ਨਵੀਂ ਦਿੱਲੀ- ਤ੍ਰਿਪੁਰਾ ’ਚ ਆਪਣੀ ਕੱਟੜ ਵਿਚਾਰਧਾਰਕ ਵਿਰੋਧੀ ਪਾਰਟੀ ਸੀ.ਪੀ.ਐਮ. ਨੂੰ 25 ਸਾਲਾਂ ਬਾਅਦ ਹਰਾਉਣ ਤੋਂ ਬਾਅਦ ਭਾਜਪਾ ’ਚ ਜਸ਼ਨ ਦਾ ਮਾਹੌਲ ਹੈ। ਤ੍ਰਿਪੁਰਾ ’ਚ ਪੂਰਨ ਬਹੁਮਤ ਦੀ ਸਰਕਾਰ ਬਣਾਉਣ ਵੱਲ ਵਧ ਰਹੀ ਭਾਜਪਾ ਦੇ ਦਿੱਲੀ ਸਥਿਤ ਹੈਡ ਕੁਆਰਟਰ ’ਚ ਜ਼ੋਰਦਾਰ ਜਸ਼ਨ ਦੀਆਂ ਤਿਆਰੀਆਂ ਦਰਮਿਆਨ ਪਾਰਟੀ ਚੀਫ ਅਮਿਤ ਸ਼ਾਹ ਇੱਥੇ ਪੁੱਜੇ ਹਨ। ਇਹ ਪਹਿਲੀ ਅਜਿਹਾ ਮੁਕਾਬਲਾ ਸੀ, ਜਿੱਥੇ ਵਿਚਾਰਧਾਰਕ ਪੱਧਰ ’ਤੇ 2 ਵੱਖ-ਵੱਖ ਧਰੁਵਾਂ ’ਤੇ ਖੜ੍ਹੀਆਂ ਪਾਰਟੀਆਂ ਦਰਮਿਆਨ ਸਿੱਧਾ ਮੁਕਾਬਲਾ ਸੀ। ਕੇਰਲ ’ਚ ਵੀ ਭਾਜਪਾ ਨੇ ਸੀ.ਪੀ.ਐਮ. ਨੂੰ ਟੱਕਰ ਦੇਣ ਲਈ ਹੁਣ ਤੱਕ ਕਈ ਕੋਸ਼ਿਸ਼ਾਂ ਕੀਤੀਆਂ ਹਨ ਪਰ ਚੋਣਾਵੀ ਰਾਜਨੀਤੀ ’ਚ ਕਦੇ ਬਾਜ਼ੀ ਉਸ ਦੇ ਹੱਥ ਨਹੀਂ ਲੱਗੀ। ਅਜਿਹੇ ’ਚ ਤ੍ਰਿਪੁਰਾ ਦੀ ਜਿੱਤ ਉਸ ਦੀ ਪ੍ਰਤੀਕਾਤਮਕ ਤੌਰ ’ਤੇ ਬੇਹੱਦ ਮਹੱਤਵਪੂਰਨ ਹੈ। ਪਾਰਟੀ ਦਫ਼ਤਰ ਪੁੱਜੇ ਅਮਿਤ ਸ਼ਾਹ ਮੀਡੀਆ ਨਾਲ ਗੱਲਬਾਤ ਕਰਨਗੇ। ਖਬਰਾਂ ਅਨੁਸਾਰ ਪੀ.ਐਮ. ਮੋਦੀ ਵੀ ਇਸ ਮਸਲੇ ’ਤੇ ਮੀਡੀਆ ਨੂੰ ਸੰਬੋਧਨ ਕਰ ਸਕਦੇ ਹਨ।
ਇਸ ਦਰਮਿਆਨ ਅਮਿਤ ਸ਼ਾਹ ਨੇ ਟਵੀਟ ਕਰ ਕੇ ਕਿਹਾ ਹੈ,‘‘ਭਾਜਪਾ ਨੂੰ ਜ਼ੋਰਦਾਰ ਸਮਰਥਨ ਲਈ ਮੈਂ ਤ੍ਰਿਪੁਰਾ ਦੇ ਭਰਾਵਾਂ ਅਤੇ ਭੈਣਾਂ ਨੂੰ ਧੰਨਵਾਦ ਦਿੰਦਾ ਹਾਂ। ਇਹ ਪੀ.ਐ¤ਮ. ਨਰਿੰਦਰ ਮੋਦੀ ਦੀ ਵਿਕਾਸ ਦੀ ਰਾਜਨੀਤੀ ਦੀ ਜਿੱਤ ਹੈ। ਇਸ ਤੋਂ ਇਲਾਵਾ ਇਹ ਪੂਰਬੀ-ਉਤਰੀ ਭਾਰਤ ਦੇ ਵਿਕਾਸ ਦੇ ਪ੍ਰਤੀ ਉਨ੍ਹਾਂ ਦੀ ਵਚਨਬੱਧਤਾ ਦਾ ਸਮਰਥਨ ਹੈ।’’ ਅਮਿਤ ਸ਼ਾਹ ਨੇ ਟਵੀਟ ਕਰ ਕੇ ਤ੍ਰਿਪੁਰਾ ਦੀ ਜਿੱਤ ਲਈ ਪੂਰਬੀ-ਉਤਰੀ ਭਾਜਪਾ ਦੇ ਇੰਚਾਰਜ ਰਾਮ ਮਾਧਵ, ਸੁਨੀਲ ਦੇਵਧਰ, ਆਸਾਮ ਦੇ ਮੰਤਰੀ ਹੇਮੰਤ ਬਿਸਵ ਸਰਮਾ ਅਤੇ ਵਿਪਲਵ ਕੁਮਾਰ ਦੇਵ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਨੇ ਕਿਹਾ ਕਿ ਇਸ ਤੋਂ ਇਲਾਵਾ ਤ੍ਰਿਪੁਰਾ ਭਾਜਪਾ ਦੇ ਵਰਕਰਾਂ ਦੇ ਸਮਰਪਣ ਅਤੇ ਮਿਹਨਤ ਕਾਰਨ ਇਹ ਸ਼ਾਨਦਾਰ ਨਤੀਜਾ ਆਇਆ ਹੈ।
ਰਾਮ ਰਹੀਮ ਦੇ ਵਕੀਲ ਸਮੇਤ 40 ਲੋਕਾਂ ’ਤੇ ਮਾਮਲਾ ਦਰਜ, ਪਰਿਵਾਰ ਨੂੰ ਦਿੰਦੇ ਸਨ ਧਮਕੀਆਂ
NEXT STORY 
