ਸ਼ਿਮਲਾ— ਸੰਸਦ ਮੈਂਬਰ ਅਨੁਰਾਗ ਠਾਕੁਰ ਨੇ ਹਿਮਾਚਲ ਦੀਆਂ ਰੇਲ ਯੋਜਨਾਵਾਂ 'ਚ ਤੇਜ਼ੀ ਲਿਆਉਣ ਲਈ ਅਪੀਲ ਕੀਤੀ ਹੈ। ਉਨ੍ਹਾਂ ਨੇ ਇਸ ਮੌਕੇ 'ਤੇ ਦਿੱਲੀ 'ਚ ਕੇਂਦਰੀ ਰੇਲ ਮੰਤਰੀ ਪਿਯੂਸ਼ ਗੋਇਲ ਨਾਲ ਗੱਲਬਾਤ ਕੀਤੀ ਅਤੇ ਉਨ੍ਹਾਂ ਨੂੰ ਇਹ ਅਹੁੱਦਾ ਸੰਭਾਲਣ 'ਤੇ ਵਧਾਈ ਵੀ ਦਿੱਤੀ। ਉਨ੍ਹਾਂ ਨੇ ਕੇਂਦਰੀ ਮੰਤਰੀ ਨਾਲ ਹਿਮਾਚਲ ਪ੍ਰਦੇਸ਼ ਦੀਆਂ ਰੇਲ ਯੋਜਨਾਵਾਂ ਦਾ ਵਿਸ਼ੇਸ਼ ਧਿਆਨ ਰੱਖਣ ਦੀ ਅਪੀਲ ਕੀਤੀ, ਨਾਲ ਹੀ ਉਨ੍ਹਾਂ ਨੇ ਹਮੀਰਪੁਰ ਸੰਸਦੀ ਇਲਾਕੇ 'ਚ ਰੇਲਵੇ ਦੀਆਂ ਕਈ ਯੌਜਨਾਵਾਂ ਦਾ ਨੀਂਹਪੱਥਰ ਰੱਖਣ ਅਤੇ ਉਦਘਾਟਨ ਕਰਨ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਨੇ ਕੇਂਦਰੀ ਮੰਤਰੀ ਤੋਂ ਹਮੀਰੁਪਰ ਚੋਣ ਇਲਾਕੇ 'ਚ ਕਾਫੀ ਦੇਰੀ ਹੋਈ ਰੇਲਵੇ ਯੋਜਨਾਵਾਂ 'ਚ ਦੌਲਤਪੁਰ ਚੌਂਕ (16 ਕਿਲੋਮੀਟਰ) ਦਾ ਉਦਘਾਟਨ ਅਤੇ ਊਨਾ-ਹਮੀਰਪੁਰ ਰੇਲਵੇ ਲਾਈਨ (50 ਕਿਲੋਮੀਟਰ) ਦੀ ਨੀਂਹਪੱਥਰ ਰੱਖਣ ਦੀ ਅਪੀਲ ਕੀਤੀ। ਇਸ ਤੋਂ ਇਲਾਵਾ ਰਾਸ਼ਟਰੀ ਮਹੱਤਵ ਦੀ ਭਾਨੂੰਪੱਲੀ-ਬਿਲਾਸਪੁਰ-ਬੇਰੀ-ਮਨਾਲੀ-ਲੇਹ ਰੇਲਲਾਈਨ 'ਤੇ ਜਲਦੀ ਕੰਮ ਸ਼ੁਰੂ ਕਰਨ ਬਾਰੇ ਵੀ ਕਿਹਾ।
ਰੇਲ ਮੰਤਰੀ ਨੇ ਕੀਤੀ ਸੀ ਬਸਾਲ 'ਚ ਰੇਲਵੇ ਸਟੇਸ਼ਨ ਦੀ ਘੋਸ਼ਣਾ
ਇਸ ਨਾਲ ਹੀ ਉਨ੍ਹਾਂ ਨੇ ਸਾਲ 2013-14 'ਚ ਯੂ. ਪੀ. ਏ. ਸਰਕਾਰ ਦੌਰਾਨ ਮੌਕੇ 'ਤੇ ਮੌਜ਼ੂਦ ਰੇਲ ਮੰਤਰੀ ਪਵਨ ਕੁਮਾਰ ਬੰਸਲ ਨੇ ਸਰਵਜਨਿਕ ਘੋਸ਼ਣਾ ਕੀਤੀ ਸੀ ਕਿ ਹਿਮਾਚਲ ਪ੍ਰਦੇਸ਼ ਦੇ ਊਨਾ ਜ਼ਿਲਾ ਦੇ ਬਸਾਲ 'ਚ 1 ਰੇਲਵੇ ਸਟੇਸ਼ਨ ਸਥਾਪਿਤ ਹੋਵੇਗਾ ਪਰ ਇਸ 'ਤੇ ਬਾਅਦ 'ਚ ਅਮਲ ਨਹੀਂ ਹੋਇਆ। ਉਨ੍ਹਾਂ ਨੇ ਕੇਂਦਰੀ ਮੰਤਰੀ ਨੂੰ ਅਪੀਲ ਕੀਤੀ ਕਿ ਉਨ੍ਹਾਂ-ਅੰਬ ਅੰਦੌਰਾਂ ਲਾਈਨ 'ਤੇ ਡੇਰਾ ਬਾਬਾ ਰਾਮਾਨੰਦ ਆਸ਼ਰਮ ਦੇ ਨਾਮ 'ਤੇ ਬਸਾਲ ਸਟੇਸ਼ਨ ਦੀ ਸਥਾਪਨਾ ਲਈ ਕਾਫੀ ਪੈਸਾ ਉਪਲੱਬਧ ਕਰਵਾਉਣ। ਉਨ੍ਹਾਂ ਨੇ ਇਨ੍ਹਾਂ ਰੇਲ ਯੋਜਨਾਵਾਂ ਦੇ ਉਦਘਾਟਨ ਕਰਨ ਲਈ ਬਜਟ ਉਪਲੱਬਧ ਕਰਵਾਉਣ ਦੀ ਅਪੀਲ ਕੀਤੀ।
ਵਿਅਕਤੀ ਨੇ ਲੜਕੀ ਨਾਲ ਕੀਤੀ ਛੇੜਛਾੜ, ਮਾਮਲਾ ਦਰਜ
NEXT STORY 
