ਸਰਕਾਰ ਦੇ ਅਨੁਸਾਰ ਪਿਛਲੇ 5 ਵਿੱਤੀ ਸਾਲਾਂ ਵਿਚ ਧੋਖਾਦੇਹੀ ਨਾਲ ਜੁੜੀ 6,389 ਕਰੋੜ ਰੁਪਏ ਦੀ ਰਕਮ ਵਸੂਲ ਕੀਤੀ ਗਈ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਇਨ੍ਹਾਂ ਬੈਂਕਾਂ ਵਿਚ ਪਿਛਲੇ 5 ਵਿੱਤੀ ਸਾਲਾਂ ਦੌਰਾਨ ਹੋਈ ਧੋਖਾਦੇਹੀ ਦੀ ਕੁੱਲ ਰਕਮ 1,42,112 ਕਰੋੜ ਰੁਪਏ ਸੀ।
ਸਰਕਾਰ ਨੇ ਦੱਸਿਆ ਕਿ ਰਿਜ਼ਰਵ ਬੈਂਕ ਆਫ਼ ਇੰਡੀਆ (ਆਰ. ਬੀ. ਆਈ.) ਤੋਂ ਮਿਲੀ ਜਾਣਕਾਰੀ ਅਨੁਸਾਰ, ਪਿਛਲੇ 5 ਵਿੱਤੀ ਸਾਲਾਂ ਦੌਰਾਨ ਕਮਰਸ਼ੀਅਲ ਬੈਂਕਾਂ (ਜਿਨ੍ਹਾਂ ਵਿਚ ਪਬਲਿਕ ਸੈਕਟਰ ਬੈਂਕ, ਪ੍ਰਾਈਵੇਟ ਸੈਕਟਰ ਬੈਂਕ, ਵਿਦੇਸ਼ੀ ਬੈਂਕ, ਸਮਾਲ ਫਾਈਨਾਂਸ ਬੈਂਕ, ਪੇਮੈਂਟ ਬੈਂਕ, ਲੋਕਲ ਏਰੀਆ ਬੈਂਕ ਸ਼ਾਮਲ ਹਨ) ਅਤੇ ਆਲ ਇੰਡੀਆ ਫਾਈਨਾਂਸ਼ੀਅਲ ਇੰਸਟੀਚਿਊਸ਼ਨਜ਼ ਵਿਚ ਰਿਪੋਰਟ ਕੀਤੀ ਗਈ ਤਾਰੀਖ ਦੇ ਆਧਾਰ ’ਤੇ ਧੋਖਾਦੇਹੀ ਨਾਲ ਜੁੜੀ ਕੁੱਲ ਰਕਮ 1,42,112 ਕਰੋੜ ਰੁਪਏ ਸੀ। ਇਸ ਤੋਂ ਇਲਾਵਾ, ਧੋਖਾਦੇਹੀ ਵਜੋਂ ਕਲਾਸੀਫਾਈ ਕੀਤੇ ਗਏ ਅਕਾਉਂਟਾਂ ਤੋਂ ਵਸੂਲੀ ਇਕ ਨਿਰੰਤਰ ਚੱਲਣ ਵਾਲੀ ਪ੍ਰਕਿਰਿਆ ਹੈ ਅਤੇ ਆਰ. ਬੀ. ਆਈ. ਦੇ ਅੰਕੜਿਆਂ ਅਨੁਸਾਰ, ਪਿਛਲੇ 5 ਵਿੱਤੀ ਸਾਲਾਂ ਦੌਰਾਨ ਅਜਿਹੇ ਖਾਤਿਆਂ ਤੋਂ ਕੁੱਲ 6,389 ਕਰੋੜ ਰੁਪਏ ਦੀ ਵਸੂਲੀ ਕੀਤੀ ਗਈ ਹੈ।
ਜਾਣਬੁੱਝ ਕੇ ਡਿਫ਼ਾਲਟ ਕਰਨ ਵਾਲਿਆਂ ਤੋਂ ਵਸੂਲੀ ਬਾਰੇ, ਆਰ. ਬੀ. ਆਈ. ਨੇ ਦੱਸਿਆ ਹੈ ਕਿ ਉਨ੍ਹਾਂ ਖ਼ਿਲਾਫ ਕੀਤੀ ਗਈ ਕਾਰਵਾਈ ਦੀ ਜਾਣਕਾਰੀ ਉਹ ਨਹੀਂ ਰੱਖਦਾ। ਹਾਲਾਂਕਿ, ਪਬਲਿਕ ਸੈਕਟਰ ਬੈਂਕਾਂ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ, 31-3-2026 ਤੱਕ, ਜਾਣਬੁੱਝ ਕੇ ਡਿਫ਼ਾਲਟ ਕਰਨ ਵਾਲੇ 15,577 ਲੋਕਾਂ ਖ਼ਿਲਾਫ ਵਸੂਲੀ ਲਈ ਮੁਕੱਦਮੇ ਦਰਜ ਕੀਤੇ ਗਏ ਸਨ।
‘ਸਿਕਿਓਰਿਟਾਈਜ਼ੇਸ਼ਨ ਐਂਡ ਰਿਕੰਸਟ੍ਰਕਸ਼ਨ ਆਫ਼ ਫਾਈਨਾਂਸ਼ੀਅਲ ਐਸੇਟਸ ਐਂਡ ਇਨਫੋਰਸਮੈਂਟ ਆਫ਼ ਸਕਿਓਰਿਟੀ ਇੰਟਰਸਟ ਐਕਟ’ ਤਹਿਤ 10,894 ਮਾਮਲਿਆਂ ਵਿਚ ਕਾਰਵਾਈ ਸ਼ੁਰੂ ਕੀਤੀ ਗਈ ਹੈ। 7,173 ਮਾਮਲਿਆਂ ਵਿਚ ਐੱਫ. ਆਈ. ਆਰ. ਦਰਜ ਕੀਤੀਆਂ ਗਈਆਂ ਹਨ। ਇਸ ਤੋਂ ਇਲਾਵਾ, ਪਬਲਿਕ ਸੈਕਟਰ ਬੈਂਕਾਂ ਨੇ 31-3-2026 ਤੱਕ, ਜਾਣਬੁੱਝ ਕੇ ਡਿਫ਼ਾਲਟ ਕਰਨ ਵਾਲਿਆਂ ਤੋਂ ਕੁੱਲ 52,360 ਕਰੋੜ ਰੁਪਏ ਦੀ ਵਸੂਲੀ ਕੀਤੀ ਹੈ। ਇਨ੍ਹਾਂ ਬੈਂਕਾਂ ਦੇ ਐੱਨ. ਪੀ. ਏ. ਦੀ ਕੁੱਲ ਰਕਮ 5 ਲੱਖ ਕਰੋੜ ਰੁਪਏ ਤੋਂ ਵੱਧ ਹੈ।
UNESCO ਦੀ World Heritage List 'ਚ ਸ਼ਾਮਲ ਹੋਇਆ ਸਾਰਨਾਥ
NEXT STORY 
