ਨਵੀਂ ਦਿੱਲੀ — ਦਿੱਲੀ ਪੁਲਸ ਨੇ ਸ਼ੁੱਕਰਵਾਰ ਨੂੰ ਦਰਿਆਗੰਜ 'ਚ ਹਿੰਸਕ ਪ੍ਰਦਰਸ਼ਨ ਦੇ ਸਿਲਸਿਲੇ 'ਚ 40 ਲੋਕਾਂ ਨੂੰ ਹਿਰਾਸਤ 'ਚ ਲਿਆ ਹੈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਉਥੇ ਹੀ ਹਿਰਾਸਤ 'ਚ ਲਏ ਗਏ ਪ੍ਰਦਰਸ਼ਨਕਾਰੀਆਂ ਦੇ ਪੱਖ 'ਚ ਵਿਦਿਆਰਥੀ ਉਤਰ ਆਏ ਹਨ। ਅੱਧੀ ਰਾਤ ਨੂੰ ਦਿੱਲੀ ਪੁਲਸ ਮੁੱਖ ਦਫਤਰ 'ਤੇ ਵਿਦਿਆਰਥੀ ਇਕੱਠੇ ਹੋਏ ਅਤੇ ਪ੍ਰਦਰਸ਼ਨ ਕੀਤਾ। ਇਸ ਤੋਂ ਇਲਾਵਾ ਆਈ.ਟੀ.ਓ. ਕੋਲ ਵੀ ਵੱਡੀ ਗਿਣਤੀ 'ਚ ਪ੍ਰਦਰਸ਼ਨਕਾਰੀਆਂ ਦਾ ਪ੍ਰਦਰਸ਼ਨ ਜਾਰੀ ਹੈ।
ਪੁਲਸ ਮੁਤਾਬਕ ਪ੍ਰਦਰਸ਼ਨਕਾਰੀਆਂ ਨੇ ਦਰਿਆਗੰਜ 'ਚ ਸੁਭਾਸ਼ ਮਾਰਗ 'ਤੇ ਖੜ੍ਹੀ ਇਕ ਨਿੱਜੀ ਕਾਰ ਨੂੰ ਅੱਗ ਦੇ ਹਵਾਲੇ ਕਰ ਦਿੱਤਾ। ਅੱਗ 'ਤੇ ਪਾਣੀ ਅਤੇ ਅੱਗ ਬੁਝਾਓ ਯੰਤਰ ਨਾਲ ਤੁਰੰਤ ਕਾਬੂ ਪਾ ਲਿਆ ਗਿਆ। ਦਿੱਲੀ ਪੁਲਸ ਨੇ ਸ਼ੁੱਕਰਵਾਰ ਨੂੰ ਨਾਗਰਿਕਤਾ (ਸੋਧ) ਕਾਨੂੰਨ ਖਿਲਾਫ ਮਾਰਚ ਦੌਰਾਨ ਹਿੰਸਾ ਭੜਕਾਊਣ ਤੋਂ ਬਾਅਦ ਪ੍ਰਦਰਸ਼ਨਕਾਰੀਆਂ ਨੂੰ ਭਜਾਉਣ ਲਈ ਲਾਠੀ ਚਾਰਜ ਕੀਤਾ। ਪ੍ਰਦਰਸ਼ਨਕਾਰੀਆਂ ਨੇ ਸੁਰੱਖਿਆ ਕਰਮਚਾਰੀਆਂ 'ਤੇ ਪੱਥਰ ਸੁੱਟੇ। ਹਾਲਾਤ ਦੇ ਮੱਦੇਨਜ਼ਰ ਬਾਹਰ ਤੋਂ ਸੁਰੱਖਿਆ ਬਲਾਂ ਦੀ 58 ਕੰਪਨੀਆਂ ਨੂੰ ਸੁੱਦਿਆ ਗਿਆ ਸੀ।
ਦਿੱਲੀ 'ਚ ਧੁੰਦ ਕਾਰਨ 19 ਉਡਾਣਾਂ ਰੱਦ, 12 ਦੇ ਰੂਟ ਡਾਇਵਰਟ
NEXT STORY 
