Fact Check By vishvasnews
ਦੇਸ਼ 'ਚ ਲੋਕ ਸਭਾ ਚੋਣਾਂ ਦੀ ਸਰਗਰਮੀ ਵਿਚਾਲੇ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ 'ਚ ਇਕ ਵਿਅਕਤੀ ਨੂੰ ਬੇਲਪੁੜੀ ਵਰਗਾ ਕੁਝ ਬਣਾਉਂਦੇ ਦੇਖਿਆ ਜਾ ਸਕਦਾ ਹੈ। ਵੀਡੀਓ ਨੂੰ ਮਜ਼ਾਕ 'ਚ ਸ਼ੇਅਰ ਕਰਦੇ ਹੋਏ ਇਸ ਵਿਅਕਤੀ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਜੋੜਿਆ ਜਾ ਰਿਹਾ ਹੈ। ਵਿਸ਼ਵਾਸ ਨਿਊਜ਼ ਨੇ ਵਾਇਰਲ ਪੋਸਟ ਦੀ ਜਾਂਚ ਕੀਤੀ। ਇਹ ਗੁੰਮਰਾਹਕੁੰਨ ਸਾਬਿਤ ਹੋਇਆ। ਵੀਡੀਓ ’ਚ ਨਜ਼ਰ ਆ ਰਿਹਾ ਵਿਅਕਤੀ ਪੀ.ਐੱਮ ਮੋਦੀ ਦੀ ਤਰ੍ਹਾਂ ਦਿੱਸਦਾ ਹੈ। ਇਸ ਵੀਡੀਓ ਨੂੰ ਕੁਝ ਲੋਕਾਂ ਵੱਲੋਂ ਮਜ਼ਾਕੀਆ ਦਾਅਵੇ ਨਾਲ ਵਾਇਰਲ ਕੀਤਾ ਜਾ ਰਿਹਾ ਹੈ। ਇਸ ਵਿਅਕਤੀ ਦਾ ਨਾਂ ਆਨੰਦ ਭਾਈ ਹੈ।
ਕੀ ਹੈ ਵਾਇਰਲ ਪੋਸਟ
ਫੇਸਬੁੱਕ ਯੂਜ਼ਰ ਸਾਹਿਲ ਖਾਨ ਨੇ 27 ਅਪ੍ਰੈਲ ਨੂੰ ਇਕ ਵੀਡੀਓ ਅਪਲੋਡ ਕਰਦੇ ਹੋਏ ਲਿਖਿਆ,“ਸਾਹਿਬ ਨੇ ਹੁਣ ਤੋਂ ਕੰਮ ਸ਼ੁਰੂ ਕਰ ਦਿੱਤਾ ਹੈ, ਅਜੇ ਤਾਂ ਤੀਜਾ ਪੜਾਅ ਬਾਕੀ ਹੈ। #naxtpmrahulgandhi #LokSabhaElection2024 #RahulGandhi” ਵਾਇਰਲ ਪੋਸਟ ਦਾ ਕੰਟੈਂਟ ਉਸੇ ਤਰ੍ਹਾਂ ਲਿਖਿਆ ਗਿਆ ਹੈ ਜਿਵੇਂ ਲਿਖਿਆ ਹੋਇਆ ਸੀ। ਇਸ ਨੂੰ ਦੂਜੇ ਯੂਜ਼ਰਸ ਵੀ ਸ਼ੇਅਰ ਕਰ ਰਹੇ ਹਨ। ਵਾਇਰਲ ਪੋਸਟ ਦਾ ਪੁਰਾਲੇਖ ਵਰਜਨ ਨੂੰ ਇੱਥੇ ਦੇਖਿਆ ਜਾ ਸਕਦਾ ਹੈ।
ਜਾਂਚ
ਵਿਸ਼ਵਾਸ ਨਿਊਜ਼ ਨੇ ਜਾਂਚ ਦੀ ਸ਼ੁਰੂਆਤ ਕੀਵਰਡ ਸਰਚ ਨਾਲ ਕੀਤੀ। ਅਸੀਂ ਸਭ ਤੋਂ ਪਹਿਲੇ ਯੂ-ਟਿਊਬ 'ਤੇ ਜਾ ਕੇ ਵਾਇਰਲ ਪੋਸਟ ਦੇ ਆਧਾਰ 'ਤੇ ਕੁਝ ਕੀਵਰਡ ਬਣਾਏ। ਫਿਰ ਇਨ੍ਹਾਂ ਨੂੰ ਸਰਚ ਕਰਨਾ ਸ਼ੁਰੂ ਕੀਤਾ। ਸਾਨੂੰ ਨਿਊਜ਼ ਨੇਸ਼ਨ ਨਾਂ ਦੇ ਇਕ ਯੂ-ਟਿਊਬ ਚੈਨਲ 'ਤੇ ਇਕ ਵੀਡੀਓ ਰਿਪੋਰਟ ਮਿਲੀ। ਇਸ 'ਚ ਉਸੇ ਸ਼ਖ਼ਸ ਨੂੰ ਦੇਖਿਆ ਜਾ ਸਕਦਾ ਹੈ, ਜੋ ਵਾਇਰਲ ਵੀਡੀਓ 'ਚ ਦਿੱਸ ਰਿਹਾ ਹੈ। ਖ਼ਬਰ 'ਚ ਦੱਸਿਆ ਗਿਆ ਕਿ ਅਨਿਲ ਭਾਈ ਠੱਕਰ ਪੀ.ਐੱਮ. ਮੋਦੀ ਦੀ ਤਰ੍ਹਾਂ ਦਿੱਸਦੇ ਹਨ। ਗੁਜਰਾਤ ਦੇ ਜੂਨਾਗੜ੍ਹ ਦੇ ਰਹਿਣ ਵਾਲੇ ਹਨ।
25 ਅਪ੍ਰੈਲ ਨੂੰ ਅਪਲੋਡ ਇਸ ਵੀਡੀਓ ਦੇ ਵੇਰਵੇ 'ਚ ਲਿਖਿਆ ਗਿਆ,''ਗੁਜਰਾਤ 'ਚ ਇਹ ਗੋਲਗੱਪੇ ਵਾਲਾ ਹੋ ਰਿਹਾ ਹੈ ਜੰਮ ਕੇ ਫੇਮਸ, ਸ਼ਕਲ-ਸੂਰਤ 'ਚ ਬਿਲਕੁੱਲ ਪੀ.ਐੱਮ. ਮੋਦੀ ਵਰਗੇ ਦਿੱਸਦੇ ਹਨ ਅਨਿਲ ਠੱਕਰ, ਅਨਿਲ ਭਾਈ ਠੱਕਰ ਵਰਗੇ ਜੂਨਾਗੜ੍ਹ ਦੇ ਰਹਿਣ ਵਾਲੇ ਹਨ। ਉਨ੍ਹਾਂ ਤੋਂ ਪਹਿਲੇ ਉਨ੍ਹਾਂ ਦੇ ਪਿਤਾ ਅਤੇ ਦਾਦਾ ਗੋਲਗੱਪੇ ਦੀ ਦੁਕਾਨ ਲਗਾਉਂਦੇ ਸਨ। ਜਦੋਂ ਅਨਿਲ ਠੱਕਰ 18 ਸਾਲ ਦੇ ਸਨ, ਉਦੋਂ ਤੋਂ ਉਹ ਗੋਲਗੱਪੇ ਦੀ ਦੁਕਾਨ ਲਗਾ ਰਹੇ ਹਨ।''
(Disclaimer: ਇਹ ਫੈਕਟ ਮੂਲ ਤੌਰ 'ਤੇ vishvasnews ਵੱਲੋਂ ਕੀਤਾ ਗਿਆ ਹੈ, ਜਿਸ ਨੂੰ Shakti Collective ਦੀ ਮਦਦ ਨਾਲ ‘ਜਗ ਬਾਣੀ’ ਨੇ ਪ੍ਰਕਾਸ਼ਿਤ ਕੀਤਾ ਹੈ)
ਚਾਂਦੀ ਦੀ ਚਮਕ ਵਧੀ ਬਣਾਇਆ ਨਵਾਂ ਸਰਵਕਾਲੀ ਉੱਚ ਪੱਧਰ, ਜਾਣੋ ਸੋਨੇ ਦੇ ਭਾਅ
NEXT STORY 
