱਲ......
ਰੱਬ ਦੀ ਦਾਤ ਇਹ ਅੰਮ੍ਰਿਤ ਪਾਣੀ
ਇਸ ਦੇ ਨਾਲ ਮਿਲੇ ਜ਼ਿੰਦਗਾਨੀ
ਜੀਵ-ਜੰਤੂ ਸਭ ਵਧਦੇ ਫੁਲਦੇ
ਜਿਉਂਦਾ ਇਸ ਨਾਲ ਹਰ ਪ੍ਰਾਣੀ ।
ਆਓ ਗੱਲ......
ਰੁੱਖ ਲਗਾਵਣ ਵੱਲ ਪਾਈਏ ਝਾਤ
ਇਹਨਾਂ ਨਾਲ ਹੁੰਦੀ ਬਰਸਾਤ
ਵੱਧ ਤੋਂ ਵੱਧ ਰੁੱਖ ਲਗਾਈਏ
ਰੁੱਖ ਲਗਾਵੇ ਹਰ ਪ੍ਰਾਣੀ ।
ਆਓ ਗੱਲ......
ਬਰਸਾਤੀ ਨਦੀਆਂ ਨੂੰ ਵੀ ਰੋਕੇ ਲਾਓ
ਇਹਨਾਂ ਦੇ ਕਿਨਾਰੇ ਖ਼ੂਹ ਪੁਟਵਾਓ
ਵਾਫ਼ਰ ਪਾਣੀ ਧਰਤੀ ਵਿਚ ਪਹੁੰਚਾਓ
ਧਰਤੀ ਅੰਦਰ ਭਰ ਦਿਓ ਪਾਣੀ।
ਆਓ ਗੱਲ.......
ਪਾਣੀ ਲਈ ਸਤਰਕ ਹੋ ਜਾਈਏ
ਬੂੰਦ ਵਿਚੋਂ ਵੀ ਬੂੰਦ ਬਚਾਈਏ
'ਪਹਿਲਾ ਜਲ ਜੀਉ ਹੈ' ਜੱਗ 'ਤੇ
ਇਹ ਗੱਲ ਦੱਸਦੀ ਪਵਿੱਤਰ ਬਾਣੀ।
ਆਓ ਗੱਲ.........
ਕਸ਼ਮੀਰ ਘੇਸਲ
ਮਕਾਨ ਨੰ: 905, ਸੈਕਟਰ 43 ਏ,
ਚੰਡੀਗੜ੍ਹ । ਮੋ: 9463656047
