ਵੈੱਬ ਡੈਸਕ - ਏਆਈ ਦੀ ਵਧਦੀ ਵਰਤੋਂ ਦੇ ਨਾਲ, ਸਮੇਂ-ਸਮੇਂ 'ਤੇ ਇਸਦੇ ਫਾਇਦਿਆਂ ਅਤੇ ਨੁਕਸਾਨਾਂ 'ਤੇ ਅਧਿਐਨ ਕੀਤੇ ਜਾਂਦੇ ਰਹੇ ਹਨ ਪਰ ਮੈਸੇਚਿਉਸੇਟਸ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ (ਐਮਆਈਟੀ) ਦੀ ਤਾਜ਼ਾ ਖੋਜ ਇਕ ਬਹੁਤ ਹੀ ਚਿੰਤਾਜਨਕ ਤਸਵੀਰ ਪੇਸ਼ ਕਰਦੀ ਹੈ। ਸਿਰਫ਼ ਚਾਰ ਮਹੀਨਿਆਂ ਦੇ ਸਮੇਂ ਵਿਚ, ਖੋਜ ਵਿਚ ਇਹ ਸਾਹਮਣੇ ਆਇਆ ਕਿ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਸਾਡੀ ਬੋਧਾਤਮਕ ਸਮਝ ਭਾਵ ਸੋਚਣ ਅਤੇ ਸਮਝਣ ਦੀ ਸਾਡੀ ਯੋਗਤਾ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਕਰਦਾ ਹੈ।
ਖੋਜ ਦੇ ਅਨੁਸਾਰ, ਇਸਦੀ ਵਰਤੋਂ ਕਰਨ ਵਾਲਿਆਂ ਦੇ ਦਿਮਾਗ ਦੀਆਂ ਗਤੀਵਿਧੀਆਂ 'ਚ ਇੱਕਸੁਰਤਾ ਉਨ੍ਹਾਂ ਲੋਕਾਂ ਦੇ ਮੁਕਾਬਲੇ 55 ਫੀਸਦੀ ਘੱਟ ਜਾਂਦੀ ਹੈ ਜੋ ਏਆਈ ਤੋਂ ਬਿਨਾਂ ਕੰਮ ਕਰਦੇ ਹਨ। ਏਆਈ ਦੀ ਵਰਤੋਂ ਕਰਨ ਵਾਲਿਆਂ ਦਾ ਦਿਮਾਗ ਇਸ ਹੱਦ ਤੱਕ ਇਸਦਾ ਗੁਲਾਮ ਬਣ ਜਾਂਦਾ ਹੈ ਕਿ ਸ਼ਾਇਦ ਹੀ ਕੋਈ ਉਨ੍ਹਾਂ ਦੁਆਰਾ ਲਿਖੀ ਗਈ ਇੱਕ ਵੀ ਲਾਈਨ ਨੂੰ ਸਹੀ ਢੰਗ ਨਾਲ ਯਾਦ ਰੱਖ ਸਕੇ। ਖੋਜ ਦੌਰਾਨ, 95 ਫੀਸਦੀ ਲੋਕ ਜਿਨ੍ਹਾਂ ਨੇ ਚੈਟਜੀਪੀਟੀ ਵਰਗੇ ਸਾਧਨਾਂ ਦੀ ਮਦਦ ਨਹੀਂ ਲਈ, ਉਨ੍ਹਾਂ ਨੂੰ ਚੰਗੀ ਤਰ੍ਹਾਂ ਯਾਦ ਸੀ ਕਿ ਉਨ੍ਹਾਂ ਨੇ ਕੀ ਲਿਖਿਆ ਸੀ।
ਦਿਮਾਗੀ ਸ਼ਕਤੀ ਨੂੰ ਘਟਾਵੇ
ਤੁਹਾਨੂੰ ਦੱਸ ਦਈਏ ਕਿ ਇਹ ਖੋਜ ਖਾਸ ਤੌਰ 'ਚੇ ਚੈਟਜੀਪੀਟੀ ਯੂਜ਼ਰਸ 'ਤੇ ਕੀਤੀ ਗਈ ਹੈ। ਇਸ ਦੌਰਾਨ ਇਨ੍ਹਾਂ ਚਾਰ ਮਹੀਨਿਆਂ 'ਚ ਇਕੱਠੇ ਕੀਤੇ ਗਏ ਡੇਟਾ ਤੋਂ ਪਤਾ ਚੱਲਦਾ ਹੈ ਕਿ ਦਿਮਾਗ ਦੀਆਂ ਨਸਾਂ ਦੀ ਗਤੀਵਿਧੀ 79 ਤੋਂ ਘੱਟ ਕੇ 42 ਹੋ ਗਈ ਹੈ ਅਤੇ ਇਸ ਕਾਰਨ ਦਿਮਾਗ 'ਚ ਸੰਚਾਰ ਗਤੀਵਿਧੀ 47 ਫੀਸਦੀ ਘੱਟ ਗਈ ਹੈ। ਖੋਜ ਵਿਚ ਪਾਇਆ ਗਿਆ ਕਿ ਏਆਈ ਯੂਜ਼ਰਸ ਦੀ ਯਾਦਦਾਸ਼ਤ 'ਤੇ ਡੂੰਘਾ ਅਸਰ ਪਿਆ ਹੈ ਅਤੇ ਉਨ੍ਹਾਂ ਦੀ ਸੋਚ 'ਚ ਰਚਨਾਤਮਕਤਾ ਦਾ ਪੱਧਰ ਵੀ ਨਾ-ਮਾਤਰ ਹੋ ਗਿਆ ਹੈ।
ਸੋਚ-ਸਮਝ ਕੇ ਕਰੋ ਇਸ ਐਪ ਦੀ ਵਰਤੋਂ
ਆਪਣਾ 80% ਸਮਾਂ ਸੁਤੰਤਰ ਤੌਰ 'ਤੇ ਸੋਚਣ 'ਚ ਬਿਤਾਓ। ਆਪਣੀ ਲਿਖਤ ਦੇ 20% ਹਿੱਸੇ ਲਈ ਤੱਥਾਂ ਦੀ ਜਾਂਚ ਕਰਨ ਜਾਂ ਸੁਧਾਰ ਕਰਨ ਲਈ ਸਿਰਫ਼ AI ਦੀ ਵਰਤੋਂ ਕਰੋ। ਆਪਣੇ ਆਪ ਦੀ ਜਾਂਚ ਕਰੋ। ਜੇਕਰ ਕੁਝ AI ਨਾਲ ਲਿਖਿਆ ਗਿਆ ਹੈ, ਤਾਂ ਆਉਟਪੁੱਟ ਨੂੰ ਦੇਖੇ ਬਿਨਾਂ ਤੁਰੰਤ ਕਿਸੇ ਹੋਰ ਨੂੰ ਸਮਝਾਓ।
ਇਕ ਖੋਜ ਦੌਰਾਨ ਕੁਝ ਭਾਗੀਦਾਰਾਂ ਨੂੰ ChatGPT ਤੋਂ ਬਿਨਾਂ ਕੁਝ ਵੀ ਲਿਖਣ ਲਈ ਕਿਹਾ ਗਿਆ ਸੀ ਅਤੇ ਉਹ ਪੂਰੀ ਤਰ੍ਹਾਂ ਬੇਵੱਸ ਦਿਖਾਈ ਦੇ ਰਹੇ ਸਨ। ਅਧਿਐਨ ਦੇ ਅਨੁਸਾਰ, ਜਿਵੇਂ ਹੀ ਕੋਈ ChatGPT ਦੀ ਵਰਤੋਂ ਸ਼ੁਰੂ ਕਰਦਾ ਹੈ, ਦਿਮਾਗ ਦੀ ਗਤੀਵਿਧੀ ਘੱਟਣ ਲੱਗਦੀ ਹੈ ਅਤੇ ਕੁਝ ਹਫ਼ਤਿਆਂ ਵਿਚ ਇਹ ਤਕਨਾਲੋਜੀ ਲੋਕਾਂ ਲਈ ਉਨ੍ਹਾਂ ਦਾ ਸਹਾਇਕ ਬਣਨ ਦੀ ਬਜਾਏ ਕਮਜ਼ੋਰੀ ਬਣ ਜਾਂਦੀ ਹੈ। AI ਦੀ ਬਜਾਏ Google ਦੀ ਵਰਤੋਂ ਕਰਨਾ ਅਜੇ ਵੀ ਬਹੁਤ ਬਿਹਤਰ ਹੈ। ਖੋਜ ਦੌਰਾਨ, Google ਤੋਂ ਮਦਦ ਲੈਣ ਵਾਲੇ ਸਿਰਫ 11 ਫੀਸਦੀ ਲੋਕ ਭੁੱਲ ਗਏ ਕਿ ਉਨ੍ਹਾਂ ਨੇ ਕੀ ਲਿਖਿਆ ਸੀ।
ਵਿਦਿਆਰਥੀਆਂ ਲਈ ਅਹਿਮ ਖ਼ਬਰ, ਹੁਣ ਸਾਲ 'ਚ 2 ਵਾਰ ਹੋਵੇਗੀ 10ਵੀਂ ਦੀ ਪ੍ਰੀਖਿਆ
NEXT STORY 
