ਨਵੀਂ ਦਿੱਲੀ - ਕੋਰੋਨਾ ਸੰਕਟ ਵਿਚਾਲੇ ਦੱਖਣੀ ਪੂਰਬੀ ਬੰਗਾਲ ਦੀ ਖਾੜੀ 'ਚ ਲੱਗਭੱਗ 1000 ਕਿਲੋਮੀਟਰ ਦੀ ਦੂਰੀ 'ਤੇ ਅਗਲੇ 12 ਘੰਟੇ 'ਚ ਚੱਕਰਵਾਤੀ ਤੂਫਾਨ 'ਚ ਤੇਜੀ ਨਾਲ ਵਾਧਾ ਹੋਣ ਦੀ ਸੰਭਾਵਨਾ ਹੈ। ਉਥੇ ਹੀ, ਅਗਲੇ 24 ਘੰਟੇ 'ਚ ਇਹ ਇਕ ਗੰਭੀਰ ਚੱਕਰਵਾਤੀ ਤੂਫਾਨ ਦਾ ਰੂਪ ਲੈ ਸਕਦਾ ਹੈ। ਇਸ 'ਚ, ਪੂਰਬੀ ਨੇਵੀ ਫੌਜ ਕਮਾਨ (ਈ.ਐਨ.ਸੀ.) ਵੀ ਅਲਰਟ ਹੋ ਗਈ ਹੈ। ਵਿਸ਼ਾਖਾਪਟਨਮ 'ਚ ਭਾਰਤੀ ਨੇਵੀ ਫੌਜ ਦੇ ਜਹਾਜ਼ ਅਲਰਟ ਮੋਡ 'ਚ ਹਨ। ਉਹ ਮੈਡੀਕਲ ਸਰਵਿਸ ਅਤੇ ਲੋਕਾਂ ਦੀ ਹਰ ਪ੍ਰਕਾਰ ਦੀ ਮਦਦ ਲਈ ਤਾਇਨਾਤ ਹਨ।
ਇਨ੍ਹਾਂ ਜਹਾਜ਼ਾਂ 'ਚ ਵਾਧੂ ਗੋਤਾਖੋਰ, ਡਾਕਟਰ ਅਤੇ ਰਾਹਤ ਸਾਮੱਗਰੀ ਤਿਆਰ ਹੈ। ਇਸ 'ਚ ਖਾਣ ਦੇ ਸਾਮਾਨ, ਤੰਬੂ, ਕੱਪੜੇ, ਦਵਾਈਆਂ, ਕੰਬਲ ਆਦਿ ਸਮਰੱਥ ਮਾਤਰਾ 'ਚ ਸ਼ਾਮਿਲ ਹਨ। ਇਸ ਤੋਂ ਇਲਾਵਾ, ਓਡੀਸ਼ਾ ਅਤੇ ਪੱਛਮੀ ਬੰਗਾਲ 'ਚ ਬਚਾਅ ਅਤੇ ਰਾਹਤ ਕੋਸ਼ਿਸ਼ਾਂ ਨੂੰ ਵਧਾਉਣ ਲਈ ਜੇਮਿਨੀ ਬੋਟਸ ਅਤੇ ਮੈਡੀਕਲ ਟੀਮਾਂ ਦੇ ਨਾਲ ਬਚਾਅ ਦਲ ਵੀ ਤਿਆਰ ਹਨ।
ਦੱਸ ਦਈਏ ਕਿ ਭਾਰਤੀ ਮੌਸਮ ਵਿਭਾਗ (IMD) ਨੇ ਚੱਕਰਵਾਤੀ ਤੂਫਾਨ ਦਾ ਖਦਸ਼ਾ ਜ਼ਾਹਿਰ ਕੀਤਾ ਹੈ। ਭਾਰਤੀ ਮੌਸਮ ਵਿਗਿਆਨ ਵਿਭਾਗ ਦੇ ਅੰਦਾਜੇ ਮੁਤਾਬਕ, ਬੰਗਾਲ ਦੀ ਖਾੜੀ ਦੇ ਉੱਪਰ ਅਤੇ ਦੱਖਣੀ ਅੰਡੇਮਾਨ ਸਾਗਰ ਕੋਲ ਘੱਟ ਦਬਾਅ ਦਾ ਖੇਤਰ ਬਣ ਰਿਹਾ ਹੈ, ਇਸ ਨਾਲ ਓਡੀਸ਼ਾ ਅਤੇ ਆਲੇ ਦੁਆਲੇ ਦੇ ਇਲਾਕਿਆਂ 'ਚ ਚੱਕਰਵਾਤੀ ਤੂਫਾਨ ਅਮਫਾਨ (Amphan) ਦੀ ਸੰਭਾਵਨਾ ਹੈ।
ਦੂਜੇ ਵਿਸ਼ਵ ਯੁੱਧ 'ਚ ਭਾਰਤ 'ਚ ਸੇਵਾ ਦੇ ਚੁੱਕੇ ਸਾਬਕਾ ਫੌਜੀ ਨੇ ਜਤਾਈ ਯਾਤਰਾ ਕਰਨ ਦੀ ਇੱਛਾ
NEXT STORY 
