ਨੈਸ਼ਨਲ ਡੈਸਕ- ਆਧਾਰ ਕਾਰਡ 'ਚ ਹੁਣ ਮੋਬਾਈਲ ਨੰਬਰ ਅਪਡੇਟ ਕਰਨਾ ਪਹਿਲਾਂ ਨਾਲੋਂ ਕਾਫੀ ਆਸਾਨ ਹੋ ਗਿਆ ਹੈ। UIDAI (ਯੂਨੀਕ ਆਈਡੈਂਟੀਫਿਕੇਸ਼ਨ ਅਥਾਰਟੀ ਆਫ਼ ਇੰਡੀਆ) ਨੇ ਇਕ ਨਵੀਂ ਡਿਜੀਟਲ ਸਰਵਿਸ ਦਾ ਐਲਾਨ ਕੀਤਾ ਹੈ, ਜਿਸ ਨਾਲ ਲੋਕ ਘਰ ਬੈਠੇ ਹੀ OTP ਵੈਰੀਫਿਕੇਸ਼ਨ ਅਤੇ ਫੇਸ ਆਥੈਂਟੀਕੇਸ਼ਨ ਰਾਹੀਂ ਆਪਣਾ ਨਵਾਂ ਮੋਬਾਈਲ ਨੰਬਰ ਅਪਡੇਟ ਕਰ ਸਕਣਗੇ। ਇਹ ਸਹੂਲਤ ਖ਼ਾਸ ਕਰਕੇ ਦੂਰ-ਦੁਰਾਡੇ ਦੇ ਇਲਾਕਿਆਂ 'ਚ ਰਹਿੰਦੇ ਲੋਕਾਂ ਅਤੇ ਸੀਨੀਅਰ ਸਿਟੀਜ਼ਨ ਲਈ ਵੱਡੀ ਰਾਹਤ ਸਾਬਤ ਹੋਵੇਗੀ।
ਇਹ ਵੀ ਪੜ੍ਹੋ : ਹਰ ਕਿਸੇ ਲਈ ਸ਼ੁੱਭ ਨਹੀਂ ਹੁੰਦੀ ਚਾਂਦੀ ! ਇਨ੍ਹਾਂ ਰਾਸ਼ੀਆਂ ਵਾਲੇ ਲੋਕਾਂ ਨੂੰ Ignore ਕਰਨੀ ਚਾਹੀਦੀ ਹੈ ਚਾਂਦੀ
ਨਵੀਂ ਸਰਵਿਸ ਕਿਵੇਂ ਕੰਮ ਕਰੇਗੀ?
UIDAI ਦੇ ਮੁਤਾਬਕ ਪੂਰਾ ਪ੍ਰੋਸੈਸ ਬਹੁਤ ਸਧਾਰਨ ਹੈ ਅਤੇ ਕੋਈ ਦਸਤਾਵੇਜ਼ ਜਾਂ ਸੈਂਟਰ ਜਾਣ ਦੀ ਲੋੜ ਨਹੀਂ। ਪੂਰਾ ਪ੍ਰੋਸੈਸ ਕੁਝ ਮਿੰਟਾਂ 'ਚ ਪੂਰਾ ਹੋ ਜਾਵੇਗਾ।
- ਸਭ ਤੋਂ ਪਹਿਲਾਂ AADHAAR ਐਪ ਡਾਊਨਲੋਡ ਕਰਨੀ ਹੋਵੇਗੀ।
- ਆਧਾਰ ਨੰਬਰ ਅਤੇ ਆਪਣਾ ਨਵਾਂ ਮੋਬਾਈਲ ਨੰਬਰ ਦਰਜ ਕਰਨਾ ਹੋਵੇਗਾ।
- OTP ਵੈਰੀਫਿਕੇਸ਼ਨ — ਇਹ ਪੁਰਾਣੇ ਜਾਂ ਨਵੇਂ ਕਿਸੇ ਵੀ ਨੰਬਰ ‘ਤੇ ਭੇਜਿਆ ਜਾਵੇਗਾ।
- ਸਮਾਰਟਫੋਨ ਦੇ ਕੈਮਰਾ ਰਾਹੀਂ ਫੇਸ ਆਥੈਂਟੀਕੇਸ਼ਨ ਕਰਨਾ ਹੋਵੇਗਾ।
ਆਧਾਰ 'ਚ ਮੋਬਾਈਲ ਅਪਡੇਟ ਕਰਨਾ ਕਿਉਂ ਜ਼ਰੂਰੀ?
- ਆਧਾਰ ਦੇਸ਼ ਦੀ ਸਭ ਤੋਂ ਵੱਡੀ ਡਿਜੀਟਲ ਆਈਡੀ ਸਿਸਟਮ ਹੈ, ਜਿਸ 'ਚ 130 ਕਰੋੜ ਤੋਂ ਵੱਧ ਲੋਕਾਂ ਦਾ ਡਾਟਾ ਜੁੜਿਆ ਹੈ।
- ਮੋਬਾਈਲ ਨੰਬਰ ਆਧਾਰ ਦਾ ਸਭ ਤੋਂ ਮਹੱਤਵਪੂਰਨ ਹਿੱਸਾ ਹੈ, ਕਿਉਂਕਿ ਇਸ ਰਾਹੀਂ ਹੀ ਬੈਂਕਿੰਗ OTP, ਸਰਕਾਰੀ ਸਬਸਿਡੀ, ਇਨਕਮ ਟੈਕਸ ਵੈਰੀਫਿਕੇਸ਼ਨ ਅਤੇ ਡਿਜੀਟਲ ਸਰਵਿਸਜ਼ ਵਰਗੇ ਡਿਜੀਲੌਕਰ ਤੱਕ ਐਕਸੈਸ ਮਿਲਦਾ ਹੈ।
- ਅਜੇ ਤੱਕ ਨੰਬਰ ਅਪਡੇਟ ਕਰਨ ਲਈ ਐਨਰੋਲਮੈਂਟ ਸੈਂਟਰ ਜਾਣਾ ਪੈਂਦਾ ਸੀ, ਜਿਸ 'ਚ ਬਾਇਓਮੈਟ੍ਰਿਕ ਵੇਰੀਫਿਕੇਸ਼ਨ ਅਤੇ ਲੰਬੀਆਂ ਲਾਈਨਾਂ ਦਾ ਝੰਝਟ ਹੁੰਦਾ ਸੀ। ਪਰ ਨਵੀਂ ਸਰਵਿਸ ਨਾਲ ਇਹ ਕੰਮ ਆਨਲਾਈਨ ਅਤੇ ਆਸਾਨ ਹੋ ਜਾਵੇਗਾ।
- UIDAI ਨੇ ਪਿਛਲੇ ਮਹੀਨੇ ਨਵਾਂ AADHAAR ਐਪ ਲਾਂਚ ਕੀਤਾ ਸੀ
- ਇਸ ਨਵੇਂ ਐਪ ਝੰਜਟਚ ਯੂਜ਼ਰ ਇਕ ਹੀ ਫੋਨ 'ਚ 5 ਲੋਕਾਂ ਦੇ ਆਧਾਰ ਸੰਭਾਲ ਸਕਦੇ ਹਨ। ਐਪ 'ਚ ਫੇਸ ਆਥੈਂਟੀਕੇਸ਼ਨ, ਸਕੈਨ-ਟੂ-ਸ਼ੇਅਰ ਅਤੇ ਪ੍ਰਾਈਵੇਸੀ-ਫਰਸਟ ਤਕਨੀਕਾਂ ਜੋੜੀਆਂ ਗਈਆਂ ਹਨ।
ਇਹ ਵੀ ਪੜ੍ਹੋ : ਬਾਬਾ ਵੇਂਗਾ ਨੇ ਕਰ'ਤੀ ਭਵਿੱਖਬਾਣੀ; ਸਾਲ 2026 'ਚ ਇਨ੍ਹਾਂ ਰਾਸ਼ੀਆਂ ਦੀ ਲੱਗੇਗੀ ਲਾਟਰੀ, ਮਸ਼ੀਨ ਨਾਲ ਗਿਣਨੇ ਪੈਣਗੇ ਨੋਟ!
ਨਵੇਂ AADHAAR ਐਪ ਦੇ ਮੁੱਖ ਫੀਚਰ
- ਫੋਨ 'ਚ ਹੀ ਆਧਾਰ ਕੈਰੀ ਕਰੋ – ਪੇਪਰ ਕਾਪੀ ਦੀ ਲੋੜ ਨਹੀਂ
- ਫੇਸ ਸਕੈਨ ਸਾਂਝਾ ਕਰਨ ਸਮੇਂ ਸੁਰੱਖਿਆ
- ਬਾਇਓਮੈਟ੍ਰਿਕ ਲੌਗਇਨ – ਹੋਰ ਸੁਰੱਖਿਅਤ
- ਮਲਟੀ-ਲੈਂਗਵੇਜ ਸਪੋਰਟ – ਪੰਜਾਬੀ, ਹਿੰਦੀ, ਅੰਗਰੇਜ਼ੀ ਸਮੇਤ ਕਈ ਭਾਸ਼ਾਵਾਂ
- ਆਫਲਾਈਨ ਯੂਜ਼ – ਇੰਟਰਨੈਟ ਬਿਨਾਂ ਵੀ ਆਧਾਰ ਵੇਖ ਸਕੋਗੇ
ਪੁਰਾਣਾ ਐਪ ਤੇ ਨਵਾ ਐਪ — ਕੀ ਫਰਕ ਹੈ?
- mAadhaar: PDF ਡਾਊਨਲੋਡ, PVC ਕਾਰਡ, ਕੁਝ ਅਪਡੇਟ
- ਨਵਾਂ Aadhaar ਐਪ: ਪ੍ਰਾਈਵੇਸੀ-ਫਰਸਟ, ਸਿਲੈਕਟਿਵ ਡਾਟਾ ਸ਼ੇਅਰਿੰਗ
- ਵਰਚੁਅਲ ID ਅਤੇ ਕੁਝ ਸੇਵਾਵਾਂ ਲਈ UIDAI ਪੋਰਟਲ ਵੀ ਵਰਤਿਆ ਜਾ ਸਕਦਾ ਹੈ।
ਯੂਜ਼ਰਾਂ ਨੂੰ ਕੀ ਫਾਇਦਾ ਹੋਵੇਗਾ?
- ਹੋਟਲ ਚੈਕ-ਇਨ, SIM ਐਕਟੀਵੇਸ਼ਨ, ਬੈਂਕ KYC ਹੋਰ ਤੇਜ਼
- ਇਕ ਫੋਨ ‘ਤੇ ਪੂਰੀ ਫੈਮਿਲੀ ਦੇ ਆਧਾਰ ਡਿਟੇਲ
- ਸਿਰਫ਼ ਜਿੱਥੇ ਲੋੜ ਹੈ ਉੱਥੇ ਹੀ ਡਾਟਾ ਸ਼ੇਅਰ – ਪ੍ਰਾਈਵੇਸੀ ਵਧੇਗੀ
2009 'ਚ ਸ਼ੁਰੂ ਹੋਇਆ ਸੀ ਆਧਾਰ
2009 'ਚ ਸ਼ੁਰੂ ਹੋਇਆ ਇਹ ਪ੍ਰਾਜੈਕਟ ਅੱਜ 130 ਕਰੋੜ ਲੋਕਾਂ ਦੀ ਪਹਿਚਾਣ ਦਾ ਸਭ ਤੋਂ ਵੱਡਾ ਸਿਸਟਮ ਬਣ ਚੁੱਕਾ ਹੈ। ਹੁਣ ਡਿਜੀਟਲ ਇੰਡੀਆ ਦੇ ਤਹਿਤ ਇਸ ਨੂੰ ਪੂਰੀ ਤਰ੍ਹਾਂ ਡਿਜੀਟਲ ਬਣਾਇਆ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ : 50 ਦਿਨਾਂ ਲਈ Validity ਤੇ 2GB ਡੇਲੀ Data, BSNL ਦੇ ਸਸਤੇ Plan ਨੇ ਉਡਾਈ ਹੋਰਾਂ ਕੰਪਨੀਆਂ ਦੀ ਨੀਂਦ
ਸ਼੍ਰੀਲੰਕਾ 'ਚ 69 ਲੋਕਾਂ ਦੀ ਜਾਨ ਲੈਣ ਮਗਰੋਂ ਭਾਰਤ ਵੱਲ ਆ ਰਿਹੈ 'ਦਿਤਵਾ' ! Alert ਜਾਰੀ, ਸਕੂਲ-ਕਾਲਜ ਬੰਦ
NEXT STORY 
